تعملى اية لو زوجك عمل معاكى كدا ؟؟

حبيبتي مي,
تفاعلت مع مشكلتك حتي ظنيت اني مكانك....المهم في الموضوع انك تستشيرين الاخوات وما خاب من استشار, وهذا بالنسبة لي يعني انك ما زلت تمسكين بزمام الامور:clap:
بقول لك بعض النقاط عساها تخفف من الم المصاب....
اول شي دائما رددي في داخلك.... :yes: انا الاقوى وان اللة لن يخذلني بشكل من الاشكال لان نيتي صافية وصادقة (خلي الاحساس الداخلي هو الي يشجعك ويرفع من معنوياتك)
ثانيا... تاكدي ان بعض علامات تغلبك على المشكلة قد ظهرت ...كفاية هذا التفاعل الجميل من الاخوات..
ثالثا ....شغلي مخك :think: وحاولي تجمدين عواطف الغيرة شوي ( ادري صعب بس انتي قدها ) يعني قفلي على النقاش في الموضوع من زاوية الصح والخطا, وادخلي علية وهو يكلمها واطلبي منة يقول لها انك عندة , بعد شوي قولي لة سلم عليها , وعلى مدى تجاوبة كملي الباقي..مثلا قولي لة خلني اسلم عليها بنفسي :salam: ...كلميها وابتدي عرفيها ان زوجك قالك انها تكلمة من فترة ولولا انك تكونين مشغولة كنتي كل مرة بتكلمينها معاة:mad2: بس هو دايما يجيب لك اخبارها , واثني علية وعلى اخلاقة وادعيلها ان اللة يهدي سرها و يرزقها بابن الحلال في القريب العاجل. ..وبعد هالحوار حاولي تجري على الناعم معاةواستعملي كل اساليب الزوجات عشان يسكر عنها ويجي لك ,مرة ثانية...ممكن تدخلين علية وهو يكلمها واطلبي منة يقول لها انة اشتاق لك ومحتاج ينهي الحوارمعها ويجيلك...ممكن تقولين لة اثبتي لي انك تحبني وقول لها انك عمرك ما تستغني عني وانك لو لفيت الدنيا مش حتلقى مثلي...او ان اجمل يوم في حياتك هو يوم زواجكم::shy: :shy: , وانك مش مقصرة معاة (بس لازم تجيبيها بدلال لان اسلوب الامر عمرة ما ينفع في هالمواقف)...
بعدين بقولك شي...اغلب الازواج يتبعون سياسة خذوهم بالصوت قبل مل يغلبوكم مع زوجاتهم وتلاقية طلع من موضوع المشكلة, وبدا يهذي باشياء غير مفهومة...مثل انتي ما تحترميني...تعلين صوتك..تقلين ادبك...لدرجة انك تقولين:eek2: انا!!!! متى!!!!

أبختصر ردي بسؤال واحد إلي هو
هل زوجك راح يرضى لما تكلمي انتي زميلك على أساس الزمالة أو الصداقة طبعا بعد مصارحته؟؟؟؟؟؟؟؟؟؟:angry:

وبعدين أحب أبين أن طبيعة وعادات المجتمعات العربية والمســــــــلمة لا لا لا تختلف عن بعض كثير خاصة في الأمور هذه وإن كان في إختلاط في أماكن الدراسة والعمل بس هذا ما يعني إنه كل شي عادي
يعني بالمصري سبهللة

شخبااااار مشرفتنا الحلوة اليوووم؟؟


قوليلي شنو آخر الاخبااااار؟ حابه اتطمن علييج و اشووف شنو الاوضاع علشان نحاول نعلالجها و نحلها بهدوووء


ليحينه على حاله ولا فتحتي معاه الموضوع؟

قلبي معاكي يا مي


الله بوفقك و يهديلك زوجك يا رب


انتي من متى متزوجه ؟؟؟

انا متشكرة اوى لكل البنات اللى اهتموا بموضوعى
حقيقى جزاهم الله كل خير
وبدعيلهم من كل قلبى دعوة من ظاهر الغيب

كل اللى اقدر اطمنكم بية دلوقتى
ان الاحوال بتمشى من سىء لاسوء والحمد لله على كل حال

وان شاء الله اول ما اقدر اكتب التفاصيل راح اطمنكم على اكتر

لان حقيقى ربى العالم بحالى مفييش حيل حتى اكتب
الله لا يوريها لحد تلك المشكلة ياااااااااااااارب

سحابة صيف و تزول إن شاء الله يامى

الله يوفقك لما يحب ويرضى

westar

حبيبتى احنا مش عايشين مع بعض فى بيت واحد
يعنى احنا كاتبين الكتاب بس متملكين يعنى لكن لسة مفيش دخلة ان شاء الله بشهر 8 الجاى

dunia obaidy

عندك حق الواحد لو احبط نفسة حيروح فى دوامة المشاكل لازم يكون فى دافع داخلى لحل المشكلة وتشجيع داخلى

حقيقى الاخوات ما قصروا الله يخليهم يا رب واردهالهم جميعا فى الفرح اخجلونى بحسن تعاونهم معى واحساسهم بى ومشاركتهم معاناتى

والله فكرتك حلوة وممكن اجربها لو اتكررت تانى منة

اما عن انهم ساعات يطلعوا من الموضوع ويقعدوا يقولوا الكلام اللى زكرتية فعلا والله عندك حق وفى اغلب المرات كمان يطلعوكى من الموضوع ويقعدوا يدخلوا فى حق الزوج وعلو صوتك وردودك البايخة ولما تدورى تلاقى هو اللى بيعمل كدا مش انتى

الحب لله

انا لما قلت كدا سمعت مالا يرضينى
الراجل غير الست ومتقارنيش نفسك بيا ومش كل حاجة تساوى الروس
وكلام غريب كدا كأنى قلتلة انى حعمل كدا فعلا مش بس بشبهلة الموقف

دلوعة باباتها

الحمد لله احسن كتير من اليومين اللى عدوا
حقيقى عدوا علية كانهم كابوس وكانت حالتى حالة
قاطعة الاكل والشرب ونوم 24 ساعة وكانت حالة

بكتب دلوقتى اخر الاخبار واللى حصل وياة ان شاء الله عسى اعرف ردكم ورأيكم فى تصرف كل واحد منا

ريم 81

الله يستجيب منك يااااااااااااااارب

اختى انا متزوجتش لسة دا كتب كتاب ملكة يعنى زى ما بتسموها
بس احنا بعيد عن بعض كل واحد فى بلد وبنكلم على النت بقالنا 9 شهور وماشيين فى العاشر

تنثر الكون عطرا

يارب يا اختى يكون الموضوع فعلا كدا
وميسبش اى اثار وحشة ف ىالنفس
لان العيشة بتبقى صعبة جدا لو كل واحد شايل من التانى

تكملة القصة


هو بعد ما صارحنى باللى دار بينهم وحس انى زعلانة وعدنى انة مش حيكلمها تانى وخرج ورجع الساعة 3 باليل المهم انا اما روح ولقيتة مفرفش ومبسوط ومش جايلة نوم قلت خلاص بفاتحة فى سبب زعلى علشان يعرف انى مش بزعل من فراغ او علشان انكد علية
وكلمتة بمنتهى الهدوء كما نصحتونى كلكم وقلتلة بلاش الحاجات الصغيرة دى علشان ربنا يرضى علينا ويكرمك فى شغلك وفى بيتك وفى زوجتك وفى عيالك وعلشان كمان يبقى لنا وش ندعية لما نعوز حاجة علشان ربنا يوفقنا وكمان انت جربت تكلمها قبل كدا وحصل بنا مشاكل يبقى دا باب شر خلينا نقفلة علشان نعيش مبسوطين مع بعض
ثم انت بنفسك بتقول انها بنت مش كويسة طيب لية تنزل بمستواك لمستواها
حبيبى انا واثقة فيك مليون فى المية وعارفة انك مش ممكن تفكر فيها وعارفة اد اية انك مش بتحترمها من سمعتها وان كل الناس بتكلم عنها بس انا مش واثقة فيها هيا زى ما بتقول عنها بنت مش سهلة يعنى ممكن تعمل حاجة تفرق بنا او تخليك تقرب منها زى ما كانت عايزة من غير ما تدرى انت مش حتكون حاسس بنفسك زى ما حصل اهو الاول كنتوا بتكلموا بالصدفة لو شفتها على النت دلوقتى بقى بينكم موبيلات ورنات الموضوع بيطور وانت مش واخد بالك انت مش بتكون حاسس بدا وياما سمعنا ان فى ستات اخدت رجالة من على ستاتهم وبيجوزوهم وبعد فوات الاوان الرجالة دى بتفوق انا بفوقك من دلوقتى علشان ميحصلش دا
ثم البنت دى سكتها كلها مشاكل يا ناس بتكلم عنها يا هيا بتكلم على ناس ليى نحشر نفسنا فى السكك دى

انا مش بخنقك ولا بسيطر عليك ولا بأمرك بشى انا سيباك تكلم بنات تانيين زمايلنا بس انا عرفاهم وعارفة انهم كويسين علشان مديقش عليك واخليها واحدة واحدة احسن بس دى بنت مش كويسة وانا اخاف عليك منها

المهم هو قالى انة خلاص مش حيكلها ووعدنى واعتزرلى انة عمل كدا
وكان وقتها صلاة الفجر قلتلة قوم صلى وادعى ربنا انة يبعد عننا الشيطان دا ويوفقنا ويهيدنا لعض
وراح صلى وقلتلة تصبح على خير وقالى انة تعبان وحيروح ينام مش حيقدر يستنى معايا لحد ما الفجر عندنا يأذن قلتلة ماشى انا عارفة انك تعبان من الشغل ومن الجيم اللى بتروحة روح انت نام وارتاح


بكمل .......................

مي مي مي كل شيء ولا احد يزعلك
لا تزعلي ولا على بالك
ما دام الحب موجود
ما في خوف حبيبتي
اسألي مجربه
انا لما كنت مخطوبه كنت ما انام الليل لما خطيبي يزعل مني
وكنت اتمنى له الرضى (وبصراحه انا اللي كنت اصالحه حتى لو كان هو الغلطان )
اما بعد الزواج ومع العشره والاولاد بيكبر الانسان وبيكبر تفكيره وطريقه حلوله للمشاكل والحمد لله بيكبر الحب ما دامه موجود
انت لاتزعلي (مع انه الصراحه معك الحق في زعللك ) عشان ما تبيني قدامه انك قاتله حالك عليه
قولي له انا بحبك واموت فيك وانت لازم تحافظ على هذا الحب
وهذا البنت ما لها حق في وجودها في حياتنا
ما دامك بتحبني ليش بتجيب المشاكل والازعاج لنا (هي مصدر ازعاجنا ومشاكلنا )
والله يوفقك يارب وتزول هذه الغمه عنك
حبيبتي لا تزعلي مش كويس الزعل لك (انت على وجه زواج ولازم ما تتكتئبه)

انا ما كملت مي بستنى كتابه اخر التطورات منك
ويارب يارب خير

mai ماشالله كلااامج وااااااااااااايد حلوووو ز منطقي .... و اعتقد اقتنع من كلامج و حس بغلطته الحمدلله ... بس الحين مابحكم ابي اشوووف تكملتج للقصة الغاااالية

المهم صبح يوم الجمعة لقيتة بيرنلى علشان ادخل نت بعد صلاة الجمعة الساعة 1 تقريبا
دخلت وقعدنا نكلم واتفاجئت لقيتة بيقى انة نام الساعة 7.30 الصبح
فبقلة امال كنت سهران فى اية بيقلى كنت بكلم اصحابى على النت وبعمل شوية حاجات تبع الشغل وكلمت بنت اسمها (..........) كان يعرفها من زمان ايام العزوبية من على منتدى كان مشترك فية وانة حتى زعلان مع والدة شوية بسبب الموضوع دا لان والدة كلمة فية واحتد علية شوية

المهم انا قلتلة طيب خلاص روح انت صالح والدك دلوقتى ولو على انك زعلتة قلة انى انا اللى كنت مزعلاك امبارح واتنرفزت عليك اما روحت متأخر وقعدت ازعق واهلل وضايقتك بكلامى عن التاخير وطبعا كل دا محصلش بس انا كان كل همى اصالحة على والدة
قالى طيب ماشى بس اما يكون لوحدة فى الاوضة قلتلة طيب
طبعا انا شايلة منة وعلى اخرى يعنى الكلام معداش علية يوم وتصبح تكلم بنت تانية على النت وكمان لا تعرفها ولا تعرفك يعنى اصحابنا فى الكلية وقلت ماشى وانا من جوايا مش موافقة ومستنياك انت بتطل وتيجى منك بدل ما تحس انى خنقاك تقوم كمان تجبلى بتوع النت وبتوع المنتديات وناس لا نعرفها ولا تعرفنا طيب لية
المهم النت فصل طبعا وانا مكنتش كلمتة فى اى حاجة من اللى حسيتة دا انا اما لقيت كدا وقعدت مع نفسى شوية حسيت انى زعلانة منة جامد مش عايزة اكلمة وقفلت الموبيل ومردتش ارد علية وهو فضل يتصل على البيت كتير وعلى الموبيل وعلى خالاتى يسال عليا عندهم وعلى اختة اللى بتدرس هنا وعلى كل الدنيا وطبعا دا نرفزة اكتر وشد اعصابة وزود ثورتة المهم فين وفين انا كلمتة باليل واعتزرلى عن انة كلمها بس الغريب هو طريقة اعتزارة

بيقلى انا متأسف سامحينى على اللى حصل ومتزعليش منى وحقك علية
بس انا مش حنسالك ابدا اللى عملتية وانتى نزلتى من نظرى ومكنتش اتوقع انك تتصرفى كدا وتحرقى دمى بالشكل دا واكلم فى البيت يقولولى خرجت وانتى مش بتردى على الموبيل وانا قايلك قبل كدا الموبيل ميتقفلش انتى مش بتسمعى كلامى وخرجتى كمان من غير ازنى انا كنت باقى عليكى لحد اللحظة اللى فاتت دى بس دلوقتى موعدكيش

اى مصالحة دى بزمتكم انا حسيت بقى انى انهارت وقتها وان الدنيا خلاص اتكركبت لا اتصرفت بهدوء وحكمة نافع ولا لو ثورت علية واخدت موقف قاسى نافع


للحديث تكملة .....................

مي انا انتظر تكمله موضوعك عزيزتي

ليه ما فكرتيش انك تخلي اي حد يكلمها عن طريقك ويبعت لها رسالة انه كده عيب وما يصحش وانك ممكن تقولي لحد من اخواتها او والدها عشان تبعد عن جوزك....
وربنا معاكي انشاء الله ويبعدها عن طريق جوزك باذن الله

المهم عدى اليوم وصبحنا تانى يوم كان بيكلمنى من الدوام
وكان فى صفحة فيها قلوب كدا اللى بنكلم فيها فلقيتة لغاها
فبقلة انت اللى لغتها قالى اة
طيب يعنى مش عايز اى شىء رومانسى يربط ما بنا
امال كنت بتصالحنى امبارح لية وانت لازلت زعلان وزعلان من اية مش عارفة المهم طبعا دا كان حوار بينى وبين نفسى
انا لما لقيتة عمل كدا سكت ومكلمتش فبيقلى حتفضلى ساكتة ما انتى مش مقدرة غلطتك المهم قلتلة انا لو كنت غلطت فبعترف فعلا انى غلطت فى قفلة الموبيل بس غير كدا مغلطتش فى حاجة ام زعل وقالى انا عندى شغل سلام وطلع :angry:

ولما روح وكلمنى بيقلى انة مش غلطان وانة لما صالحنى امبارح كان علشان مزعلش وخلاص
يعنى انا قلتلك انك غلطت وزعلت منك ووالدك كمان زعل منك ووالدتك زعلت منك كلنا غلط وانت اللى صح
المهم طبعا اصرارة على انة مش حاسس انة غلط دا ولعنى اكتر وحسسنى انى بنفخ فى اربة مقطوعة طيب ومبررة الوحيد انة بيكلمهم علشان يحس انة فى مصر وانة مش فى غربة
طيب ما انا فى مصر متكلمنى يا سيدى مش كفاية انا

انا حتى قلتلة انى عندى استعداد اتحمل منك اضعاف مضاعفة من تصرفاتك دى بس احس انك حاسس بية حاسس بزعلى هامك امرى احس انك لما بتزعلنى بتطيب خاطرى يعنى لو جيت فى يوم زعقتلى ولا حتى ضربتنى وادتنى من تحت رجليك وجيت بعدها قلتلى يا حبيبتى حقك عليا متزعليش منى انا غلطان انا بس كنت مدايق شوية وبقيت فيكى دقيتى يعنى انا ليا مين غيرك يتحملنى انا والله ساعتها ممكن اديك العصايا تضربنى اكتر بس احس انك حاسس بيا مقدر مشاعرى وانك قريب منى وبتصالحنى من قلبك فعلا مش مجرد كلام فض مجالس

طبعا هو كل اللى بيقولة انة مش بيعرف يعبر عن دا بالكلام كدا يعنى هو ممكن يكلمنى عادى ولا بضحك وكدا يبقى بيصالحنى انا قلتلة الست غير الراجل بتحتاج تسمع الحاجات دى مباشرة زى ما انا بقلهالك مباشرة ثم انت بتعرف مش مبتعرفش لان اختك اللى كنت معاها فى بيت واحد كنت اما بتزعلها بتقلى انك كنت بتاخدها فى حضنك وتطبطب عليها وتعزرلها وتبوسها وتصبح تانى يوم تجبلها هدية كمان طيب انا مليش حق فى دا مع ان المفروض انا اكتر لانى بعيدة عنك والمفروض تهون عليا البعد الزمنى والمسافة حسسنى انك رغم انك بعيد عنى انك قريب من قلبى انك حاسسنى ومقدر مشاعرى

وطبعا هو بيقول انة بيعبر بالافعال يعنى هو مش زى شباب سنة مش بيخرج مع اصحابة ومن البيت للشغل ومن الشغل للبيت وبيفضل يكلمنى عن انة ينام ولما بيجبلى هدية بيفضل يدور ويلف لحد ما يجبلى احسن حاجة وبيحب افتحها قدامة على النت كمان علشان يشوف فرحتى بيها دا ميعرفكيش انا اد اية بحبك ولا بحبك من الاصل ولا لاء دا ميبينلكيش كل دا فعلا بيحصل بس اى ست عندها احساس جوزها بيها اهم من مليون هدية

هو شايف انى انا اللى عملت المشكلة وكبرت الموضوع وانى مش بتفهم صراحتة صح وانة ما دام صارحنى يعنى مش فى دماغة حاجة وحشة وإلا مكنش صارحنى بالامر وانى كدا حخلية بعد كدا ميبقاش صريح معايا علشان يريح نفسة من وجع دماغة وانة كان ممكن بتصرفى اضيعة من ايدى لانة لو حتى راح اجوزها مش بس كلمها مفيش لوم علية ودا حقة الشرعى :qaq: وانى بكدا بخرب على نفسى وصلى استخارة ان نكمل مع بعض ولا لاء وقالى لو حتكونى زى ما انا عايز اوك نكمل حتفضلى كدا يبقى كل واحد يروح لحالة احسن:sad:

بس الموضوع انتهى على انة صالحنى بعد ما قالى على كل اللى عايز يشوفة فيا واللى انا عايزة اشوفة فية وباسنى وقالى حقك :shy: عليا متزعليش وبكى :sad:

المهم انى فى الاخر انا اللى طلعت غلطانة من ساسى لراسى وانا مش عارفة انا فعلا غلطت ولا اية
حقيقى بقيت محتارة فى امرة وفى امرى ؟