مشكلة رفيجتي وو صغر سنها و الزواج الله يخليكم ساعدوني

اشكركم خواتي والله


بس ابي اوضح شغله .. انوتا قمتوا تخربطون وايد بين الموضوع الي احنا فيه الحين و العادات و تقاليد و كل ديره لها عاداتها و تقاليدها بنات مايصير يشوفون ازواجهم الا عقب العرس .. و بنات يصير .. هذا مو موضوعنا ... لانه كل وحده لها خلفية غيير و احنا بالبحرين دام هي مرته تطلع وياه عادي لانها حلاله مافي داعي تييب محرم معاها و هو محرمها ..

انا اشووف السالفه عاادي بس انه تنام وياه مو انه حرام نفس ماذكرت اتي نارا .. بس انه الاحتياط واجب و هي توا صغيره و الواحد مايظمن و هي رفيجتي بروحها ماتبي هل شي فرجااائا خواتي لا تركزون على هل موضوع لانه مو هذا موضوعنا بس نبي حل كيييف توصله الي بخاطرها ...

يعني كيف تفهمه بطريقة ماتجرحه هو شوي عنيد و يتحسس و ساعاتت .. في وحده مرت ابجذي تجربه ممكن تفيدنا؟

تغير الموضوع إلى موضوع ثاني
البنات تركوا المشكلة الأساسية ..
حبيبتي أنا ماعندي خبره ولا مريت بهالتجربة
أتمنى البنات يردون ويتجاوبون مع المشكلة

أنتوا فين عايشين .. في أوربا ولا أمريكا ..ماهي خطيبته هذي زوجته ..الله المستعان

السلام علييج

مثل ما قالو كل ربعاتي

لا تزعليين مني السالفه كلها غلط بغلط

بس عندي سؤاال يسهروون و تنام ويااه نفس البيت

ولا نفس الغرفه و السرير لو نفس البيت عند خواته

يمكن يستوي
بس نفس الغرفه


انتوا يا اهل البحريين خبلتووبي


انا مالجه
و عرسي جرييب و خطيبي ما اشووفه غير بالشهر مره


و صح اكلمه بالتلفوون على راحني و يووم ايني ما قد اتجرا يلمسني

بس يحليليه يلسم علي بدينه
و مراات استحي امد اديني


غلط غلط الي يصيير
والله وايد غلطط


حتى رعات الدين يوصوون انه مت يتموو نوايد ويا بعض

تخيلي صار شي و انفصلواا بعيد الشر عنهم

من عقب بيرضى ياخذ محده مب مخطووبه وحده رااقده مع خطيبها الاولي


محد
والله


ماادري عنكم بس عدنا شي

ابوها يقولها لو تبيها

ترقد ويااك من ليليه العرس
ما يبي


يشووف حل ثاني

مدام البنت اصلن نامت ويااه و خلصت

اسمحوولي سمكن كلامي قاسي


بس انا احس الي يصير عجب

آنا رايي انها من أول خلته أخد وش عليها مثل مايقولون صج يقولون الزوجة لازم تطول بالها على ريلها بس اهني الوضع تغير لان في قوانين وخطوط حمرا لكنا تعداها من الأول المفروض تحط حدود معينة بس لاتلغي شخصيتها بالطريقة هذي لان في بعضهم يستغلون هذي الصفة ويمكن يتمادى في طلباته ويتعدى حتى حقوقه الشرعية إذا اهومستعيل ومايقدر يستغني عنها يحاولون على الأقل يجدمون العرس بس من الحين أهم شي تحدد وتبين له شخصيتها ,على العموم المعروف في مجتمعاتنا ان الريال يفضل الصغيرة في السن ليش علشان على قولتهم يربونها على مايبون وجايزاهو ماشي على هذا المنطق الله يعينها بس لاتسكت على موضوعها هذالأنه باجر ان شاء الله اذا جمعهم بيت واحد جايز عند كل موقف بيخيرها بينه وبين ابوها,إحنا موقاعدين نقويها عليه بس حتى حسب الشرع المرأة لها كيانها فلاندوس عليه ,آناطولت عليكم باااااي
تحياتي لكم ولرفيجتج:salam:

بس حبيت اوضح شغله لحظة في بعض العوائل في الكويت والبحرين عادي ايام الملجه البنت اتروح بيت اهل ريلها واتنام وي ريلها في الغرفه

حبيبتي دلوعة باباتها كل الكلام اللي قريته صح ، كل دوله ولها عاداتها وتقاليدها ، وهي الحين ماعليها إلا أنها تنسحب

شوي شوي ، يهني إذا قال لها تعالي نامي عندي تتعذر بأي شي عندها لازم تسويه اليوم ، تروح عنده وتقعد وياه أو هو

يجي عندها ويقعد وياها بس سالفة النومة تشيلها من بالها لين يتخرج ويشتغل ويتزوجها ، لأن المشكلة باقي عليه وايد

سنتين تقريباً ترى مو شوية المدة طويلة حسافة الخوف إنها تحمل منه نحد راح ينطق بكلمة لأنه زوجها على سنة الله

ورسوله بس الحسافة إنها ناوية تكمل دراستها وهو مشواره طويل للتخرج يعني السالفة مطولة شوي ، المفروض تقعد

معاه وتقنعه باللي تبي تسويه من غير نرفزة ولا طوالة لسان عشان ما تجرح مشاعره وإذا ما اقتنع تعيد عليه نفس

الموضوع مرتين وثلاث وأربع لين يقتنع ويطيح اللي براسه ترى الريال سهل اقناعه وخصوصاً في هالفترة والله

يوفقها .........:gum: :gum: :gum:

السلام عليكم ورحمة الله وبركاته

هلا بيكي أختي...

شوفي أختي...لو إستمر هذا الوضع...و هذه العلاقة بين البنت و خطيبها...بتتعب البنت كتير بعد الزواج...

راح يكون عايزها تظل عنده 24 ساعة في اليوم...و ما يخليها تروح لأهلها و لا تشوف صديقاتها و لا تروح مناسبات...و لا أعراس و لا أعياد...و كل هذا عذره إنها تريد تهده زي ما قلتي...

لذلك لازم الأمور تتوضح أكثر...و هي شويه شويه تنسحب...لازم يكون لها حياتها المستقلة؟...حتى بعد الزواج...مش معنى الواحده تتزوج يعني تقطع كل علاقاتها الإجتماعية...

زوجك على ما تعوديه...لو هي عودته على هالشيء صدقيني راح تتعب في كل حياتها...

مرة تتكلم بهدوء...مرة تتكلم بحزم...مرة تتكلم جد...مرة مزح...المهم الوضع هذا يتغير...

بالنسبة للدراسة بره...ما أنصح بها...لأنها راح تبعد عنه فترة طويلة...و هنا ممكن تفتر كل مشاعره...و تبدأ المشاكل بينهم...و أنا حاسة إنها تريد تدرس بره علشان بس تبعد عنه...

هي ممكن تكون معاه بنفس المدينة و مع ذلك بعيد عنه...مش لازم الدراسة بره هي الحل...

و بالنسبة لموضوع المبيت...أنا من وجهة نظري شايفة فيها مشكلة كبيرة...هي ما تقدر تحلها بقدر أهلها ( اللي إكتفوا إنهم فقط متضايقين !!! ) و ما نبهوا بنتهم أو منعوها...

السلام عليييكم

مشكورين خواتي والله على ارائكم

رومش الامارات

مشكوورة حبيبتي على مرورج بس حبيت اوضحلج شغله .. اولا رفيجتي مانامت وياه نفس مافهمتيها انتي .. هي بس تنام معاه بنفس الغرفه بس ماصار شي بيناتهم و هي قالتله اصلا و احترم رايها ... وانا وياج مافضل تنام عنده بعد بس هي ماشيه بتدريج علشان مايضايق او يحس انها ماتبيه لانه تفكير الريايل بالعاده يوم اتيي لسالفة حساسية يكونون نفس اليهال .. و نفس ماقتلج اختي مايصيلا تقترنين بين عاداتكم و عاداتنه ... احنا مجتمعنا عادي تطلع وياه و تسهر وياه ريلها و هذا شرع الله و رسوله بس الفروق احنا حطيناها و هذا بسبت العادات و تقاليد يعني انتي مثلا عادي يصيلر تكلمينه بس ماتطلعين وياه في اهل بدوو في الامارات و الكويت و السعودية و مناطق ثانية حتى يشووفها مايصير الا يوم العرس و نفس ماتشوفين انه مثلا البحرين غلط .. في مدن ثانية من البدو و غيرها يشوفون الي انتي تسوينه غلط و انج تجاوزتي .. و هو فعلا يعني انه انتي تجاوزتي؟

حبيبتي دام الوحده مالجه يعني خلاص صارت مرته و العرس اشهار بس .. بس انا وياج بعد اكيد مانصح البنت تنام ويا ريلها و كلشي حلوو بوقته و الوحده ماتظمن مستقبلها و رفيجتي بعد مقتنعه بهل شي .. بس الي انا اقوله بعد خير الامور اوسطها و دامج مخطوبه ... هذي فتره تتعرفين فيها على خطيبج و تتعوزدين عليه يعني فتره انسجام و تعارف عاد اهني كل دولة تختلف عن الثاني في طريقة تعارفها فيعني مايصير تقارنين اختي ... انا طلبت اهني حل للمشكلة نفس ماقلت لانه المقارنات الحين ماراح تفيد ..


منال الكويت هلا فيج اختي
هي تفاهمت معاه بكل هدوووء وهو شكله وايد متعلق فيها فرافض الفكرة و كلشوي يقوول لها بليز قولي انج مابتسافرين ... يعني مايفهمها و كل ماتحاول تقوله يتحسسس هو يعني شوي حساس ..

اختي مرموم اشكرج على مرورج والله بس حبيت اوضح شغله

رفيجتي من زمان كان ابودها تسافر تدرس بره قبل لا تنخطب و هي اكبر البنات عند ابوها و ابوها يدييير مخبز كبييير يشتغل فيه و ساعات رفيحجتي تشتغل فيه بعد .. و الجامعات الي بالبحرين دراستها مو ذاك الزود قوية و ابوها مو عاجبه وضع الجامعة الي رفيجتي فيها ولا حالها الي كل يوم سهر و قعده بطاليه فقالها طلبي انج تدرسين و تمسكين شهادج بيدج لانه محد راح يفيدج غير شهادتج و محد ظامن نفسه فطلب منها انها تسافر بره و رفيجتي الحين تبي تسافر حدها بس ضايعه مابين ابوها و ريلها .. و مو عارفه شتسوي

انا صراحة نصتها بشي و اشوفه صح بس بعد اكيد ابي رايكم

ريلها من النوع الي صريح مععاها و يقولها عيوبها في ويها .. يعني مثلا يقولها انتي ناتنظمين وقتح و انتي جافه يعني مهما اعتذرلج ماتسامحين الا عقب كمن يوم و عنيده ... و هل اشيه صج ذايقت رفيجتي بس فلنهاية قررت تغير من نفسها عشانه لانه بالفعل تحس انها صج اغلطت انا اقولها نفس مايسويلج سويله مو انه تحدي او تحط راسها براسه .. لا .. بس الي اقصده نفس ما اهو ذكر عيوبها و تغيرت هي تسوي نفس الشي عشان يغيرون من بعض ... قتلها تقوله انه اهو بعد يتحسس ... و انه بعد يدري انه مافي جامعات زينه فلبحرين رغم هذا جابرها تقعد اهني و اهو من الاصل مو ظامن مستقبله ...قتلها تقوله انه اهو بعد المفروض ينظم وقته .. يعني صج هل كلام بيضايق لك\ن الصراحة ساعات فيها راحة ... و تبين للانسان وين موقعه حاليا ... يعني نفس ماعودها يقولها كلشي و ينتقد فيها الاشيه الي ماتعجبها فييه اهي نفس الشي عشان يغيرون من بعض و يفهم انه اهو بعد مقصر و مقيدها


و بالنسبه له و للكلام الي قالته الاخت مرموم انه اذا تزوجوا بتصير مشاكل من ناحية انه مايخليها تطلع و جذ .. لا بالعكس هو يخليها تطللع و تروح و تجيينا و هو وايدج يعز رفيجاتها لانها تعزنا يعني مافييه انانية بس نوعا ما تقدرين تقولين فيييه حب تملك و يحب انه رفيجتي تحسسه انه اهو الاول و الاخير و الاهم و اذا مثلا بينت انها مهمته في ابوها وايد يغير و يتحسس و هذي مشكلته

هي الحين تحاول وياه و انا نصتها بلي قتلكم الحين بس بعد ابي اخذ رايكم

السلام عليكم

انا بحرينية وتوني ادري ان ممكن ينام عندها او تنام عنده

الصراحة شي غريب اول مرة اسمع به

تطلع معاه وترجع بس ما تبات عنده ولا يبات عندها

عموما انا ما عندي الحل بس اللي ابي اقوله ان ترى الناس ما بتتفهم هالشي وباجر لو لاقدر الله انفصلت عنه بيعتقدون ان صار بينهم شي ولا احد بيخطبها

سوري على صراحتي

انا ماعرف شارد عليج بس اللي ابي القوله حق الاخوات اللي قالوا انه في البحرين عادي البنت

تنام عند خطيبها

لا عادي ولاشي اللي عادي عندهم اصحاب مذهب معين والكل يعرفهم لكن البحرينين الاصل الاياويد

لو تموت البنت ماخلوها اصلا يالله يالله يخلونها تقعد معاه الا ومعاها محرم

فأتمنى من الاخوات اللي ماخذين هالفكرة انهم يغيرونها ترى احنا البحرينين نعرف السنع والاصول

فلا يحكمون علينا بس عشان هالمذهب

شموخ البحرين:
انا ماعرف شارد عليج بس اللي ابي القوله حق الاخوات اللي قالوا انه في البحرين عادي البنت

تنام عند خطيبها

لا عادي ولاشي اللي عادي عندهم اصحاب مذهب معين والكل يعرفهم لكن البحرينين الاصل الاياويد

لو تموت البنت ماخلوها اصلا يالله يالله يخلونها تقعد معاه الا ومعاها محرم

فأتمنى من الاخوات اللي ماخذين هالفكرة انهم يغيرونها ترى احنا البحرينين نعرف السنع والاصول

فلا يحكمون علينا بس عشان هالمذهب

فديتج اختي شموخ على هالرد بردتي خاطري

انا بعد مستغربة ان هالشي عادي عند البعض

تسلمين يا قلبي

أنا من رايي إن العادات والتقاليد الخليجية وحدة وما في هالكلام في البحرين غير وفي الإمارات غير ........ والمفروض تحط لهالمسألة حد وتدخل واحد من أهلها يكون متفاهم وعاقل وغير متسرع إن كان هي مب قادرة تتفاهم معاه ....
وأرجو لك التوفيق

انا مستغربه شنو الي تقعد معاه الا و معاها محرم؟؟ و هي من الاصل زوجته؟ يعني مالج عليها

على العموم ماعلينا ماراح اعلق عن هل موضوع و شكلكم هادين المشلة الاساسية و ياين تتناقشونلي عن هل مسائلة جنه اهي الحين نامت وياه و حملت منه ..


اشركم اخواتي بس مشكورين و ماتقصروووون و صكوا الموضوع بكبره ... محد راضي يعطي حل يفيييد و بس تعلقوون


اطلب من المشرفة تحذف الموضوع بلييييز

و شموخ البحرين حبيبتي ^_^ احنا بعد نعرف الاصول و ماله داعي قط كلام ماله داعي

انا ماقلت البحرينييين عادي عندهم المره تنام مع الريال فهمووووووووووووووووووووووووني عيزت وانا افهم

قتلكم انا مااااااااااااااااني مقتنعه ... ولا رفييجتي بس ريلها يتحسسس


وانا من الاصل مو مقتنعه الوحده تنام مع خطيبها الا بعد الزواج و رفيجتي مانامت وياه بطريقة الي فهمتوها بلييز لحد يفهمني غلط عيزت وانا اقوول و اكررر ...


واحنا بعد بنات ناااااس و نعرف الاصول عدل ... بس الي اقصده بس بعض الدول و بعض الاهل يمنعون بناتهم من انه حتى يشوفون ريالهم الا بعد العرس و في دول عادي يخلونهم يشوفون بعض فلبيت .. و احنا فلبحرييييين عادي الوحده تطلع مع خطيبها تروح و تيي معاه عاااادي بس سالفة انها تبات انا بعد مو مقتنعه فيها من جذي طلبت رايكم اشلون توقف هل شي ما طلبت منكم تهدون علي و كل وحده تقط كلام؟

اذا بتكون هذي طريقتكم انا آسفة بس مو محتاجه ارائكم و شكورين و ماتقصرون و بس اطلب حذف الموضوع لكن اذا ناوين تساعدوني اهني و تعطوني حل كيف تتفاهم مع ريلها بكون لك شاكرة


بس اكرر مره ثانيييية احنا فلبحرييين اغلبيتا يوم الوحده تنخطب ماله داعي تكون قاعده مع محرم وهي مع خطيبها اول مره اسمع

السلام عليكم و رحمه الله وبركاته

انا مش فاهمه يعنى ايه ريلها هل معناها انه كتب العقد ولا خطوبه فقط ؟
بعض الاعضاء بيقولوا خطيبها وبعضهم بيقولوا يعتبر زوجها !

المهم انا مش هاكلم فى المشكله ديه لانى مش هافتى فى اللى مش عارفه

بصى يا دلوعه قولى لصحبتك انها تحاول تجمد قلبها شويه يعنى تحاول تكون قويه شويه
وتقوله انها لازم تكمل دراستها فى الجامعه لانى زى ما قولتى الجامعه اللى قريبه منها مش حلوة
وتحاول تقنعه حتى ولو هيزعل منها
لو مكتوب كتابها تقوله والله انا بحبك ومش معنى انى هابعد عنك يبقى مش بحبك او بكرهك بس لازم كل واحد فينا يشوف الصح ويعمله يعنى هوا يهتم بدراسته وهيا تسافر عشان تعليمها

وتحاول برضه تذكر له عيوبه بطريقه كويسه زى ما قولتى وتقوله انها بتضايق من العيوب ديه
وانها حاولت تغير من نفسها عشانه يبقى هوا كمان لازم يغير من نفسه
بصى انا عارفه انها مش قادرة تقوله كدة لانها عارفه انه حاسس اووى بس برضه تجمد قلبها
وتحاول تقوله كدة باى طريقة كويسه (رغم انه اكيد هيزعل منها بس اكيد هيقتنع برضه هيقتنع بكلامها لانه بيحبها هايسمع كلامها )
المهم فى الاخر تحاول تقنعه على سافرها وانها مش هتسافر عشان رأى ابوها لا هيا هتسافر عشان نفسها ومستقبلها وعشانه فى نفس الوقت وكمان تشجعه كمان على دراسته وتقوله انها عايزة تشوفه متفوق قى دراسته

واخير تحاول تبعد اي مشكله بيكلموا فيها عن ابوها عشان ميقولهاش انها بتفضل ابوها عليه يعنى تجيب المشكله من اى ناحيه تانيه عشان هيا عارفه انه بيغير من اهلها عليها

[grade="00008B FF6347 32CD32 4B0082"]السلام عليكم و رحمه الله وبركاته

انا مش فاهمه يعنى ايه ريلها هل معناها انه كتب العقد ولا خطوبه فقط ؟
بعض الاعضاء بيقولوا خطيبها وبعضهم بيقولوا يعتبر زوجها !

المهم انا مش هاكلم فى المشكله ديه لانى مش هافتى فى اللى مش عارفه

بصى يا دلوعه قولى لصحبتك انها تحاول تجمد قلبها شويه يعنى تحاول تكون قويه شويه
وتقوله انها لازم تكمل دراستها فى الجامعه لانى زى ما قولتى الجامعه اللى قريبه منها مش حلوة
وتحاول تقنعه حتى ولو هيزعل منها
لو مكتوب كتابها تقوله والله انا بحبك ومش معنى انى هابعد عنك يبقى مش بحبك او بكرهك بس لازم كل واحد فينا يشوف الصح ويعمله يعنى هوا يهتم بدراسته وهيا تسافر عشان تعليمها

وتحاول برضه تذكر له عيوبه بطريقه كويسه زى ما قولتى وتقوله انها بتضايق من العيوب ديه
وانها حاولت تغير من نفسها عشانه يبقى هوا كمان لازم يغير من نفسه
بصى انا عارفه انها مش قادرة تقوله كدة لانها عارفه انه حاسس اووى بس برضه تجمد قلبها
وتحاول تقوله كدة باى طريقة كويسه (رغم انه اكيد هيزعل منها بس اكيد هيقتنع برضه هيقتنع بكلامها لانه بيحبها هايسمع كلامها )
المهم فى الاخر تحاول تقنعه على سافرها وانها مش هتسافر عشان رأى ابوها لا هيا هتسافر عشان نفسها ومستقبلها وعشانه فى نفس الوقت وكمان تشجعه كمان على دراسته وتقوله انها عايزة تشوفه متفوق قى دراسته

واخير تحاول تبعد اي مشكله بيكلموا فيها عن ابوها عشان ميقولهاش انها بتفضل ابوها عليه يعنى تجيب المشكله من اى ناحيه تانيه عشان هيا عارفه انه بيغير من اهلها عليها[/grade]

وارجوا ان اكون قد افدتك والسلام عليكم ورحمه الله وبركاته

هلا اخت real اشكرج حبيبتي والله ... و انا اتفق معاج براي و هذا الي قتلها

الغاليه هي مالجه .. يعني عقد عليها انه هي تعتبر زوجته بس هم مخطوبييين يعني هي حلاله