رابطة أمهات أبريل 2006...(مع قصص الولادة)....

بس خليها دافية, لا باردة ولا حارة....


أقول??? أنا عندي ألم بالثدي... من أول ما ولدت لحد الآن... عدكم نفس الشي ولا لا???

اانا اول ماولدت اي تميت اسبوعين ارضع بنتي حتى ماعرفت ارضعها كله شفط :(


وبعدين وقفت الرضاعه الطبيعيه ومااحس بالالم اللي اول


اتوقع من الرضاعه الطبيعيه ؟؟ انتي ترضعين ولا وقفتي ؟؟

اانا اول ماولدت اي تميت اسبوعين ارضع بنتي حتى ماعرفت ارضعها كله شفط :(


وبعدين وقفت الرضاعه الطبيعيه ومااحس بالالم اللي اول


اتوقع من الرضاعه الطبيعيه ؟؟ انتي ترضعين ولا وقفتي ؟؟

yes........ أنا أرضع طبيعي... بس لما أكون برة البيت أشربه صناعي......

وينكم يا أمهات أبريل... :sad:

وين التفاعل و سوالفكم الحلوة??? :no:

ليش امخلينا وحدنا, أنا و سامبتيكا...... :gum: ?????????

للرفع........

هلا والله

والله يا مس هاني انا عن نفسي بس راقدة او يالسه عند اخواني وامي
تعرفين فرصه الوحده لما تربي اسير عند اهلها

بخبركم عن قصه ولادتي

انا دخلت اسبوعين في العاشر وكان عندي مراجعه تاريخ 8/5 دخلت عند الدكتورة وسويت تخطيط القلب للبيبي عقب قالتلي شو فيج ما تبين تولدين قلتها هيه ابي اليوم قبل باكر بس ما كنت احس باي الم او مغص قالت بتكشفلي بعد الكشف قالت الرحم مفتوح عندج 2 قالت بيسولو الترساوند عقب بيقررون اذا كان كل شي طبيعي ما بيعطوني طلق واذا كان في شي بيولدوني بالطلق انا لما قالتلي طلق يلست اصيح قلتلها لا ما بي طلق من كثر ما اسمع عنه خفت قالت احسن عشان تولدين

بعدين اتصلت على ريلي وخبرته السالفه ويا عندي في المستشفى وبعد ما سوولي الصورة قالو كل شي طبيعي الحمدالله ودخلت مرة ثانيه عند الدكتورة قالت الاسبوع الياي اذا ما ولدتي بنعطيج الطلق قلت انزين وقبل ما اطلع قالت متى كان اول يوم في اخر دورةه قلتلها 17 قالت في الملف كاتبين 23 يعني المفروض موعد ولادتج يكون 23/4 قالت خلاص بنعطيج الطلق بكرة الساعه 6 الصبح وبكتبلج اليوم ترقيد انا لاص حسيت بدوخه وخوف
وخبرت ريلي عقب سرنا الغرفه ويلست ثلاث ساعات وطلعت وسرت البيت اسبحت وجهزت اغراضي ويلست مع بنتي فديت روحها تقولي ما ما لا تروحين خليج عندي الساعه عشرة رديت المستشفى وبنتي عند ال ريلي واتصلت على امي الله يحفظها ويت عندي وريلي والوالد ردو البيت يلسنا انسولف واخبر امي على المنتدى وامواضيع وقلتلها امي ذكريني عشان ادعي لكل بنات المنتدى الي ما حملو يحملون قالتلي ادعي لجميع بنات المسلمين يكون افضل قلت ان شالله الساعه 2 امي رقدت انا ما ياني رقاد يلست اتقلب واتقلب قبل ما اذن الفجر نشت امي من الرقاد اتوضات ويلست اصلي وصليت انا بعد واعطيت امي الورقه الي فيها ادعيه والايات الي اتسهل الولاده يبت غرشه ماي ويلست امي تقرا عليه وانا قرات قران واذن الفجر وصلينا على الساعه خمسه يابولي الفطور وفطرت وسو تخطيط للبيبي الين الساعه 6 ونص

على الساعه سبعه عطوني تحميله الطلق ويلست الين الساعه 8 ورقدت انا وامي الين الساعه 11 طلعنا من الغرفه ويلسنا نمشي عسب ينفتح الرحم الساعه وحده يت الدكتورة تسالي اتحسين بالم ولا مغص قلت ولا شي وكشف على مفتوح 3 قالت بنوديج قسم الولاده ويبطلون الماي اتغديت والساعه 3 سرت قسم الولاده ويلست اصور القسم بالفيديو وغرفه الولاده كنت متفيقه نادتني الممرضه قالت يلا على الغرفه بطلت الماي ويلست ادور في الغرفه ودا المغص يبدا يروح ويرد وامي ماسكه يدي وكل ما ييني الم اعصر يدها وريلي يتصل يقول بيي الحين اقوله لا بعدني مطوله في ولادتي الاولى كان ويا في كل مراحل الولاده معادا طلوع الجنين فهو في خاطره يي عندي من الساعه 4 الين خمسه الم فظيع والله يلست ابكي من خاطر امي تقول يالله ادعي الحين لخواتج واخوانج وريلج والي تبينه ولاتنسين الدعاء لخواتج المسلمات وامي تييب الماي المقري وتغسل بطني فيه واشربني وانا اون خلاص حسيت عمري بموت اقول لبي اولد واخلص بصراحه لحظات عصيبه
على الساعه 5 ونص يت الدكتورة تقولي يالله ادفعي وانا ادفع من خاطري وبكل قوتي حسيت روحي بطتلع معاي في الدفعه الثالثه شرفت بنتي فديت روحها وامي يلست اصيح واتصلت على ريلي والاهل اتبشرهم يا ريلي على طول وانا بعدني في غرفه الولاده ودج عندي في الغرفه الولاده واتحمدي على السلامه وحظن البنوته وبعدها ما غسلوها واذن ي اذنها

بصراحه الولادة الواحد ما يروم ينساها

ألف ألف مبروووك أختي... والحمد لله على سلامتك...

هلا والله فيكم
يالله الولااده بصرااحه شي جميل وبنفس الوقت احس مغاامره احس احلى هديه وهبها ربي لي هيه طفلي فديته..
بنات حرام عليكم احسبهم صغار لاتعطونهم صناعي الا يعني يووم بتطلعون انا يغمضني ولدي كم كملوا عيالكم انا ولدي محمد عمره شهرين واسبوع الله يخليلي ايااه انشالله..

سلام ميهودة... ألف مبروك.... و إنشاء الله يتربى فعزكم...

أنا ابني عمرة شهر و نص....

أكو نساء صعب عليهم الرضاعة الطبيعية... مثلا صديقتي, ما عدها حليب.... ربي ما يحرم أي أم من الرضاعة الطبيعية.........

هلا امهات ابريل
الحمد لله ولدت طبيعي بدون طلق صناعي في تاريخ 8/4 الساعة ثمان واربع دقائق وجبت زهراء والحمد لله واليوم كملت الشهرين والحمد لله

السلام عليكم ورحمة الله وبركاته

اشحالكم امهات ابريل و اشحال البيبيهات كلهم فديتهم

الحمدلله ع سلامتكم و سلامتهم ويتربون ف عزكم ان شاء الله و الله يجعلهم من الصالحين

بالنسبه لي اول شي احب اشكر اختي مس هني ع الرساله اللي طرشتها ويوم ادخل المنتدى دايما اقول بكتب لكم قصتي بس ماالحق او يصيح الصغيرون

يالله الحينه راقد استغليت الفرصه مع انه فيني رقاد

الله يسلمكم انا طوفت موعدي اللي هو 10 ابريل و كنت اراجع عندي عياده خاصه قالت لي الدكتور انه الحبل السري قريب من راس البيبي:qaq: و اهني اختكم خافت بس الوالده قالت لا تسيرين توكلي على الله :qaq:

المهم طاف كم يوم تقريبا الين تاريخ 15 ابريل كان عندي موعد ف المستشفى قلت لهم دكتورتي قالت لي الحبل السري قريب من راس البيبي و لازم اتحمل يوم امشي و الحركه الزايده مب زينه لي قالوا لي والله نحن الجهاز ما يطلع لنا الحبل السري:qaq: استغربت مستشفى بكبره ما يعرفون يشوفوفن الحبل السري او انه الدكاتره ما يعرفون للأجهزه او ما يبون يضيعون وقتهم بالكشف

المهم قالت لي النيرس مادام انتي خايف ع صحة البيبي تعالي كل يوم بنسويلج تخطيط و بالفعل كل يوم كنت اسير لهم عشان التخطيط
بديت من يوم الأحد تقريبا تاريخ 16 و كملت الاثنين والثلاثا والتخطيطات ف هالايام كلها كانت طبيعيه ولله الحمد ، بس يوم الاربعا يوم سرت الدكتوره قالت التخطيط مب عايبني :angry: قلت لها كيف يعني انا اشوفه عادي الخطوط نازله و مرتفعه وانا لين الحين ما عندي الم ولا احس بشي
قالت لي لا لازم ترقدين اليوم و باجر ان شاء الله بنولدج
قلت لها لاااااا :confused: ابا اسير البيت، قالت شو بتسوين ف البيت برتاح بيلس يعني اهني ف المستشفى شو بسوي <<<<<< السانها طويل بعد هههههه

المهم تميت واقفه وريلي كان معصب ماكان يباني اتم و هم يولدوني وانا خايفه ع البيبي خاصه انه البجر، وقفت و ف عيوني دموع و اشوه اني كنت متغشيه المهم قلت حق ريلي خلاص بتم لاني كنت ماخذه اجازه من الدوام اسبوه قلت بعد ما فيني اخذ اسبوع غيره، قلت له يالله بتوكل على الله و دايما اول مولود تكون الولاده صعيه المهم هو يقول بتصل في امج انا اقوله لا بعدني انا الحينه مااحس بشي و برقد عندهم بس الين باجر ليش اتخلي امي اتيي و تحاتيني و تتعب معايه ف اليلسه المهم يت النيرس و قالت حق ريلي و قع ع العمليه

اهني ريلي اشتتتتتتط قال شوووووووو عملية شوووووو، النيرس قالت له يمكن تتعب و فهالحاله لازم عمليه قال لااااااا ما بوقع انا وقفت اطالعه ماادري شو اقول لاني ماادري شو بيستوي ف الولاده ، و هي ردت عليه يعني انته بتتحمل المسؤليه اذا صار شي وقت الولاده لا سمح الله، وانا كنت بقوه وقع، هو قالي انتي ما تعرفينهم هاييل اكيد يبون يسسون لج عمليه ويفكون عمارهم ، وانتي تقولين بعدج ما تحسين يألم أو شي يعني بتتأخرين و هم يبون يولدونج غصب :sad:


المهم ريلي ما وقع و ين مكان العمليه :clap:

نسيت اقولكم اني كنت سايره لموعد التخطيط الساعه 8 و شي اظني العشا و الين ما سويت التخطيط و الين ما رمسنا النيرسات و فحصتني الدكتور شافت ني متوسعه 2 و نص وانا مااحس بشي، جان تقولي يالله انتي لازم تولدي ، الله يغريل ابليسها ان شاء الله فحصتني بقوه و دخلت ايدها بقوه والله تعبت هلكت وانا ما فيني ويع و بس حتى نزل اشويه دم حتى ما رمت اصلي العشاا :angry: ، المهم نزلت انا ع قسم ما قبل الولاده و هناك اختي يت عندي ع الساعه 10 و بعدين امي يت ع الساعه 11 وانا مافيني ويع، المهم عقب يت النيرس و يايبه معاها المغذي و حطت فيه ادويه، بعد ربع ساعه تقريبا آاااااخ ماادري شو استوا فيني الشريره ماادري شو حاطه واقوم اتعذب من الالم و امي يالسه عندي ساكته ماتدري شو تقول بس تدعيلي، و تميت ع هالحاله تقريبا حطوا لي خمس اكياس مغذي وشو اتعذبت و كل شويه فحص الله ينطبهم الفحص يعووور، المهم بعدين اشويه رحت امشي انا وامي و مااروم امشي من الالم كل خمس دقايق اوقف و تميت ع هالجاله الين الساعه خمس الصبح يوم فحصتني قالت 7 سم يالله ع الولاده
ودوني غرفة الولادة و خلوني هناك بروحي اتعذب لانه امي بعد ممنوع ادش و حتى النيرسات محد كان معايه لانه هاك الوقت كان شي ولادات ثانيه غيري
وانا اوني يوم يقولون لي عن الولاده و هالحريم اللي يصرخون وقت الولادة انا اقول خيبه ع شو يصرخون هاييل خبايل بس ما حسيت بعمري الا وانا اصارخ من الالم حسيت اني بموت كله من هالمغذي والدوا اللي حطوه بس اشوه اني كنت بروحي ف الغرفه

و بعدين ع خمس و نص تقريبا دشت الدكتوره ومعاها هنتين من النيرسات و يقولون لي شدي وتنفسي وختكم ما تدري شو السالفه والا كيف و هاي اول مره الين تقريبا الساعه ست الا ربع و تقريبا قرب البيبي بيشرف و تقولي النيرس يالله نشوف خشمه اونه تشجعني وانا اشوف الساعه واقول فنفسي يالله خلا اخلص عمري احس اني بموت واستجمعت كل قواي :angry:
و يالله ع الساعه 6 و 43 دقيقه شرف ولي العهد الله يحفظه ان شاء الله و يوم حطوه ع صدري و عقب ما طلع وانا من التعب اقول لا اله الا الله لا اله الا الله بصوت عالي، عقب انتبهت انه النيرسات اللي حذالي كلهم مسيحيات و يطالعوني باستغراب ههه :qaq:
المهم عقب اميه يت و اتصلوا حق ريلي بشروه و عقب و صل شاف البيبي واذن ف اذنه و بعدين خذوا البيبي عشان يسبحونه و بعدين يت عمتي ام ريلي و كانوا معطيني اشرب شاي ابل ريجي اونه شي دافي و بعدين سرت الغرفه و يابوا البيبي .......... بس مااقدر اكمل تعبت و بعد ولدي نش من الرقاد ولازم اسير بيت اميه الحينه ربيعتي بتيي عندي زياره اسمحولي وايد تفاصيل باجيه ما كتبتها ولو بكتب ما بخلص هههههههه

يالله اشوفكم ع خير و بوسوا لي البيبيهات الله يحفظهم ان شاء الله و يحفظكم:salam:

هيه اسمحوا لي ع التنقيعات اكتب بسرعه مااشوف :shy:

فمان الله (f)

تلميذة:
هلا امهات ابريل
الحمد لله ولدت طبيعي بدون طلق صناعي في تاريخ 8/4 الساعة ثمان واربع دقائق وجبت زهراء والحمد لله واليوم كملت الشهرين والحمد لله

أهلا فيكي تلميذة و ألف الحمد لله على السلامة و إنشاء الله تتربى فعزكم :shy:

روح سوالف... ألف ألف مبروك .....

الله ايساعدك على التعب إللي تعبتي... أنا كنت مفكرة إنو ولادتي أصعب ولادة....:qaq:

عموما الحمد لله على السلامة و إنشاء الله يتربى فعزكم....:shy:

شنو أمهات أبريل???? وين هالغيبة.... باين البيبيهات ما خذين وقتكم زايد???

هي هي... راحت أيام الراحة و الساعات الطويلة على النت???

اي والله مس هني


صدقتي


صج البنات كلش موباينين

المحمديه وينها؟؟

وتلميذه ............. وين الباجي؟

ماكو أي تفاعل... مبين بالنهار مخلصيها نوم و باليل سهر وية الطفل :gum: :dd:

أنا بدا عندي شي غريب... آلام تبدأ من المعدة و اتكمل على شكل نص دائرة على الظهر مع قيء.... أول مرة رحت طوارء للمستشفى... قالولي يمكن حصوه بالمرارة... إذا صار عندج مرة ثانية, روحي للدكتورة... و رجع الألم كل أسبوع مرة تقريبا... و لحد هسه ما إجاني موعد من المستشفى.... هسه صارلة إسبوع من آخر مرة... إذا إجاني بعد أروح طوارء للمستشفى, علشان بسرعة ايصوروني بلا إنتظار بلا بطيخ... :angry:
لأن ما شاء الله إنتظارهم إهنا مو أقل من شهرين.... الواحد ايموت والموعد بعده ما جاي....:mad2:

أخاف أنام الليل, خاف يجيني الألم... لأننه لا يقاوم... كل ما يجيني أقعد أصيح راح أموووووت... وزوجي ايعصب ايقول لا اتقولين هيج....:sad:

الله لا ايوري عبده هالألم..... الله ايشافي جميع أمة محمد....

:cry:

ماتشوفين شر انشالله ماكو الا العافيه

والله يشافيج

ماتشوفين شر انشالله ماكو الا العافيه

والله يشافيج