شسوي معاه

اختي احنا مستحيل ننصحج وانقولج تطلقي او اتركيه
وثاني شي مسحيل نقولج بعد تمي معاه واحنا اصلا مو عارفين المشكله والسبب
ماقول الا ادعي ربج واستخيري وربي بيساعدج اختي

حبيبتي .. مافي وحدة تررضى على نفسها انها تكون مطلقة الا بعد ماذاقت الويل

اختي توليب..شرحي لنا شسالفة عشان نقدر نشور عليج

اني انخطبت حق واحد قالوا لي عمره 26 وانا عمري 22 واكتشفت عقب الزواج انه هو 37 .. وطبعا بتقولون العمر مب مشكله والمهم روحه .. وصح كلامكم .. انا قلت بعد المهم روحه .. طلعت روحه تشيه روح ابوي .. وكأني متزوجة ابوي .. كل تصرفاته وكل افعاله .. حتى اتصالاته .. وجوده في يومي بس 3 %.. مايتصل ولا يسئل .. واذا ضغط على نفسه وكلمني يكون في قمة الملل واللوعه ويتم ينافخ .. كلمة احبج يقولها :انه يسمع او المفروض انه يقولها !!!

طبعا غير الناحيه الجنسية .. اول مانخطبت على طول ومن اول مكالمه رمى الفاظ بذيئة .. خرعتني .. والله انها ماتنقال حق بنت بيت .. كأنه يكلم وحدة من بنات الشوارع .. وهو يمكن عن سذاجة بس مادري انصدمت فيه .. وقلت معليه اكيد في جوانب ثانية زينه .. يوم اهملني ومرت فترة الخطوبة وانا ماعرف طعم السعادة ولا عشت حياة المخطوبين .. لين انفجرت .. وقلت له ابي انفصل : قالي شقول للناس !!!!!!!!!!!

يعني بدال مايقول اني شاريج يفكر في الناس ماتهمه سعادتنا قد الناس .. انا كنت ارتجي منه كلمه يقول اني ابيج وشاريج واحبج ويتغير .. لكن ظل الحال على ماهو ومرت بعد فترة احاول اني اتقبل او اني انسجم معاه .. مافي فايدة .. لين صليت استخارة على الانفصال .. ومن يومها جاتني قوة مب طبيعية على هالموضوع والحمدلله كـني زحت عن صدري جبل .. ماتتخيلون اش قد ارتحت .. من زمان مابتسمت من قلبي .. والله حتى بنات الجامعه يقولون لي اشفيج ذبلتي من يوم انخطبتي .. اذا ذبلت من يوم انخطبت .. شبيصير فيني اذا تزوجت !!!

والحمدلله وايد مرتاحة لقراري .. وانشالله الله بيعوضني وبيعوضه خير

الله يوفقك حبيبتي
أنا من رايي بمــا انك صليتي إستخارهـ
فالخيــرهـ في مــــــــا اختارهـ الله


والليّ استخرتي وارتحتي فيه سويه
لأن الأستخارهـ والدعـــــــــاء أفضل شي في العلاقات الزوجية
وربي يعوضك بواحـــد أفضل .. واحسن إن شاء الله

ومشكلة الإقنـــــــاع عادي حبيبتي
قولي أن ربك ما أراد .. وهذا الشي قسمة ونصيب خصوصاً في الزواج
ومثل ما قلت لك الخيــرهـ فيما اختــارهـ الله


وبالتوفيق قلــبي



جودي^.^
.
.

مشكورة يا جودي .. وانشالله الله يعوضني ويوفقج انشالله .. بس صج مرحلة صعبة اللي انا امر فيها .. انشالله تعدي واصحى من هالكابوس انشالله

الله يعوضج خير .. و يرزقج بالأحسن ..

و يارب يعينج و تعدين هالمرحلة ..

الله يعينج

واذا شايفه ان الطلاق هو الحل

خلاص توكلي على الله

وانشاءالله ربي بيعوضج بواحد احسن منه

الله يعوضـك باللي احسن منه حبيبتي
و دام إنك مو مرتاحة تنفصلين احسن لان هذا زواج وعمر بتعيشينه
انتي قولي له ان حياتكم مع بعض مستحيلة وان تنفصلوا الحين احسن من الطلاق بعدين
وانكم مو مناسبين لبعض وحاولي في احد قريب منه يقنعه

الله يعوضج خير .. و يرزقج بالأحسن ..
يارب .......

اذا انتي مب مرتاحه لاتتردين لحظه ودام استخارتج جابت لج القوه فهذا معنى ان الانفصال خير لج وله .......... مب شرط يقتنع انتي بس خلج على موقفج وخل ابوج يكلمه ويقوله ان البنت خلاص مب مرتاحه وماتبي تكمل يعني شنو بيقول باخذها غصب ؟؟ مب على كيفه ............ اذا اانتي مرتاحه ادعي ربج كل يوم وفي كل سجده انه يفكج من الموضوع ........ اقري سورة يس وبعدها ادعي ربج انه يوفقج ويعوضج خير...............


انتظر منج تقولين لي شصار .......

الله يساعدج ان شاءالله

وييسر امورج

حبيبتي عشان ما تندمين
صلي الاستخاره للمرة الأخيرة
وبعدين نفذي اللي اقتنعتي به

انتي معذوره ...ما تنجبر نفس على نفس
واذا الحين مب رايمه تحبينه، اكيد بتتعبين
اكثر عقب العرس...بس من الأفضل انج
تستخيرين للمرة الأخيره

الله يوفقج للخير

مشكورين بنات على اردود الحلوة .. بنت الغالي صح كلامج .. انشالله يسوي اللي قلتي عليه الظاهر هذا هو الحل ..

runaway bride انشالله بصلي استخاره .. عشان ماظلمه ولا اظلم نفسي ..

مشكورين البنات كلهم على المرور .. وادعوالي .. انشالله بقولكم وبطمنكم على اللي بيصير .. الله يكتب اللي فيه الخير انشالله

الله ييسر لج امووورج ويعوووضج خير ياااارب

تجربه قاسية لوحده بعمرج ..توج صغيره على هالهموم...الله يفرج همج اختي ويعوضج خير! بس صج فرق العمر وايد كبير وغلط انهم يخشون عمره !!

عاد يخشون سنتين !...اربع !!...بس عاد هالكثر !!! 15 سنه ؟؟!

تدرين اهو من جيل وانتي من جيل وصعب تتوالفون....الله يكتب لج اللي فيه الخير لج دنيا وآخره

ورد جوري مشكورة على المرور حبيبتي .. ودعواتج

شفتي يالحلم الهادئ ماتتخيلين صدمتي وقتها .. طول حياتي احلم بواحد اعيش معاه واكبر معاه .. مب واحد يربيني .. لكن هاي المكتوب .. والله انشالله يساعندي ويتمم علي هالموضوع .. ماتتخيلين شلون تغيرت حتى نسيت الضحكه

دام انج صليتي استخاره .. اتوكلي على ربج ..

الله ييسر لج امووورج ويعوووضج خير ياااارب .. و يكتب لج اللي فيه الخير دنيا وآخره ..

الله يصبرج يالغالية ويعوضج خير ويرزقج باللي أفضل منه إن شاء الله والواحدة منا ما تعرف نصيبها وين يمكن الله

يرزقج واحد يعوضج عن المحروس ألف مرة بس ما عليج إلا الدعاء .........:sad: :sad: :sad: :sad: