إستفسار مُحرج شوي، بس يا ليت تفيدوني..

همس القـلوب 13-06-2006 26 رد 3,745 مشاهدة
ه
السلام عليكم ورحمة الله وبركاته


مرحبا بكل العرايس

حبيت أسألكم عن شي صار له كم يوم مضايقني وما أعرف السبب :sad:

الموضوع وما فيه، إني أستعمل فوط Carefree اليومية..

كنت مرتاحة منهم وايد بس قبل كم يوم صادتني إلتهابات جلدية :sad:

هل كيرفري السبب؟؟ فيه حد تحسس منه غيري؟؟

أنا كنت أستعمل Carefree العادي بس بعدين غيرتها للقابلة للتنفس..

هل يعقل إن الفوط هي السبب؟؟ :sad:

إنزين إيش أحسن فوط صحية يومية ؟؟ وما تسبب إلتهابات جلدية؟؟ :sad:

وسؤال ثاني، إيش أستعمل حق الإلتهابات الجلدية؟؟ :sad:



والله يجزيكم كل خير ويرزقكم الجنة إن شاء الله (f)
v
نعم اختي الكير فري سبب في هذه الالتهابات لان انا نفس الشئ استخدمته فتره طويله بعدين عرفت انه هو اللي سببلي التهاب ..
*
اممممم

انا استخدم كيرفري والحمدلله ماصار شي

وبالنسبه للالتهابات

اذا كانت التهابات مهبليه فأنصحج بزيارة الدكتوره عشان توصف لج العلاج المناسب

اما الالتهابات الجلديه استخدمي كريم اطفال للالتهابات

وهل عندج افرازات غير طبيعيه ؟؟
يمكن الاتهاب الجلدي ناتح عن التهاب مهبلي
وفي هالحاله يختلف العلاج


واحرصي انج تنشفين المنطفه عدل بالمحارم الورقيه
وطبعا انتبهي لاتمسحين المنطقه من تحت لفوق عشان مايصير فيج التهابات مهبليه والمشكله تصير مشكلتين

وغيري فوط كيرفري مع كل صلاه عشان ماتنتقل البكتيريا
ز
الصراحه ماعمري جربتها لكن انا مرتااااااااااحه بألويز من جد روعه مافكر اغيرها
ش
للتسلخات الجلديه مالك إلا عصار كيناكومب للمناطق الحساسه ويصرف للاطفال كمان


ويمكن مايكون التسلخ من الفوطه.... بس يمكن كانت بدايتها ومع الحراره زادت لان لو منها كان من اول مره مانسبتك واهم شي استخدمي العصار ....... وادعيلي........
ه
تسلمون جميعا على المرور والرد وجزاكم الله خير


أختي ventola الظاهر إللي حاصل معاي هو مثل إللي حصل معاك

وإن شاء الله راح أغير الكيرفري..



أختي دلوعتها

تسلمين على هالرد الكافي والوافي وإذا حسيت بعدم تحسن

بعد تغيير الفوط بروح للدكتورة إن شاء الله..

وأنا دايم أغير الفوط في اليوم الواحد..



أختي زهرة الكامليا

أنا ما حبيت ألويز ما ادري ليش.. مع أن كثير بنات مرتاحين له بس انا لا..



أختي شوقfa

ربي يجزيج كل خير .. بس ممكن تكتبين أسمه بالإنجليزي؟؟
ب

هلا والله غاليتى همس القلوب

استخدام الفوط بشكل يومى يخنق المنطقه مما يكثر من تجمع البكتيريا والفطريات

وهذا شىء معروف من زمان

يعنى الفوط تستخدم للدورة ومجبورين اما الاستخدام اليومى يؤدى الى تكاثر البكتيريا والفطريات

وبالتالى الالتهابات والاحمرار والتهيج للبشرة الحساسه

لانج باستخدامج اليومى للفوط توفرين المناخ المناسب لتكون وتكاثر السابق

وأعتقد انى كتبت موضوع كامل بخصوص العنايه وعلاج الالتهابات والفطريات والتهيج والحكه

وكل شىء يخص ماتشتكين منه

وكيناكومب بوصفه طبيه وهو ليس مناسب لجميع البشرات ولا يقضى على كل انواع الفطريات

والبكتيريا التى تصيب البشرة والمنطقه الحساسه

وياريت تشوفين موضوعى لكل امرأة وبنت للعنايه والعلاج بالجسم والمنطقه الحساسه

وللالتهاب أنصحج باستخدام كريم كلوتريمازول

CLOTRIMAZOLE CREAM

وهو مناسب لكل بنت وسيدة ويقضى على كل الفطريات والالتهابات النسائيه

وليس منه اى ضرر فى الاستخدام

ومن اول استخدام بتحسين بالراحه وزوال الالتهاب باذن الله ( يستخدم مع كل مره تدخلين فيها الحمام مع تجفيف المنطقه الحساسه بكلينكس دايما والحفاظ عليها جافه)

واستخدميه لخمسة أيام وانشاءلله كل اللى فيج يروح بلا رجعه

ونصيحتى تجنب الفوط وبالخصوص انتى على وجه زواج واى التهاب فطرى او بكتيرى ينتقل للزوج

وزيادة الالتهابات الفطريه وتكررها يؤدى الى انتشار الالتهاب الى الداخل

ولا تتاخرين روحى الصيدليه واخذى الكريم بالاضافه للغسول اللى ذكرته فى الموضوع

الخاص بالعنايه والعلاج للسيدات والبنات والسبراى القاتل للفطريات ايا كان نوعها

وربى يحفظج من كل شر والتهابات ومن شر الفوط الصحيه

معلومه:

الفوط الصحيه دخيله على الشعب العربى عرفت فى الغرب لان بناتهم تمارس الفواحش مع عدة اشخاص فى وقت واحد وهذا لا يعطيهم الوقت لتغيير الملابس فيستخدمون بدالها الفوط التى ترمى بعد كل شخص حتى تظل ملابسهم الداخليه نظيفه بلا افرازات


وبناتنا الله حافظهم من كل شر ومرض ليش يمرضون روحهم مع انهم يتوضون ويتطهرون مع كل

صلاة!!!!!! ويغيرون ملابسهم على طول !!!

المهم ياريت كل عروسه تدخل موضوع العنايه والعلاج للمرأة والبنت وتخزنه عندها لفائدته للجميع

وهذا الموضوع حبيبتى أتمنى تستفيدين منه الحين وبعد الزواج باذن الله

للجميع..بنات او سيدات..للصحة العامة..تفضلوا!!


وربى يحفظج يالغاليه

وتحياتى

اختج

بنت عذارى
ب
سبحان الله انا بعد صااااااارت لي نفس المشكله بالضبط وتعبت من الالتهابات ...........رحت لدكتوره وقالتلي لاتلبسين الفوط باستمرار ممكن تبدلين ملابسج الداخليه على طووول عشان تستغنين عنها لانها تخنق المنطقه وبعضها معطره يعني تأثر.......... ومثل ماقالت بنت عذاري انتي على وجه زواج ابتعدي عن هالشي ولو استمرت المشكله استشيري طبيبه توصفلج مرهم ............


:) بنت الغالي
ب


وهذى بعض اشكاله وموجود فى كل العالم













والكريم فى منه عدة ماركات ولكن المحتوى واحد

ممكن تلاقينه باسم كانيستين او اى اسم ثانى المهم انه كلوتريمازول

واذا سالج الصيدلانى انسايد اور آوتسايد قوليله آوتسايد وبيعطيج اللى حق البنات

طبعا مافى بينهم فرق بس اللى للسيدات فيه تيوب للرحم

وربى يشفيج من كل شىء فيج

وتحياتى

بنت عذارى

م
انا مرات كانت تصيرلي هالالتهابات الجلدية
ومرات يوم تروح كانت تترك أثر

بس امي الله يحفظها قالتلي ان اول ما يصيرلي أحط فازلين
وبالفعل يوم تحطين فازلين ثاني يوم يروح عنج
وما يترك أي أثر ولا احمرار ..

وربي يحفظج ان شاء الله
ه
:shy:

بنت عذارى مشكوووووووووووورة وايد والله يرزقج بكل إللي تتمنينه.. وربي يرزقج

بالزوج الصالح إن شاء الله إللي يحطج بعيونه..

ما شاء الله ردج كافي ووافي وشبي أكثر من جذي وأكيد بنات وااااااايد غيري

إستفادوا من ردج .. عسانا ما ننحرم منج إن شاء الله..

والله هالفوط منهم فايدة، بس دامهم يجيبون الإلتهابات ما نبيهم :sad:

الغالية بنت الغالي ، خطاج السو والله وطلعوا هالفوط هم ساس البلى :sad:

إن شاء الله باخذ الكريم إللي قلتي لي عليه يا بنت عذارى ولج دعوة من القلب بإذن الله..

وبالنسبة للموضوع إللي حطيتيه ، بصرااااااااحة أكثر من روعة وربي يجزيج كل خير عليه

وإذا ما خاب ظني إني قريته من قبل ورديت عليج صح؟؟ :think:

والله ما قصرتي وراح أقول لج عن نتايج الكريم بإذن الله..


أدعوا لي جميعا :sad:
ا
ما تشوفين شر يالغلاااا
ب
ربى يشفيج ويهون عليج اى شىء مضايقج ومكدر خاطرج

وانشاءلله بتجربين وبتدعين لى ..انتى اكثر واحدة عارفه انى اللى أصر عليه اكون متأكده منه

صح والا انا غلطانه؟؟؟؟؟؟

وبتبشرينى بكل الخير قريب...

واكيد انتى قريتيه بس نسيتى ..مع ان الموضوع وايد مهم ومفيد للكل وخصوصا لحالات الطوارىء

بنت عذارى 999 خخخخخخخخخخخخخخخخخخخخخخخخخخخخخخخخخخخخ

وانتظر البشارة ..

وقلبى عندج يا همووووووووووووووووووووووس

وادعيلج بالشفاء

واحلى التحايا

اختج

بنت عذارى
M
هموسه فديتج

ابتعدي عن الفوط اليوميه اللي تكون معطره ..

ولا تستخدمينهم يومياً ،، عطي المنطقه فرصه تتنفس و تتهوى ..

يعني اذا الافرازات مضايقتج .. استخدمي الفوط اليومي قبل الدوره و بعدها لمدة كم يوم بس ..

و استخدمي الغسول المخصص لهذه المنطقه عشان تنظفينها وتعقمينها وتعادلين توازنها الطبيعي ،، لأن الصابون العادي يحسسها ويهيجها ..

جربي الأنواع المتوفره في الجمعيات مثل carefree و في انواع موجوده في الصيدليات مثل Isoderm

والاثنين رووعه لكن الثاني عجبني اكثر ،، احسه يطهر وايد ..

بالنسبه للألتهاب ،، روحي الصيدليه وقولي لهم ابي مرهم للألتهاب الخارجي
M
صح تذكرت

مره استخدمت مرهم ممتاز ،، ولما سئلت حبيبه الله يذكرها بالخير مدحته لي وايد ..

اسمه daktarin

تستخدمينه مرتين يومياً

يومين 3 ايام و كل المشاكل بتنتهي بأذن الله

و نصحت اختي فيه ،، وجربته وارتاحت عليه

ولاتخافين لأنه استخدام خارجي
ر
انا بعد صارلي التهاب من كيرفري .. ومن وقفت عن استخدامه وقف .. سألت دكتوره عن السبب قالتلي ان فيه مواد اللي جسمها حساس ممكن يسببلها التهابات
c
ارلي نفس الشي كنت استعمل كير فري العادي والحمد لله مرتاحه عليه

بعدين غيرته لكير فري القابل للتنفس وبدت الماساه

التهابات حاااااااااااااااااااااادة من هالفوطه

وبعد العلاج غيرت الفوطه لماركه ثانيه ومرتاحه عليها واحاول اني مالبسها دااااايما احاول

ابقى ساعات بدونها
ب
اختي العزيزه أحسن نصيحه أنا أستفدت منها هي أستخدام الملابس الداخليه القطنيه لأنها تساعد على تنفس البشره وبالتالي منع الالتهابات ونمو الفطريات كمان لا أنصحك بأستخدام المطهرات بكثره لانه تقضي على بعض الأجسام المضاده للفطريات الموجوده في الجلد بطبيعته أوالجلوس في حمامات المطهر بكثره لأنها تنقل بعض الجراثيم الى داخل المهبل وتسبب الألتهابات المهبليه.
وأرجوا لك الشفاء العاجل
ب
انا استخدام بعد كير فري العادي والحمد لله مرتاحه عليه

بس بحاول اني ما استخدمه وااايد لان اختى متزوجه وصار معها التهبات وقالت لها الدكتوره

كير فري لا ستستخدمينه ..

شكرا على النصااائح بنات
و
السلام عليكم

اختي همس تصدقين
انا شريت الكير فري من اسبوع واستخدمته مرتين ومن عقبها على طول جاني التهاب وانا مسكينه مادريت انه من الكير فري ظنيت ان من الجو والحين انتي نورتيني بهالموضوع

تسلمين والله وعلى طول الحين بارميهم
X