انا وايد مقهوره من ريلي ...ادري بتقولون مب اهنيه ....اهنيه ركن افكار وخبرات ...انزين اسمعوا ليش انا مقهوره...
ان شالله النزله البلاد قربت على اخر شهر خمسه وان شالله راح اناجر شقه في بوظبي ..كل هذا مفهوم وحابه ايكون عندي الشي المميز لبيتي وقدام اهلى واهل زوجي ..
الحين شو دخل القهر...يايه السالفه....
المهم انا وحده امووووووووووووووووت على المواعين والاطقم الزجاجيه وصواني الكيك وغيره ..دوم ايقولي اني متزوجه كرستاله من كثر ما احب الاطقم...
المهم انا من فتره بديت اشترى اطقم التقديم من صواني وملات لتقديم السلطه الصحون مع الملال والصحون الصغيره هم اطقم ...وصواني الكيك الي احس انها غريبه وحلوه تقريبا عندي كل الاشكال وكل الاحجام ..كل ما اروح مكان اشتريهم لاني والله احبهم..عندي الصغير والكبير والخفيف والثقيل ..
وهذي بعض اشكال الزجاجيات الى عندي والى حابه اقدم فيهن مثلا العيش او الكيك او المشاوي..
ادري الصور كبار وايد بس والله ما اعرف اصغرهم...وعلى فكره اغلب الاطقم صناعه المانيه من احسن الماركات....
المهم اهو دوم ايقولي بتلاقي في الامارات الاحلى والارقى والافخم...شو يعني هادولي مب حلوين ...انتوا احكموا ...علشان ما اعصب عليه لاني ناويه اكمل الباقي وخاصه انه عليهم سيل ولا اروع ....وخاطري اشترى الباقي ...
ردوا على اذا مايستاهلون وراح القى في البلاد الاحسن لحقوا على قبل لاتفشل في زوجي ...
والله انه مستعد يشريلي كل الاطقم بس لو في البلاد احلى ليش اخسر الحين...ردوا على لاني حابه اكمل الباقي عسب ايكون كل شي نفس الديزاين
ومشكورين مقدما