باقي عى زواجي شهر و(( العريس مصمم يدخل علي الحين ))) ايش الحل؟؟

[frame="7 80"]بسم الله الرحمن الرحيم
أختى الغالية
ما شاء الله أخواتك كلهن بيقولوا ليكى الكلام دا مش لشئ إلا الخوف عليكى وشوق زوجك ليكى وإنك تكبرى ف نظره حتى لو دا هيعمل زعل بينكوا . ودا الأكيد إنه هيحصل علشان يحاول يرقق قلبك عليه
شوفى كلام البنات كله كله جميل ما شاء الله وهزيد عليه على حسب الشرع .. إن
بعد عقد القران مع عدم الإشهار هيكون الرجل زوجك على سنة الله ورسوله والفرق ف الحالتين الآتى :

أولا :حالة عقد القران مع عدم الإشهار : هو زواج أمام الله سبحانه وتعالى .. ونصف زواج أمام المجتمع بمعنى إن محلل لكى من كل أطايب العلاقة الزوجية من أول الملاطفه لما يطلبه منك زوجك .. وإن لا قدر الله دا حصل قبل الإشهار فلا إثم عليكى لا أنت ولا زوجك أمام الله ولا تكونين فى حكم الزانية لا قدر الله لأن دا حلال ..ولكن الشرع حكم ف القضية دى بعدم الدخول على الزوجه قبل الإشهار لما فيه حفاظا على الزوجه
لـــــــــــــكـــــــــــــــــــــــــــــــــــــــــــــــــــــــــــــــــــن

النصف زواج قدام المجتمع هو دا اللى هتاخدى الإثم عليه إن لم يحدث إشهار لا قدر الله ( وأنا أقصد إثم قدام الناس ) كأمثلة أخواتنا ليكى فى القصص المسرودة
ثانيا : حالة عقد القران مع الإشهار .. أو الإشهار يوم الزفاف : ودا اللى بيكون زواج رسمى تمت فيه كل شروط الرسمية من 1- موافقة ولى الأمر 2- موافقة الطرفين 3- التكافؤ من كل المناحى 4- الإشهار
وبلا إشهار هيكون الزواج فاقد أهم شرط فيه ..

وعلشان أوضح ليكى الموضوع أكتر وتشوفى معايا حكمة ربنا سبحانه وتعالى فى الإشهار .. تخيلى معايا كده إنه ممكن يقولك نفس الكلام اللى أنا قلته وأقنعك إنك زوجته وإنك حلاله ولا قدر الله دخل بيكى قبل الإشهار وشاء الله إنك بقيتى حامل منه حتى لو عملتوا حسابكوا .. ممكن ربنا يريد والله قادر على كل شئ ( خلى بالك دا كله قبل الزفاف )

شوفى بقى نفسيتك هتكون عامله إزاى .. مع إنه مش حرام بس أراهنك على إنك هتحسى إن الموضوع دا لو اتعرف هتكون فضيحه ليييه؟؟ .. لإنك هتحسى بالذنب وهتحسى إن إنتى عملتى جرم .. وشوفى بقى كمان لو حضرتى فرحك وإنتى حامل ف شهر مثلا ( لا قدر الله ) هيكون إيه حالك أو لو حد أخد باله .. أو لو مثلا قدموا ليكى حاجه تشربيها أو تاكليها يوم الفرح .. وجبتى اللى ف بطنك .. أو إتوحمتى على حاجه أو أغم عليكى ( طبعا أنا آسفه أنا مش أأقصدك إنتى بالذات يا حبيبة قلبى .. أنا بتكلم على موضوع عام ) تخيلى الحالة السخيفة اللى إنتى هتحطى نفسك فيها ؟؟ وحتى لو كل دا مش حصل .. ومش حملتى .. لكن دخل بك تخيلى بأه خوفك هيكون قد إيه لو سابك أو لو الفرح إتأجل شوية .. أو لو ماطل فى ميعاد الفرح .. او لا قدر الله لأى ظرف الموضوع مش تم .. أو ربنا يديه طولة العمر بعد الشر عنه ........ كده يعنى هيكون حالك ايه ؟
.. وبعدين يا حبيبة قلبي .. لو الموضوع دا حصل مرة أكييييييييييييييييييييييييييييد هيتكرر تانى وتالث ورابع .. ولو إنتى وافقتى مرة يبقى عمرك ما هترفضى بعدها

يبقى كده إنتى معايا ف إن فى عقد قران .. وفيه إشهار .. والفرق اللى عايزة أوصله ليكى ف الحالتين .. هو العادات والتقاليد والمجتمع اللى إحنا عايشين فيه واللى إحنا جزء منه .. إنتى عايشه فى مجتمع .. فلازم تعملى حساب للمجتمع دا ..
التقاليد المعروفه على المستوى الإسلامى كله .. إن البنت بتعقد قران يبقى الكل عرف إن أكيد هتحصل مداعبات وملاطفات وإنك هتكونى قدامه بشعرك وما إلى ذلك .. ويوم الإشهار والزفاف برده الكل بيبقى عارف إن اليوم دا هيتم دخول الزوج بزوجته .. مع العلم إن أكيد هيبقى فى كلام بيتقال من بعض المغرضين زى ( يا فلانه دا هتلاقيه دخل بيها .. ) ( يا فلانه .. شفتى كان شكله عادى مش متشوق ليها ولا حاجه هتلاقيه سبأ قبل الفرح ) ...... وكلام بأه وأقاويل مش ليها لزمة
وبعدين على إيه الإستعجال .. بصى تعالى كده تخيلى معايا منظرين

المنظر الأول : إنه دخل بيكى دلوقتى .. فى وقت أكيد هتختلسوه بحيث إن أهلك مش يشوفوكى .. أو إنك هتروحى معاه فى مكان .. خوف .. قلق .. سرعه وعدم إحساس .. وحتى لو ف إحساس فهيكون إحساس ممتزج بالخوف .. الوقت هيكون قليل قوى ..فى مكان غير بيتكوا .. هتضطرى طبعا تعملى جسمك من تنظيف وما الى آخرة بطريقة أى كلام .. هتخلصى وهترجعى بيتك ندمانه وهتبدأى مرحلة جديده ف الشهر دا اللى المفروض يبقى أحلى شهر من الإشتياق لذبول وخوف وبرود و.......... وعدم لهفه.. وحاجات كتيييييييييير وحشه لو سيبتى لخيالك العنان فيها .. هتحسى بإنك بتموتى ف الحظه الواحده ألف مرة

المنظر التانى : إنك حافظتى على نفسك لآخر وقت .. مشتاقه قوى إنتى وهو لليوم دا .. عماله تحلمى بالشموع الرقيقه اللى هتكون فى بيتكوا .. والموسيقى الهادية .. والعشاء اللى هيكون على أضواء الشموع .. واللانجرى اللى هتلبسيه ف اليوم دا والورد المجفف اللى هتوزعيه ف البانيو مثلا مع الشاور جل وكده .... وكمان التنظيف المتمعن لجسمك والحمام المغربى أو الهندى اللى هينور جسمك كله وهيديله زهوه جميله بإنك هتملكى قلبه وهتأسريه .. الماسكات بتاعة الجسم اللى المفروض إنك بتابعيها ( وربنا يخلي لنا موقع عروس )
الفرحة والتورد اللى هيكون مرسوم على وشك ف اليوم دا .. الحاجه اللى كل بنت مستياها ( حتى لو كان لمس جسمك كله والمداعبات كانت متعمقه شويه ) فمش مشكله الحاجه اللى إنتى هتستنيها اليوم دا هيكون ليها وقع تانى خالص وإحساس جميل المتزوجات هما أدرى منى بوصفه .. وبرده أكيد مش هتحرمى نفسك من الدلع والرقه والكسوف .. وبعدين عادى حتى لو كنتى إتعودتى عليه فالكسوف مطلوب برده .. لأنه هيقدم على خطوة جديده أول مرة هتحسى بيها .. وأحلى حاجه ف اليوم دا وأهم حاجه أسوة برسولنا الكريم .. لما تصلوا ركعتين مع بعض وتقولوا الدعاء سوا بإن ربنا يكرمكوا وييسر لكوا أموركوا وإنه يبعد عنكوا الشيطان
ليه .. ليه تحرمى نفسك من كل دا .. وليه هو يبقى أنانى وطماع وعلشان لحظه عايز يحس بيها يقوم يهد كل الأحلام الرقيقه دى .. وليه عايزك تنجرفى معاه .. لأ .. بجد لأ أوعى .. أستحلفك بالله
شوفى المنظرين : تخيلتيهم .. أكيد طبعا المنظر التانى أحلى وأرق وأجمل بكتيير من المنظر الاولانى البشع

أختى ف الله : انا مش هظلم زوجك وهقول إنه وحش أو كده .. لا .. الرجال برده لازم نلتمس ليهم العذر بس برده لازم علشان نقدم على خطوة إننا ناخذ بالإسباب ونشوف إيه عقوباتها قبل مميزاتها .. وف موضوعك أكيد إن المساوئ أكتر بكتيييييييييير
والحل دلوقتى بعد لما حاولت اوصل ليكى اللى يمليه عليا ضميرى إنك

أولا : زى ما الأخوات تفضلوا وقالوا إنك تحاولى توصلى لأهلك .. مع إن فى رأييى إنك مش هتقدرى لأنك طبعا مش هتتجرأى تقولى لهم ..
لكن من الممكن إنك تفهميه إن هما اللى إتكلموا معاكى ف الموضوع دا ( فاهمه قصدى ) يعنى تتحايلى عليه .. ودا مش حرام .. وطبعا هو إستحاله هيروح يسأل أهلك ويقول لهم إنتوا إتكلمتوا معاها ف الموضوع دا ولا لأ ..
إنتى ممكن تقعدى معاه وتقولى له : إن مثلا بابا وماما ( أو الأقرب ليكى ) على حسب ما هو معتاد منك فى مين اللى بينصحك أو كده .. تخيل شوفت ربنا عمال يبعت لى ف إشارات سبحان الله .. دا بابا جه إمبارح وقعد معايا وقعد يتكلم معايا شوية وقعد يسألنى عليك وأخبارنا وكده .. وطبعا يا فلان ( إسم زوجك ) انا كنت مكسوفه قوى .. علشان أنا حسيت كده إنه فاهم طبعا وكده عن المداعبات اللى بتحصل بينا ومراتك كانت ف نص هدومها من الكسوف ( لاحظى طريقة توصيل المعلومة بطريقه حانيه ) وتقولى له .. إن باباكى قعد يتكلم معاكى على إنه صحيح زوجك وكده وإن إن شاء الله الوقت قرب للإشهار والزفاف .. وإن دى أحلى مرحلة لحياة البنت وإنها بتنتقل من حياة لحياه تانيه جديده .. وف نفس الوقت دى أخطر مرحله فى حياتها برده .. لأنها الفترة السكون اللى بتسبق العاصفه .. لكنها عند بعض الناس ممكن تكون فترة العاصفه نفسها ( ودا أكن باباكى بيلمح إن زوجك خلاص عايز يدخل بيكى مثلا ) وإن باباكى حس إن زوجك مشتاق ليكى قوى قوى ( وطبعا انتى تقولى لزوجك بابا برده بيفهمها وهيا طايره ) وإن باباكى قال لك حاولوا تخفوا شويه المكالمات أو حاولى ف الفترة دى تغطى من جسمك قدامه علشان للرجل طاقه وإنه إداكى شوية نصايح وقعد يقولك إن مهما كان زوجك بس فى حدود المفروض إنه مش يتعداها وأنا واثق فيكى يا بنتى وطبعا واثق فيه وإنه إن شاء الله هيحافظ عليكى لإنك هتشيلى إسمه .. وإنه مش هيحاول لا يحطك ولا يحطنا ف أى موقف محرج .. فخلى بالك على نفسك .. وربنا يحفظكوا .. إنتهى

تخيلى بأه وإنتى بتحكيله كده هيكون واقع الموضوع عليه ايه .. وإنتى بطريقه غير مباشره حسستيه بالذنب وإنه مش قد الثقه اللى قداها ليه باباكى .. وإن باباكى أخد باله إن فى حاجه ..
وطبعا إنتى كلميه بنبرة حزن وإن إنتى كمان حاسه بالذنب والحزن وإن باباكى قعد يحذرك من إنك تقعى فى أى غلط .. ولو مثلا زوجك طلب منك الخروج وإنتى حاسه إنه ممكن يوديكى مكان يقدر يدخل بيكى حاولى تتهربى .. أو قوليله بابا قال لأ بلاش الفترة دى .. او خدى حد من إخواتك وقوليله بابا هو اللى طلب كده . وممكن تلفتى نظر باباكى بطريقه مهذبه .. إنك يعنى عايزاه يكون مشتاق ليكى أكتر فعلشان كده بتحاولى تقللى معاه ( صدقينى هتكبرى ف نظر باباكى أو مامتك قوى .. وهيحترموكى أكتر .. ) وفهمى باباكى إن علشان زوجك مش يزعل منك فكأن باباكى هو مثلا الى رفض الخروجه دى أو كده

ثانيا :كمان إنتى أكيد صريحه معاه قوى .. فممكن تقوليله إن مش هينفع لأن جسمك دلوقتى مش مهئ إنه يبان قدامك ( وأنا قصدى على الشعر اللى ف جسمك كله ) ودى حقيقه لأن لازم ف الشهر دا مش تعمليه علشان تعمليه يوم الحنه يعنى قبل الزفاف بيوم .. وقطعا مش هينفع علشان يوم تبوظى جمال ورونقة جسمك يوم زفافك .. ولو قال لك عادى مش مشكله .. أحرجى إنتى قدامه وقوليله مش هينفع بجد وكده .. وإن ماماتك بلغتك إنك مش تيجى ناحية جسمك إعتبارا لليوم الموعود .. وإنها اكيد هتكون معاكى ساعة الحمام المغربى ( حتى لو مش جت يبقى عادى ساعتها حصل ظروف ) بس إنها هتلاحظ لو جسمك اتعمل قبلها يبقى أكيد فى حاجه حصلت ......
فاهمه قصدى يا حبيبة قلبى ؟؟؟؟؟؟؟؟؟؟؟؟؟؟؟؟؟

ثالثا : ممكن كمان تفهميه إن مثلا الجزء اللى تحت فى إلتهاب وإنك عيانه وإن فى مراهم بتحطيها وإنك متورمه من تحت ( بعد الشر عنك طبعا ) وطبعا أكيد يعنى مش هينفع تعملى حاجه

ممكن تعملى أى حل بطريقة ودية

خلى بالك .. ممكن يزعل منك ويخاصمك ومش يكلمك ( عادى كنوع من أنواع لوى الذراع بطريقة غير مباشره علشان تحنى عليه وتخضعى لطلبه ) .. ساعتها عادى ولا يهمك .. اتصلى بيه وقوليله .. يعنى إنت بتلوى دراعى ف حاجه أنا مستنياها وعايزاها أكتر منك ومن قبل ما تتعمل .. أمال لو إتعملت هتعمل فيا ايه هتذلنى ؟؟؟؟.. وإعملى أكن إنتى اللى زعلانه مش هو

ولو مش استجاب .. وقعد برده مش إتصل وحاول يحرق دمك .. كلميه بعدها بيومين وقوليله إن باباكى لاحظ إنه مش بيتكلم بقاله كام يوم وإنه سأل عن السبب ( طبعا هيخاف ).. وقوليله .. عادى لو تحب يا زوجى أقول له إنك طلبت منى كذا وأنا خفت وقلت لك نأجلها للميعاد اللى ربنا محدده .. قولي له سأل عن السبب أقوله ولا إيه ؟؟؟

خلى بالك إنتى كده بترمى الكورة فى ملعبه .. يعنى هو اللى لازم يعدل الموقف

ممكن برده تلاقيه بأه بارد معاكى وغير معاملته معاكى للأسوأ .. برده مش تضايقى وأحتسبى دا عند ربنا ومش تزعلى منه .. لانه بس هيحس إنه مش نفذ اللى ف دماغه فممكن يتخنق شويه .. فإستحملى غلاساته

ممكن كمان يقولك إنتى زوجتى ومن حقى إنى كذا .. قولي له بنبرة حانيه : أيوه إنت فعلا زوجى وحبيبى وعشيقى وكل حاجه ليا ف الدنيا بس أكيد مش هتاخد من مراتك حبيبتك الحاجه دى بالغصب ولا ايه ؟؟ ههون عليك يا حبيب عمرى .. هكذا ( بطريقة دلع وكده )

معلش أنا طولت قوييييييييييييييييييييييييي بس أعذرونى الموضوع دا شائك جدا جدا .. وبجد ربنا يحمى كل بنات المؤمنين والمسلمين من أى سوء
ويا أختى الحبيبة أخر كلامى معاكى : إنك حاولى تتقرب لربنا أضعاف أضعاف الاول وصلى ركعتين بنية قضاء الحاجه .. وإنه يقضى حاجتك فى إنه يحفظك ليوم الزفاف وإنه يسترك ويهدى لك زوجك .. وأحتسبى عند الله كل دا علشان ربنا ييسر لك أمورك ويفرح قلبك
ولو أى إستفسار أنا ف الخدمة ..

ربنا يحفظنا .. وبجد بحبك ف الله .. ورجائى الخاص ليكى إنك تطمنى أخواتك عليكى لانى متأكده إننا كلنا قلقانين عليكى
أستحلفك بالله تطمنينا وقولى لنا عملتى إيه

أختك ف الله من مصر : أهللة التقوى [/frame]