تعبي مع الغده ساعودني فديتكم : (

وينكم:(

هلا والله بالغالية النوري
الله يشفيج ياغالية وان شاء الله لج الأجر
العظيم في الصبر على ابتلائه وما بعد العسر الا يسر ...

يالغالية اللي فيج أمر مب خطير اذا تداركتي الأعراض اول بأول
خاصة زيادة الوزن والتعب والخمول والكسل كثرة الرغبة للنوم
وعند البعض زيادة في هرمون الحليب
وغلظ الشعر اللي يصير بسبب قلة نشاط الغدة الدرقية
ومب كل الحالات مزمنة في حالات ولله الحمد تخطت هالمرحلة

اولا خليني اقولج ما عندنا شيء اسمه مرض مزمن لو الواحد تعالج
بالطريقة الصحيحه .. ونحن في دينا عندنا وايد طرق للعلاج ومنها العلاج النبوي
وبالاعشاب والاكل اللي هو الطب البديل .. والأمراض المزمنة تضل مزمنة
لمن يتعالجون بالأدوية الكيماوية ...

للأسف أسباب هالمشكلة مب واضحة الا ان البعض يرجح السبب زيادة الوزن
مع ان الاصح ان هالمشكلة هي التي تؤدي الى زيادة الوزن...

العلاج ان شاء الله يكون بسيط ونافع مع المداومة عليه وما عليج الا العافية ان شاء الله ..

اولا يالغالية اذا وزنج زاد حاولي تنزلينه واذا بعده ما زاد حاولي تتحكمين فيه
ولا تخلينه يزيد ... التحكم بالوزن هو نصف العلاج

ثانية كثري من السمك لان فيه مادة اليود اللي ينشط الغدة وينظم افرازاتها
ومن الخضروات ذات الاوراق الخضراء ..

ثالثا لما تكون معدتج خالية اخلطي ملعقة عسل طبيعي في كوب ماء واشربيه
داومي على العسل الطبيعي كلللللللل يوم خليه جزء من يومج وملعقة باليوم تكفي
وانتي عارفة فوايد العسل للجسم كله ..

رابعا حطي كفج اليمين مكان الغدة واقري الفاتحة 7 مرات مع أدعية وآيات
الشفاء ( الرقية الشرعية ) .. وكثري من الدعاء والاستغفار ..

خامسا في طريقة للعلاج بالطاقة بس بذكرها لج عالخاص عشان محد
يسيئ استخدامها..


المهم لا تحاتين هالشيء لانه مثل ما قلتلج مب خطير والحمد الله انج تتعالجين
وربي يوفقج وايسر امورج ان شاء الله ودائما تفائلي بالخير .. يعطيج العافية
يااااااااااااااااااااا رب .. (f)

فديت روحج

يا ملاك والله انج اصيله وطيبه وردج كله يطيب الجرح ويبريه

ونصايحج كلها بنفذها بأذن الله بحذافيرها .. بس انا زاد وزني وايد تقريبا 20 كيلو عن الطبيعي

واحاول اللحين انزله ما في فايده

ومثل ما قلت اني وااايد احس بالخمول والكسل وان شاء الله كل اللي قلتيه لي راح اسوي بأذن الله

وانتظر العلاج اللي ذكرتيه العلاج بالطاقه انا سامعه عنه بس ما اعرف اشلون اقدر اطبقه وان شاء
الله

انا بأنتظارج

ومشكوره يا عمري ما قصرتي ويزاج الله الف خير والله ينور لج كل دروبج ويجعلج في كل خطوه سلام

لج حبي وتقديري عزيزتي


اختج النــــــــــــــــــــــــوري

يا قلبي ما سوينا شيء وكلج ذوق والله

ما عليج أمر شوفي الرسايل الخاصة طرشتلج

الطريقة ..

حبيبتي ولا تزعلين انا عندي نفس المشكلة , لا وسويت العملية بعد من سنة 97وكان قبل ما اتزوج والحين عندي اعيالواخذ الحبوب كل يوم بس اهم شي المراجعة الدورية وعدم الاهمال,زوكل شي عادي وحياتج ما بتتاثر...

أختي أنا اعرف ان الخمول بيكون نتيجة لنقص مادة الصوديوم في الجسم مش اعرف حكاية الغدة دي

الله يشفيج

مرحبا اختي ...

حبيت اقولج انه انا بعد كنت اعاني من الغدة الدرقيه بعد ولادتي الاولى وكانت في البداية نشطة وتعالجت منها وبعدين رجعت وصارت خاملة وصارت لي نفس الاعراض اللي فيج ، وبعدين خذوا مني عينة وقالي الدكتور انه فيه طريقتين يا اما تاخذين اليود المشع او نسويلج عملية وتشلينها ،انا كنت خايفة من العملية وفكرت اخذ اليود المشع بس خفت منه ..

وتوكلت علىالله وقررت اسوي العملية وسويتها وصار لي تقريبا 3 سنين ونص وانا مستمرة على حبوب الثايروكسين وقالي الدكتور اني لازم اخذها طول عمري لانه الغدة انشالت كلها ...

واقولج اني عايشه حياتي عادي ( صج اني ساعات انسى اكل الحبوب كم يوم بس الحمدالله على كل حال ) ...

وان شاءالله تتشافين منها بدون عمليه لانه صديقتي صادها نفس الشي وتعالجت من غير عملية ..

انا بعد فيني الغده كانت نشطه وضعفتني تقريبا اكثر من 10 كيلوو واول مابديت استعملت العلاج رجع وزني الطبيعي بس صار لي فترة قاطعه العلاج ووزني زاااااد تقريبا 5 كيلوو :sad:


تهقون لاني تركت اعلاج او شالسالفه

ايه قطريه فديتج لازم تستمرين عالعلاج وماتقطعينه الا بعد ماتستشيرين دكتور ... انا كنت قبل العملية مع الجيوسي ويوم قرروا العملية حولت على عبدالعظيم ...

بس الحين صار لي سنه وزيادة ماراجعت الدكتور ولازم اسوي تحاليل دورية بس فيني كسل ....

الله يشفيج حبيبتي منها ولاتشيلين هم يالغاليه .

[QUOTE=بنوتة قطرية]ايه قطريه فديتج لازم تستمرين عالعلاج وماتقطعينه الا بعد ماتستشيرين دكتور ... انا كنت قبل العملية مع الجيوسي ويوم قرروا العملية حولت على عبدالعظيم ...

بس الحين صار لي سنه وزيادة ماراجعت الدكتور ولازم اسوي تحاليل دورية بس فيني كسل ....

الله يشفيج حبيبتي منها ولاتشيلين هم يالغاليه .[/QUOT

بقيت اسال الأخت اللي شالت الغدة هل خف وزنها أو لا
انا اتعالج منها صار لي سنة تقريبا ومستمرة على الحبوب بس ما احس ان وزني قل ثابت
بس حالتي النفسية سيئة كل ما اشوف روحي اصيح تمللت

ماتشوووفين شر ان شاء الله

نسيم البرايح : حبيبتي انا بعد ماشليت الغدة ماخبر اني ضعفت وايد ، بالعكس احس انه وزني زاد بس مب من الغدة لا انا كنت اكل بزيادة الصراحه ...

وماتشوفين شر حبيبتي

حبيت اسالكم ربي يسعدكم اجمعيين

هل علاج الغده يودي ان الجسم يسمن ويتنفخ؟

السلام عيكم انا لما قريت الموضوع رجعت لكتب الاعشاب اللي عندي قلت انشالله احصل علاج وافيد الخوات ولقيت هالعلاج وانشالله يارب يفيد وان مافاد ماراح يضر لانه طبيعي:
تؤخذ الحبه السوداء الناعمه وتعجن في عسل نحل عليه قطرات من غذاء ملكات النحل يوميا لمدة شهر وبعدها سوف ترون بإذن الله ان الغدد في قمة الانضباط بلاخمول ولانشاط فسبحان الله المبدع المهيمن
**المعلومه مأخوذه من كتاب معجزات الشفاء في الثوم والبصل والعسل والحبة السوداء-أبو الفدا محمد عزت محمد عارف

وما ابغي الا الدعاء من اللي يفيدهم العلاج