عيد زواجي الاول سمعوا افكاري وساعدوني بافكار جديدة!!

افكار روعه
تدرين اختي انا عيد زواجي بعد 4 ايام و ما ادري شو اسوي
مشكورعة ساعدتيني بافكارك

هلا حبيبتي مع اني مو متزوجه بس حابه افيدك بافكاري اللي لو انا متزوجه كنت راح اسويها

انا افضل ان الاحتفال يكون بالفندق بعيد عن الاجواء العائليه وخصوصا ان تقولين ان انتي ساكنه مع اهل زوجك

اتفقي مع محل بعد ماتحجزين الغرفه ان يروح يجهزها لك بشموع وحركات وورد عقب روحي انتي وزوجك وانتي كاشخه على سنجه 10

وبعدين بتاخذون راحتكم بالفندق وكفايه التغيير حد ذاته حلو وخصوصا اذا حجزتي بفندق على البحر مثل الريتز او الفور سيزن او اللي هو لان عموم فنادقنا على البحر

لان لو سويتيه في البيت وجا المحل عشان يرتبون لك الطاوله كل العائله بتدري وهنا بتستحين عدل لكن لما تحجزين الغرفه ةتطلعين انتي وزوجك من الظهر او العصر عادي الوضع

اتمنى اكون افدتك باللي عندي وعقبال ماتفيديني لما اتزوج

مشاء الله، افكار حلوه
بدال ما افيدج استفت منج

افكار حلوه بس مافيها شي تباتون في الفندق

اول شي نص يوم ما يكفي ويادوب تجهزين نفسك و الغرفه

وثاني شي في بيت اهل زوجك ما بتاخذون راحتكم

في محلات تجهز غرف العرايس سئلي عنهم و شوفي

توكلوا على الله وباتوا في الفندق ومافيها شي زوجك وحلالك

بس فكرة تلبسين فستان العرس ماحبيتها بالمره

اذا حابه البسي فستان ناعم وبلون فاتح او ابيض

والافضل دام بتحطين مكياج و عدسات وتسوين شعرج

غيري من ستايل اللبس و لا تنسين تشترين لبس للنوم جديد وبستايل جديد ويكون لون ما لبستيه من قبل

و خذي له بيجاما جديده

وصوا الفندق على عشا و جهزوا لكم حمام دافي

اتمنى لكم ليله سعيده

الافكار حلوة

بس فستان العرس ماعجبتني احسها مادري شلون

السلام عليكم احلى بنات

الف الف مبروك حبيبتى qtr221
و يارب يخليلك زوجك و يديم عليكم المحبة

افكارك رووووعة بس موضوع الفستان ما حبيته
حاسه بيطلع متكلف

البسى فستان ناعم و هدل على الاطراف << علشان الانوثه الطاغية :D
و خللى اللون رقيق زى الموف الفاتح او الوردى

و ربنا يسعدك

لولي تسلمين اختي على المرور

وهج الغرام مشكورة اختي على المرور والافكار بس انا اذا بجهز بالبيت باخذ الاغراض والتجهيزات

بروحي وبرتبهم بالغرفه مندون ما ادخل اي حد بالبيت

الله يرزقج بالزوج الصالح ان شالله

حبيبه ريلها يعطيج اختي الفا عافيه وان شالله ربي يستجيب دعواتج لي ولج

بنت كنافه تسلمين اختي بعض مما عندكم الله يسلمج

مارشملو تسلمين اختي على المرور والنصايح وعيتيني للاشياء كنت ناسيتها

ام اسووله تسلمين اختي على المرور ومثل ما قلتي ترى سمعت من رايج وايد يعني حتى

صديقاتي يقولون لي نفس الكلام وبعدين ما اتوقع فستان عرسي يدخل فيني ههههههههههه

روزيريو تسلمين اختي على المرور ويعطيج الف عافيه شكلي بغض النظر عن فكرة الفستان

انزين بنات ايش رايكم البس قميص نوم ابيض والبس الطرحه؟؟؟

او فستان ناعم وفوقه طرحه؟؟؟

والا البس شي ناعم بدون طرحه؟؟؟

انزين بنات ايش رايكم البس قميص نوم ابيض والبس الطرحه؟؟؟

او فستان ناعم وفوقه طرحه؟؟؟

والا البس شي ناعم بدون طرحه؟؟؟

:sad:

اختي والله انا برايي فستان العرس احلى شي
انا بعد هذا عيد زواجي الاول
و راح البس فستاني فيه

حبوبتي,,

ألف مبروك مقدما,, وبعد ماقرأت أراء الخوات ماشاءالله عنهم لكن عندي فكرة أخرى,
أنا برأي تخلي الإحتفال ببيتكم بغرفتكم لأن الفنادق مش مأمونة وممكن لاسمح الله تكون فيها كاميرات, يعن ممكن تقضوا يوم كامل بمنتزه او فندق لكن مبيت مابحب هالشي لأخواتي المسلمات.

عندي فكرة بتمنى تعجبك,, مثل ماانتي حكيتي تتفقي على تجهيز طاولة وتجهزي السرير كمان بمفرش كامل لون ابيض مع دانتيل رح يعطي اتساع للمكان وطبعا توزعي الشموع والإضاءة بحسب طبيعة المكان, بس فكرتي تتلخص في إنك تعملي مجموعة قلوب صغيرة لونها احمر مختلفة الأحجام (سواء بورق مقوى او قماش او تشتري مجموعة من محلات العاب الأطفال) ولو مثلا عمر زوجك 29 تلصقي على عدد 9 قلوب كروت فيها اسباب حبك له وشو بتحبي فيه وتكتبي عليها بخط صغير (بحبك بنسبة 9%) وتوزيعها بأرجاء الغرفة, وعلى عدد 19 قلب تكتبي عبارات غزل وابيات شعر وتكتبي بحبك بنسبة 19%) اما على قلب كبير (ممكن مخدة حلوة على شكل قلب احمر كبير تكتبي بحبك بنسبة 1000% لأنك هنى عمري وفرحتي واي عبارات بخاطرك) وتعلقي هالقلب الكبير على باب الغرفة من الداخل, اما الباب من الخارج ممكن تعلقي عليه بوكيه ورد على شكل قلب توصيه من محل الزهور , وممكن تعلقي على يد الباب كرت مثل الفنادق (رجاء عدم الإزعاج اليوم خاص جدا , تمنوا لنا السعادة! نشوفكم غدا !) عشان اهله يخلوكم براحتكم هاليوم.

وبالنهاية بالنسبة للبس بتخيل انك تلبسي بيبي دول على هيئة فستان عرس مع طرحة ناعمة بتجي طقم معاه كتير احلى من انك تلبسي فستان العرس نفسه, وممكن توصي على مسكة عروس وتمسكيها بتطلع عن جد روعة وبعد مايجي زوجك وتقعدوا سوا بتحطيها في منتصف السرير بتعطي منظر رائع.

بتمنى تعجبك فكرتي.

هلا حبيبتي
الف مبروك على مرور سنة وان شاااء الله تعيشون العمر كله مع بعض وبحب و مودة
انا راجعة لج مع افكااااري :)

ألف مبروك يا قلبي على مرور سنه من زواجكم.. وان شاء الله العمر كله تحتفلون وحياتكم كلها هنا وسعاده..

وماشاءا لله البنات ما قصروا.. كل وحده عطتك فكره حلوه..
بس الافضل ما دام مو ساكنين ببيت لحالكم تاخذون بفندق.. تدرين الا ما يحسون اهل البيت وتتفشلين بزياده..

تسلمين لولي بس المشكله احساس ان الكل مو مايدني صرت احس الموضوع بايخ مادي احترت

دلع وشوق مشكورة اختي على افكارج احاول اجربها

رومانسيه حياج الله حبيبتي

دلوعه اي والله ودي بس ان شالله بو الشباب يرضى

تسلمون بنات على التفاعل ويعطيكم الف عافيه ناطرة ارائكم الجديدة

هلا اختي والله اجوف انج اتسوينها حق ريلج مفاجأه احلا يعني لا اتحسسينه انج مهتمه بهذه اليوم واتعدلين الحجره وتلبسين فستان سهره حلو وتحجزين فى مطعم تتعشون فيه ويوم اتردين البيت تلبسيله قميص نوم كشخه انه سويتها هذه الحركه العام واااايد استانس

حلو بالتوفيق إن شاء الله

مس يو اي ايه افكارج حلوة اختي وايد بس المشكله سويتها لما جات ذكرى عقد القران

يعني قبل 6 شهور تسلمين اختي على افكارج

منال اختي مشكورة على المرور

اقنعي ريلج ع الفندق بس بدون مبيت


والله الموفق لان ما شالله العضوات ما قصروا الله يبارك فيهم وفيج

ودعواتكم بالزوج الصالح لي ولكل المب متزوجات آمين