تجهيزات المولود الجديد من الالف الى الياء .. مع روز قطر

لمسة حنان*:
روعه تسلمين واسمحيلي بنقله

هلا حبيبتي

الله يسلمج ماقصرتي

وبالنسبة للنقل انقليه علشان يستفيدون منه البنات .. بس مع ذكر اسمي والمصدر علشان ماتضيع

حقوقي ولا تعبي في تجهيز وتنسيق الموضوع ..

روزة حبيبتي اسحب كلامي الصور اظهرن لي بعد ما رديت افتح الموضوع أكثر من مرة و لله الحمد

الصراحة أشية اتجننننننن صدق وراااقية ياليت بس انحصل أكثرها :qaq:

السرير البيج وااايد دخل خاطري لفترة الأربعين و أول ثلاث شهور وايد راقي و مناسب للإستقبال :gum:

و بالنسبة للمراضع أنا شريت ماركة "بيجون" بس الحلمات و المصاصات شريتهن ماركة nuk سمعت انها ممتازة للبيبي و ما تسبب له غازات و أقرب لحلمة الأم .. ما دري شو رايج

اما مراضع إيفينت اللي حاطة صورهن حسيتهن كبار يوم شفتهن في بيبي شوب !!! :think:

انزين و بالنسبة لكبت البيبي بحاول أشتري الكبت اللي يكون فوقه مكان لتبديل الياهل شو رايج ؟؟

و ملحوظة حبيبتي ما حطيتي لنا صورة الجهاز اللي تسمعين منه صوت البيبي يوم تكونين برع الحجرة مثلا ،، أحس مفيد و لا ؟؟

و أخر سؤال بيكون عن هالصورة من وين ممكن أشتريه ؟؟



و بسسسسسسسسسس

تعبتج و صدعت راسج بس ها من كثر من خبلني الموضوع و دش خاطري

:shy:

فوانيس:
تسلمين روز قطر على جهودك
ألف شكر لك:shy: (f)

الله يسلمج حبيبتي

العفوو ..

حياج الله :)

sallami:
تسلمين اختي على الموضوع الاكثر من رائع ... وماشاءالله عليج كيفيتي ووفيتي ما خليتي شي ... انا كنت اتحسب اني مخلصة اغراض البيبي ... بس طلعت ناسية وايد ا غراض .. والفضل لج الغالية ... جزاج الله خير وبارك الله فيج
بس كنت حابة اعرف شنطة البيبي اللي انتي حاطتنها من وين ... انا شفت مثلهن هنيه في امريكا بس واااااااااااااااايد كبيرة الشنطة ... واللي انتي حاطتنها مقاسها تمام ... اريد اعرف هن من قطر ولا ؟
ولج جزيل الشكر

الله يسلمج حبيبتي ..

والحمدلله انه عجبج واستفدتي منه :) ويالله شدي حيلج وكملي باقي الاغراض :)

مشكورة حبيبتي وماتقصرين ..

وبالنسبة للشنطه انا جبت صورتها من موقع امريكي baby centre store وعندهم شنط وايد وباحجام

مختلفه ..

شوفي المحل هذا اللي قلت لج عنه ان شاءالله بتلقين دام انج في امريكا اسهل لج :)

الله يهون عليج ان شاءالله ويقومج بالسلامه

ليتك معي:
جزاك الله خير


والله ساعدتينا الله يساعدج ماقصرتي

ويجزيج خير حبيبتي

مشكورة وماقصرتي على الدعوه

حياج الله

المياسة:
روزة حبيبتي اسحب كلامي الصور اظهرن لي بعد ما رديت افتح الموضوع أكثر من مرة و لله الحمد

الصراحة أشية اتجننننننن صدق وراااقية ياليت بس انحصل أكثرها :qaq:

السرير البيج وااايد دخل خاطري لفترة الأربعين و أول ثلاث شهور وايد راقي و مناسب للإستقبال :gum:

و بالنسبة للمراضع أنا شريت ماركة "بيجون" بس الحلمات و المصاصات شريتهن ماركة nuk سمعت انها ممتازة للبيبي و ما تسبب له غازات و أقرب لحلمة الأم .. ما دري شو رايج

اما مراضع إيفينت اللي حاطة صورهن حسيتهن كبار يوم شفتهن في بيبي شوب !!! :think:

انزين و بالنسبة لكبت البيبي بحاول أشتري الكبت اللي يكون فوقه مكان لتبديل الياهل شو رايج ؟؟

و ملحوظة حبيبتي ما حطيتي لنا صورة الجهاز اللي تسمعين منه صوت البيبي يوم تكونين برع الحجرة مثلا ،، أحس مفيد و لا ؟؟

و أخر سؤال بيكون عن هالصورة من وين ممكن أشتريه ؟؟



و بسسسسسسسسسس

تعبتج و صدعت راسج بس ها من كثر من خبلني الموضوع و دش خاطري

:shy:

هلا وغلا والله

الحمدلله انهم ظهروا لج .. فرحتيني

حبيبتي هالاشياء موجوده قوليلي وش تبين وبقولج وين تحصلينه ..

بالنسبة للسرير عاد هذا من موقع امريكي ومادري وين تلقين مثله بالخليج .. بس شيكو يجيب

اسره للبيبي حلوة والمذركير بعد ..

والمراضيع ماركه بيجون بالنسبة لي افضل شي .. وانا استخدمتهم لبنتي وحتى الحلمات من نفس

الماركه وهي افضل شي .. وبالنسبة لـ nuk زينه بعد وانا اعتبرهم افضل شي وماركة nuk

بعد عندهم مصاصات للبيبي زينه وايد ..

اما ماركة event انا استخدمت الاجهزة من عندهم واستخدمت بعد صحون الاكل والملاعق وفرشاه

تنظيف المراضيع من عندهم ممتازة اما المراضيع فهي كبيرة شوي مثل ماقلتي انا حطيت

صورهم بس مجرد صورة .. يعني ماانصح تاخذين لبيبي توه جديد event بالعكس ماركة بيجون

ممتازة ..


وكبت البيبي خذي الكبت اللي يكون فوقه سطح لتبديل البيبي وايد مفيد وتقدرين تخزنين فيه

الحفاظات وباقي اغراض البيبي ..

اما الجهاز اللي قلتي عنه انا ماحطيته علشان انا حطيت الاشياء الضرورية كلش حق المولود لين

3 اشهر تقريبا يعني الاشياء الاساسيه .. وانا عني ماستخدمت الجهاز لاني كنت حاطه لبنتي سرير

صغير بالصالة وفي غرفة النوم سرير اكبر وكنت اسمع صوتها لما تقوم :) ماحتجت الجهاز

بس يمكن انتي تحتاجينه والجهاز اللي في بيبي شوب وايد زين ..

ممممم بالنسبة للي حاطه صورته بتلاقينه في البيبي شوب موجود .. واذا مالقيتي كلش

تقدرين تشترين من اي مكان ثاني كلك صغير مثل اللي بالصورة بس يكون مثلث من جدام

علشان ينزل الماي شوي شوي ..


وياحبيبتي ماصدعتيني بالعكس :) واي اسئلة ثانية خذي راحتج تراني انتظرج :)

الله يهون عليج وييسر لج امورج يارب ..

تسلمين والله يالغالية

الله يرزقج على هالمجهود

على طول الحين بسجل كل شي

عشان ما اتوهق اذا رحت السوق

يسلمووووووووووو على الموضووووع الحلووووو

عندي مداخله بسيطه ،،

بالنسبة للسرير عاد هذا من موقع امريكي ومادري وين تلقين مثله بالخليج

هذا السرير اللي خذته

نفسه تقريبا ،،



<<<<< من مدينة الطفل في ابوظبي وسعره تقريبا 300 درهم

>>> انشالله الصوره طالعه <<<

حبيبتي و الله تسلمين على رحابة صدرج و ردج على استفسارتنا إن شاء الله في موازين حسناتج

بغيت اسأل بعد عن جهاز التعقيم و جهاز تدفئة الحليب ..

ما فكرت قبل إني أشتريهم بس يوم شفتج حاطتنهم فكرت فيهم

هل هم ضرورين و بحتاج لهم و لا ما يحتاي أشتريهم ؟؟

و تسلمييييييييييييييييييييين يا قلبي

تسلمين يالغالية

مرايم السعودية:
تسلمين والله يالغالية

الله يرزقج على هالمجهود

على طول الحين بسجل كل شي

عشان ما اتوهق اذا رحت السوق

الله يسلمج حبيبتي

وتسلمين عالدعوه الطيبة

ويالله سجلي كل الاشياء وان شاءالله تحصلين كل اللي تبينه :)

الله يهون عليج ويثبت لج حملج يارب

دودة في بطنها نونو:
يسلمووووووووووو على الموضووووع الحلووووو

عندي مداخله بسيطه ،،



هذا السرير اللي خذته

نفسه تقريبا ،،



<<<<< من مدينة الطفل في ابوظبي وسعره تقريبا 300 درهم

>>> انشالله الصوره طالعه <<<

الله يسلمج حبيبتي ماقصرتي والله على هالمداخله ان شاءالله بنات الامارات وبوظبي يزورون

المحل اللي قلتي عنه ويشترون اللي خاطرهم فيه ..

وماشاءالله السرير اللي ماخذته حلو شكله خذتي نفس هاللون ولا لون ثاني >>> علشان نعرف بنوته ولا ولد :shy:

وماشاءالله سعره حلو .. هل صناعته بعد زينه ياليت تفيدين البنات بهالنقطه .. يعني بنفس مستوى

بيبي شوب ومذركير وهالاماكن

المياسة:
حبيبتي و الله تسلمين على رحابة صدرج و ردج على استفسارتنا إن شاء الله في موازين حسناتج

بغيت اسأل بعد عن جهاز التعقيم و جهاز تدفئة الحليب ..

ما فكرت قبل إني أشتريهم بس يوم شفتج حاطتنهم فكرت فيهم

هل هم ضرورين و بحتاج لهم و لا ما يحتاي أشتريهم ؟؟

و تسلمييييييييييييييييييييين يا قلبي

هلا وغلا مرة ثانية

الله يسلمج ان شاءالله ..

جهاز التعقيم ضروري ولازم تفكرين انج تشترينه بالنسبة لي جهاز avent وايد زين ممتاز

انا استفدت منه وايد .. هو يسهل عليج تعقيم المراضيع بدال ماتحطينهم في جدر وتغلينهم على الفرن

صح ولا لا :shy:

انا انصحج تشترينه .. اما جهاز تدفئة الحليب مش ضروري اذا ماكنتي تبين تاخذنيه انا استخدمته

في البداية وبعدين صرت اعطي بنتي الحليب على طول يعني اسويه واعطيها على طول

لكن لما ماكنت ترضى تشرب في نفس الوقت كنت بعد نص ساعه ادفيه بس بالجهاز ..

وحياج الله باي وقت واذا عندج سؤال يالله انتظرج :)

dubai12:
تسلمين يالغالية

الله يسلمج حبيبتي وماقصرتي

نورتينا

مرسيه يا قلبي
شريت بعض الحاجيات والعض الثاني لسى بشتريه قريب إن شاء الله
تسلم الأيادي روز
وشكر على المعلومات والصور الحلوه

thaaaaaaaaaaaaaaaaaaaaaaaaanx a lot darling

i like ur method in answering our questions

:)

(:

أم أسيد:
مرسيه يا قلبي
شريت بعض الحاجيات والعض الثاني لسى بشتريه قريب إن شاء الله
تسلم الأيادي روز
وشكر على المعلومات والصور الحلوه

اهلين حبيبتي

يالله الحمدلله شريتي النص الاول وباقي الثاني :)

الله يسلمج حبيبتي والحمدلله ان الموضوع عجبك ..

ياهلا

المياسة:
thaaaaaaaaaaaaaaaaaaaaaaaaanx a lot darling

i like ur method in answering our questions

:)

(:

Hiiii again :)

Thank you lots sweety

وماشاءالله السرير اللي ماخذته حلو شكله خذتي نفس هاللون ولا لون ثاني >>> علشان نعرف بنوته ولا ولد

السرير اللي بالصوره هو اللي انا ماخذته وصورته للبنات ،، ومبين ازرق يعني انشالله على حسب كلام الدكتوره ،، ولد :shy:

وماشاءالله سعره حلو .. هل صناعته بعد زينه ياليت تفيدين البنات بهالنقطه .. يعني بنفس مستوى

بيبي شوب ومذركير وهالاماكن

اذا بعطي محلات مذركير وبيبي شوب 10 من 10
اعطي هذا المحل 8 من 10
وجودة الصنع ماشالله عاليه واللي خلاني اخذ من هذا المحل اني مالقيت في مذركير وبيبي شوب نفس هذا الحجم ،، كل اللي لقيتهن خشب وكبار مايناسبن واحد صغنون وخاصه اني خصصت له جزء من غرفة النوم يعني محتاجه لأدوات تكون صغيره نسبيا ،، والالوان باهته هناك بس هذا حلو ومفرفش

وسوري على الاطاله و انشالله اكون افدت البنات :shy:

دودة في بطنها نونو:
السرير اللي بالصوره هو اللي انا ماخذته وصورته للبنات ،، ومبين ازرق يعني انشالله على حسب كلام الدكتوره ،، ولد :shy:


اذا بعطي محلات مذركير وبيبي شوب 10 من 10
اعطي هذا المحل 8 من 10
وجودة الصنع ماشالله عاليه واللي خلاني اخذ من هذا المحل اني مالقيت في مذركير وبيبي شوب نفس هذا الحجم ،، كل اللي لقيتهن خشب وكبار مايناسبن واحد صغنون وخاصه اني خصصت له جزء من غرفة النوم يعني محتاجه لأدوات تكون صغيره نسبيا ،، والالوان باهته هناك بس هذا حلو ومفرفش

وسوري على الاطاله و انشالله اكون افدت البنات :shy:

الله يثبته لج ان شاءالله ويهون عليج ولادته يــارب

ومشكورة حبيبتي على افادة البنات وان شاءالله بنات بوظبي يزورون المحل ويشوفون اغراضه

اسعدتني مشاركتج مرة ثانية :)