حبيت انكم تساعدوني....

مشكلتي مادري شاقول عنها

قبل خمس سنوات اعترف لي ولد خالي انه يحبني
مع اني ما كنت احبه
قلت له اني ما احبه ولا فكرت فيه غير امه ولد خالي
قالي بغير نظرتج فيني و بخليج تحبني
مع الايام صرت احبه من كل خاطريه
تصرفاته و كلامه و مداراته لي و حبه خلاني افكر فيه
بعد تقريبا سنه من علاقتي معاه قلت لامي اني ارمسه
تخيلوا شو قالت لي؟؟؟؟؟؟؟








قالت ادري انج تكلمين ولد خالج
قلت كيف عرفتي
قالت قبل لا يكملج استاذن مني و قالي انه يحبج و يبغاج
على سنه الله ورسوله
ووافقت انه يكلمج
و يقنعج بطريقته انج توافقين عليه
( لان ابوي الله يطول بعمره ما يغصب حد على شي ما يباه )



مشكلتي بدت من سنه ونص
فجاه
كنت انتظر منه اتصال و مااتصل
قلت يمكن مشغول من هذاك اليوم لين اليوم ما اتصل
اتصل عليه كمن مره سالته شو تغير ؟؟
قالي ماشي بعدني نفس ما انا بس مشغول
قلت لامي
قالت خليه على راحته
كان يبغاج يدل وين انتي


قولولي شو اسوي
احبه و اموت عالارض اللي يمشي عليها
و مشتاقه له موووووت


بتسالوني ليش ما تقدم لي رسمي

قبل ثلاث سنوات يا ابوه و كلم ابوي
قاله ابوي ان بنتي بعدها تدرس و ما ابا اشغلها عن دراستها
بالعرس

و الحين انا تخرجت

مادري شو اسوي :sad: