قالت لي الدكتوره بعد 22 يوم تعالي..

أ

ألف باء تاء

عروس نشيطة

08-04-2006 | 12:22 PM

[CENTER]السلام عليكم...

خواتي أنا رحت للدكتوره من فتره وقلت لها إني صار لي 8 شهور متزوجه وإلا الآن ما فيه حمل...

وأبغى أشيك على الهرمونات حقي قالت لي زوجك معاكي قلت لها لا...

قالت تعالي الموعد الجاي مع زوجك.. قلت لها أوكيه...

رحت لها يوم الأربعاء أنا وزوجي وقلت لها إني جايه على حسب كلامك المره إللي طافت مع زوجي...

قالت لي لا ما يحتاج لأني ماراح أسوي لك تحاليل أصلا...

أنا قمت أطالعها حسستني إني كذابه قدام زوجي قلت ما عليه...

شرحت لها إنها قالت لي إني أجي مع زوجي عشان يسوون لنا إثنينا تحاليل...

قالت خلاص أسوي لك تحاليل وكتبت لي 4 أنواع تحاليل أسويهم يوم 22 من الدوره...عشان تشوف حجم البويضه...

وأروح عيادة العقم عشان أخذ النتيجه... وأنا ما صار لي شيء من تزوجت...

أنا من قالت لي عيادة العقم حسيت إن فيني غصه... وما قدرت على الكلمه بس قلت لها ماعليه أهم شيء أسوي التحاليل...

السؤال:

ليش تبغاني أروح لها في يوم 22 مش في يوم مثلا 13 و 14 و 15؟؟؟ وهل البويضه تبان في هذي الأيام والله لا؟؟؟

لأن في بالي إن البويضه تنزل في هذي الأيام مش في يوم 22؟؟؟

جاوبوني بنات أنا أحس إن الدكتوره ما تعرف شالسالفه ولا عجبتني ولا عجبت زوجي أبدا وقال لي غيريها...

s

sallami

عروس مشرقة

08-04-2006 | 12:26 PM

اسمحيلي اختي .. ما عندي خلفية بالموضوع ....
بس اذا انتي ما ارتحتي لها ... غيريها وشوفي وحدة زينة وثقة ...
وربي يطمنج ان شاءالله ويرزقج الذرية الصالحة

ا

اغتراب

عروس ذهبية

08-04-2006 | 12:28 PM

الله يطمن قلبك ويرزق بالذريه الصالحه

وفعلا مثل ماقالت لك غيري دكتورتك وارتااحي

انت من السعوديه؟

أ

أم نتالي

عروس مبدعة

08-04-2006 | 03:11 PM

الله يسمعك خير حبيبتي
وانشاء الله ربي يرزقك بالذرية الصالحه
انا رايي من رايsallamiوإغتراب غيري دكتورتك
وماتشوفين شر يا الغالية

ا

ام نيلا

مشرفة سابقة

08-04-2006 | 05:15 PM

اختي

اذا هيه هذه البداية غيري الطبيبة ..؟

لان اول العلاج تشووووووف الهرمونات ثاني يوم الدورة .. وكم نسبتهااااااااااااا

وبعدين تشوف التبويض لج ,,,.

وانا اقووووووووول لا تستعيلين ,,, خليها على ربج وراح يرزقج ان شاء الله

b

bent^cute

عروس رائعة

08-04-2006 | 09:58 PM

يوم 22 من الدوره يكون تحليل هرمون البروجسترون ...

هو الي يثبت الحمل ويخلي الدوره ما تنزل

يمكن تبغى تسويلك هذا التحليل...

وثاني يوم الدوره تكون باقي التحاليل الي هي هرمون الحليب وغيره

ق

قوارير

مشرفة سابقة

08-04-2006 | 10:05 PM

حبيبتي يوم رحتيلي كانت مخلصه عنج الدوره؟؟

لانه التحاليل تنعمل ثاني يوم بالدوره و يوم 22 بالدوره فقط

ما تقدرين تسوينهم بأي يوم ثاني
لازم هاليومين بالضبط لا يوم قبل ولا يوم بعد

عادي يعني كلام الدكتوره مافيه شي غلط

توكلي على الله و سوي التحاليل
و بعدين انتي بتروحين عياده العقم تاخذين النتايج بس ما بتعششين عندهم
و بترجعين للدكتوره تراجعين عندها ولا لا؟؟

يعني مجرد النتيجه و بس

لا تخافين حبيبتي
بعدين كثره التفكير بالحمل تأخره عن تجربه
ان شاء الله ما تحتاجين علاج
و ما تشوفين الدوره هالشهر يا رب

-

-%-سحابة حب-%-

عروس ماسية

08-04-2006 | 10:17 PM

توكلي على الله وسوي التحاليل
واذا مارتحتي حق الدكتوره غيريها

س

سندس84

عروس رائعة

08-04-2006 | 10:34 PM

صح كلام االاخوات ان يوم 22 هو يوم تحليل البرجستون لاني بعد طلبت مني الدكتورة اني اسويهم بس حضرتي نسيت يوم 22 ورحت لها يو 24 من الدورة وطلعت النتايج كلش مو زينه بس الحمدلله بعد جم شهر صار الحمل وعرفت السالفه اني لازم التزم بهذا اليوم بالضبط لانه اي تأخير او تقديم يخرب التحليل

م

مجنونة قطر

مشرفة سابقة

09-04-2006 | 12:54 AM

عدل كلام دكتوتج .. روحيلها في هاليوم ... لانه يوم التبويض..

هي تبي تشوف التبويض شلون عندج

واسألي مجرب...

ياما رحنالها في هاليوم ...

أ

ألف باء تاء

عروس نشيطة

09-04-2006 | 07:42 AM

[CENTER]مجنونة قطر
سندس84
قوارير
bent^cute
أم نيلا
أم نتالي
اغتراب
sallami

مشكورين خواتي كلكم على ردودكم وإن شاء الله ما أحتاج هذي الدكتوره أبدا..

أنا بالنسبه لي عادي عندي لأني بصراحه كنت أستخدم مانع ماهو حبوب لا بس لمده ست شهور يعني ما صار لي شيء من تركت المانع بس زوجي مستعجل على العيال وما مداني شهر واحد ما حملت إلا على طول قال لي روحي فحصي..

بس هو إنصدم لما قلت له قالوا لي إثنينا نفحص مع بعض..

وتالي الدكتوره كذبتني قالت ما نحتاج زوجك الحين...

اغتراب أنا سعوديه حبيبتي...

طيب أنا حسبت إن يوم الدوره جاتني 26 مارس والموعد قالت لي أسويه بعد 22 يوم وأنا ما أدري أحسب أول يوم من الدوره والله لا صراحه..

وقلت لهم يسووا الموعد يوم 16 إبريل يعني يوم الأحد الجاي...

تتوقعون حسبتي صح والله لا؟؟؟

وثاني شيء هي ما عطتني تحليل واحد قالت لي أسوي أربع تحاليل بس ما أعرف أسمائها صراحه...

الله يوفقكم كلكم ويرزقني ويرزقكم وإدعو لي...

ح

حلوووة البحرينية

عروس ذهبية

09-04-2006 | 08:08 AM

البنات ما قصروا معك ...

الله يرزقك الذرية الصالحة .....

ب

بنت تبوك الشمالية

عروس رائعة

04-12-2006 | 07:09 PM

مرحباااااااااااااااااااااااااااااااااااااا انا زيك طلبوا تحاليل ثاني يوم واليوم الواحد والعشرين وحولوني لعيادة العقم وعادوا التحاليل وطلبوا تحليل لزوجى ولسة النتايج ماطلعت بس المشكلة اني ماعرفت احسب اليوم الواحد والعشرين حسبتها بعد الدورة معقولة تطلع النتايج مو مزبوطة ارجو الرد علي من صاحبة الخبرة

ب

بنت الحايكي

عروس مشاركة

04-12-2006 | 07:25 PM

حبيبتي Wisam

8 اشهر بعديهي الناس وقت على التحاليل
انا صارلي 7 اشهر من تزوجت وبعد 5 اشهر فكرت اني احمل بس ما صار حما :sad:
رحت المستشفى عشان اشوف اذا فيني شيء
الا الدكتورة تقةلي انتي الحين من شهرين مفكرة تحملين قلت اليها اي
قالت بعديهي الناس وقت على التحاليل وقالت حقي ان كل وحدة تختلف طبيعة جسمها عن الثانية واني اذا ابي اسوي تحليل لازم اسويه بعد سنة تقربياُ

وعطني بعض النصائح:
1.اذا فكرتين تانمين مع زوجك لا تحطووون فكرت الحمل وانتو في العملية الجنسية :shy:
2.خلج طبيعية وشيلي القلق من بالج انتي وزوجك.:think:
3.قالت لي ان القلق يسبب برود عن الزوج ويخلي الحيوانات المنوية غير كفؤة لانتاج جنين في العملية الجنسية
4. اهم شيء خلي ايمانج بالله كبيرة خليها على الله وان شاء الله ما تحتاجين تحاليل انتي وزوجك :shy: :shy:

تحياتي
بنت الحايكي :shy:

ب

بنت الحايكي

عروس مشاركة

05-12-2006 | 01:21 AM

الله يرزقك بالذرية الصالحة

م

ميلادا

عروس مشرقة

05-12-2006 | 04:20 AM

حبيبتي انا بعد زواجي ب8 شهور حملت لاني كنت امنع بس بطرق طبيعية مثل العزل والعد ...وعلى ط
طول سويت مثلج اول شهر مر من قررت اني احمل رحت افحص بس انا قلت لدكتورة اني كنت استخدم العد
سوتلي تصوير عشان تتطمن على وضع الرحم والمبايض واذا في التهابات وبس ...وقالتلي عن ايام
التبويض متى بالضبط وعقب شهرين حملت الحمدلله بس انتي تأكدي انه كل شي سليم وشيلي فكره الحمل
انا فعلا في الشهر اللي فكرت فيه وكنت قلقة ماحملت حملت في الشهر اللي بعده لاني ماكنت متوقعه حمل