ೋ تعألوؤا بنات تجمع لمدة شهر .. لشعر كثيف لامع صحي ناعم طويل ೋ

(f)


السلااااام ..

كيف الحال إن شاء الله كل شي تمام ..

بنات طبعا تدرون فيني أحب التجمعات لول .. ومثل ما سويت بقسم الرجيم والتغذية

حابة أسوي بهالقسم للشعر والبشرة ..

واهي عبارة عن خلطات وايام وبعد مدة نكتب شصار لشعرنا وكل وحدة تستفيد من الـ ثانية

وطبعا يا بنات انا ماله داعي اتكلم لكم عن اهمية الشعر وشولن اهو تاج المرأة اهوا اللي إحلي وإكثف

وطبعا انا ما اتكلم جذي الا من الحرة اللي فيني شلون كان شعري وشلون صار من عيون الناس ..

عموما ان شاء الله قريب تبدي العلطة ويبدا الاهتمام .. وان شاء الله اشوف نتيجة حلوة

برنامجي :

المدة من 17-6 إلى 15-7

ونشوف شنو اصير معانا خلال هالشهر ..


راح أبدي بالخلطات اللي راح أستعملها :


سبت اثنين اربعا:

راح أكمل خلطتي اللي استعلمتها قشر الموز وزيت الزيتون
ونارجيل وبوقت 2 راح احطلكم طريقتها .. بستعلمها 3 مرات بالبيوم واهي تنعم وتكثف شعر وتعطي حيوية


الاحد والثلاثا والخميس :

زيت دابر أملا وعلبة زيت براشوت الازرق مع 3 ملاعق محلب مطحون لمدة ساعتين ولازم لا حطيناه على الشعر نعطيه بفوطة ساخنة يعني نبلله بماي دافي



يبقى يوم الجمعة أحني شعري .. بالحنة الهندية وصراحة هذي وحدة من قرايبنا كانت تيبها من الهند

ولقيتها بالامارات بدبي بسوق نسيت شنو اسمونه اللي فيه خامات ودراريع مم

اي اي سوق مرشد .. وبحطلكم صورتها ..

وانا من الكويت اكيد ابيعونها بس لا تسألوني وين


وأول ما اخلص من اهالخلطات راح ابدي بخلطات 2


نجي للبشرة :


للتبييض :

يوم وترك

خيارة + كوب ماء ورد + ملعقتين صغيرة نشا

طبعا الخيارة نفرمها ما أدري شلون افسر لكم << ما تفهم شي بالطباخ

تييبين قوالب الثلج وتحطين المقادير ثتلجينهم ولا تثلج تمررين الثلجة بوجهج .. لمن تذوب

الايام الباجية بستعمل

خميرة + ليمون + لبن زبادي .. لمدة ربع ساعة

والخلطة الاساسية اللي بحطها كل يوم بودرة بيبي شونسج مع ماء ورد

أما لليد :

نص ليمونة + نص كوب لبن + ملعقة صغيرة ماء وتترك ساعة ثم نضعها على اليد حتى تنشف ثم ننزعها دون ماء ثم تغسل اليد بصابونة مع ماء دافي ونفركها بقطعه خشنة


للرجل : يا ليت اللي عنده خلطة حلوة تفيدنا وتكون مجربة ..




وما اقول الا يعطيكم العافية وابي تفاعل