محتاره بين ابوي و خطيبي

ما بقعد الف و ادور راح ادخل في الموضوع على طول
ابوي يبيني اكمل دراستي برى البحرين لأن الجامعات اللي عندنا هني اغلبها تجاريه و الواحد ما يتعلم فيها شي كثر ما يضيع وقته و خطيبي رافض الفكره خير شر لأن واااايد متعلق فيني و دايما معاي و الخ...
انا مالوم ابوي ان يبيني ادرس دراسه عدله و اخذ شهاده لأني اكبر بناته و يبيني لما اتخرج اشتغل معاه و ادير حلاله لأن على حسب كلامه الواحد مايضمن عمره و من هالكلام

و بما ان انا و خطيبي(مالجين فقط) و متفقين ان ما راح نتزوج الا بعد اربع سنوات بما ان هو مازال في الجامعه يدرس و على ما يتخرج و يشتغل و انا بعد فأنا من رايي ان اسافر اكمل دراستي و اتخرج بشهاده عدله و هي كلها سنتين و كل شهرين اكون في البحرين احسن من اقعد هني اضيع وقت على دراسه ما منها فايده.. و هالطريقه بتكون احسن لي وله هو طول ما انا بعيد يمكن يركز في دراسته اكثر و يتخرج اسرع و يتغير من ناحية العمل ان يبدأ يلتزم في اكثر و يروح من وقت(هو يشتغل مع ابوه) بس جذي هو صاير كل يوم يسهر معاي و يوم يدوم و يوم يروح متأخر ولا هو قاعد يدرس عدل و هم انا نفس الشي
بس المشكله ان رافض اني اسافر رفض قاااطع

فقلت انتو شرايكم و شلون اقدر اقنعه؟