تجهيزات أحلى عرايس مصر - الجزء الرابع

انا عضوة جديدة لنج فى المنتدى والحقيقة انا فرحانة جدا لانى اكتشفت الموقع ده وما كنتش اتخيل ان فى منتدى بالشكل ده وان فيه اجابات لكل الاسئلة اللى ممكن تخطر على بالنا واللى ما تخطرش كمان عموما يارب نستفاد كلنا وانا مخطوبة وهاتجوز باذن الله السنة الجاية [move=down] رويدا يوسف[/move]

عزيزتى tyto انا عضوة جديدة وقرات موضوع الصينى وانا خلاص اشتريت طقم صينى ونوعه المانى استثمارى هو شكله حلو مش وحش بس حاسة انه مش قيم اوى زى البولندى والتشيكى هل الفرق بينهم بسيط ولا البولندى احلى خصوصا ان بنت خالتى جايبه طقم بولندى وبتشكر فيه اوى وبتقول انه احسن من الالمانى االاسثمارى بمراحل وعموما طقمى 138 قطعة ارجو الرد السريع عليا

اهلا بيكي رويدا بنا اخت جديده وعزيزه علي قلوبنا بس بالنسبه لموضوع الصيني مش حقدر افيدك حبيبتي بس لو محتاجه اي حاجه تانيه انا ممكن افيدك انا من اسكندريه وتحت امرك يا عسل

ياريت يابنات حد يقولى عن مكان عيادة كويسة لازالة الشعر بالليزر و افضل مكان لعمل الحمام المغربى بس يكونوا قريبين من مدينة نصر

:clap: ياريت يابنات حد يقولى عن مكان عيادة كويسة لازالة الشعر بالليزر و افضل مكان لعمل الحمام المغربى بس يكونوا قريبين من مدينة نصر

يا بنات بالنسبة للطقم الصينى مفيش داعى يكون غالى اوى لان فى النهاية هو مش حيطلع غير مرة او اتنين بالكتير اوى وفى عرايس مش بيطلع عندها خالص يعنى المهم حاجة يكون شكلها حلو وبس ووفروا الفلوس لحاجات تانية حتبان فى البيت زي المفارش والفازات والتابلوهات وباقى الحاجات الظاهرة فى البيت , ويارب بيوتنا كلنا تكون قصور عامرة بذكر الله سبحانه وتعالى

كنت عايزة اسالكم تقريبا كام مفرش سرير كفاية وكمان اد ايه ملايات وتكون سادة ولا الحاجات المودرن المنقوشة

:salam: يا بنات بالنسبة للطقم الصينى مفيش داعى يكون غالى اوى لان فى النهاية هو مش حيطلع غير مرة او اتنين بالكتير اوى وفى عرايس مش بيطلع عندها خالص يعنى المهم حاجة يكون شكلها حلو وبس ووفروا الفلوس لحاجات تانية حتبان فى البيت زي المفارش والفازات والتابلوهات وباقى الحاجات الظاهرة فى البيت , ويارب بيوتنا كلنا تكون قصور عامرة بذكر الله سبحانه وتعالى

كنت عايزة اسالكم تقريبا كام مفرش سرير كفاية وكمان اد ايه ملايات وتكون سادة ولا الحاجات المودرن المنقوشة

ماشاء الله عليكم

مبروك عليكم كلكم ويارب تتهنوا جميعا

كل واحدة تدخل تدعي لي بالزوج الصالح يا بنوتات

ماشاء الله عليكم

مبروك عليكم كلكم ويارب تتهنوا جميعا

كل واحدة تدخل تدعي لي بالزوج الصالح يا بنوتات........... ماشي ؟

ggffg انا ردي متاخر شويه لكن كنت عاوزه اقلك رايي ياستي انا شايفه انو ماشاء الله 10 الاف مبلغ مناسب للبس لانك مش مش جايبه الحاجه غاليه قوي وفنفس الوقت كتير فانتي الستفاده بس انا رايي انك تقللي الكميه لان انتي متضمنيش الظروف وجسمك هيتغير بعد الحملل ولا لا وعموما كنت عاوزه اقلك حاجه حكاية ان المصريات بيقابله الناس بقمصان النوم هههههههههه يا ستي دي معلومه غلط هيه بتحصل عندنا فالافلام بس ومش كل الناس بتعمل كده في عائلات كتير مبتعملش كده وفي عائلات كتير مبترحش للعروسه اصلا فالصباحيه علشان ميحرجوهاش المهم انتي تنظيمك هايل بس كنت عاوزه افهم منك اايه الجلباب دي انت تقصدي العبايه ولا الاسدال ؟لاني كنت عاوزه اعرف منك عنوان الست اللقلتي عاليها

الغاليه مارو ازاله الشعر باليزر مش عمليه سهله لا دى بتحتاج اكر من جلسه ويكون الدكتور خبير وشاطر جدا علشان ما يعملش حروق
نصيحه منى خليك على العهد القديم واستعملى الحلاوة افضلمع دهان نبات السعد وان شاء الله بيخف الشعر
اما الحمام المغربى فالبنات يفيدوك ان شاء الله

بنات بالنسبة للى سألوا على الحمام المغربى
اول حاجة أوصيكم بقراءة جميع أجزاء التجهيزات الخاصة بالمصريات وهتلاقوا كل اللينكات فى صفحة 4 من الموضوع دة ومعلش لو فى سلامات فى النص بس فعلاً الملفات مليانة معلومات قيمة
بالنسبة للحمام المغربى ( زى ما قريت طريقته فى موضوع المصريات الجزء الأول)
هى أن تستحمى بمياة ساخنة أوىىىىىىى على قد ما تتحملى وكل ما تكون أسخن يكون أحسن عشان تفتح المسام بعد كدة بتعملى جسمك بالصابونة المغربى وتسبيه 10 دقائق وتبدأى بعد كدة تستعملى الليفة المغربى وتدعكى بها الجسم جامد وهتلاقى بيطلع منه زى الفتل :) أكيد طبعاً ده الجلد الميت والكوارث اللى عايزين نداريها عن عيون الباشا.. وبس كدة

بصي مارو حبيبتي بالنسبه لموضوع الصيني ده تفكيري انا كمان وبالنسبه لموضوع ملايات السرير بصي نوعي الوان يعني من كل ولن طقم يعني واحد بيج واحد فوشيه واحد ابيض حتي لو مش حابه الابيض واحد فسدقي ولازم اتنين عادين مشجرين يعني ونوعي في نوع الشغل فيها يا شغل بسيط يا اورجانزا وا سيرما
jewayria بصي يا حبيبتي انا ماما مش قصدها الصباحيه هي قصدها عموما لما اهله يجوا لزيارتي في الايام العاديه مامته مثلا لزم اقعد معاها بطقم قمبص نوم وانا {اي ان جسدي لا ينكشف الا علي زوجي وبالنسبه للجلباب هو نفسه الاسدال بس مدام ايناس اسعارها بتبدأ من 200 وطالع لانها بصراحه خياطتها تحفه وعلي حسب القماش لو كريب فرنساوي او ايطالي وده موجود في مصر بيكون 200 اما لو القماش من السعوديه بيكون 300 لان التوب بيجي في طرد وبصراحه قماش السعوديه تحفه خفيه جدا وطري مش تقيل علي الراس وكمان لما الهو بيجي مش بيوصف الجسم وكمان الاسود بتاعه غامق جدا وكمان علي حسب لو حتعملي اسدال كامل ولا اسدال نص وجيبه انا لسه معملتش عندها هي من اسكندريه في ثروت بس هدوم الجواز حعمل عندها بس انا دلوقتي جبت الاسدال بتاعي من بوتيك اسمه بدايه هو في مينا سنتر وواحد في بكله وواحد عند جرين بلازا وده بصراحه او بوتيك اشوفه لمستلزمات المنقبات هنا وبوتيك شيك وعنده جلابيب (اسدالات) بيستوردها من السعوديه جاهزه وسعره 210 وفي منه النوع المفتوح من ادام بيتقفل بزراير كبس وفي النوع بيبقي مقفول وانا سألت هناك قالوا انهم ممكن يجيبوا القماش من السعوديه ويفصلولك الجلباب اللي انتي عايزاه لو عايزه تعملي فيه كلفه شريط ستان وده احسن متهيألي وارخص من مدام ايناس وانا حستخير ربنا بينه وبين مدام ايناس لاكن النقاب حفصله اكيد عن مدام ايناس لان نوعيه النقبات عند محل البدايه مش حلو لاكن مدلم ابناس بتعمل بطانه النقاب بنوع قماش غيرالنوع للي بيتباع في السوق واللي سهل يتقطع وكمان معظم حاجه المنقبات الجاهزه بتتباع عند المكتبات الاسلاميه ادام المساجد و الاسدال اللي بيتباع هناك نوع القماشه ناشف جدا وبيضايق في الصيف وسعره حوالي 90 جنيه وبيوصل لحد 100لو عايزه نمره مدام ايناس ول عايزه عنوان محل البدايه هنا ماشي ول انتي من القاهره ممكن اسألك علي لو عنده فروع عندكم ولا لأ

ggffg بصي يا ستي انا بالنسبالي كنت محتاجه الست دي لان انا بجيب الاسدالات السعودي من هنا وبتكون فعلا خامتها تحفه وخفيفه بس مشكلتها معايا انها دايما مقاسها مش مظبوط وكمها بيكون قصير وكنت محتاجه طبعا تفصبل عشان احل المشكله دي بس للاسف انا مش هقدر اسافر اسكندريه السنه دي
وبالنسبالك انا رايي انك متلبسيش قميص نوم خالص وتقدري تبدليه بالجلبيه اللقلتلي هتفصليها او جلبيه مغربي مثلا تضمني انها مش هتشف ولا توصف وفنفس الوقت تكون شيك ولو اهل زوجك ملتزمين طبعا هيقدروا النقطه دي وان شاء الله تعدي على خير
dalida_palace
بالنسبه للحمام الغربي هتلاقوا فموضوع تجهيزات الشهور الاخيره لاني كنت سائله عاليه تيتو عموما هقلهلكم باختصار هوه اولا هنحتاج الصابونه المغربي ودي بتكون شبه الكريم ولونها اسود وبتتباع فالازهر وكمان بيتباع هناك الصابونه المغربي ثانيا بيتدهن الجسم بالصابون كله وتكوني مجهزه الحمام علشان يعمل بخار وافضل تقفلي ستارة البانيو ولما يملى بخار تعدي فيه اطول فتره ممكنه وبعد كده تغسلي جسمك من الصابون وتبتدي تدعكيه جامد بالليفه على قد ما تقدري هيطلع كل الجلد الميت وينظف بس المهم الاستمرار لان الحمام الغربي مبيجبش نتيجته من اول مره

معلش اقصد الليفه المغربي ويارب يكون فادكم بس الافضل انكم بعد الحمام تحطوا كريمات مرطبه لان المسام بتكون مفتحه

بصي حبيبتي اهل زوجي انا قررت عموما اهل زوجي اني اجلس معاهم بلبس محتشم او بعبايه بسيطه نص كم مطرزه يدوي مثلا وكمان مش حفرج حد علي قمصان النوم عشان ممكن اللي بفرجه علي قمصان النوم يتخيل شكلي فيها وده برضه حرام وبصي يا ستي بالنسبه للاسدال انا حسألك بوتيك البدايه لانهم برضه بيفصلوا علي حسب الطلب يعني وحسب جسمك لان انا برضه الاسدال اللي اشتريته من ادام طويل ومن ورا علي ادي فققصرته من ادام شويه فعشان كده حروحلهم يفصلولي 3 عشان الجواز ولو ليهم فرع في القاهره حسألك ان شاء الله اونتي اسألي ودوري وحتلاقي اخوات بيفصلوا كتير

ارجو ان تعتبرونى اخت بينكم وادعوا ان يتم الله عليا الشفاء قبل زفافى

انا مخطوبة من سنة تقريبا وزفافى بعد عدة اشهر

اريد ان اسالكم عن فرد الشعر وصبغه مين جربت تنصحنا باحسن مكان واحسن ماركات مستخدمة ويتعمل قبل الزفاف بفترة اد ايه ؟

جزاكم الله خيرا

بنات انا ggffg بس غيرت اسمي طلبت من المشرفات ده لاني لما سجلت اول مره كنت بسجل باي اسم عشان اتصفح شويه ولما عجبني المنتدي وحبيته حسيت ان لازم يكون لي اسم مرتبط بيه فطلبت تغير الاسم والمشرفات ما قصروا

جملات اهلا بيكي في وسطنا اخت كريمه علينا وان شاء البنات يفيدوكي

إذيكوا يا بنات وحشتونى موووووووووت انا عارفة انى بقالى كتير مدخلتش المهم انا قريت الجزء اللى فاتنى وبجد وحشتونى خالص كات وهانيا ورورة وتيتو وجويرية وإيمان وما اشاء الله على البنات الجداد اللى انضموا لينا بصراحة اتبسطت قوى بيهم واهلااااااااااااااااااااااااا بيهم نوروا المنتدى بجد
ويا ريت بجد يا حماعة حد فعلا يفيدنا فى موضوع إزالة الشعر نهائيا ده وبعدين انا عايزة اعرف انا عملت سويت ومفيش يومين وإبتدت تطلع تانى ده انا حتى اتخنقت قوى سا عتها والله اصل ما يجيش على ألامها وبعدين انا اصلا كنت بقالى كتير مش بعمل عشان يطلع مرة واحدة مع ان اللى عملتلى مسبتش بصراحة خالص خالص امال بقه حنعمل ايه ساعة الجواز لما نبقى لسه فى شهر العسل ونلاقيه كده بيبتدى يطلع من تانى يوم ده جيبقى موقف محرج قوى قوى لازم حد ينجدنا ويا ريت يا هانيا بما انك سبقتينا تقوليلنا انتى عاملتلا ايه فى الموضوع ده لانه فعلا مأرقنى جدا جدا