استفسار عن عمر المكياج (فترة صلاحيته)؟؟؟؟ بليز اللي تعرف تقول لي :) وعسى ربي يوفقها

مرحبا بنات :) بدش بالموضوع على طول

الحين تسريحتي عليها مكياجات اشكال والوان وانا من النوع اللي ماستخدم المكياج وايد ! او اعلق على شغلات معينه لين استهلكها

وتعرفونا البنات مانقاوم تشري المكياجات ...فاشتري ولا استخدم ! لدرجة ان عندي علب مكياج جديدة ولا فيها شخط واحد بس قديمه ! يعني والله ما ابالغ عندي علب ماستخدمتها من سنوات فوق الخمس سنين :) شدوهات وارواج وبودرات

وانا دايما اخليهم على التسريحه يعني بدرجة حرارة الغرفة وتحت عوامل التعرية والرطوبة والحر !!

فشرايكم؟؟ شسوي؟ افرهم بالزباله والا شسوي؟

يعني اللي تعرف عمر الروج شكثر؟ والبودره؟ والشدوهات؟؟؟ خبروني بليز ابي اعرف

علما بانني لما استخدم شىء من المكب اب القديم ماتتحسس بشرتي ولا تصيرلي مشاكل !! فاستغرب ان كل هالسنين صامد هالمكب اب !

دلووووووووني