من جديد ،،، وبإطلاله جديدة ،،، تجمع حوامل سبتمبر وأكتوبر(شهر رمضان )

ام سعيده

ياسلام انتي ويانا :)

ولادتج عقبي باذن الله

انتي في ولادتج الاولى تأخرتي عن الموعد ولا ولدتي في نفس الوقت

انا تأخرت 5 ايام :)

اهلين بنات شخباركم
انا امس ما دخلت كله على بالي انكم راح تكونوا مشغولين بالجمعة مع الاهل ومحد بيكون مشارك

لوليتا وروعة واغتراب وام لين مشكورات حبيباتي على سؤالكم عني

اما صحتي فالحمد لله الحين احسن بوايد وما احس الام في الرحم مثل ذاك اليوم

عاشقة الرومانسية الحمدلله على سلامتك من فترة ما شفناك

بنات من اللي جهزت حال البيبي تحط صور الاغراض مع الاماكن اللي اشترت منهم علشان نستفيد :shy: :shy:

سلام عليكم

دبدوبة حلوة الله يعوض عليك ان شاءالله ..

أم لين انا الحمدلله بخير,,

البارحه صادتني حاله غريبة انتفخو رجايلي حتى النعال مو راضي يطلع منهم ههههههههههه
وعندي دوخه قويه يعني حالي من حال روعه واغتراب

يوم الاربعا عندي موعد بشوف شتقول لي الدكتورة

يالله اشوفكم على خييير

روز قطر:
انا جتني الدوره بتاريخ 18/1 وطهرت بتاريخ 25/1
كيف يكون الحساب!!

اغتراب:
الله يرجع لك زوجك بسلامه
وبالنسبه لنووووووووووووم شي طبيعي انا احب انااااااااااااااااااااااام
طيب ماقلتي لنا وش راح تسمين بنتك؟؟
اغتراب انتي من الرياض؟؟
في اي مستشفى تراجعين؟؟

دبدوبه حلوه:
الله يعوضك بغيره يارررررررررب

بنااااااااااااااااااااااااات خلونا نساعد بعض في افكار هدايا المولود؟؟

سلااااااام حبيبات البي..

نورهان...

هذا انا خلصت النوم ههههههههههههههههههههه

بعدين حبيبتي انا سويتها بس ماحصلت عندهم ولابأي مستوصف رباعي تخيلي؟:angry:

فسويتها ثلاثي الابعاد سويتها هذا الشهر يعني السادس..

وقالت لي الدكتوره بالثامن احلى شي

بس ولو مبينه الملامح ياقلبي عليها

وان شالله برجع اسويها مع زوجي ببداية السابع..

مع العلم ان صديقتي سوتها بالسابع وتقول نفس الملامح والوجه الي طلع لها بالصوره نفس

وجه بنتها يوم ولدتها..


ام نتالي......

ايه انا من الرياض..

واراجع عند الدكتوره منى الريس بالشبلان...

وانت من وين؟؟؟؟؟

سلامة قلبك شاعريه..

وطمنينا عليك وش سويتي بموعدك..


غدوره..

انا للحين مابعد شريت شي احس توووووووووووونا.....

وتخيلو عندي زواج اختي ولابعد لافصلت ولاشريت فستاااااان

مالي نفسسسسسسسسسسسسسسسسسسسس

طبعا التفصيل مافي امل يمدي والجاهز ماحصلت تقطعت ارجولي وانا ادور

اكره فساتين الحمل :(

شخباركم كروشاااااااات


انا اليووووووووووووووم تعبااااااااااااااااانه كثير متضايقه ماادري على ايش:sad:



وترجيع وحاله الله يعين بس وادعولي الله ييخليكم


بس والله مليت :confused:


وقمت احس برجول البيبي ااااااااااااه يالم ويخوف والله كاني اول مره احمل:sad:

هلا اعتراب:
اولا: الف مبرووووووووك زواج اختك
ايه انا من الرياض

روعه:
حبيبتي هذا شي طبيعي كلنا ملينا
بس عسى الله يهون علينا الفتره الباقيه
والله الشهوور الاولى بالرغم انها متعبه بس ماشاء الله عدت بسرعه
وهالحين احس انها يالله تمشي
الله يسهل علينا انشاء الله

بنااااااااااااات ابي اسماء بنااات واولاد حلووووووووووووه

روووووووووووووووووعه

انت توأمي الضايع ههههههههه نفس حالتي..

كرهت السدحه ياناس الله يهونها بس استغفرالله ياربي

من كثر ماطفشت قمت ادعي ربي اذا مافيه ضرر علي وعالبيبي فيارب اولد بالسابع

حتى اضمن ان زوجي معي....

ام نتالي والنعم بأهل الرياض..

بس ماقلتي لي وين تراجعين انت؟؟؟

يمكن في يوم نتصادف :)

ووللحين ماسألتي عن جنس البيبي؟؟


لوليتا.. وحشتينا وينك يائمر؟؟

ام نتالي

انتي مثلي بالضبط :)

يعني 18 /1 بداية آخر دورة لك

يعني 25 /10 ولادتك مثلي ..

وفي كل 25 من كل شهر تدخلين شهر جديد .. يعني الحين انتي معاي في الاسبوع الـ 23

وتقريبا يوم الاربعاء من كل اسبوع تدخلين اسبوع جديد ان شاءالله هالاربعاء بنصير 24 اسبوع

بان الله ..

ام نتالي انتي من وين ؟ :)

الله يهون عليك يارب

صباااااح القشطه

روعــه

تصدقين هالاحساس كلش يحر هههههه

لما تحسين ريول البيبي بتطلع برع كرشتج ههههه جربت الحركة في بنتي ..

وغير جذي لما يحكج بطنج والسبب شعر البيبي .. ياربي رحمتك صج تعذيب

بس تبين الصج .. احساس حلو والله ..


وهذا غير النوم اللي متعب لدرجة كبيرة .. وانا اقنع نفسي ان سبب قلة النوم ( المخده ) ههههه

بغيرها ان شاءالله .. وباخذ لي وحده مريحه >> للحين مقتنعه :shy:

الله يهون عليج يارب

الا انتي كم عندج بيبيات ؟ هذي ثاني ولاده ؟

ام لين

صباحك عسل

كيفك اليوم .. ان شاءالله كل شي تمام .. والبيبي رايق :)

حوامل الشهر السابع


هنوف الامارات 02-09-2006

لاني 3-09-2006

ام ضروس 04-09-2006

عاشقة الرومانسية 10-09-2006 بنت – ان شاء الله

ام لين 11-09-2006

شاعرية 12-09-2006 بنت – ان شاء الله

همباية 13-09-2006

منال الكويت 14-09-2006

اميرة العرب 17-09-2006 بنت – ان شاء الله

فساتين 2006 19-09-2006

غدوورة 21-09-2006

دموع السماء 23-09-2006

بوح الشوق 24-09-2006

ام عزووزي الحلو 25-09-2006 ولد – ان شاء الله

وشحال قلبي 26-09-2006

سندريلا 28-09-2006

اندلس هوب 01-10-2006


حوامل الشهر السادس

دلوعة سيمة 7-10-2006

اسيرة الاه 11-10-2006
بجعه 11-10-2006

بيردي 123 12-10-2006

غادة اليم 13-10-2006
لوليتا 13-10-2006 ولد – ان شاء الله
الوردة 17-10-2006

قوارير 19-10-2006 بنت – ان شاء الله
اغتراب 19-10-2006 بنت – ان شاء الله
روعه 19-10-2006 ولد – ان شاء الله
لب الفؤاد 19-10-2006

ام فطامي 21-10-2006

مياثي 22-10-2006

نورهان 23-10-2006 بنت – ان شاء الله
نور1979 23-10-2006 بنت – ان شاء الله
المياسة 23-10-2006

ام نتالي 25-10-2006
روز قطر 25-10-2006

ام سعيدة 30-10-2006

دلوعة سيمه:
شو اخبار الجميع عساكم بصحه وعافيه
حبيت اشاركم ثقل بطونكم لاني مكرشه مثل حالتكم وولادتي بتكون في 7-10-2006م
وان شاء الله بتكون قبل لاني بولادتي الاولى ماطولت اخذت بس اسبوع في التاسع لاني من الشهر الثامن وانا احط جوزة الطيب مع الحليب واشربهم
وانشاء الله بعمل كده بعد ما اوصل الشهر التامن عشان ما اطول بالتاسع
على فكره الحرقان تاعبني مرررررررره مراميرو
والاكثر عندي ميلان في الحوض مع تقوس في العامود الفقري يعني احس بثقل فضيع اخر بطني والله عدوي ما اتمناله يذوق تعبي
ادعولي الله يهون باقي ايام الحمل وجيب احلى وليد في الدنيا

اهلا فيكي دلوعة سيمة معانا

و الف سلامة عليكي

لوليتا فرحت وايد من الجدول هالمره

واخيرا دخلت السابع :)

باجر ان شاء الله موعدي وبخبركم باخر الاخبار

ام نتالي


تسلمين يااقلبي


والله يعدي هالشهور على خير ياااااااااااارب..:shy:






اغتراااااااااااب
ههههههههههههههههه ضحكتيني والله:dd: ...المفروض احنا يخلونا في بيت واحد
الى مانولد ان شالله ...يعني يعزلونا..هههههههههههه




روز قطر
ااااااااه لاتذكريني بالحركــــــه صارت تضايقني
بس الحمدلله على كل حاااال..
واول مره اعرف اذا بطني يحكني هذا بسبب شعر البيبي غريبه سبحان الله:think:
واذا على النوم احب النوم بالنهار بس اما بالليل مايجيني نوم عدل :no:
وعندي ولد ووبنت وهذا الثالث ان شالله
والله يهون علينا ياااااااااااارب



تصدقون احيانا تجيني حاله ابي اصيح:cry: بدون سبب بس كذا ودي اصيح
امس لما شفت زوجي صحت استغرب قال شفيك قلت بس خاطري اصيح:cry:
هههههههههههههه بعدها تم يضحك علي يقولي اول مره اعرف ان في احد خاطره يصيح:dd:


بس الحمدلله على كل حااال:shy:

اغتراب الله يسلمك يالغالية
الموعد يوم الاربعا ان شاءالله
وألف مبروك ع زواج اختك

روعه الله يساعدك ع التعب

ام نتالي بقول لك الاسماء اللي عاجبتني ( حور _ حنين )
والاسماء اللي عاجبه زوجي ( جنه _ آيه _ فرح ) واذا طلع ولد بنسمية ( محمد أو أحمد )
طبعاً للحين متحيرين ما ندري اي اسم نختار

روز قطر _ام لين _لوليتا ,, شخباركم عساكم بخييير

تصدقون مرت علي الست شهور ما حسيت فيها بأي تعب ومن دخلت الشهر السابع كل التعب فيني
أحس اني ما اقدر أمشي , من أمشي شوي انتفخوا رجايلي..

مرحبا حوامل كيف الحال..............؟؟؟؟؟؟؟؟؟؟
أم سعيدة فرحت وووووووووايد يوم شفت أنج أويانا بنفس الشهر والله كنتي في خاطرية اقوال وين سارت هالحرمة ...................؟؟؟؟؟؟من يوم حملتي وبدى عليج لوحام ما سمعت عنج شي

بنات بقواللكم شي يضحك هذا أول حمل لي ومن حملت وانا أحس اني صرت غبية ما أدري ليش لأستيعاب عندي صاير بطيء لدرجة أنة ريلية يسألنية السؤال ولا ثلاث مرات عشان بس استوعب ومن غبائي الزايد أتحسب أنة كل الي بيربون أوياية بنفس اليوم بيبوان نفسية أنا صورة الحمد الله وعرفة أني انشاء الله بيب (( ولد))...........
فيوم قريت قائمة الأسماء ............الي كاتبتنها ختية لوليتا
قوارير 19-10-2006 بنت – ان شاء الله
اغتراب 19-10-2006 بنت – ان شاء الله
روعه 19-10-2006 ولد – ان شاء الله
لب الفؤاد 19-10-2006

أنصدمت ...........

ما أدري ليش ما أدري من وين يبت هالنظرية...........

الله يعيني ............
هي صح بنات ايكوم شد عضلي وانتو نايمين .............؟؟؟؟؟؟؟؟؟؟
لأني والله مستغربة اذا نمت على ينبية ليمين ايني شد عظلي واذا نمت على ينبية ليسار بعد أيني شد عظلي وأذا نمت على ظهرية ................ظهرية يعورني والله مب عارفة أنام حد عندة طريقة مريحة..............؟؟؟؟؟؟؟؟؟؟؟؟

هااااااااااالو كروشات


شخباركم بنات لحقو علي بموت ابي اكل ثلج خخخ فجأه طب علي هالنسى بدال لا يروح يزيد علي
بس سمعت ان الثلج يعسر الولاده هي هي
ولا ابي اكل طين ادور الطين ولا الرمل علشان اكل ريلي يقولي مو صاحيه احد ياكل طين

اما من ناحيه الغباء وقله التركيز ههههه حدث ولا حرج

لب الفؤاد

انا الي اسمع الي فيها ولد دايما اييها شد عضلي وصج انا في ولدي كله اييني شد عضلي وخصوصا وانا نايمه

انا في بنتي ماياني الحمدالله <<< تخاف من الشد العضلي