من وين تحبين تشترين ملابس أولادك؟؟؟

هلا امهات

عندي ولدين فأكثر شي أخذ لهم من مذركير وماكس

وأدم ايام الأعياد

بس من كم أسبوع الوالدة الله يخليها راحت السعوديه ويابت لهم ثياب كشخه من طابا جم غسله غسلتهم للحين ماتغيروا وأسعارهم يابلاش

قلت على أخر الشهر باروح وباخذ لهم حق الصيف علشان مايعورني قلبي أذا وصخوهم خخخ

بالنسبه لي من اي مكان سواء كان غالي او رخيص المهم النوعيه الزينه

السلام عليكم

منو يساعدنا ويرشح افضل مواقع للشراء ملابس الاطفال من الانترنت

عن نفسي عندي بنتين واشتري لهم حق الطلعة
من مذركير وتاب الويا ونكست وماركس اند سبنسر
ودبنهامز وليدي بيرد وبيبي باتش وكيابي وماكس وآدمز
وطابا بالخبر
وحق البيت من سناء وطابا والسعر المنافس
سناء احياناً حتى حق الطلعة القى عندهم ويسوون ملابس
تقليد حلوه مره لقيت عندهم بدلة حق بنتي الصغيره نفسها
بالضبط في دبنهامز بس طبعاً نص السعر هههههههههههههه

مرحبا .......

حبيت أشارك معاكم في الموضوع الحلووو ......

ويعطي مشرفتنا ألف عافيه على طرك الموضوع الحلو ألى يفيد الكل أنشالله .....


أنا عن نفسي أحب بيبي شوب أشتري منه البجايم والملابس الداخله لنه نوعيته وااااايد حلوه ولا تخترب ...

اما عن ملابس الطلعه من مذر كير لنه الفساتين عندهم حلوه أما عن البجايم والملابس الدخليه ماحبه لنه بعد كم غسله تخترب وتتوسع ويكون شكله مب حلو على اللبس....

اما عن الملابس اليوميه أحب تكون من سناء أو فان فير لنه عندهم اشياء حلوه وتصلح للبيت وأسعره حلوه ورخيصه....

وأحب أخذ من أدمز ... ومركز سبنتر...عندهم البناطلين حلوه تقدرين توسعينه وتضوقينه
وفيه بعض البناطلين تكون من تحت تقدرين تطولينه وتقصرينه على حسب طول الطفل ... وفيه بعد عندهم فساتين طلعه واااايد كشخه ...

بنتي عمرها 3 شهور الله يخليها لي
واشتريت اليها من مذركير وادمز وسيتي بلازا
ومحلات الاطفال اي محل اشوف فيه حلو اخذه

تصحيح للرد السابق
بنتي عمرها 3 اسابيع الله يخليها لي
واشتريت اليها من مذركير وادمز وسيتي بلازا
ومحلات الاطفال اي محل اشوف فيه حلو اخذه

اوفرولات الديلي يوز من مذركير \ بيبي شوب

الفنايل الداخليه ارتحت على نوعيه وحده من بيبي شوب ( اللي 5 في باكيت واحد وعليهم حيوانات صغار ) نوعيتهم حلوه عيبوني ..

الجواتي خذيت كم واحد من بيبي زارا

وبعد لبس البيبي بورن من H&M عندهم السايزات الصغيره اللي من 0-1 \ 1-2 \2-4

خذيت بدل من بيبي ديزل

واي محل تعيبني البضاعه اخذ منه ..


.. ومنكـــــــــــــم نستفيد ..

انا عن نفسي عندي 3بنات واخذ لهم من بيبي شوب وماكس ومذركير وسناء

انه عندى بنت وحدة اشترى لها من محلا ت من مجمع سترة وسناء مذركير بعد

مراحب ....
أنا عند نفسي أشتري لبناتي من رعاية الأمومة و ماكس و سناء(بيت التنزيلات) و محلات من سوق المحرق أو أشتري من أي مكان لما يعجبني شي .

و الملابس الداخلية لبنتي الكبيرة اشتريها من السرور .

بنتي غالبا ما اشتري لها ملابسها حقت الخرجات من مذركير او اكسسوريز
ونادرا من زارا وملابس البيت والنوم من السدحان او مبارك استايل


بنات مين تعرف محلات تاب لويا فين في الرياض في اي مراكز موجوده
واللي تعرف خريص بلازا او الرمال سنتر او صحاري هو فيهم تاب لويا او لا
واكون مشكوره للي ترد وتدلني عليهم

اشتري من مذركير وسناء وبس وملابسهم قمة في الجودة

انه اشترى من اى مكان يعجبنى من محلات ماكس مذركير ملابس داخليه من السرور

احب منتجات تاب اليول بمكن باتش ماكس وبعض المحلات مو ذاكرة اسمائهم في مجمع الظهران
اما مذر كير انصميت في كذا شغله اخدتها من عندهم حتى سناء
مو معناتها اني ما اخذ شي من عندهم بس ما ارتاح لثايبهم واجد

تقريبا هي نفس المحلات الي تشترو منها حق عيالكم هي نفسها الي اشتري منها لانها نفسها في الامارات


لكن بسأل الأخت أريام محل Orchestra وين بالشارجة

الاوفرولات من مذركير ..

الفنايل الداخليه من بيبي شوب ..

بدل المناسبات والاعياد من بربري و بيبي ديور و دي اند جي

البدل العاديه من مذركير و زارا و في وايد محلات غيرهم بس ما اذكر اساميهم ..

السلام عليكم لو سمحتو ابغى اخر حركات للاولاد عمر اربع سنوات وسنتين
:21_149:

نفلااااء;5225568:
هلا اخواتي,,,تقريبا 90%من مذركير,,,

نكنست,,,سيتي بلازا وعلى حسب السوق,,,,


بس حابه اسال مذركير الاصلي بالرياض وييييييييييين فيه,,,,

هو ففيه مذركير الاصلي والعااادي ؟؟؟