تجهيزات احلي عرايس مصر ( الجزء الخامس)

السلام عليكم ورحمة الله وبركاتة
بجد مشكورين جدا جدا على الموضوه الممتاز دة انا فعلا استفد منة كتير خاصة ان ان شاء الله فرحى فى شهر 8
ليا كذا سؤال ليكم
اولا
انا خايفة من استخدام الإستشوار فى الايام الأولى بعد الفرح خايفة شعرى يتعب منة

ثانيا:
بخصوص ازالة شعر الوجة انا مش عارفة اعمل اية خايفة ازيلة احسن يكتر ويكون شكلة وحش؟

ثالثا:

انا مش باعرف استخدم السويت وهل بروان كافية لاستخدامها قبل الفرح؟
معلش تقلت عليكم بس جعلة الله فى ميزان حسناتكم

السلام عليكم جميعا
اه اخبار العرايس
جوريه..... لسه مستنينى سوالك انتى فين
نور الصباح....... منوره المنتدى والف مبروك على الجواز وربنا يتمم بخير للاسف انا اللى اعرفهم من مصر الجديده ومدينه نصر
بنت الغالى ...........اختنا من قطر شكرا على مشاركتك معنا ونورتى موضوعنا

إذيكوا يا بنات أخباركوا ايه انا عارفة انى وحشة قوى ومقصرة من المشاركة معاكوا بس معلش اعذرونى
جويرية وأمة الله الف الف مبروك وربنا يتمم لنا كلنا على خير
مارو ميرسى يا جميل تسلم إيدك الحاجة وصلتنى
يا جماعة هانيا فين محدش يعرف الإيميل بتاعها انا اصلى قلقانة عليها قوى
ورورة وأيمان مش عارفة البنات دى كلهم راحوا فين

انا برده يا جماعة قلقانة من موضوع السويت ده بعيد عن الالم وكده انه بيطلع بسرعة قوى مش عارفة ليه وبحس انه بيطلع بسرعة وطويل قالولى انه طلع بسرعة عشان عملته اثناء ايام البريوت معرفش ده صح ولا لا وبرده سمعت فعلا موضوع انى المفروض معملش سويت قبلها بكذا شهر عشان يكون بقه كله طول واحد ويتشال مرة واحدة
يا ريت يا جماعة لو حد يعرف اى حاجة او طريقة تتعمل تقلل او تاخر طلوع الشعر تقولنا
يا بنات انا شكلى كده ان شاء الله حيتحدد الجواز على أول 11 تفتكروا الجو يكون صقع وملحفش افرح باللبس الصيفى انا مضايقة اوى اصلى مبحبش الشتاء

إذيكوا يا بنات أخباركوا ايه انا عارفة انى وحشة قوى ومقصرة من المشاركة معاكوا بس معلش اعذرونى
جويرية وأمة الله الف الف مبروك وربنا يتمم لنا كلنا على خير
مارو ميرسى يا جميل تسلم إيدك الحاجة وصلتنى
يا جماعة هانيا فين محدش يعرف الإيميل بتاعها انا اصلى قلقانة عليها قوى
ورورة وأيمان مش عارفة البنات دى كلهم راحوا فين

انا برده يا جماعة قلقانة من موضوع السويت ده بعيد عن الالم وكده انه بيطلع بسرعة قوى مش عارفة ليه وبحس انه بيطلع بسرعة وطويل قالولى انه طلع بسرعة عشان عملته اثناء ايام البريوت معرفش ده صح ولا لا وبرده سمعت فعلا موضوع انى المفروض معملش سويت قبلها بكذا شهر عشان يكون بقه كله طول واحد ويتشال مرة واحدة
يا ريت يا جماعة لو حد يعرف اى حاجة او طريقة تتعمل تقلل او تاخر طلوع الشعر تقولنا
يا بنات انا شكلى كده ان شاء الله حيتحدد الجواز على أول 11 تفتكروا الجو يكون صقع وملحفش افرح باللبس الصيفى انا مضايقة اوى اصلى مبحبش الشتاء يا ريت تقولولى رايكوا

معلش اعذرونى نسيت بردوا ابارك على الجزء الخامس وارحب بالاعضاء الجدد معلش انا اصلى مش مركزة خالص

monayaaam:
السلام عليكم ورحمة الله وبركاتة
بجد مشكورين جدا جدا على الموضوه الممتاز دة انا فعلا استفد منة كتير خاصة ان ان شاء الله فرحى فى شهر 8
ليا كذا سؤال ليكم
اولا
انا خايفة من استخدام الإستشوار فى الايام الأولى بعد الفرح خايفة شعرى يتعب منة

ثانيا:
بخصوص ازالة شعر الوجة انا مش عارفة اعمل اية خايفة ازيلة احسن يكتر ويكون شكلة وحش؟

ثالثا:

انا مش باعرف استخدم السويت وهل بروان كافية لاستخدامها قبل الفرح؟
معلش تقلت عليكم بس جعلة الله فى ميزان حسناتكم

اهلا بالعضوه الجديده منوره معنا:shy:
والف مبروك على ميعاد الفرح وربنا يتمم بخير:clap:
لاسف فى الفتره الاولى الاسشوار مهم انا عن نفسى لا احب الفرد بالاعشاب (n)
بالنسه للشعر الوجه ممكن الكوافيه تعمله كل اسبوعين او 3 بالشمع
اما الروان هى مهمه بس لازم تحاولى تتعلمى كمان تستعملى الوسيت علشان ده بينظف الجلد شوفين اهلين كانوا بيستخدما السويت بس وجسمهم ناعم وابيض وكمان الشعر خفيف وده حلو جدا:clap: :clap: :clap:
وبرضه ممكن تستعملى الكريمات

cat 2006
إزيك يا جميلة
قوليلى أنت ليه قولتى مش بتحبى الفرد بالأعشاب يا ترى حد جربها وشفتيها أصل أنا بفكر فيها لأن السشوار هيبقا دمار ذاتاً فى الأول

يابنات صباح الخير عليكم كلكم وانا مبسوطة ان الجزء الجديد ابتدى يتملى من تانى بالاستفسارات والمشاركات الحلوة , بالنسبة لتاخير نمو الشعر انا بنصحكم يابنات انكم تروحوا حراز عندوا مجموعة تحفة لتأخير نمو الشعر وممكن تستخدم فى اى مكان حتى المنطقة الحساسة , وهو فى عنده كريم السعد وده اكتر حاجة ليها تاثير ولازم يدهن يوميا لمدة شهرين عشان تحسوا بفرق واضح وفى ليسيون وزيت وكلهم برده من السعد صدقونى كويس جدا كمان بيفتح لون الجسم , كمان عنده حمام العروسة والصابون المغربي انا جربتهم وحلوين جدا . وزيت ضفاير حراز كمان ممتاز .

:shy: :salam: يابنات صباح الخير عليكم كلكم وانا مبسوطة ان الجزء الجديد ابتدى يتملى من تانى بالاستفسارات والمشاركات الحلوة , بالنسبة لتاخير نمو الشعر انا بنصحكم يابنات انكم تروحوا حراز عندوا مجموعة تحفة لتأخير نمو الشعر وممكن تستخدم فى اى مكان حتى المنطقة الحساسة , وهو فى عنده كريم السعد وده اكتر حاجة ليها تاثير ولازم يدهن يوميا لمدة شهرين عشان تحسوا بفرق واضح وفى ليسيون وزيت وكلهم برده من السعد صدقونى كويس جدا كمان بيفتح لون الجسم , كمان عنده حمام العروسة والصابون المغربي انا جربتهم وحلوين جدا . وزيت ضفاير حراز كمان ممتاز .

داليدا و كل البنات ازيكوا عاملين ايه
بلاش كريمات الفرد خالص سواء طبيعية او كيماوية مهما كان السشوار مش حيبقى زي الفرد كمان انتى فى البيت مش حتعمل سشوار زى الكوافيرات يعنى مش حتجهدى شعرك

داليدا و كل البنات ازيكوا عاملين ايه :salam:
بلاش كريمات الفرد خالص (n) :gum: سواء طبيعية او كيماوية مهما كان السشوار مش حيبقى زي الفرد كمان انتى فى البيت مش حتعمل سشوار زى الكوافيرات يعنى مش حتجهدى شعرك

dalida_palace:
cat 2006
إزيك يا جميلة
قوليلى أنت ليه قولتى مش بتحبى الفرد بالأعشاب يا ترى حد جربها وشفتيها أصل أنا بفكر فيها لأن السشوار هيبقا دمار ذاتاً فى الأول

اهلا ببنات بحرى:clap:
ازيك ياداليدا
بصى ياجميل هو الفرد عملته واحده صاحبتى
1- لازم بع بعده بشهر علشان يبين كويس
2 بيوقع الشعر ويبقى خفيف
3 بيبقى لونه اسود قوى واستحاله انه يتضبغ او يتعمل حنه
4 اول ما يطول وتطهر الجذور هيبان الفرق

مارو ممكن تقولى اه اللى اشتريته من حراز وفائده كل حاجه منه

حبيبتى كات
المنتجات اللى جبتها من حراز هى :-
1- مجموعة السعد عبارة عن زيت ولوسيون وكريم وهى كلها مكملة لبعضها الزيت اول ماتشيلى الشعر تحطية والليسيون تقريبا 3 مرات فى الاسبوع والكريم لازم كل يوم وتنامى بيه فايدته انه بيقلل ظهور الشعر وبالتدريج يمنع ظهوره تانى - وهو امن للاستخدام فى اى منطقة .

2- كريم العروسة لسنفرة البشرة والجسم :- عبارة عن كريم اسكرب بمكونات طبيعية تستخدمية بعد الحمام تحطيه وتفركيه على جسمك وخاصة المناطق الغامقة ويقعد حوالى 5- 10 دقايق ويشطف بعد كده وده بينعم الجسم وبيبيض المناطق الغامقة بالتدريج .

3- الصابون المغربى :- عبارة عن كريم لونه عسلى بتدهنى بيه جسمك وتتليفى بالليفة المغربي بعدها حتلاقى نعومة لجسمك تحفه وكمان ريحته حلوة .

4- ماء ورد :- ده طبعا تونر للبشرة وكلنا عارفين فوايده .

5- صابونه اسمها مرام بزيت الزيتون والليمون بتنقي البشرة وتفتحها .

6- زيت ضفاير حراز لتطويل الشعر والكثافة :- انا لسه مجرباه امبارح اول يوم فطبعا مشعارفة اقولكم عمل مفعول ولا لا بس اللى حسيته انه نعم شعرى جدا وده بتغسلى شعرك وتحطيه وتسرحى شعرك كذا مرة وتدلكية عشان تنشيط الدورة الدموية وتقعدى بيه حوالى ساعة ونصف وتغطى شعرك ببونية بلاستيك هو ريحته صعبه شوية لكن بالغسيل بيروح الريحة .

يارب اكون قدرت افيد بنات المنتدى كلهم وانتى كمان ياكات

ايه يا بنات طب انا طول عمري لما اعمل سشوار لازم يهيش ويبوظ والله انا فضلت سنه اعالج فيه بسبب السشوار واثاره عشان كده لا حعمل سشوار ولا فرد حسيب شعري بطبيعته واستعين بلله منتجات حراز ويا خساره مش بتنزل اسكندريه ومنتجات اصاله جربتها مش بتعمل اي حاجه خالص تقريبا :angry: بس ظهر تحت عيني انتفاخ ومش عارفه حل ليه حد يساعدني

ربنا معاكى يا امت الله انا مشعارفة اقولك ايه بالنسبه لانتفاخ العين , حاولى تسالى عن عطار مشهور فى الاسكندرية واكيد حتلاقى عنده حاجات شبه حاجات حراز وانشاءالله تبقى كويسه

شكرا جدا يا مارو و متحرميش منك ومن مساعدتك

داليدا ممكن اعرف معرض لاكازا ده مكانه فين ومتخصص فى ايه
ميرسي ليكى ياجميل

عندى وصفه قراتها فى منتدى حواء عن تجربه واحده
هى لازاله الشعر
1- كوب سكر
2- كوب ماء
3 فسوخ من عند العطار ( قد حبه البندق)
4- مستكه مطحونه ( 1/2 ملعقه صغيره)
5- 3 شابه مطحونه + 1/2 ليمونه
وكملى زى السويت العادى
هى بتقول طلع بعد شهر وكان خفيف وبعدين طلع تانى بعد 6 شهور اخف

شكرا لكى يا cat 2006 انت الوحيده الحقيقه الى عبرتينى و مش مهم انك ما قدرتيش تفيدينى كفايه اهتمامك