شاسوي مع خطيبي أكرهه أكرهه أكرهه !!

الله يسر امووورك على خير ان شالله

هلا اختي ،،، أنا أقول في وقت أكيد للإستخاره ،، و على سالفة إنه يقولج أحبج كل ساعه فأنا زوجي العكس يطلع روحي ليقولها فيا ريته كان مثله :)

بس لو انتي حاسه من الحين مب متقبلتنه فعمرج ما رح تتقبلينه ،، فما بالج لو عشرة عمر و رح تعيشون مع بعض للأبد ؟؟

حبيبتي انصحج تستخيرين و الله يقدم اللي فيه الخير يا رب

دمت بحفظ الرحمن

ناديـن

حبيبتي استخيري .. انا صارت لي نفس المشكلة بالضبط كنت اكرهه كره العمى .. بس اللحين بديت اتقبله واحاول اعدل اسلوبه من النواحي الجنسية .. واذا تبين اي شي انا حاضرة حق اي استفسار ..

طمنينا

الحلم الهادىء:
اختي...استخيري احسن...وكلمية بصراحه بالامور اللي ماتعجبج بس بطريقة دبلوماسية وراقية...وشوفي رده...واذا كان انسان مصلي وطيب ومشهودله بالاخلاق واهله طيبين..انا اشوف ماتستعجلين بالحكم عليه...احيانا ممكن يكون على عيوبه افضل من الفين واحد غيره

ماتدرين لو انفصلتي عنه وبكره جاج واحد ثاني مافيه نص صفاته...اخاف تتحسفين!

يمكن هو مايعرف يعبر عن نفسه عدل..وهالامور بتتحسن مع الوقت...ويمكن هو مفكر لمايكلمج جذية عن الدراسة بانه بيتحكم فيج...ماتدرين باللي في باله...بس انا لو بمكانج بستخير وايد وبكلمه باللي في خاطري من ناحيته بكل صراحه...لاتنسين هذا زوجج الحين شرعا...والمفروض تاسسين حياتج معاه من الحين وتحطين النقاط فوق الحروف

قولي له شتتمنين من زوجج عشان يعرف شللي يريحج منه وشللي مب عاجبج

لاتستعجلين وتقولين اكرهه...ترى ان قلتيها وايد فعلا بتكرهينه حتى لو كان زين وعيوبه بسيطة

ولاتنسين...محد خالي من العيوب :) والله يوفقج

نفس الرد
والله يوفقك وينور بصيرتك ويسخره لك

مثل ما قالوا البنات إستخيري
وإذا بين إن حياتك تكون مستحيله معاه من البدايه إنفصلي لأن الزواج ما راح يكون يوم أو يومين هذا عمر
والله يعينك

السلام عليكم ورحمة الله
ياأختي العزيزه الجألي الى الله اولا
ثم ليييييه ماتناقشين الموضوع مع أهلك أمك أبوك أخوانك
وقوليلهم من البدايه أنك ماتبغيه أو ما أرتحتيله دام انك على البر
وفكري زين قبل ماتتزوجيه بكره ويكون لحظتها صعب الأنفصال
لأن من اهم شروط الحياه الزوجيه القبول
ولكن مايمنع ان الرجال يكون طيب بس انتي بعدك مافهمتيه
يعني فكري في الموضوع من كل النواحي
وأتمنى لك التوفيق من الله ياأختي الغاليه

اختي اول شي توجهي الى الله

استخيري الله عشان يطمئن قلبك

وبعدين يبان الحل

الله يوفقك

ولا تنسي تستخري وتعيدي حتى يبان معاك شي ....

الله يسعدك