من عطورات زهبتي ..حبيت افيدكم واستفيد ^ـــ^

السلام عليكم ورحمة الله وبركاته ..شحالكن يا بنات

هذا اول موضوع لي في قسم العطور ..
بحطلكم صور عطورات زهبتي لعرسي اللي ان شاء الله
بيكون عقب شهر و3 ايام
وكلكن معزومات :ok: وبحط تعليق على كل عطر ..



اول شي العطور الفرنسيه ..

(1)

عطر ايفوريا من كالفن كلاين ..ريحته حلوة ،،هاديه مناسب لكل الأوقات ..

(2)

عطر اليــن ..رووعه ..ريحته تمزج بين العطور العربيه والفرنسيه مناسب لليل اكثر ..وانا خذته من المدح الي شفته في المنتدى وبعد من مديح ربعي للعطر ..

(3)

جورجيو ارماني اليديد ..ريحته واايد هاديه بس حلوووة ورومانسيه تنفع حق الصبح وحق شهر العسل ..

(4)

سينما من اف سان لوران ..اليديد احلى من القديم بوااايد ريحته قويه وحلوة حق السهرات والليل ..

(5)

island kiss من اسكادا ..قدييم بس ريحته وايد تعيبني ياني هديه اول مرة واحين ما استغنى عنه حق الصبح ووايد مناسب للسفر وشهر العسل ..

(6)

مس كوتور ..تقليد جفنشي هوت كوتور اللي احين وقفته الشركه ما ينزلونه للأسف ..وهذا بالضبط نفس الريحه ماشي فرق ..

(7)

طقم لوف ان باريس من نينا ريشي ..

(8)

امور امور ..اول مرة اشتريه ريحته عيبتني في المحل وعيبني الطقم ف خذته ..

آخر العطور الفرنسيه ..
(9)

جفنشي very irresistible ،، ريحته واااايد حلووة احلى عطر شميته من جفنشي .. وياه البدي لوشن ..وياه بعد جل للشعر شفته عند بعض المحلات بس طقم عشان جي راح علي لاني كنت ماخذه العطر روحه ..

^
^
^

.:: يتبــع مع العطور العربيه :.