المشيمة نازلة ..... أدعوا لي ....

آمين يارب ما يكون فيج إلا كل خير، و حاولي يا اختي انج تريحين عمرج و تمتنعين عن الجماع ف هالفتره ما عليه، و راجعي الدكاتره و اتبعي نصايحهم، و إن شاء الله ما فيج إلا كل خير

الغاليه حلوه البحرينيه انا مثلج اول حمل لي و الحمدلله ما صادفت هالشي و مااقدر افيدج، بس احيد عندنا ربيعه ف الدوام نفس الشي كان ينزل عليها الدم، يعني نزيفها تقريبا كان ف الخامس او السابع هاك الايام، المهم التزمت الراحه و خذت اجاه لفتره مش طويله حتى و كل شي تحسن و لله الحمدلله و ربت و قامت بالسلامه، و ان شاء الله يارب ما عليج اي شر، حاولي يااختي دايما تكن ريلج مرفوعه لمدة نصف ساعه تقريبا و كرري هالشي كم مره فاليوم، سمعت انه وايد مفيد، و بعد لا تجهدين نفسج و اذا نزل عليج مره ثانيه لا تتاخرين على طول راجعي الدكتوره، و بالسلامه ان شاء الله الله يتمم حملج ع خير، و تقر عينج بشوفة البيبي، و لاتنسينا من الدعاء انا على وشك الولاده ف هالايام، و ربي يتمم على خير، والغاليه انتي بأي شهر عسب يفيدونج البنات واذا هذي اول مره ينزل عليج الدم؟؟

ألف سلامة يا حلوووة البحرينيه
علاجك الراحه التامه
و باذن الله تولدين السلامة

الف سلامة عليج الغالية .. وما تشوفين شر .. اهم شي اتبعي تعليمات الدكتورة .. و اسمحيلي انا هذا اول حمل لي وما عندي خلفية بالموضوع ..
ان شاءالله البنات يفيدونج ..........
طمنينا عليج اختي

تسلمون لي يا لغاليات

روح سواف
فوانيس
sallami

الله يسمع من دعاءكم ...
وانا أحاول أني أرتاح قد ما أقدر ...

الي يعرفني .... يعرف أني أنا الحين في نهاية السادس ... 26 أسبوع ويومين ... على يوم الثلاثاء الدخل الشهر السابع ....

مثل قالت الأخت فوانيس


عليكي بالراحة التامة و ايلسي و ريولج فوق



و ان شاء الله تطمنينا

مشكوووووورة اخت ريم على المرور

وأن شاء الله رايح أطمنكم

أنتظر يوم السبت على أحر من الجمر .....

حلوووووووووووة البحرينية ماعليج شر حبيبتي
والله يطمنج على اللي في بطنج،،انتي بس التزمي الراحة وانشالله كل شي يكون تمام
طمنينا عليج وعلى نتيجة السونار
وماتشوفين شر

الله يتمم لك على خير يارب.... وحاولي تبتعدين عن الجماع الين ربي يسهلهاا
وبالنسبه للمشيمه علاجهاا الراحه نامي على ظهرك وحطي مخدتين تحت رجلك وان شالله ترتفع...... انا بولدي كانت الدكتوره مخوفتني تقولي المشيمه عندك نازله والحمدالله ارتحت ونمت على ظهر ورتفعت.. بس ماكان ينزل علي دم الحمدالله.. يعني نزول المشيمه مايخوف مرره بس عليك بالراحه والله يسهل عليك يارب وتبشرينااااااااااااا

الف سلامة عليج الغالية .. وما تشوفين شر ..,
اللي اعرفه اختي ان الجماع مب زين في الثلاث شهور الأولي و الأخيره
و ربي يتمم لك على خير

الله يوفقك يارب وان شاء الله مايصير فيك الا العافيه يارب

والله يتمم لك على خير

]الغالـــــــــــــــــــــية:
ما تشوفين شر، وسلامتج الف سلامة، ومثل ما قالو البنات عليج بالراحة التامة وطمنينا عاد اول ما تردين من عند الدكتورة[/B]

ماتشوفين شر اختي

الف مليــون سلامة يالغلا
وما تشوفين شران شـــاء الله
ربي يتمم لك حملكــ علي خير وتولدين بالسلامة
الله يطمنـــا عليكــ

مشكورااااااااااااااات حبيباتي بفضل من الله ودعواتكم لي

الحمد لله رب العالمين
بأمس كنت عند الدكتورة وطمنتني أن المشيمة في مكانها صحيح ,ان كل شي على ما يرام بس البيبي صغير شوي ...

النزف لي كان عندي بسبب ألتعابات في عنق الرحم بسبب الاحتكاكات ...

سلامي وتحياتي لجميع من دعا لي بخيررررررررر ....