هل ممكن احط شوي سيريلاك على الحليب؟

لا ما انصج تعطينه....
السيريلاك يعطى للطفل اللي عمره 6 شهور
وولدج عمره شهرين
وبعدين ما بتحصلين سيريلاك للطفل في عمر الشهرين
بعدين ولدج يشرب الحليب الصناعي وهذا يكفيه
حراااام المعدة عنده ما تتحمل هذا كله
حليبج لا تقطعينه عنه

ما انصحك اختي تعملي هالحركة، راح تسبب له مغص وهو اصلا يعاني منه بهالعمر..

شوفي


كيف اعرف ان طفلي يشبع او لا؟

ما في احسن من حليب الام في ها السن والسيرلاك من عمر ستة اشهر ويعطيج العافيه

انا انصحج تحطيله ربع بسكوته من الفارليز في الرضعه...اخف بوايد عن السيريلاك وافضل..وبعدين تزيدين الكميه حسب العمر

وعليكم السلام والرحمه

سبحان الله ... في بالي هالسؤال اليوم

ولدي تقريبا بيكمل ثلاث شهور وامي تقولي حطي له اشوي سيريلاك مع الحليب مثل كلامك اختي وجربت شريت له سيريلاك وحطيت له مع الحليب اشوي وشربه عادي ولاقال شي

امي تقولي كانت كذا تسوي لاخواني فماادري خوفتنوني بصراحه

ماشاء الله عليك يأخت صباحي مستعجلة على هالولد،،

مانصحك تعطينه من السيريلاك، لأنه قوي على المعدة،، وأنت يمكن تعتقدين أن ما يشبع بس هو يشبع لأن الكفل بهالسن مايحتاج غير الحليب والماء.. أنتظري شوي عليه ولا تستعجلين..

خلاص رجعي الدوام ،، صار لك وحشة بعد ماتركتينا،، يوم كنت بالدوام نشوفك كل يوم على المنتدى... وطبعا راح تكونين هالمرة ضيفة دائمة عندنا بالركن...

أفضل ماتعطينه سيريلاك لأن معدته لسه مابعد تتعود على الاكل الثقيل
ونصيحة مني رجعي رضعيه طبيعي أفضله من ناحية صحية ونفسية00أنا مثلش لما جبت أول بيبي كنت أفكر انها ماتشبعا الرضاعة الطبيعية لانها دائما تبكي فاضطريت أعطيها صناعي وكثرت لها منه لين هونت ماترضع طبيعي وماتتصوريين بعديين أصبت باحباط لهذا الشيء بالذت لأني لاحظت ان مناعتها ضعيفة وقارنت بينها وبين أخوها الي جبت بعدها(مارضعتة الا طبيعي)بس ماشاء الله عليه مناعته قويه وذكائه وتركيزه أفضل بكثير من اخته0
اكتشفت ان موشرط ان الطفل حديث الولادة اذا كان كثيير البكاء معناها ان مازال جائع وان الرضاعة الطبيعية مش كافيته بس هو يحس بالراحة الشديدة والأمان والحنان لما يرضع من صدر أمه فتلاقينه يتمنى طول الوقت يرضع لكي لا ينحرم من هذه المتعه بعكس الرضاعة الصناعية التي ليس لها غرض الا إشباعه فقط فنصيحة اذا تحبي ولدش لاتحرمي من حقه في الرضاعة الطبيعية ولا تنسي ان( الجنة تحت أقدام الأمهات) والجنة ماتجي بالساهل

اختي السيرلاك من الشهر السادس في انواع ثانية مكتوب عليه من الشهر الرابع واخف من السريلاك.

ما أنصحكم تحطون سيريلاك مع الحليب ،،

خاصتا وأطفالكم ما كملوا الست شهور ،، لأن في المرحلة ما قبل ست شهور ،،

يكون غشاء المعدة مش مكتمل ،، ويكتمل يوم يكمل الطفل ستة شهور ،،

والسيريلاك مكون من قمح ،، والقمح يثير الحساسية عند الأطفال إللي أقل من ست شهور ،،

حتى ينصحون الأم يوم تبتدي في إدخال الطعام للطفل ،، إنها تبتدي بالأرز تجنبا من الحساسيه ،،

ولأنه أخف على المعدة من القمح..


هذا والسموحة

اتحملي تعطينه ....

ربيعتي سوت نفس الشي في ولدها طووول الليل ما نام من عوار البطن ....

[CENTER]نفس كلام البنات
معدة الطفل تقدر تهضم الأكل من بعد الاربعة شهور وصعبة قبل هالوقت
اكتفي بالحليب ولو عنده مشاكل مثل الامساك او الاسهال اعرضيه على اخصائي اطفال افضل

مثل كلام البنات ما رايح أزيد أو أنقص

خليه لأربعة شهور أوثلاثة ونصف وبتدأي ببسكوت فاليز أولا وبعدها في سيريلاك

الف الف الف شكر يابنات على ردودكم ونصايحكم لي

يعني كنت باعمل جريمة على ولدي (فديتة) تصدقون ماراح اعطية سيريلاك ابدا لين الشهر السادس
طيب شنو الأكلات الي تدر الحليب؟ لان صدري مايطلع حليب كثير؟
مع العلم انا موظفة من الساهة 8 الصباح لين 3 الظهر ولما ارجع البيت ارضعة طبيعي لين ثاني يوم وهكذا ... لين الله يريد

أنا أنصحش تكثرين منشرب الحليب السائل (لتركامل على الأقل في اليوم) أنا جربته واستفدت كثييير معا اني ماأحب الحليب بس صرت أشربه غصب عشان بنتي
كذلك حاولي تكثري من الفواكه والخضروات والعصيرات الطبيعية حتى يصبح الحليب ذو قيمة غذائية عالية والله يعينش ويعين الجميع