لحقوا على صديقتي بنات ، تبي تقول للي تحبه انها

لو كنا في مجتمع غربي كان ممكن الريال يتقبل هالحركة بس نحن للأسف في مجتمع يعتبر اظهار المرأة للمشاعر أكبر غلط بغض النظر عن المشاعر .. ان شاء الله هو بيي وبيخطبها إذا كان يريدها بالحلال,... اما إذا قالت له فيمكن يلعب بها .. خليها شوي تمسك نفسها...

[frame="4 80"] لا لا لا لا لا لا مـــــــــــــــــــــرة لا تغلط غلطه زي هذي ترى الرجال ما يحب الحرمه لما تكون جريئه ولو كانت زوجته
الرجال ما يحبوا الجراءة والحياء زينه وعلى قوله اخوانا المصرين التقل صنعه[/frame]

دهن_الــــورد:
شكله لعاب ..يعق عليها نغزات ومن هالحركات ...هاي معروفه الحركات لو صج يباها جان قال لها يا فلانه انا اباج على سنة الله ورسوله عندج مانع..مب يعلقها فيه وحركات مراهقين..صراحه ما اعرف شقول ..اصلا الموضوع امبين ..والسموحه

صحيح كلامج اختي دهن _الورد ..

مو كل انسان يبين انه مهتم فينا يعني هذا يحبنا حب صادق..او قصده شريف
يعني هو اكيد يعرف عنها معلومات.. لو كان يبيها بالحلال..كان عرف طريقه...

لو نفرض انه كان مهتم فيها...ليش هي تبادر..وين الحياء شوفي الرجل عندنا لو بنت بادرت..بكون فكره عنها انها خفيفه..
تسمك نفسها

اختي ما يصير تسير تقط نفسها عليه وتقول له احبك
الرجال يكون موقفه اكبر واقوى ان يت منه
وان كان يحبها لازم اييها من الباب ,او يسألها ان وافقت يتقدم لها.

مشكورات حبيباتي على النصيحه والكلام الطيب
وانا صدقوني مو واقفه معاها بالعكس احسها زعلت مني
بس هي طلعت لي بفكره جديده
تقول انها راح تخطبه؟؟؟؟؟؟؟؟؟؟؟
هي تقول انا عمري ما تقدم لي احد شنهو المانع من ان اخطب لنفسي واتر على روحي
بصراحه انا احترت وياها
لا تلوموني، هي عايلتهم مفككه وفرصتها بالزواج ضعيفه
ما ادري
الله يعينها
وفي شي علىقولتها بنت الجيران قالت لها انها هي اللي بدت الخطوه الأولى
انا على فكره مخطوبه خطبه تقليديه وقلت لها كل شي نصيب
بس ما ادري هل فعلا في بنات يبتدون الخطوه الأولى؟؟؟ّ

و انا احس شي من الاحراج ان البنت اسير تخطب الوالد بعدين نحن وين عايشين ( بالهند )

شوفي انتي انصحيها قواليلها اذا انتي خطبتيه هو يمكن يوافق بس بيذلها طول العمر ع ان راحت تخطبه


و ادعي لها بالهدايه


الله يهديه يا رب و يحميها

اخاف عليها منه

انه يروح يطنز عليها ويرمس من وراها حق الرياييل ويقول حقهم اونها تبا تخطبني

بهذي الطريقه بطيح من عينه...وما بيحترمها مثل ما يحترمها الحين....اكيد بيقول في خاطره وين الحياء اللي كان مبين عليها كله رااااح....وبعدين عيب تخطب الريال شو بيقول عنها .؟؟ بيفضحها اكيد...وكل ما كانت البنت ثجيله تكبر في عين الريال...خلها تحفظ كرامتها احسلها ولا مذله من ريال يعايرها طول العمر اذا استوا نصيب واذا ما استوا نصيب بتم طول حياتها ندمااانه انها بدت هالخطوه ويا ريال وخطبته..وبعدين عييييييييب والله عيب...اذا الريال كان مفكر يخطبها وينتظر اللحظه المناسبه ...بيغير رايه اذا سوت ربيعتج هالشي...وبيقول اذا هي تجرأت تسوي هالشي اكيد ما بتتردد تسويه ويا حد ثاني وتخطبه وتعق عمرها عليه....

حبيبتي لا تقول ولا تتعب نفسها لانه اكيد عارف بحبها

قريتي عن لغة الجسد

هذي اللغة تظهر اكثر شي في حالة الحب

وكل الانفعالات تكون واضحة مو بس له الا قولي للكل

خليها لا تقول له، وتكتفي بقول نزار قباني:

كلماتنا في الحب تقتل حبنا # ان الحروف تموت حين تقال

خليها تثقل واذا كانت شاطرة في لغة الجسد راح يفهمها وان شاء الله تكسبه

واللبيب بالاشارة يفهم

أختي خليها تعقل أحسن وتثقل بعد لان تخلي في بالها إن الرجال ما يحب البنت إللي تركض وراه يريد البنت إللي رزينه وهو يركض وراها
صحيح ما ألومها لانها تحبه بس لكل شي حدود ولا تستعجل يمكن بيصارحها إنه يحبها وكذا
وبالتووووووووووووفيق لصديقتك

ابد لا تفصح عن هذا الحب

لين هو يجي يصارحها

رجاءا لا تغلط وتروح تعترفلة لا تكون خفيفة وبعدين أش دراها أنه يحبها صدق يمكن يبي يتلاعب فيها ويثبت شطارته لزملائه
يعني أنا أشوف حتى ولو هو أعترف لها لازم هي تثقل وما ترد عليه على طول وتطلب منه يكلم أهلها ترى الشباب إلي في العمل معروفين بمكايدهم خليها هي تكون أذكى منه علشان ما تندم ويشهر فيها بين الملاء

:ok:

دهن_الــــورد:
شكله لعاب ..يعق عليها نغزات ومن هالحركات ...هاي معروفه الحركات لو صج يباها جان قال لها يا فلانه انا اباج على سنة الله ورسوله عندج مانع..مب يعلقها فيه وحركات مراهقين..صراحه ما اعرف شقول ..اصلا الموضوع امبين ..والسموحه

:ok: أنا مع هالراي مليون بالميه