الرئيسية أركان العروس والجمال ركن المكياج مجد الله يطول في عمرك ممكن ياقلبي ابيك في كلمة راس؟؟؟

مجد الله يطول في عمرك ممكن ياقلبي ابيك في كلمة راس؟؟؟

ملكة الأخلاق 09-06-2006 51 رد 6,021 مشاهدة
م
مجـد
عروس ماسية
15-06-2006 | 01:25 AM


والبيجمنت احطه بروحه ولااااالازم على شدو نفس الظل اوعلى اي لوون
وهل اضعه عليه شوية مويه ولاا على طوووول من العلبه على الظل ؟؟؟؟


البيجمن ممكن تحطينه بروحه وممكن تخلطينه مع شادو ثاني على حسب اللون اللي تبينه

واللوك اللي عاجبج ,,

وبالنسبة للتثبيت ممكن تحطينه بشوية ماي أو ممكن إذا عندج شادو كريمي تحطينه قبله وبعدين

تحطين البيجمنت أو إذا عندج شادو ماك التيوب ( العصار ) تحطينه قبله ووبعدها تحطين البيجمنت

عشان يثبت ,

يعني عندج كذا طريقة لتثبيت البيجمنت أو أي شادو حر عندج :) ,,

أتمنى أفدتج بهذه النقطة ,,
م
مجـد
عروس ماسية
15-06-2006 | 01:32 AM


الفرق بين الظل الكريمي والمائي والعادي
الكريمي مافهمت وش فائدتهيعني ما احط عليه مويه صح ولا في شئ احط قبله عشان يثبته ؟؟
بس المائي لسهرات والمناسبات الكبرى
العادي اللي هو البودرة صح


الشادو الكريمي قوامه مثل الكريم ,, يعني دهني ,,

والشادو المائي تشوفينه كأن شادو عادي , بس إذا بغيتي تحطينه ما يطلع إلى لما تبللين

الفرشاة بالماي ,,

أما الشادو العادي هو الشادو المضغوط , فهو الشادو العادي اللي تلاقينه في كل الماركات ,,

وفيه شادو إنت ما ذكرتيه اللي هو الشادو الحر أو السائب ( اللي مثل البودرة ) وهذا ممكن

تحطينه وتثبتينه بالطرق اللي قلت لج عليها في ردي السابق :) ,,

الشادو المائي أكثر شي يخطونه للسهرات والمناسبات الكبيرة ,, ويحطونه أكثر شي

بعض الصالونات مو كلهم ,,

والشادو العادي إذا إخترت نوعية جيدة وماركة جيدة راح يعطيج نتيجة الشادو المائي ,, وخصوصاً

إذا حطيتي قبله كونسيلر مثل ما قلت لج في أحد ردودي السابقة في هذا الموضوع ,
م
ملكة الأخلاق
عروس مبدعة
15-06-2006 | 01:39 AM
مشكوورة على كل جوووواب والله ما ادري شقول بس
الا جزاك الله خيير

وبالنسبه لاسالتك
طيب أنا بعد عندي أسئلة ,

- ألحين شنو الكريم الأساس اللي تستخدمينه ,

- هل إنت مرتاحة عليه وبشرتج مرتاحة عليه وإلا لا ,, وإذا بشرتج مرتاحة عليه ليش تبين تغيرينه ,

- طيب شنو نوع الأساس اللي تبينه , هل تبينه للإستخدام اليومي أو للشهرات والمناسبات ,

- وهل بشرتج فيها عيوب أو حبوب وإلا صافية ,

أتمنى تجاوبيني عشان أجاوبج ,,,
ياستي انا ماعمري حطيت كريم اساس ما احبه واذا حطيت في المناسبات في الصالون ارروح
عشان كذا ما عندي خبرة فيهم
واحس اذا سووني الحريم ما يعجبني ما ادري اشلون اطلع احس جااف بشرتي ليش مدري؟؟
وانا احط بس مرطب اولاي هو حلو بس احس بدهن في الانف مدري ليه؟؟وانا ابي يومي ولسهرات
لاني بداية هالسنه رايحه جامعه ان شاءالله واحتاجه
ام السهرات لاني راح انقل من مقر اقامتي وراح اقترب اكثر من الاهل لاني بعيدة عن الاقارب حيل
وتعرفين حفلات وزواجات
>>>>محبوسه على الاخر تقولين مقطوعين من شجرة انا واهلي
الحمدالله على كل حال
بالنسبه لبشرتي فيه عيوب اثار حبوب بسيطه مو حيل
والحمدالله اهي مع الوقت تروح وفي خدوش وبرضوة بسيطه
يعني مو بشرة اطفال


بس عندي سؤال المرطبات اللي ذكرتيهم لي عادي استخدمه في الصبح والليل بدون مكياج
واذا بغيت اسوي المكياج احط منهم قبل ما اسويه

طيب اذا مثلآ ما لقيت مرطب مناسب للبشرة المختلطه عاد ياستخدم الدهني بداله لانه قريب له ؟؟
وبالنسبه للاقنعه الطبيعيه اكثرها لدهنيه وما الاقي للمختلطه عادي بعد ؟؟


وشاااااكرة لك جهوودك يالغلا
م
مجـد
عروس ماسية
15-06-2006 | 01:43 AM


ووش اللي يناسب بشرتي منهم ولااا عادي كلهم ؟؟
واخر شئ الكحل الاسود لداخل العين وش تنصحيني لان عيوني وساع وابي اسوووود
وفيه برووز من النحاافه الزائده مو مرة البرووز عادي
وهل ينفع اسويه رسمه بالاي لانرعلى كل العين صراحه ماعمري جربت ؟؟اخاف اخووووف


بالنسبة للشادو ممكن تحطين أي نوع , بس أنصحج ما تكثرين من الشادو المائي ,

لأن قوي على منطقة العين الحساسة وخصوصاً وإنج راح تحطينه بالماي ,,

بالنسبة للكحل الأسود ,, ممكن تحطين داخل العين وخارج العين , جربي ليش لا ,

جربي داخل البيت وشوفي إذا تناسبج الرسمة أو لا :) ,,

أو ممكن تستخديمن داخل العين لون غير اللون الأسود , مثل الزيتي أو الأزرق أو البنفسجي

كتغيير :) ,, ترى حلو التغيير :) ,,

أتمنى أفدتج :) ,,,,
م
مجـد
عروس ماسية
15-06-2006 | 01:47 AM



قبل لا أكمل أخب أعلق على كلامج :) ,,

بس عندي سؤال المرطبات اللي ذكرتيهم لي عادي استخدمه في الصبح والليل بدون مكياج
واذا بغيت اسوي المكياج احط منهم قبل ما اسويه


أنا ما كنت أدري إنج صغيرونة :) ,, عمرج 17 أو 18 صح :) ,,

خلاص لا تحطين المرطبات اللي قلت لج عليهم , لأنج صغيرونة ,,

والمرطبات اللي حطيتهم من سن 25 وفوق :) ,,

لذلك , أنصحج بمرطب لويس ودمر هذا المرطب طبي وتلاقينه بالصيدلية وهو صناعة سويسرية ,,,
م
مجـد
عروس ماسية
15-06-2006 | 01:49 AM


لي رجعة لموضوعج بخصوص الكريم الأساس بشي من التفصيل إن شاء الله :) ,,
م
ملكة الأخلاق
عروس مبدعة
15-06-2006 | 02:09 AM
ياقلبي مجد انا عمري 21سنه

بس لي فترة جالسه بالبيت وياليتني استفيد بس الطبخ فالحه فيه

قلت الحق عمري هههههههههههههههه اتعلم اشوي مكياج وانا ماشاءالله افهم بسرعه عشان كذا جالسه اسال واطبق
عاااااادي تقولين صالوون يعني انتي الحين المدرسه تبعي ياأجمل معلمه
ها ينفع استخدم كانيبو لا ما ينفع؟؟؟
وتحيااااتي
م
مجـد
عروس ماسية
17-06-2006 | 12:52 AM


ها ينفع استخدم كانيبو لا ما ينفع؟؟؟


لا ما ينفع تستخدمينه ,, لأن المرطب اللي حطيته لج من سن 25 وفوق :) ,

شوفي جربي مثل ما قلت لج مرطب لويس ودمر من الصيدليات تلاقينه ,

وأهم شي إنج تشترين كريم حماية من الشمس لأنج راح تجتاجينه وبقوة وخصوصاً في

صيف الخليج الحاااااااااااار ,

جربي بعد كريم حماية لويس ودمر ,, ترى حلو ,

لي رجعة إن شاء الله :) ,,
م
ملكة الأخلاق
عروس مبدعة
17-06-2006 | 01:15 AM
لا ما ينفع تستخدمينه ,, لأن المرطب اللي حطيته لج من سن 25 وفوق :) ,

اوكي ولا يصير خاطرك الا طيب ياعسل ماراح استخدمه

شوفي جربي مثل ما قلت لج مرطب لويس ودمر من الصيدليات تلاقينه ,

اوكي راح ادورة واستخدمه :shy: :shy:

وأهم شي إنج تشترين كريم حماية من الشمس لأنج راح تجتاجينه وبقوة وخصوصاً في

صيف الخليج الحاااااااااااار ,

جربي بعد كريم حماية لويس ودمر ,, ترى حلو ,

طيب كيف استخدمهم :sad: ايش احط الاول المرطب ولا الكريم وكم مرة استخدمهم باليوووووووم ؟؟؟


لي رجعة إن شاء الله :)
الله يعطيك العافيه :clap: مشكووووورة
وانا انتظرك يالغلا ,,[/CENTER][/QUOTE]
م
ملكة الأخلاق
عروس مبدعة
18-06-2006 | 06:42 AM
حبيبتي مجد هلا كيفك

وعندج المضغوط ( compact foundation ) وهذا يناسب كل البشرات وخصوصاً العادية والدهنية ,,


قصدك المضغوط يعني استخدم الاسفنج بالماء واطبقه على الوجه

وبالنسبه للاقنعه الطبيعيه اكثرها لدهنيه وما الاقي للمختلطه عادي بعد ؟؟



انا اشوف عادي استخدم اقنعه** كريمات *الدهنيه اذا ما لقيت مختلطه مناسبه لي صح ولا انا غلطااااااااانه


أما الشادو العادي هو الشادو المضغوط , فهو الشادو العادي اللي تلاقينه في كل الماركات ,,


وهنا ايش المعنى بشادو مضغووووط


واكون شاكرة لك
وسامحيني على الاطاله

أختك ملكة الاخلاق
م
مجـد
عروس ماسية
18-06-2006 | 11:52 AM


ملكة الأخلاق:
لا ما ينفع تستخدمينه ,, لأن المرطب اللي حطيته لج من سن 25 وفوق :) ,

اوكي ولا يصير خاطرك الا طيب ياعسل ماراح استخدمه

شوفي جربي مثل ما قلت لج مرطب لويس ودمر من الصيدليات تلاقينه ,

اوكي راح ادورة واستخدمه :shy: :shy:

وأهم شي إنج تشترين كريم حماية من الشمس لأنج راح تجتاجينه وبقوة وخصوصاً في

صيف الخليج الحاااااااااااار ,

جربي بعد كريم حماية لويس ودمر ,, ترى حلو ,

طيب كيف استخدمهم :sad: ايش احط الاول المرطب ولا الكريم وكم مرة استخدمهم باليوووووووم ؟؟؟


لي رجعة إن شاء الله :)
الله يعطيك العافيه :clap: مشكووووورة
وانا انتظرك يالغلا ,,
[/QUOTE]

كريم الحماية تحطينه كلما بغيتي تطلعين بالشمس ,,

لأنه من اسمه كريم حماية من الشمس ,, فكلما بغيتي تطلعين من البيت بالنهار أو العصر والشمس

تكون موجودة تحطينه ,

والطريقة , تحطين أول شي المرطب بعدين تحطين كريم الحماية ,,

وأتمنة يكون كريم الحماية مناسب للبشرة المختلطة , لا تجيبين كريم حماية دهني

بالأخير راح تدهن بشرتج ,

أما بالنسبة للمرطب تستخديمنه كلما حسيتي إن بشرتج محتاجته :) ,

يعني إذا غسلت الصبح حطي مرطب ,

إذا توضيتي للصلاة وحسيتي إن بشرتج مشدودة وبحاجة لمرطب , حطي عليها مرطب ,

قبل لا تنامين غسلت ,, حطي مرطب

أتمنى يكون كلامي واضح ومفهوم :) ,[/CENTER]
م
مجـد
عروس ماسية
18-06-2006 | 12:04 PM


حبيبتي مجد هلا كيفك


هلا فيج يا قلبي :) , واعذريني تأخرت عليج :) ,

قصدك المضغوط يعني استخدم الاسفنج بالماء واطبقه على الوجه


مو شرط تستخدمينه بماي ,, ممكن بدون ماي إذا بغيتي تغطية عادية , وإن بغيتي تغطية

أثقل وأكثر ممكن تبللين الاسفنجة بالماي :) ,

انا اشوف عادي استخدم اقنعه** كريمات *الدهنيه اذا ما لقيت مختلطه مناسبه لي صح ولا انا غلطااااااااانه


لا صح ,, ما عاش من يقول عنج غلطانة :) ,

وهنا ايش المعنى بشادو مضغووووط


هذا شكل الشادو المضغوط :) , هو الشادو العادي اللي تلاقينه في كل الماركات ,



لي رجعة إن شاء الله , واعذريني على الإطالة :) ,,
م
ملكة الأخلاق
عروس مبدعة
19-06-2006 | 08:03 AM
لي رجعة إن شاء الله , واعذريني على الإطالة ,,



مشكوووووووووووووورة يالغلا على المجهووووووود الطيب

والله اني عارفه اني تعبتك معااااااااي

وانا انتظرك علشان كريمات الاساس المناسبه لعمري وبشرتي
تحيااااااااااتي لك
م
ملكة الأخلاق
عروس مبدعة
20-06-2006 | 12:43 AM
السلام عليكم
هلا مجد
مجوده عندي سؤال عن كونسيلر ميك فور ايفر

اللي لها عدة الوان بغيتك ياقلبي تحطين الصورة
وتشرحين لي كيفيتها في اخفاء العيوب
خاصه في امور الانف !!!
يعني لو بغيت اصغره وين احطه بالظبط ؟؟؟
لو بغيت الصغير يطول اشلون ؟؟؟
وشاكرة لك ؟؟؟
واكيد راح يطق في راسي اسئله وكل العادة اطفشك تحمليني
تحياتي لك
م
ملكة الأخلاق
عروس مبدعة
22-06-2006 | 01:06 AM
فوووووووووووووووووق
م
مجـد
عروس ماسية
22-06-2006 | 01:20 PM


وعليكم السلام ,

يا هلا يا ملكة :) ,

آسفة طولت عليج :) , بس والله مو فاضية وحبيت لما أرد على موضوعج أكون فاضية عدل

عشان أوفّي الإجابة حقها :) ,

عموماً ,,

بالنسبة لكريم الأساس , بما إن بشرتج ما فيها آثار إلا خفيفة فما تحتاجين تغطية ثقيلة ,

ولذلك راح أوصف لج كذا كريم , إذا إنت تحطين كريم أساس يومياً للطلعات أو للجمعات العادية

فأنصحج يكون عندج كريمين , وإذا إنت ما تحطين فأنصحج يكون عندج واحد بس ,

عموماً , أنصحج تجربين هذا الكريم , مميزاته , حلو وخفيفة وملسمه مخملي كأنج حاطة

بودرة مو كريم , وبنفس الوقت رخيص ,



عندج بعد كريم أساس كانيبو حيل حلو , بس إخذي السائل مو الكريم لأن بشرتج مختلطة ,

Kanebo
Liquid finish



وعندج بعد كونسيلر ماك , هذا عن جد روعة بس حطيه على الوجه كله وتحت العين وراح

يغنيج عن أي كريم أساس ثاني وعن تجربة , هذا غير تغطيته العالية , بصراحة أنصحج فيه

وبقوة :) ,

واسمه :

Select Cover up Concealer



وممكن تحطين فوقه بودرة خفيفة , وممكن لا ,



أما إذا كنت تحطين مكياج للسهرات في البيت فأنصحج بكريم أساس ديفينورا + بودرة

ديفينورا الذهبية ,

هذا الكريم , واسمه :

Guerlain Divinora Silky Smooth Foundation



هذه البودرة ,



وإذا إذا كنت تحطين مكياج السهرات في الصالون , فما فيه داعي يكون عندج كريم سهرات

لأنج ما راح تستخدمينه ,

ولي رجعة مرة ثانية إن شاء الله :) ,,
م
مجـد
عروس ماسية
23-06-2006 | 03:15 PM


ملكة الأخلاق:
السلام عليكم
هلا مجد
مجوده عندي سؤال عن كونسيلر ميك فور ايفر

اللي لها عدة الوان بغيتك ياقلبي تحطين الصورة
وتشرحين لي كيفيتها في اخفاء العيوب
خاصه في امور الانف !!!
يعني لو بغيت اصغره وين احطه بالظبط ؟؟؟
لو بغيت الصغير يطول اشلون ؟؟؟
وشاكرة لك ؟؟؟
واكيد راح يطق في راسي اسئله وكل العادة اطفشك تحمليني
تحياتي لك



وعليكم السلام ورحمة الله ,

بالنسبة لباليتة الكونسيلر من فور إيفر واسمها :

Camouflage Cream Palette

ويوجد منها خمس ألوان ,, أقصد خمس باليتات لكل باليتة رقم ,,

وكل باليتة وتناسب بشرة معينة مثل :

الباليتة رقم 1 تناسب البشرة الأوروبية ,

الباليتة رقم 2 وتناسب البشرة الآسيوية ,

الباليتة رقم 3 وتناسب البشرة المختطلة مثلنا إحنا وهذه اللي قال عنها بسام فتوح إنها

أفصل باليتة تناسب البشرات العربية :) ,,

الباليتة رقم 4 وتناسب البشرات الداكنة ,

والباليتة رقم 5 وهذه للمحترفين والماكييريين :) ,,



الأخضر لتغطية الحبوب الحمراء

البني لتظليل الأماكن اللي نحاول نخفيها ونصغرها في عملية

الشيدينق مثل جوانب الأنف وممكن نحطه تحت العين إذا كانت الهالات حيل داكنة نحط هاللون

كطبقة أولى ,

البيج الغامق المايل على برتقالي نحطه كطبقة رقيقة على

الهالات الداكنة لتغطيتها فوق الطبقة الأولي ,

البيج الفاتح 0 نحطه على البقع أو الآثار الموجودة بالبشرة ,

وممكن نحطه على الهالات كطبقة أخيرة , فوق الطبقتين الداكنة والأورانج ,

اللون الفاتح

نحطه على الأماكن اللي نبي نبرزها مثل الخدود أو تحت العين ,,

وإن شاء الله راح أحاول أحط لج صور :) ,,
ا
الغـــلا كله
عروس ماسية
23-06-2006 | 05:40 PM
ما شاء الله عليج مجوده
ش
شموخ البحرين
عروس رائعة
23-06-2006 | 06:04 PM
ماشاءالله عليج يامجد

الله يجزاج خير على سعت صدرج
م
ملكة الأخلاق
عروس مبدعة
24-06-2006 | 01:44 AM
العنـــــــــــــــــود

شموخ البحريـــــــــــــن

مشكورات على المرور

والله يعطيها العافيه مجوده غثيتها معي
بس وش اسوي ما عندي خوات اكبر مني واسالهم
ماعندي الاهالنت والمنتدى
اختكم ملووووووووووووووووووكة
X