طفلك أجمل هبه من الله ...فلا تكون الا في يديك

بسم الله الرحمن الرحيم

[size=9]الا حفزني اكتب هذا الموضوع زيارة وحدة من صديقاتي ليا عشان تباركلي بولادة طفلي الاول......

جابت معاها ولدها عمره تقريبا سنة و8شهور .....وكان ولدها طول الوقت ماشاء الله يتحرك ومايخلي شي الا يمسكه ويفتح ادراج المكتبه ويروح المطبخ ويلعب فيه.....
ويطلع صوت عالي .....ويلعب في كل شي ويرميه حتى الاكل.........وكان ولدي نايم في الغرفة الثانية لو مالحقته كان يبي يجره ويلعب فيه.........عموما
قالتلي صديقتي لو مو ابغاكي تشوفي ولدي ماكان جبته.....قولتلها حرام كيف تخرجي وتخليه قالتلي اسيبه مع الشغاله انا ما اخد دايم اخليه مع الشغاله....قولتلها حتى لما تروحي عند اهلك
قالت لا اخده .....قولتلها حرام عليكي كيف نفسك تعطيكي تخرجي وتسيبي ولدك مع الشغاله...
عموما هذا حفزني اسألها اكثر عن كيف تعاملها مع ولدها وتفاجأت لما سمعت كلامها ....
ان ولدها طول الوقت مع الشغاله لانها هيا موظفة في بنك وحتى رضعته الشغاله تسويها
وكمان ينام ولدها مع الشغاله.....قالتلي ولدك ينام مع الشغاله قولتلها لا ومستحيل ولدي ينام معايا ولا احس براحة الا ولدي في حضني.....قولتلها حرام عليكي حتى في النوم ...كيف تنامي وولدك مع الشغاله...انتي تضمنيها .....قولتلها انا ما اخلي الشغاله تلمس ولدي...
عشان ولدي لازم يحس بحناني...ويش داري انا كأم...لازم اكون قريبه منه واحسسه بالحب والحنان..
هذا هبه الله....
ادركت سلوك ولها ايش سببه......مفتقد الولد للحب وحنان امه....لانها دايم بعيده عنه...حتى لمن ترجع من الدوام تعبانة وتبغى ترتاح...بعيده عن ولدها,,,,سألتها حاسة نفسك انك ماما قالت لا
قولتلها طبيعي لانك بعيدة عن ولدك.....وكمان حامل دحين في الشهر الرابع...
تخيلوا الشغاله كيف تربي طفل برئ يتشكل على حسب اللي يتلقاها...وهيا بتكون احن من ماماته
مستحيل لانه مو ولدها....وهياا بتفضاله ولا بتفضى لشغالها بالبيت...غير السلوكيات الخاطئ
الا راح تنزرع بالولد.......
قولت لصديقتي حرام عليكي انتي بعيده عنه على الاقل لما ترجعي من الدوام حسسيه بحنانك
ضميه...لعبيه...بس ماكانت تسمع.....مسكين ولدها ....
هو طفل برئ...ماله ذنب غير انه امه دايم مشغوله عنه وبعيده عنه الله يهديها....
عشان كدا اتمنى من كل أم تدرك معنى الامومة لانها معتى كبير يتضمن تحته متطلبات عنده...
واطفالنا امانه في اعناقنا.....لا بد من المحافظة عليها.....وهم هبه الله لنا..
والشغلات غير امينات على ابنائنا....فاحرصي يأم على طفلك بعيده عن الشغالة.....




أختـــــــــــــــــــــــكم
أم بأدي