تجمع لبنـــــــات الكويـــــــت ((حياكم الله))

بسأل أول سؤااااال..

بصراحة وايد وايد محتارة بالمستشفى اللي بولد فيه ان شاء الله..

المفروض اني أفتح ملف من الشهر اللي فات بأحد المستشفيات ولم الحين ما فتحت لأني مو عارفه أختار المستشفى اللي احس اني برتاح منه..


يعني عندكم دار الشفا مثلا..

بعد ما قريت قصة اختنا وحده كويتية..أظن أغلبكم قرا قصتها و شنو سوا فيها الدكتور اللي ولدها و اهو نايم..الله يسامحه..

ما ادري جني تخرعت شوي من المستشفى..بالذات بعد جم وحده ما يمدحون معاملت السسترات فيه..

و غير ان أغغغغغغلب اللي يولدون بدار الشفا كله فتح بطن..تدرون يربحون اكثر اذا فتح بطن..!!

و مستشفى المواساة..هم قريت وحدة تقول ان اختها و اهم يدزونها على كرسي طلع راس البيبي جان يردون يدخلونه تخيلوااااا!! شنو هالمعامله طبعا هذيلي السسترات..

و الهادي هم سمعت ما يمدحونه..يقولون فيه وايد نسب تشوهات للمواليد..

و انا مره نمت فيه اسبوع تقريبا كنت مريضة..الله لا يوريكم الازعاج بالليل مستحيل تقدرين تنامين براحه..العمال يصارخون على بعض الفير!!!!!!!



اشرايكم ايهوا أحسن مستشفى مر عليكم؟؟؟؟؟؟


بانتظار ردودكم :)

هههههههههه مستعيلة بسأل كل أسألتي مرة وحدة...(r)

خطر على بالي سؤال ثاني...

إشرايكم ايهوا أفضل...إن الوحدة تسوي إستقبالها بالمستشفى ولا بعد ما تخلص من الأربعيييييييييين؟؟؟؟؟؟؟؟؟؟ و ليشششش؟؟؟؟:think:



طبعا أغلب اللي قاعدين تشوفونه الحين استقبالات بالمستشفى على يومين..لكن هل تأيدون هالشي؟؟


وايد يقولون أحسن و عشان تفتكين:gum:


بس أحس إن حيييييييل متعب حق الوالدة...


يعني أعرف وحدة تصيرلي كانت مسوية فتح بطن..تخيلوا متصلبه مدة يومين من الزوار..بعد يومين حست بألم مو طبيعي..

ياها الدكتور فحصها قالها انتي مينونه ليش مسوية بروحج جذي ..مهمله صحتج عشان خاطر الزوار..


لان ماتقدر تتحرك كله بالفراش فالجرح بقى ينفتح...:eek2:

و طبعا الناس رايحين يايين..حتى وجبتها مو قادرة تاكلها...


ولا ولدها قادرة ترضعه !!


أما بعد ما تخلصين من الأربعين..اتسوين استقبال حلو يا فالبيت او قاعه خصوصا اذا كان اول ياهل لج..


و بالمستشفى يزورونج القراب...


اشرايكم ايهوا تأيدوووووووووون؟؟؟ :shy:


بإنتظار ردووووووووووووودكم

هلا أم فروووحه ..... أنا حامل بالتاسع ..حامل أول مره... وراح أولد بمستشفى الراشد....وعن الأستقبال انا افضل يكون بالبيت لان بالمستشفى ابي اريح نفسي بعد التعب

هلا أم عسولة..أول المشاركاااات بالتجمع حياج الله :clap:

ماشاء الله هانت إن شاء الله دامج بالتاسع..ناطرين قصة ولادتج..

و إشمعن بتولدين بالراشد..اتصدقين مو سامعه وحده من قبل والده فيه؟؟

و بالنسبة حق الاستقبال..أحس أريح إن بعد الولاده تسوينه فالبيت عشان تريحين هالفترة..

إنزين امفكره تسوين شي خبة؟؟ خصوصا ان أول ولد أو لا وليش؟؟ ياليت تفيديني..

لأن انا نفسج إن شاء الله بدخل على الرابع و أول حمل لي بعد سنه و نص تقريبا ..

فقاعده افكر هل اسوي شي خبه مثل هالاوادم ولا عادي..ما ادري شنو احسن!:think:

اخيرا لقيت كويتيات اسولف معاهم

طبعاخواتنا الخليجيات مايقصرون ومالنا غنى عنهم


خواتي انا حامل بتوام ( ما بقى احد بالكويت ما درى )


وناوية انشاء الله انه يكون حملي الاخير ( الهم ارزقني الذرية الصالحة السليمة المعافات كاملة الخلقة)
لان عندي اولاد وبنات

فابي يكون ختامها مسك يعني بكشخ في كل شيء اللبس و الاثاث وحلو التقديم


لان ولاداتي الماضية كلها كانت عالطاير



وانا بصراحة لي قريبات ومعارف جخ لما نزورهم في النفاس نشوف العجب العجاب في اللبس هالارواب الغريبة نفس شغل اللفة نفش المهاد مال البيبي نفس الكفر



والتقديم كل ولادة غير مرة شاي بانواعه مع الفطاير مرة قهوة مع حلو غريب

مرة بوفيه سلطات وفطاير



واللي يقهر استحالة يقولون لك وين هالملابس وين الحلو وين هالكفر جايبينه




وتعالي شوفي لما يطلعون من الاربيعين صبغات غربية دراعات فناتك المينة تضعف والضعيفة تمتن السمرة تصير قطنة




مع العلم انهم من الطبقة المتوسطة يعني مو بنات هاي واغلبهم مدرسات









وانا هالمرة ناوية ادش الميدان اذا الله هون علي ولدت بالسلامة










فيليت يا خواتي تساعدوني وين القى هالملابس وهالكفرات




ولاتقولون عيد النصار والطاهر وانور ابي اكشخ





مالي غيركم هذا مع العلم انه ماعند ي الا اخت وحدة كبيرة ما تعرف هاسوالف

هلا فيج حبيبتي نوضة بتجمعنا:shy:

ثاني مشاركة بالتجمع :clap: حيااج الله



و ألف مبرووووووووك عليج التوأم..:smile:

عسى ما تعبتي بالنسات لأني سمعت إن الحمل بتوأم يكون نساته دبلات عن الحمل بواحد..صج هالكلام ؟؟


عموما بالنسبة لتسائلاتج..بفيدج باللي عندي.. و إن شاء الله باجي الخوات ماراح يقصرون..بس شكله بالمنتدى مافي وايد كويتيات لأن مافي مشاركات وايد بالموضوع ..ما أدري وينهم :think:


الظاهر ليش اليوم خميس..فقززز الربع هههههه:cool2:



فعلا انا مثلج كل ما أروح استقبال ماشاء الله تشوفين أشياء غريييييييييييييبة و عجيييييييييييييبة

فناتق مو طبيعية..:gum:


بس أول شي ما قلتيلي وين ناوية تسوين استقبالج بالبيت ولا بالمستشفى ولا بقاعة او صالة؟؟ ترى هذا كله يعتمد على اللي بقوله لج..:think:

يله ناطره ردج عشان اقدر افيدج ان شاء الله..


و لا تنسين تقولين لنا..أي شهر الحين؟؟


الله يقومج بالسلامة إن شاء الله :flower:

تسلمين ام فروحه على هالموضوع الروعه


انا ولادتي ببنتي البكر شهر اربعه اللحين لها شهرين وولدت بالهادي ولا اروع الخدمه وشاييليني شييييييييل ومافي ازعاج انا اخذت سويت وجهزت الغرفه والحلو والفطاير والكاوكاو والقهوه والشاي وكل شي وسويت استقبال بالمستشفى لصديقاتي بس وطبعا الاهل القراب اما الباجي فنستقبلهم اربعا وخميس وانا افضل الاستقبال بالمستشفى لأنه البيت عباله بصراحه احس
ماادري ليش؟

أهلااااااااااا سمبتيييييييييييييكاااااااا


حياج الله في التجمع..:clap:


أولا ألفففففففف الحمدلله على سلامتج..و الله يخليلج بنيتج و تشوفينها عروس إن شاء الله و عزمينا على عرسها :smile:


ثاني شي العفو .. :shy: والله منزمااااااان كان ودي أسوي تجمع مثل هذا عشان نستفيييد من بعض..


اتصدقين غيرتي فكرتي عن مستشفى الهادي..كنت ماخذه عنه فكرة مو ذاك الزود عن المعاملة :think:


اتصدقين عاد...بعض صديقاتي يقولولي ..إذا بتسوين استقبال بالمستشفى مو تقولين بس بالمستشفى ولحد ايي البيت ..لأن في ناس جذي يقولون..


تقولي صديقتي أنا جربت مرتين مره قلت بس استقبالي بالمستشفى..و صار فيني غلقة بالبيت أتمنى أحد يزورني و يطل علي و حاشتني حالة اكتئاب..

و بولادتها الثانية سوت بالمستشفى و قالت تعالوا اي وقت بالبيت...تقول الناس طالعين و داشين علينا..ما حسييييييييت بضيقة خلق بالمرة...


:think:


شلون عباله بالبيت سمبتيكا؟؟ قصدج من ناحية الضيافة كل شوي تعالوا اشتروا معجنات و هالسوالف حق الضيوف؟؟


إذا من هالناحية أأيدج.. :qaq: ولا في بعد سوالف ثانية؟

على فكرة سمبتيكا..قريت قصة ولادتج عجيييييييييبة :)


الحمدلله انه كان طلق طبيعي مو صناعي مثل ما قالولج..


و بغيت أسألج منو كانت دكتورتج و شلونها؟؟؟

هلا وغلا ام فوووحه جزاج الله خير من زمان بغيت اسوي موضوع جذيه
بس انتي سبقتيني ههههههه عادي المهم نتجمه بنات الكويت ياعيني
عليكم والله وان شالله بنستفيد ونفيد بعض 0



ولي عوده ان شالله 0



كاسكو

صبااااح الخير حبايبي بنات ديرتي ( من غير قصور بالباقي ) .... تصدقون أني دخلت التاسع ولاحضرت حق أستقبالي شي لأني معتمده على أمي وخواتي بكل شي....
بسألكم شنو الشغلات اللي أسويها بالتاسع عشان تعجل من ولادتي... لأني بصراحه أبي أولد وأفتك ... شكثر نصحوني بالماي الحار أن اقعد فيه فتره....مادري سمعتوا عنه ؟؟؟ واللي عنده طرق غيرها تقولي بليييييييز....:shy:

هلا فيك يا ام فروحة



انا بالشهر السادس وناوية اسوي الاستقبال بالبيت يعني مفتوح اونس ناس جاية وناس طالعة

وبعد انا راح تكون ولادتي قيصريةوراح اقضي اسبوع بالمستشفى


وانا عندي عندي شقة في بيت حمولتي وعندي صالة استقبال

الكاسكوو

هلا فيييج يا الغالية بتجمعنا..إي والله الفكرة منزمان كانت ابالي و أخيرا تحققت :shy:


ومن سبق لبق ههههههههههه :cool2:


هههه أتغشمر معاج..أهم شي التجمع صااااااار و بانتظار باجي بنات الكويييييييت..


و لا تبطين علينا بإنتظار عودتج و مشاركاتج معانا :up:

هلا فيييييج أم عسووووووله بتجمع بنات الدييرة :shy:

يله هانت معناته مابقالج شي على الولادة إن شاء الله :smile:


تبين الصج أحس وناااااسه إذا عندج أحد تعتمدين عليه يسويلج كلشي..بس مشكلتي أنا لازم أشوف..لأن ذوقي صعب..يعني ما أحب أتفاجأ عن السوالف اللي مسوينها و أنا ما أدري عنها..ولا أحب بعد تعبهم أقولهم مو لا عاجبني..:no:

بس إذا انتي واثقة من ذوقهم فاريح من الفرارة و الدوارة مع الثقل :up:



و بالنسبة لتسريع الولادة..في طريقة معروفة و إهي كثرة الجماع ابهالشهر..لأن الحيوانات المنوية تسرع الولادة..لانها تسوي تقلصات بالرحم..

بس أنا ما أنصح..لأن كل ما ظل الياهل ابطنج تصير صحته أفضل من انه ينولد بسرعه مثل بداية التاسع..

و لا تنسيييين راح الكثير و ما بقى إلا القليل... :yes:


و الله يهون عليج و تقومين بالسلامة...

و لا تنسييييييييييين تدعيلي و انتي تولدين ان ربي يثبتلي اللي في بطني و اولد بالسلامة..

و للبنات بعد ..:bigsmile:


بإنتظار مشاركاتج ..


:flower:

انشالله أم فروووحه راح أدعيليج وبتقومين بالسلامه وراح ادعي انشالله للحوامل كلهم بدون استثناء ....
بس ام فروووحه مليت استغفرالله من الثقل ودي اولد باقرب فرصه..

أحلى ملححح


حياج الله يا الغالية :salam:


ماشاء الله مشاركتج صراحة رووووووعة..:clap:

وايد واااااااايد استفدت منها..و إن شاء الله البنات بعد يكونون مستفيدين منها أكيييد :yes:


لأني كنت محتارة يا ربي هالأوادم ماأدري وين يسوون هالكفرات الحلوة و فناتق فيها دانتيلات و توور و كرستالات..


و المشكلة ما يتحجون..:angry:


أثاري طايحيلة الفروانية..


الله يعافيييييييييج علمتينا بالسرر (r) هههههههه

الحمدلله اني ادله..

إن شاء الله بحاول أصمم لي كفر و بروحله اشوه اني ادله..اهم نفسهم اللي يسوون الدراريع مو؟؟ ملوت مجمع العربييد؟؟؟ ما ادري اذا صح احلى ملح يا ليت اذا غلط اتصلحيلي معلوماتي..:think:



اما المواساة سمعت عنهم معلومة بس مو متأكدة منها...


صج بعد الولادة و بعد ما ترجعين البيت يطرشون لج ثنتين يعلمونج شلون تسبحين الياهل و شلون تتصرفين معاه و هالسوالف؟؟؟

صراحه اذا جذي...من باجر بفتح ملفي عندهم..خصوصا بعد ما سنعوا و سووا المستشفى و سووا مواقف يديدة ..



أحلى ملح أشكثر صارلج متزوجة؟؟

ترى اذا توج لا تستعييلين على الحمال..

بس قوووووووولووووووووا آمين يا بنات..


الله يرزق أحلى ملح الذرية الصالحة إن شاء الله و تفرحين فيهم يا رب :smile:


و مشكورة حبيبتي و الله يبارك فيج إن شاء الله :flower:

هلالالالا نوضة :shy:

صح كلامج وناسه الناس داشين طالعين..

بس أكيد بتسوين استقبال يوم واحد حق الكل..و باجي الأيام الأهل القراب اهم اللي بيزورونج صح؟

إذا تحبين تشتغلين بيدج و عندج وقت..بعطيج بعض الأفكار اللي ممكن من الحين تشتغلين عليها و أكيد البنات بعد ماراح يقصرووون..

لكن اذا مالج خلق و ما عندج وقت..

أكو حريم إدقين عليهم يسون لج كلشىىىىىىىىىىى من الألف إلى الياء..و انتي مالج شغل بأي شي...

اهم اللي يزينون الكاكاو و يشترونه و يسون ديكور الصالة و يشترون الورد المناسب للديكور و حتى اذا تبين لبسج و لبس البيبي يسونه لج..


ها شتحبين :smile:

أم عسوووووله .. اي اسبوع الحين انتي من التاسع؟؟

اذا قربتي على نهايته كثري مشي..+ اللي قتلج عليه من قبل..

بس و انتي تمشين خلي ريلج يكون وياج..ترى بعضهم ايهم الطلق او ينفتح الماي و اهي تمشي @@



و كثري تمممممر


و سمعت بعد خروع..وحده بوحده هذا