الماكدونالدز والحامل ....تعالواااااا

شنو يأثر؟
مافهمت شتقصدين !!
بس حاله حال باقي المطاعم
واذا بخااطرج اكلي :)َ

اول شي شكرا على ردج ياحلو ة وثانيا في بنات قالوا مب زين لانه بايت ويضر انا بروحي استغربت والعالم الله


بس اتريا ردود حد مجرب ويااكله وعادي

انا اكل عادي من المطاعم السريعة..


بس مكدونالدز بالذاااااااااااات ما اطيقه خير شر... دائم اكله فيه ريحة غير مستحبة .. وطعم غريب بعد ..

ماعليج ياقلبي اكلي اللي تبينه والله يهون عليج انشالله

شكرا لكم عالردود يالغاليات طمنتوني

عادي
بس فقير بالفيتامينات الضروريه للحامل
لا تعتمدين عليه اعتماد كلي:shy:

حبيبتي اكلي وانتي مرتاااحه
انا مجربته تنسيت فيه في بطاطسه وسفن وثلج وكل يوم امر واشتري منه علي
طريق لا رجعت من البيت والحمد الله ما في اي شي ابدا

احس انه عادي بس يفضل المأكولات المغذه خلال الحمل والرضاعه

اشكركم كلكم يالحلوات عالرد وانا ادري انه يفتقر للفيتامينات بس انا اكله في الاسبوع مرة ومب دوم واكثر شي اكل فواكه وخضروات واشياء قليلة الدسم وطبعا لا مقليات ولاغازات ولاخرابيط بس اخر شي الله يسهل ولادتنا على النهاية لانه تعبنا وسهرنا واهتمينا بغذائنا وفي كل شي بس عسلى ربي يتممها على خير

ذكرتيني في نفسي في بدايه شهري الثالث جاسني وحااام فضيييع مب على الماكدونالد لالالالا
على برجر كنج وكل يوم تقريبا اسير واخذ لي من عندهم وجبه كامله وما امل لين ما رحت لمراجعتي في الشهر الرابع وحصلت محاضره طويله عريضه على اللي سويته لان وزني نقص 2 كيلو وجاسني فقر دم فضيييع والسبب اني ما اتغذى زين .. ومن عقبها بطلت اخذ من هالاماكن لليوم والله يثبتني:)
يعني اذا بتاكلينه مرات قليله اشوف مافيها شي لكن يصير لج ادمان شراتي لا والف لا تحملي ترى والله كله مواد تضر البيبي خاااصه ان الاكل مش فرش

عزيزتي ما اظن له اثر خاص عالحامل ..

بس بصورة عامة مو هو هذا الاكل الي الحامل مفروض تعتمد عليه.. بعدين تاهو يعتبر من الjunk food.. و يزين الوزن عالفاضي...

الله يهون عليج و تولدين بالسلامة

عادي ما يضر في شيء

بس أكل غير مغذي للحامل خصوصاً وأني في الشهور الآخيرة

ماأظن فيه ضرر بس مامنه فايدة لأنه كله دهون ومافيه فيتامينات وغيره الي تحتاجهم الحامل،، وناس قالوا أن الـ fast food يأثر على الجنين ويكون به عاهات وتشوهات..

مسامحة على هالسؤال.. ليش تاكلون من ماكدونالدز؟؟؟ اولا أمريكي ويجب أن نقاطعه... شي ثاني ماندري شنو حاطين بهاللحم الي جايبينه من آخر الدنيا لنا (ناس قالوا يصدرونه من دبي،، وناس قالوا من أمريكا ويخلونه بدبي)يعني السالفة مشكوك فيها.. وسمحي لي ...

حبيبتى............... الله يكرمك وتكملى حملك على خير ان شاء الله
انا مش حامل بس اعرف ان الاكل ده مش مفيد ابدا
حاولى تاكلى اكل مفيد

حبيبتي إذا الأكل مضر سواء كنتي حامل أو موحامل بيضرك

أكلي ولا تفتكرين بشيء

والله استغرب من هالكلام ... اصلا اختي من اول حملها وهي تاكل كل إلي في خاطرها .. ولا صار شي ... وقريت في المنتدى انه الكنتاكي يشوه الجنين شو ها الكلام والله عجيبين وحتى الأيسكريم في اشياء بالعقل الوحده اتعرف انه ما في ضرر ...ساعات يفتر راسي من إلي اقره

السموحه

يا اختي مضر ............,, ونه متوحمه عليه لكن زوجي مانعني عنه من المواد الخطره والهرمونات اللي يطعمونها ف لحومهم ..................,,, ف الافضل تتجنبين قد ما تقدرين الاطعمه الجاهزه وتعتمدين على الفرش ف تغذيتج انتي والبيبي
والله يقومج بالسلامه يا اختي

الحمدلله اني انسانة اتبع طريقة التغذية الصحية للحامل بس دقات احب اغير يعني بس مرة بالاسبوع اكل من ماكدونالدز مب وايد واصلا انا مااحب سوالف الغازات والاشياء البايته انا احب الفرش ....بس الواحد لازم يغير واشكركم على النصايح والردود واخر شي ترا اي شي راح يصير بيد رب العالمين وقل لن يصيبنا الا ما كتب الله لنا