همس القـلوب:
السلام عليكم ورحمة الله وبركاته
بصراحة كلامكم عور قلبي وحسيت بالمرارة إللي تحسون فيها..
أنا للحين ما تزوجت بس ان شاء الله بيكون زواجي قريب.. وبالنسبة للحمل
أنا مؤمنة بالقضاء والقدر، مؤمنة بقدرة الله عز وجل وأعلم أن الله سبحانه وتعالى
كاتب لكل إنسان الرزق متى ما الله سبحانه كاتب له هالشي..
يقول الله عز وجل في كتابه : "انا كل شيء خلقناه بقدر " سورة القمر (49 )
علشان جذي كثير نسمع فلانة حملت بعد 10 سنوات زواج.. فلانة جابت ولد بعد 3 إجهاضات .. الخ
وهالشي كله مكتوب يا بنات عند خالقي وخالقكم أجمعين..
وأحياناً عدم الانجاب يكون ابتلاء من الله عز وجل، لأن الله سبحانه يبي يسمع دعائكم
في السجود والثلث الأخير من الليل ، ويبيكم تزيدون الإستغفار ..
لا تنسون قول الله عز وجل في كتابه:
"وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ" سورة البقرة آية 155
أسأل الله أن يرزق كل محرومة ويقر عينها بالذرية الصالحة ، اللهم آمين..
وقصصكم عورت قلبي ، لأني تذكرت مرت أخوي.. الشهر الجاي بيصير لها سنة على زواجها
والناس لوعوا جبدنا ، متى بتحمل؟ وليش حملت؟؟ خلها تروح تفحص؟ ومن هالكلام..
يا ناس وأنتوا شدخلكم؟؟ كيفها .. تبي تحمل ولا ما تبي هالشي راجع لها ولريلها..
يعني صج الناس يدخلون عصهم بشي ما يخصهم.. :angry:
كأن الحرمة فرحانة بهالشي.. إذا الحرمة ما حملت ما في حد بيتضايق كثرها..
أكيد هي تبي تقر عينها بولد ولا بنت .. بس الناس يسوون نفسهم إنهم يحاتونها ..
كأنها إذا حملت ، راح يتكفلون بتربية الياهل ولا بيساعدونها بشراء احتياجات الياهل..
والله ناس تقهر..
بس لكم جميعا يا أحلى عرايس، ما عليكم من حد وكلامهم اضربوه بالطوفة.. لأن الناس
ما يملي عينهم إلا التراب وما يعجبهم العجب ولا الصيام في رجب..
إذا ما حملت قالوا متى بتحمل .. وإذا ولدت يتهاشون يا يبون بنت ويا يبون ولد ..
وإذا كل خلفتها كانوا بنات قالوا نبي ولد وإذا كل خلفتها أولاد قالوا يبون بنت..
والله ما صارت.. لو تحرقون روحكم ما راح يرضيهم بيقولون لازم كانت ترمي روحها من فوق عمارة
مو تحرق روحها ... لا تتضايقين وأكثروا من الدعاء لأن الله سبحانه وتعالى يبي يسمع
صوتكم وبكائكم في السجود.. وأكثروا من الاستغفار والله يرزقكم بالذرية الصالحة
إن شاء الله .. وحاولوا دايما تردون على كلام ثقيلين الدم برد يجرحهم ويقهرهم وهذا أحسن حل
والله..
ربي لا تذرني فردا و انت خير الوارثين
وللجميع أطيب تحية
حبيبتي همس القلوب والله ردك يريح القلب :sad: :confused:
ربي لا تذرنا فردآ و انت خير الوارثين
ربي لا تذرنا فردآ و انت خير الوارثين
ربي لا تذرنا فردآ و انت خير الوارثين
