يديني الحلوين .. صاروا لوحة فنية ؟؟!!..

دمع الليل 15-06-2006 24 رد 4,111 مشاهدة
د
السلام عليكم ورحمة الله وبركاته

خواتي ابي منكم الحل .... :sad: مشكلتي عويصة ويايبة لي الكآبة ...


يديني خواتي احبهم وايد قبل ... وركزوا تركيز قوي على كلمة قبل ... لانهم ناعمين ولزاز يختي عليهم ولونهم ابيض :shy:

بس انقلبت الاحوال اللهم لا حسد ... يوم خطوبتي وانا اتحنى حسيت بحرقان فظيع وقلت للحناية ترى يحرق قالت لي لا عادي يا عروسة هذا حنة العرايس جي قوي .. ويدي على طول انتفخت وصارت حمرة ... :sad: :sad:

ومن بعدها نطرت الحنة تروح ما راحت .. وصار مكان النقش احمر و تحول بني وبقى له اثر ومار اح بالعكس كان يتقشر الجلد وبقى اثر الحنة مرسوم ليومكم هذا .. :angry:

ابي حل يخلي اثر الحنة يروح من يدي خصوصا لما يصير خاطري اتحنى ارد اهون لما اجوف الاثار الشنيعة ربي يسامح الحناية ويسامح خلطتها ويا ريت كان حناها حلو الا يحوم الكبد و سعره خساره فيه .. :angry: :angry: :angry:


يلله بنات عشمي فيكم من بعد الله سبحانه وتعالى عطوني حل ..

في أمان الله
:shy:
د
اختي احس انه هالشي حسد والا عين فرحه يعني حد فرح بج ولا قال ما شاء الله...انصح تغسلينها بماي زمزم مقرئ عليه بالبدايه...

وعقبها راجعي الدكتوره وان شاء تعطيج كريم وترجع ايدج مثل قبل اختي ..
ز
ماتشوفين شر حبيبتي بس اناراي بعد مالك الا دكتوره
m
وانا رأيي مثل اللي قبلي لاتتوهقين بأي خلطه او شيء روحي للدكتوره
M
واااااي فديتج قصت عليج

المفروض من اول مره يوم قالت لج حنه العروس جذي

لأن مافي فرق بين الحنا العاديه و العروس

بس تدرين ليش جذي قويه ؟؟

حاطين فيها صبغه شعر عشان تصبغ اكثر ..

خالتي مره صار لها جذي

ولما خف اللون ،، بقى مكان النقش جروح و التهابات حمرا تحرقها و قامت تحك لين طلع من جلدها الدم ..

راحت الطبيب وقال لها هذي الصبغه مالت الشعر ..

تلاحقي على عمرج بسرعه و روحي الطبيب يوصف لج علاج

وبأذن الله ترجع يدج احلى من قبل

الحين ممكن تريحينها وتهدينها بعسل
ت
روحي لدكتور جلدية شاطر وإن شاء الله ترجع يدك أحلى من ما كانت

والله يسامحها اللي سوت فيك كده
ش
ياقلبي

غسلي بمويه معزوم فيها

وراجعي الدكتور اخاف حساسيه او شي
]
عليج بالملح والليمون وزيت الزيتون والدعك بقوة ورح تشوفين النتيجه

ادعيلي غنــــــــــــــــــاتي

...
ح
اهلين عزيزتي زيت بدر العنب خاص بترميم البشرة استعمليه الحنايات هده احيانا يعمله مصايب لكن في نفس الوقت شوفي دكتور
ادا ما تحصلي على زيت بدر العنب راسلني اختي ابعثه ليكي هدية الكمية الي تكفيكي واكثر من عيني والله ما في اي اشكال
انا بمشي عند اختصاص طب بديل كنت بمشي عشان الدوالي باخد من عنده زيوت وزيوت عطرية اعطاني مرة زيت بدرة العنب خاص بترميم البشرة
انا ماشية عنده اليوم والله عزيزتي راح اسالك الي يقولو لي اجي ارد على موضوعك اتمنى الاقي ليك شي لا تنسيني من الدعاء بس

هده صورته زيت بدرة العنب طبعا شكل القنينات حتلاقيه يختلف من شركة لشركة لكن هو نفسه في صورة عنقود عنب
" alt="" loading="lazy">
m
اختي روحي للدكتوره...افضل ...

حنونه معكم اختي هالزيت ينفع للدوالي...لانه فيني
ح
اختي MARYOMAH
اه هو ينفع زيت بدرة العنب للدوالي في نفس الوت استعملي مرهم اسمه CYCLO 3 CREME
هدا مرهم يباع في الصيدليات مكوناته طبيعية بيخلي الدم يمش بشكله الطبيعي في الجسم بيريح رجول لا تنسين الدوالي خصوصا مع الجو لحار بيحس الواحد بنعب في رجوله اكثير. اعملي رياضة وتمشي
راسلني على الخاص بعطيكي تفاصيل اكثر اوريك كل المنتجات المفيدة الي عندي واستعملتها
تحياتي
أ
انا صارلي نفس الشي بس على يد وحده من فوق الكوع وفي جهة اليد إلي بدون كم لأن فستاني كان كم وااحد....وتمت الرسمه نفس الوشم وبعد سنه خف بالتدريج

ومن فتره بعد تحنيت مع اني مسوه حلاوه قبله بيوم بي الحنا كان ناااااااار ...واحمر ةتقشر وانتفخ...بس يلست افركه بسكر وزيت زيتون عشان يتقشر بليونه....
د
السلام عليكم ورحمة الله وبركاته

الاخت العزيزة دهن الورد اولا اشكرج على المرور ..

والعين خب انا ما سلمت منها في خطوبتي وكل من ياني شهق قال بعدها صغيرة ليش مزوجينها الي يسمعهم يقول صغيرة وايد وانا بعدني 18 ..!!..

والله وربي مب بس يديني الي صادها جذي الا وشعري بعد بعد الخطوبة جفته بعيني يطيح خصلللللللللللل وانا اتسبح بس ربج ستار

انا قاعده استخدم زيوت واشياء ترد شعري مثل ما كان ..

وان شاء الله اعمل بنصيحتج واروح لطبيب جلدية بعد ما استخدم ماي زمزم ..

تسلمين عزيزتي على دعائج والله يخليج ويحفظج ويرزقج على قد نيتج يا رب

في أمان الله
د
السلام عليكم ورحمة الله وبركاته

الاخت زهرة الكاميليا

الشر ما ييج يا الغالية وشكرا على المرور والنصيحة

في أمان الله
د
السلام عليكم ورحمة الله وبركاته

غاليتي miss ksa .. مشكورة عيني على مرورج وردج

تسلمين

في أمان الله
د
السلام عليكم ورحمة الله وبركاته

الاخت الغالية توتة الحلوة اشكرج جزيل الشكر على المرور

بس يا ريت بنات الي يعرفون دكتور جلدية شاطر وينفع في هالامور يسعفني ... الله يجزاه خير

في امان الله
د
السلام عليكم ورحمة الله وبركاته

الغالية مشرفتنا Marshmallows ... اشكرج على مرورج وتعقيبج واهتمامج ..

بس باسالج خالتج عقب العلاج راح منها الاثر وردت حلوة مثل قبل؟.. :sad:

بس الله يغربلهم صبغة شعر ع الايدين تحرق :qaq:

انا امي تقول لي اكيد ضايفين وايد بترول و كيماويات ... :angry: حسبي الله عليهم ونعم الوكيل ...

تسلمين يا قلبي ع الرد

في أمان الله
د
السلام عليكم ورحمة الله وبركاته

الغالية اختي شذى الوريف اشكرج يا قلبي على المرور وممتنة لج

بس يعني شنو ماي معزوم فيه ؟

يعني قارين عليه ايات ؟؟.. وادعية والا ؟..

وان شاء الله باراجع الطبيب ..

في أمان الله
د
السلام عليكم ورحمة الله وبركاته

الغالية الاخت حنان ..

انا استخدمت طريقة التقشير وبمقشرات حتى وما فاد ..

وتهقين الملح والليمون بيفيد في حالتي ؟!!..

ان شا ءالله باجرب ويا ريت يفيدني وقبل لا يفيدني تستاهلين الدعاء كفاية انج مريتي بموضوعي يا الغالية

ربي ييسر امورج ويكتب لج في كل خطوة اجر وثواب ويحقق الي في بالج ويفرح قلبي ويعطيج الجنة ويرضى عنج برضا والدينج يا رب

ولا حرمنا ردودج

في أمان الله
د
السلام عليكم ورحمة الله وبركاته

الغالية حنونة معكم ...

يزاج الله خير حبيبتي وما قصرتي وربي يعطيج على قد نيتج واكثر يا رب .. والله احرجتيني بردج
:shy:

ان شاء الله ادور الزيت الي قلتي لي عنه ويا رب القاه .. ويفيديني ...

واذا ما لقيته ارسالج ع الخاص واطلبه منج بثمنه طبعا ...

وارد اشكرج جزيللللللللللللللللللللللللللللللللللل الشكر على الرد حبيبتي .. ربي يخليج ويعطيج على قد نيتج

في أمان الله
:shy:
X