لو سمحتم يا أمهات ممكن ادشون؟

السلام عليكم و رحمة الله وبركاته

اشحالكم جميعا
هذا أول موضوع لي في هذا القسم واللي دفعني لكتابته هو ولدي الصغيرون فديته
الحينه عمره تقريبا شهر و خمس أيام، تقريبا من 25 يومبددت عنده حالة البكااء بس بشكل مب طبيعي جدا، ليل و نهار يعني،طبعا هو بكائه ف الليل والنهار بس ف البدايه كان دايما يتألم طول الليل أصوات غريبه مثل الأنين و طبعا بكاء بشده ولا يفيد حمله أو وضعه بأي طريقه،اعطيه حليب ماشي فايده تغيير الحفاظ، التشييك ع رجة حرارة الغرفه بعد ماشي فايده، وديته للدكتور طبعا من أول يوم بدى فيه يصارخ، الدكتور قال مغص و تقدرون تعطونه انفاكول، انا ما عطيته هاك الوقت لانه توه كمن يوم ما كمل شهر، الوالده سوتله طبخات نفعته شويه بس بعدين ردت حالته أسوأ، خذناه مره ثانيه للطبي عطاءه دواء عباره عن زيوت طبيعيه كراويه و ينسون و قرفه، استخدمته بس حسيت انه بطنه قام يطلع صوات مثل الغرغره و قبل ماكان فيه هالشي و حالته الى الأسواء :sad: قمنا انا وابوه خذناه مره ثانيه للدكتور سواله تحليل بول و مزرعه قال ماشي التهاب و يمكن فيه مغص، ملاحظه: سرته الين الحين تقريبا مش ملتحمه بس قالوا لي هذا ماله دخل، اخر مره وديته الاسبوع اللي طاف لانه كان يصيح بشكل كبير جدا و مايسكت ابدا حتى يوم اعطيه صدري و نشله وندور فيه و ماكان راقد يوم كامل تخيلوا و هذ بعد طفل رضيع غيره انه بطنه تييله مثل نغزات و ينقز بطنه حتة و هو راقد و يأن ف الرقاد و تنفسه مش طبيعي، الدكتور كشف عليه طلع عنده التهاب ف الاذن وها اللي كان سببه صياحه القوي طبعا غير ع الصياح المتعودين عليه، و بعد كان مزكم و فيه التهاب ف الحلق عطاه ادويه و قالي فيه مغص قال استخدمي انفاكول، استخدمت انفاكول كان ولدي طبيعي قبل يخرج كم مره فيه و لول انه قبل كل عملية اخراج يتم يتألم الين ما يخرج و مرات من التعب و الصراخ يرقد و يفز من رقاده فجأه بصرخه قويه و عاد يتم يصيح، الحينه بعد استخدامه للانفاكول الولد ما قام يخرج الى مره كل يومين او يوم و هذ غير الصياح احس و الحمدلله حالته كل يوم من أسوأ الى أسوأ، ما قمت أعطيه الدواء، الحينه من 3 ايام وقفته أحس حالته شويه احسن صح ما يرقد و الاخراج كل يومين او يوم مره، و هذا اللي أقلقني ماادري هل من الانفاكول أو غيره؟؟ :sad:
وصح يوم يبى يخرج يتم يتعصر و لازم يكون في شي يعضه يمكسه ثيابه بقوه يحطها ف حلجه ولا يمص يدينه بقوه او حتى ايدنا و يوم ياخذ صدري بعد يتم يمص بقوه شويه جيه و يوقف يصيح و مره ثانيه و يتعصر الين ما يخرج او انا امل و الفه او اشيله حتى يرقد لانه يشرب الحليب من الالم مب من الجوع و يخزنه ف حلجه و بعدين كله يطلعه

تعبت والله مااعرف شو أسويله حبيبي المشكله هو صغير و ما يرومون يسووله أشعه و كله يقولون مغص مع انه بطن مش منتفخ ابدا و قبل استخدامي للانفاكول كان اخراجه عادي، و شي ثاني الولد وايد يفز تخيلوا حتى وهو راقد بس يسمع حد فتح لباب يفز فجأه ويصيح حتى من صوت القرطاس ذا حد عداله والله، و هو ما يحب القماط بس انا اقمطه لانه ايدينه دايما رافعنها لفوق ف الهوا و من الألم كل شويه يفز :sad: و مايرقد و الله كاسر خاطري وليدي مااعرف شو اسوويله، حتى مقرره آخذه الامريكي اليوم، بس اخاف يسحبون منه دم و هو فديته من يوم يبته شلون حطوه ف الحاضنه لانه كان عنده نقص سكر و تم خمس ايام عندهم يشفطون دمه و الله خبقوا جسمه من كل صوب ثقوب ع ايدينه وريوله و جتفه و الساعدين، و يمكن هذا اللي سببله الخوف والله اعلم، حتى يوم نسبحه يميك ايدنا بقوه و دايما خايف من اي صوت بسيط يتم مبطل عيونه و شفايفه دايما ترتجف:sad:

ادري طولت وايد و جني كاتبه قصحه حياتي بس باختصار الولد يتألم بشده ماادري من بطنه أمعائه الله اعلم و المشكله الاكبر وايد يفز وايدينه دايما مرفوعه لفوق اي صوت حتى لو همس مرات والله او اقترب من بشوفه يقفز فجأه، و مايرقد ابد الا كمن ساعة تقريبا 6 سعات ف اليوم و هذ ابعد التعب و ف رقاده مش مرتاح يأن و يتألم و يقفز حتى بطنه فيه مثل قفزات ماادري شو السبب، والله اني قمت اعطيه المصاصه بس عسب اغير حفاظته والا اذا بسير مكان لاعياده مثلا، ماادري المصاصه عادي استخدمها والا لا؟؟لان باختصار طول اليوم يصيح وذا ما بيصيح يكون راقد
معقوله المغص طول اليوم صياح انا سمعت انه نوبات و ف الليل تظهر و بعدها الطفل يكون طبيعي..

افيدوني يزاكم الله خير اذا حد مر بمثل حالتي مع طفله، و اسمحولي جدا جدا ع الاطاله
الله يخليكم ادعوا له بالهدايه والشفاء مب عشاني والله بس عسب يرتاح لانه طول اليوم صياح و حتى فرقاده يأن و يتألم يعني مش مرتاح أبدا و انا خايفه ع جسمه و صحته.:sad: