المشي في الشهر التاسع ليش؟؟؟؟؟

يقولون المشي ينزل راس البيبي لتحت و يسرع الولادة

بس مو متاكدة


الله يسهل عليج ان شاء الله

شكرا لج ياريم ياليت حد يفيدني اكثر والا بزعل اذا مارديتوا علي احتاج خبرتكم

حقيقة الحمدلله مافي شي يسهل ولادتي قد المشي ولله الحمد

حبوبة ..المشي ينزل راس البيبي ويسهل الولادة ...وهاذي كلام الطب والامهات عسى الله يخليهم لنا ...وبعدين كل اللي تحسين فيه طبيعي ...وعادي تحسين بالم في بطنج لين تمشين بعد ...وانصحج لين تحسين بالطلق ..امشي علشان تسهل ولادتج ...

المشي يسهل الولاده وينزل راس البيبي تحت لانه اذا مانزل تحت راح تتعبين بوقت الولاده ...

ايه والله انا مثلج يا خرزه زرقه
من يومين مشيت خمس دقايق بس مشي بخطوات واسعه جاني الم اسفل البطن يعوووور خفت ورديت البيت ويوم قعدت وارتحت شوي راح الالم عني رحت امشي مره ثانيه بس قلت خلي استحمل الألم يمكن اولد ...ههههههه واليوم ثاني مره امشي مشيت نص ساعه ورجع لي الم اسفل البطن (مثل ما قلتي كأن الجنين متكور في بطني من تحت وانا امشي)والحين خذتلي شور وامبطحت شوي احس ظهري متكسسسسسسر ولا اقدر امشي عدل...

بس شنسوي لازم نمشي عشان نسهل الولاده
الله يسهل علينا كلنا

حبيبتي المشي يسهل الولاده ونزل راس البيبي تحت والله العالم الي تحسين فيه طلوق خفيفه
الله يسهل عليج ان شاء الله
الصراحه انا في ولاتي الاخيره عديت شهر خذيت منه 10 تيام وما كنت ادري قالتلي الدكتوره امش وجامعي زوجج هذا اهم شي المشي والجماع هل كلام بدايت شهري وكان فيني هل عوار نفسج تقربا وعوار الدوره يجي وروح وظهري اعوذ بالله ما اقدر اصلب خاصه من تحت والبطن قام يتصلب عقب الخروع في اخر شهري علي قولت امي ودكتوره هذا طلق وتراه زين مدام ايج هل عوار استمري هذا يساعد في فتح الرحم هذا كلام الدكتوره لي طولت عليج بهذرتي ها :)
الله يهون عليج وسهل عليج يارب ويسهل علي كل وحده حامل ويرزق كل من تتمنا الذريه ذريه صالحه ان شاء الله قولو اميين

السلام عليكم
يقولون ان المشي ينزل راس البيبي ويسهل الولاده لكن في حملي الاول طلعت روحي وأنا أمشي تخيلو أن أختي أتمشيني عادي ساعتين وتقو لي أمشي المشي زين حقج أنا اقولها بموت من الالم الي ف ظهري وطوفة موعد الولاده عشر أيام وبنتي ما تبي تطلع أنا كنت تعبانه حدي بعدها شربت زيت الخروع أخيرا طلعة غاية.

مشكورات ياخواتي الغاليات صج انكم ماتقصرون بردودكم الحلوة وادعيتكم اللي تشرح الصدر فمن كلامكم طمنتوني انه هالشي طبيعي وان شاء الله بشد حيلي وبمشي بس بالضبط كم ساعة هل ساعة والا نص ساعة والا ساعتين.....؟؟؟؟؟؟؟؟؟؟


كتكوته نايمه ...............شدي حيلج يالعيوز.....هههههههههههههههه

اتصدقين ريلي دوم يقولي هالكلمة اونه عشان يشجعني واقوله عيوز عاد بس شنسوي نستحمل.....

وانتي كتكوته شدي حيلج اكثر بس الحر ذابحنا والرطوبة صح؟؟؟؟؟؟

والله لو كان الجو شتاء وبرد كشخة كنت بمشي لين ينقع راسي......بس الحر هو اللي يحسسنا بالضيق,...............فلازم نستحمل ويارب يارب عقب هالتعب تبارك لنا بالذرية الصالحة


وشكرا لكم مرة ثانية ياخواتي

المشي حلو بس متعب اشوي .... وخصوصا وانتي في التاسع ....

اذكر يوم كنت امشي مع ريلي وكرشتي على يدام كنت وايد اتعب وبالكثير اذا طولت 20 دقيقه بس يستحسن انه الوحده يوميا تمشي على الاقل تتسهل ولادتها باذن الله .... بالسلااااااااااااااااامة يا رب


اختج: رووووووووو:flower: وووووووووووز

امس طووووووول الليل مانمت عدل كله احس اني بولد ماتجيني آلام قويه بالعكس بس كان الم خفيف وهي كانت تتحرك وايد وشكلها كانت تضرب تحت وايد لأن كان يعورني تحت ..
وانا طووول الليل اتخيل ان بينزل علي الماي ووبيزيد الطلق وكنت حاطه فبالي اني بولد يا اليوم يا بكره
بس الحين قمت من النوم ماااااااااااااااافيني شي
كلها كانت احلام في احلام
هههههههههههههههههههه

المشي يقوي عظلات الرحم يعني بوقت الولادة ماراح تتعبين لان عظلاتج قويه هذا الي اعرفه والي جربته والمثل يقول اسئل مجرب ولاتسئل حكيم.والله يسهل عليج .
.
.
.
.

انا مثلك خاشه الشهر التاسع
واحس بألام في الظهر واسفل البطن
وزي ما قلتي احس النونو كأنه متحجر في بطني ما يتحرك بسهوله
مفجوعه الحبيبهفي بطني من المشي
متعوده على الراحه
كمان احس بإاوجاع بعد الجماع مره قويه في الأسفل وتستمر سا عتين الي ثلاث
بس الدكتوره تقول عادي هذي بتهون عليك الولاده بإذن الله
وحتى الأ ما قدرت امشي لمده ساعه كامله لسعاني نص ساعه بس
وتوصل لساني الأرض من التعب وألأختناق
ربنا يسهل علينا جميعا

كتكوته الظاهر انج نفس حالتي تتوهمين باي لحظة ينزل عليج الماي لاني انا بعد الللي تحسين فيه انا احس فيه بس ماظني اولد بكير شكلي مطوله.........

بس تعالوا الجماع زين الحين حقنا واحنا في التاسع والا لا.........؟؟؟؟؟؟؟

لانه زوجي جامعني لين الشهر الثامن وقتله خلاص حدك خلني ارتاح بالتاسع بس اذا طولت وماولدت بخليك قال السالفة مصالح..........ههههههههههههههههههه

واختي روز صح كلامج حتى 20 دقيقة مااقدر بس احسن يبالي البس جوتي رياضة عشان اكون خفيفة.....


بس دام كلام الاخوات انه يقوي عضلات الرحم ....يله راح انشد حيلنا وان شاءالله المشي ايب نتيجة

[grade="00008B FF6347 32CD32 4B0082"]انا امشي بطريقة فظيعة واتعب وايد ، الحين باقي لي كم يوم وادخل التاسع وبديت اشرب زعتر، انا من اول شهر امشي..
بالنسبة لحركات الطلق ونزول الماي ما جربت بس جربت الم[/grade]

المشي يسهل الولاده ولاتوقفين عنها

وايد ساعه من اول يوم

ابتدي شوي شوي كل يوم زيدي 10 دقايق

لين جسمج يتعود على المشي

والله يسهل عليج وعلينا

السلام عليكم يا بنات في حسب تجربتي الجماع في الشهر التاسع زين ابيفتح الرحم وبس اتعب صراحه حيل فالمشي ااحسن بخلي البيبي يدور ابسرعه وتتسهل الولاده باذن اللله

انا معاكم بالكلام بس شسوي ريلي يقول امشي امشي واذا اتعب ووقف يعصب يقول كل الحوامل احسن منج والله اني اضايق ...........بس اسكت عنه ....كافي انه الجو حار بس الحين صار لي 4 ايام امشي واحس اني تعودت ....حتى اني ابي اكثر يعني ساعة ونص عاااااااااااااااااادي والا المبالغة تضر...............؟؟؟؟؟؟؟

وصراحة انا مضايقة وايد لاني من دخلت التاسع كل احس البيبي يكون بالعرض ...وسويت السجود والحبي شرات البيبي صح ينزل بس عقب يرجع ....

ولاحظت عليه خاصة يوم اركب السيارة على طول على طوووووووووووول ياخذ وضعية العرض واحسن اني اختنق ويقل التنفس عندي بس شسوي ..........تعبت

ابي اعرف متى ينزل البيبي بالضبط للحوض ويثبت.........؟؟؟؟؟؟؟؟؟

حتى ريلي يقول الظاهر انتي بسوون لج عملية قيصرية لاني مامني فايدة....مااقدر استحمل

بس عسى ربي يهون علي ويجعلها ولادة طبيعية..........واذا قيصرية نتوكل على الله اهم شي يرزقنا بالصحة والسلامة ويقوم كل الامهات بلسلامة

تدرين يا خرزه زرقه
امس رحت مركز للتدليك اسمه بن داوود مادري اذا عندكم هالمركز ولا لأ
فيه تدليك تايلندي وهندي وفلبيني ووايد انواع و
يسوون تدليك للحامل اللي مخلصه التاسع يقولون ان اذا سوت لج التدليك تولدين بعد ثلاث ايام
انا ماصدقت ورحت طيران دفعت وقعدت قالت انتي خلصتي 9 بالضبط قلتلها لا باقي اسبوعين على موعدي
قالت بس هاي مافي زين بيبي يطلع قبل اذا يمسك بطنج بعد 3 ايام بتولدين وانتي في نص التاسع حرام صبري شوي اذا تبين عادي بسوي لج
عاد انا خفت قلتلها خلاص سوي لي تدليك عادي ولاتلمسين البطن
كل اللي سوته في بطني انها عدلت راس البيبي كان شوي عالجنب مب فالنص بالضبط وعلشان جذيه احس ان فخذي اليمين من داخل يعورني..
من خلصت المساج وانا راح عني الم الظهر والم الفخذ


قالتلي ان وايد يجونها تفر لهم راس البيبي وتنزله تحت لدكتور يستغرب يكون معطيها موعد قيصريه وتروح حق المدلكه تفر راسه وترجع للدكتور منصدم شلون افتر
وتولد طبيعي

اللي دلكتني فلبينيه وتدليكها كله بزيت الزيتون