مصيري العنوسة لرفض الاهل زواجي

سبحان الله
يعني باجر لو صارت ضرابة بين الزوجين أصل الريال هو اللي بيحل المشاكل؟
لو مب أخلاقه ودينه عمر الريال ما بيعرف قدر حرمته وبيته

الله يعينكم

برايي ودام وصلتو لهالعمر لابد تستقلو برايكم
لأنه بالأخير هذي حياتكم ولو مرت ع الفاضي
محد بيطلع فيها خسران غيركم
حاولو تكلمون الأهل بكل ثقة بدون تردد

والمفروض الريال يخطب ويحاول كم مرة
حزتها على قولتهم حار بحار الريال يلح بالخطوبة
والحرمة من الصوب الثاني تلح تبيه

وان شاء الله خير ..موفقات^_^

والله يااختي موضوعج اثر بنفسي
تدرين ليه؟ لان حالتي مثل حالتج
في واحد يبيني واناابيه وانا موصغيره وهو مو صغير وحنا فاهمين وعارفين
لكن ماادري شسوي شلون بيقتنعون اهلي

اهلي يشوفون الناس كلهم مو اصيلين ومايبون الى من اهل القبايل واللي ابيه هو مو بدوي
ونحنا بدو

شنوووووو الحل


بشريني شصار معاج ان شاءالله تحسنت امورج

على فكره بنات

شنو قصه سلمان الفارسي وشلون جعل الرسول عليه الصلاه والسلام سلمان الفارسي من اهل بيته

واذا عندكم قصص شبيه بهذاالموضوع ياليت تخبرونا عنها

مشكورين يا بنات على هالتشجيع ... ربي يحفظكم و يوفقكم و يستجيب دعائكم ..

صحيح يا بنات الي عندها قصص من الرسول عليه الصلاة و السلام تساعدنا فيهم .. يمكن يكونون وسيلة لاقناع الاهل..

يا أنين و يا بنت ديره ... لا تحاتون خلونا مع بعض و نحل مشكلتنا انشا الله.

مشكورين يا بنات على هالتشجيع ... ربي يحفظكم و يوفقكم و يستجيب دعائكم ..

صحيح يا بنات الي عندها قصص من الرسول عليه الصلاة و السلام تساعدنا فيهم .. يمكن يكونون وسيلة لاقناع الاهل..

يا أنين و يا بنت ديره ... لا تحاتون خلونا مع بعض و نحل مشكلتنا انشا الله.:salam:

قبل قصص الرسول عليه الصلاة والسلام

خلونا نذكر قول الله تعالى :

(لا فرق بين عربي وأعجمي إلا بالتقوى)

فليش نفرق ونقول أصل هذا وهذاك .. خل نشوف دينه وأخلاقه قبل

موفقات ^_^

ليش الاهل يوقفون عثره في زواج بناتهم...لا والمشكله في النهايه بيوافقون على اي حد..:angry: هالموضوع رافع لي الضغط الحين...لي عوده ان شاء الله...

والله انا بعد مثل حالتك........بس الفرق يوم وافقوا اهلي وبديت اجهز والرجال بعد........ومابقي على الزواج الا شهر واحد.......طلعولنا من رجال قبيلتنا الكبار في السن واعترضو على ذا الزواج والى يومك هذا نحاول نقنعهم..........مع العلم اني مخطوبة له من سنة ونص..............حسبي الله عليهم........نكدو علينا فرحتنا........

و

علموني وش نسوي معاهم.........مو راضين يقتنعون............

ان شاءلله تتسهل اموركم يا اخواتي لأني من جد حاسة فيكم................

سبحان الله وايد اهل جذي وانا اهلي منهم

يفكرون بالاصل وغيره ماقول غير الله يهديهم

واختي دوري لج من الاهل قراب لج عمه او خاله

ويكلمونه ويشوفون طريقه يتقدم لج

والله يوفقج ويرزقنه ان شالله ويرزق جميع بنات المسلمين

الزوج الصالح امين

تحت رحمة اهلي

مشكوووووره تحت رحمة اهلي
وان شاءالله مدام الله معانا ماراح نخاف ونحاتي

وياليت نكون مع بعض ونحل مشكلتنا مع بعض

هلا حبيباتي انا نفس مشكلتكم .....اهلي مو راضين ....علي الشخص الي يبيني وابية ....الا بعد تبي اختي تزوجني علي مزاجها .....كانها هي الي بتتكلم معاه او بتعيش معاه ....هذا الي قاهرني ....انا شخصيتي غير واسلوبي غير مو اي واحد برتاحلة ......هذا حقنا في الاختيار مو هم يتحكمو فينا ......بس يشوفون علي القبائل ....اوكي فرضا جانا شخص من القبيلة الي يبوها بس اخلاقة مو زينة ....ابي افهم شو بتنفعني القبيلة بعدين .....؟ ولما بموت في القبر بيسالو عن قبيلة زوجي او ليش تزوجتي عجمي ...((لا فرق بين اعجمي ولا عربي الا بالتقوي))

يا بنات ادعولنا ..
انا كلمت عمتي عن الموضوع عشان تفتحه مع الاهل.. قالتلي اول شي شنو تتوقعون؟؟
" عسى اصيل بس؟ " !!!!!!!!!!!!!!!!!!!
قلتلها قصتي و ان هالشي ما همني بس ماقلتلها اني اعرفه من زمان و قلت انه اخته معاي بالدوام ؟
شرايكم ؟؟؟

قالت لا تنحشينهم خلينا نسأل عنهم و نسعى و انشالله خير و قالتلي امليهم خير..
اهيا الحين تبي تسأل عن اهله و اصلهم و منو مناسبين و تردلي الخبر
و قالتلي سالفة الاصل وايد مهمة عندنا ( اة بالاصح عندهم لوول )

بس اهيا عارفة اني كبيرة بالعمر و محد تقدملي .

ادعولي علما انطر الخبر و الله ييسر الامر. مشكورين و ماقصرتوا

تحت رحمة اهلي
الله يوفقك اختي
ويااااااااارب يسهل امورج ويجمع بينكم بالحلال اللهم امين

الله يوفقج عزيزتي و إتبشرينا إن شاء الله

اختي مادام انك كلمتي عمتك تفائلي خير ان شاء الله وادعي ربك في سجودك وألحي في الدعاء لان ربي يعبد العبد اللحوح وادعي لك وللمسلمين ويارب يكون من نصيبك يارب ياحي ياقيوم

بنات عروس ... السلام عليكم

اختي العزيزة ... في كثير من الاحيان يظن الاهل انهم ادرى بمصلحة ابنتهم اكثر منها ... باعتبارهم يملكون التجربة والخبرة .... فيتخذون قراراتهم وفق تفكير منطقي ليس لعاطفة ابنتهم وشعورها فيه مكان ...
حبيبتي فاتحي امك مباشرة واشرحي لها مزاياه ... واقنعيها أنك درستي الموضوع من كل جوانبه ورأيتي فيه صفات لن تجديها في رجل أخر .... اعطيها الاحساس بتمسكك به .... الاهل يخافون ان رفضوا زواج ابنتهم من الرجل الذي تريده ان تعاند وترفض الزواج من غيره ... وبالتالي سيكون لديهم الاستعدا للتنازل لابعاد شبح الانوثة عن ابنتهم التي يحبونها ... وان تمسكوا بالرفض استخيري واكثري من الدعاء عسى أن ينقلب همك فرحاً.....

الله يعينج ....كثير من الاهالي بنفس التفكير.... الله يهديهم

ويجدملج اللي فيه الخير

الغريب أن لحد ألحين في ناس يفكروا بهالتفكير القبلي
الله يعينك أختي
إن شاء الله يكون من نصيبك

الله يوفقج حبيبتي و ان شاء الله يوافقون و نفرح فيج .... انتي و كل من يعاني من هالمشكلة الله يهدي هالأهالي و يكتبلكم كل الخير يا رب .. ان كان معاهم او مع غيرهم..