تجمع لبنـــــــات الكويـــــــت ((حياكم الله))

هلا والله أوراد شلونج يا الغالية..؟

اي والله الظاهر جذي السالفه..

بنات اليوم رحت الاقتصاد المنزلي اللي بالاوقاف..

المكان وايد صغير و مع هذا زحمه ماشاء الله..

ماتقدرين تاخذين راحتج!

سالت اللي تشتغل عندج كاتلوج تصاميم؟؟!!

طبعا ماتعطي ويه عشان الزحمه..و الظاهر اللي عندها ماكانوا راضين عن الشغل اللي مسويته او شي..

فقالتلي لا مافي بس المعروض..

شغلها شكله مرتب..بس التشكيله شويه طبعا..

و شوي فيه خبه..

رحتوله؟؟

هههههه مو اقولكم اي شي تقولولي عنه اروح اشوفه .. بس بقالي الخياط اللي قالت عنه خاص ما مداني..

ام فروحه الاقتصاد المنزلي فيه شغلات تصلح للمعاريس

ابي شيء راقي لغرفه معاريس اذا شغلهم حلو باروووح له

تبين الصج ما اقدر احكم عليهم..لاني دخلت بسرعه و طلعت كان زحمه..و المكان يدوب ادشين بروحج !!

شنو تبين بس كفر؟؟

تبين الصج ما اقدر احكم عليهم..لاني دخلت بسرعه و طلعت كان زحمه..و المكان يدوب ادشين بروحج !!

شنو تبين بس كفر؟؟

سلامتكم ما تشوفون شر وعسى الله يهون عليكم

عزيزاتي ..الاقتصاد المنزلي اختي مسويه عندها قميصها وملفع مع كيس الطفل والنعول وطلع عليها 125 دينار تقريبا

انا قلت لكم من قبل اسعارها غاليه بس شغل حلو يطلع...طبعا صاحبة المحل كويتيه واهي اللي تسوي لج موديل مو المصريه الموجوده بس لازم تحددين موعد معاها اذا ما عجبك شي من الموجود
المهم
حلو شغلهم لمطارة الشاي والقهوه انها تصير طقم مع الكفر وبعد تغليفهم للشكر وعلب كلينكس الصغيره
بصراحه بنفاس اختى جبنا وحده فليبينيه بعشر دنانير علشان تصير سيرفس من هالمحلات مالت الحفلات وكانت كل خميس عندنا علشان ما نعلمها كل شويه وحده ونتعب معاها...بس في ملاحظه على هالسيرفس انهم سريعات كانهم بعرس؟؟
يعني كم مره قعدنا نقول لها شوي شوي لما تقدمين الحلو مو سباق.
المهم نرجع حق الكفرات شوفي اللي يسلمج ارض الحنان ما ادري ارض الجنان اللي بمجمع الرحاب بحولي شغلها حلو وخصوصا حق المعاريس بس في محل قبالها بعد اسعاره حلوه يعني ممكن تشترين كفر راقي للولاده بسيط ما يتعدى 40 دينار وضيفي عليه ستراس اللي بالكوي راح يطلع روووعه .
بصراحه الحين محد قام يستقبل بالايام العشرين الاولى...يعني الوحده تعمل استقبال من عقب العشرين يوم و مرتين بالاسبوع وما يحطون سرير وكفر...يعني يبيلج بس حق المستشفى وبس ..خصوصا انج مو اول مره تولدين
انا بصراحه اعرف حريم يسوون كفرات بس اشدعوه من 150 وطالع؟؟ يالله السلامه الوحده ما تدري تطلع بالسلامه ولا لأ؟ معلش مو قصدي اخرعكم بس خلوني اسولف مثل امهاتكم :)
صج ترى زارا اللي بالمرينا يقولون عنده كفرات ...بصراحه ما شفتها

سلام بنات شلونكم اليوم

إختي أوراد أنا ما جربت السلام بس أعرف وايد بنات جربوها وتحسفاو الكل يقول مو شي وخاصه الولاده عندهم أنا عن نفسي أراجع في مستشفى الراشد ولدت بنوتي البجر عندهم وخواتي نفس الشي ودكتورتي أنا وخواتي ورفيجاتي دكتوره يوليانا

السلام عليكم جميييييعا...

مشكوره خاص على الشرح المفصل..

شوقتيني اروح زارا المرينا..بس المشكله هالزحمه تخلي الواحد تلوع جبده..

و فوق الزحمه الأشكال الفضائية !! الله يهديهم.....

ما ادري متى انسب وقت يكون شوي المجمع فاضي..

طبعا الايام صاروا كلهم نفس بعض لان عطله..

و جم مره اروح السالمية الصبح همممممممم زححححححححححمه والله اتعجب..!!

و المشكله اغلب الناس مسافرين هههههه



الورده المكنونه..عاد تدرين انا حاطه في بالي السلام .. شكلج بتخليني اهون :(

يعني من اي ناحية مو شي؟؟!!

يقولون يديد و حلو

ولا تقصدين الخدمه و الرعايه مو زينه؟

والله بنات انا ولدت بالاحمدي وما اايد الولاده بالخاص كلش مدري ليش اخاف منهم مع اني اراجع بالعيادات الخاصه بس الولاده افضلها عام
امي كانت تولد بالرشد ومة اخوي بعد ودكتورتهم يوليانا

لكم شهر تكلمون عن اغراض البيبي والنفاس كرهت اني اشاارك والله خلاص ينااس

فيه محلات اشترو واخلصوووو غيرو السالفه بطيتو جبدي <<<<<<< خربتهاا


يلااااااااا دورونا سالفه تكفون عن المستشفيات واغراض البيبي كفايه كلام عنه

كل ماجي ابسوالف القى نفس السوووووووووووووووالف لاتخلوني مشاارك << محد جابرج ههه


اممممممممم انا طفشانه ابي اغراض للمبطخ عشان ارمضان ابي شيء يفتح النفس وشغالتي لي شهرين انطرها مجاااااات ابي اعلمها قبل رمضاااان احس من كثر ماني انطرها... لاشفتها بحضنهاا من الفرحه هههههههههههههههههههه

اشونكم يا حلوين؟
لبى قلبي وليدي اشلون الولاده ؟
انا ولدت بالاحمدي وما حطولي لا مخدر وعطوني كمام فاضي
يعني حسيت بالمعاناه من الالف الى الياء والستترات هم اللي ولدوني وبعد ساعه من الولاده وصلت الدكتوره علشان تخيطني بعد ما دخل كل الهوا وبالنسبه للبيبي ما لبسوه ملابس الا لما طلعت من المستشفى
يا ليت تقوليلي عن تجربتج وياهم
زوجي مصر اني اولد عندهم وانا ابي كمام مابي احس بشي
رفيجتي والده بدار الشفا تقول دخلت وولدت ما حسيت بشي
اشرايكم؟

لااا لاا <<<هذا اسمج صح

انا عقب كلا لبى قلب ولدهاا تحمست اني اولد با الاحمدي بس خوووووفتيني يالالا

دار الشفاء ودي فيه بصرااااحه

مرحبا بنات
انا بقول لكم عن المستشفيات و عن تجارب مروا فيها ناس اعرفهم

دار الشفا يقولون الخدمة مو شي يعني وقت الزحمة تلقين الجناح الكامل مافيه الا سسترتين (دخت على ما كتبت هالكلمة) بس الحلو الي فيهم ان عندهم دكتورة تخدير اذا تبون تاخذون ابرة الظهر


الهادي عمتي ولدت فيه و زوجة عمي بعد خدمتهم وايد زينه بس عيبهم لازم يطلعون لج عيب بالبيبي بس علشان الفلوس يعني ما تسوى عليج الخرعة

المواساة نص الي اعرفهم يولدون هناك وااااااايد يمدحون معاملتهم و خدمتهم و في دكتورة وايد زييينة عندهم بس ماني متذكرة اسمها

السلام انا امي كانت ولدت عندهم قبل 3 سنين وايد وايد تمدحهم كان دكتورها مصري و السلام الدولي اليديد وحدة اعرفها توها والدة هناك مشالله وايد تمدح فيهم

انا اراجع عند عيادة خاصة و الصراحة دكتورتي وايد مدحتلي السلام الدولي انا بولد عندهم انشالله دام ان دكتورتي معاي و تمدحهم انشالله ما يصير الا الخير
(r)
سوري قرقت على روسكم بس كنت بقول لكم عن تجارب بعض الناس و ترى بالاخير كل شي على الراحة النفسية يعني اذا انتي مو مرتاحة من المكان لو شنو يمدحونه لا تروحين

والله يسهل على الجميع انشالله

:shy:

والله يا لالا تجربتي غير انا ولدت ولدي عمليه قيصريه وبالبدايه كان حامي الطلق وجذييه وعطوني كمام وكنت اقطه من الخرعه ههههههه وامي عندي ترد تحطه وهم ارده اهيا وزوجي يحنون فوق راسي خليه بس ما قدرت وزاد على التعب فاظطروا يسوالي قيصريه بعد ماكان فاتح واياهم 8 سم بس قالوا خلاص ما تقدر

المهم معاملتهم زينه وانا طبعا قعدت اسبوع بالمستشفى كنت مرتاحه وبعدين الولاده لاينفع واياها لاطب ولا طبيب اهيا رحمه من رب العالمين
والله يهون عليكم

اليوم كلمته
وقالي مستحيل الاحمدي وبس
مادام راح اولد عندهم
قولولي منو احسن دكتور او دكتوره؟
وصراحه انا احب الدكتوره نداء بوخضور في خيطان بس اتولد بالهادي
معاملتها راقيه حيل والحين اراجع عندها

هلا والله بنات شلونكم؟؟

ليدي عسل جنج معصبه عالسوالف و طبيتي فينا ههههههه!!

تدرين لأن احنا بقسم الولاده و الحمل فاغلب السوالف عن جذي..لكن اكيييد ما يمنع اي سوالف ثانية..

و انا اقترح عليج اذا ودج بسوالف غير انتي ابتدي بالسوالف و اللي مهتم بيرد عليج..و بيتفاعل معاج..

لكن هم حرام البنات ودهم يسولفون عن المواضيع اللي انتي ماله منها..بس بالنسبه لهم مهمه..

و اكيد وايد قاعدين نستفيد منها..و خصوصا اللي اول تجربه مثل حلاتي جد وايد استفدت منكم..

يعني مثلا انا كنت حاطه في بالي دار الشفا من ضمن الاختيارات و الحين على كلام لولو بلغييييييه بالمره..بشوف اللي امدحتهم :)


لولو لا تتسورين ( يعني لا تتاسفين ) بالانجليزي..بالعكس طولي علينا لان قاعدين نستفيد من كلامج :)



بالنسبه حق مستشفى الاحمدي..طبعا بس حق اللي يشتغلون بالنفط..انا اختي تولد فيه و تمدحه..

بس المشكله ماكو غرفه خاصه وقت الطلق..بالعمومي تقعدين!! عاد انتي و حظج..

و صارت سالفه و احنا وياها و اهي تطلق..

ان وحده يمها كانت تعبانه..بس راحت الحمام و انتوا بكرامه و ردت ما لقت موبايلها..!!!!!! انباق..

فنصيحه مني ديروبالكم على اغراضكم..لسهولة ********** !!

ليدي عسل ..

تبين امعاعين غاليه ولا عادي؟؟

لأن في اماعين حدها عجيبه اشكال و الوان بس غاليه شوي..

قوليلي و انا ادلييج..

هلا والله ام فرووحة شلونج عساج بخير

امبيه انا مادري ليش ما عندي هالاهتمامات مثل المواعين و الطباخ مرات اشك بنفسي اني متزوجة :shy:

هههههههه لولو ضحكتيني والله

لا لاتشكين.. ترى انا بعد ماعندي هالاهتمام وايد..يعني آخر خبري بشراء المواعين اول ما جهزت مطبخ الشقه من اكثر من سنتين و بس ههههههه

بس مرات تكون اشكالهم حلوه بس اقعد اطالع ..لكن ما يغروني اشتريهم :)


تدرين شاللي يلفت نظري..؟؟

الأجهزه اللي فيها فناتق..

مثل موقع شفت دعايته بس بعده الموقع ما خلص..متروس فناتق و اشياء غريبه..تتسوقين و انتي قاعده بمكانج..
http://go.3roos.com/cDs7HMLwC06

كل يومين اجيك عليه اشوف افتحوه ولا بعد.. بس اتوقع نهاية الشهر يكونون فاتحينه..

يله جني بصرف الميتيين عليه هههههههه

هههههههه لولو ضحكتيني والله

لا لاتشكين.. ترى انا بعد ماعندي هالاهتمام وايد..يعني آخر خبري بشراء المواعين اول ما جهزت مطبخ الشقه من اكثر من سنتين و بس ههههههه

بس مرات تكون اشكالهم حلوه بس اقعد اطالع ..لكن ما يغروني اشتريهم :)


تدرين شاللي يلفت نظري..؟؟

الأجهزه اللي فيها فناتق..

مثل موقع شفت دعايته بس بعده الموقع ما خلص .. :confused:

متروس فناتق و اشياء غريبه..تتسوقين و انتي قاعده بمكانج..:clap:

http://go.3roos.com/cDs7HMLwC06

كل يومين اجيك عليه اشوف افتحوه ولا بعد.. بس اتوقع نهاية الشهر يكونون فاتحينه..

يله جني بصرف الميتيين عليه هههههههه

يت بوقتها :shy: