رابطة المتخوفات من الحمل لاسباب

اهلين بنات

اختي مرموم اشكر فيك رحابة صدرك .. واحب اقول بكل اختصار ان مو كل وحدة تقدر تستخدم موانع قوية .. ناس ما يقدرون الا على القذف الخارجي ..
انا عن نفسي جربت حبوب منع الحمل " نوعين مو نوع واحد بعد " والاثنين ما ناسبوني وسببوا لي اضرار انا وولدي فقطعته .. واستخدم زوجي العازل الذكري لكنه سبب لي التهابات واضطريت اقطعه .. اما عن اللولب فالصراحه اعترف ان ما عندي الشجاعة عشان اركب لولب من كثر ما اسمع من بلاوي اللولب .. وفي النهاية انتي قلتي ان ما في شي يمنع الحمل بنسبة 100 % .
وهذا ما يعني ابدا ان انا ما عندي رغبة جااااادة في منع الحمل وان انا لو ابي امنع الحمل بجد ما بيجي هالشي على حساب صحتي او صحة ولدي .. وانا مثل ما قلت صار لي اكثر من سنة ونص وانا معتمدة اعتماد كللللي على طريقة القذف الخارجي والحمد لله ربي سترها وقدرت ان امنع الحمل طول هالفترة .
طبعا اتمنى ان ما يكون الموضوع فيه عدم احترام لمشاعر البنات اللي يتمنون الحمل .. انا بس فتحت هالموضوع لما شفت ان كذا عضوة وفي وقت واحد فاتحين مواضيع يعبرون فيها عن خوفهم من الحمل حاليا لاسبابهم الخاصة ، والحمد لله احنا ندري ان هي نعمة من رب العالمين بس بعد ظروف الحياة تحكم وحاليا طفل واحد يكفي .. الله يرزق الجميع ان شا الله بالذرية الصالحة


بنات ، للحين الدورة ما نزلت .. بعدين بروح المستشفى احلل ، وعلى الرغم من اني ما اتمنى الحمل لكني خايفة بعد اذا ما طلعت حامل شنو بيكون سبب تأخير الدورة لهذه الدرجة ؟؟؟ وهي اول مرة تحصل معاي ان الدورة تتلخبط لهالدرجة سواء قبل الزواج او بعد الزواج والى ما بعد الولادة ..


ادعولي

اهلين بنات .. شكلي اول وحدة بتنسحب من الرابطة

البارحة رحت المستشفى حللت وطلعت حاااااااااااامل .. الحمد لله على كل حال

انا اول شي رحت المركز وقالولي حامل وطلبت من الدكتورة تحسب لي وقال ان انا حامل ب 5 اسابيع ويومين وان موعد ولادتي في 6 \ 12 ان شا الله.
ولان انا اعاني من التهاب " حرقة في البول واحيانا حكة " طلعت رحت مستشفى السلمانية قسم طوارئ الحوامل .. وهناك حسبولي وطلع ان انا حامل ب4 اسابيع و3 ايام بس .. ما ادري هالفرق بين الحسبتين .
سووا لي تحليل للبول وطلع ان ما عندي التهاب فيه ولما دخلت على الدكتورة وخبرتها قالت لي املي مثانتي عشان الالتراساوند .. وبعدين لما رجعت بعد ما مليت مثانتي سوت لي التراساوند بس قالت لي ان الجنين وااايد صغير وما يبين .. وطلبت انها تسويلي التراسوند من داخل عنق الرحم " وهي اول مرة ادري بهالطريقة لان يوم كنت حامل بحسون ما سووها لي " .
اول شي طلبت من الممرضة انها تاخذ عينة من داخل المهبل وبعدين الدكتورة دخلت لي جهاز داخل عنق الرحم وقالت بعد ان الجنين ما يبين !!! اخرتها قالت بتسوي لي فحص الهرمون في الدم عشان يحسبون لي مدة الحمل وانا بأي اسبوع .. والنتيجة ان شا الله بتجهز يوم السبت .

انا من امس احس ان نفسيتي تعبانه .. ودوم افكر ودوم ودي ابكي .. وولدي كاسر خاطري وكله احضنه وابوسه لاني احس كأني غلطت بحقه .. افكر بكل شي في حياتي وبالتأثير اللي بيسويه البيبي الثاني في حياتي الخاصة وفي حياتي العائلية .. والمشكلة اني مجربة الحمل ومن الحين قاعدة افكر في تعب الحمل والولادة ومن الحين قاعدة انتظر الوحام .

زوجي كان ايام تأخر الدورة يقول ان عنده عادي لو صار حمل لان هالشي بتكون ارادة الله سبحانه وتعالى .. وفروح امس يوم طلعت النتيجة possitive لكن الليل قبل ما ننام قال ان الحمل صار بسرعة وانه كان يتمنى لو يتأخر الحمل شوي عشان يكون حسون كبر واعتمد على نفسه اكثر .. وكلامه حسيته انه زاد من اللي فيني على الرغم من اني ما بينت له ..

يالله .. نعمة من الله

الحمد لله .. قدر الله وما شاء فعل

يا أختي قولي الحمد لله..وعسى أن تكرهو شبئاً وهو خير لكم..
جعله الله من مواليد السعاده وبكره بس تحسي نبضه وتشوفيه بتندمي على هالكلام ..أتفائلي وخليك سعيده عشان لا يتأثر البيبي..
أعانك الله على المسؤوليه..

السلام عليكم ورحمة الله وبركاته

:smile:

ألف ألف مبروك أختي أم حسون...الله يتمم لك على خير إن شاء الله...هذه نعمة من الله...إن شاء الله ربي يكمل لك الحمل على خير إن شاء الله...

لو تتذكري اليوم اللي صار فيه اللقاء...إعطيني تاريخه في موضوعي حسبة الحمل...و أنا أعطيكي بالضبط الحسابات و موعد الولادة إن شاء الله...

الف مبروك ماما حسووون..
الله يعينك على المسئولية..


وتذكري دائما انه لا ينبغي سوى الحمد على نعم الله...



عن نفسي حللت يوم ثامن من تأخر الدورة، وطلع مافيه حمل،..

اليوم عاشر ومافيه بوادر نزول الدورة رغم ان البارحة كان عندي الم فظيع وتوقعت تنزل..

مهما يكون الحمدلله على كل شيء

عموما الف مبروك اختي ماما حسون

والحمد الله على كل حال

وابشرك الدوره جاتني اليوم ....

والله فرحت عشان بتني فديتها لسه صغيره

الله يبارك فيكم ان شا الله .. مشكورين

الله يرزق الجميع ان شا الله


الحمد لله على نعمه

مبروك يا ماما حسون والله يعينك

مبروك يا ماما حسون


الله يسهل عليكي و يعينك يا رب

الله يبارك فيك اختي ام رواض .. وعقبالكم ان شا الله في القريب العاجل ومعاكم ريح النفل بعد >> علي وعلى اعدائي هههههههههههههه امزح

بس خسارة انا قبل سنتين يوم كنت حامل بحسون ما كنت مشتركة في اي منتدى ولا وصلني اختراع تواقيع الكشخه مثل اللي موجودة الحين وخصوصا التوقيع اللي فيه صورة حجم الجنين .. كللش يعجبني
وكان في بالي اذا حملت في المستقبل بسوي توقيع مثله .. ويوم الله سبحانه اراد لي الحمل وقفوا التواقيع في المنتدى وما تهنيت بالموضوع .. ان شا الله تنحل الازمة باسرع وقت ويرجعون التواقيع ..

على فكرة .. تقدرون تسوون لي توقيع لاني ما اعرف .. بغيت من هالموقع ::
http://go.3roos.com/ji9oom4yipw

وتاريخ ولادتي باذن الله 7 \ 12

اللي تقدر مشكورة تسويلي التوقيع تنزل الرابط هني في الموضوع او تطرشه لي ع الخاص بسرعة بلييز لاني مشتركة في منتدى ثاني وبنزله هناك ان شا الله

اختي ماما حسون
الف مبروك على الحمل وان شاء الله حملك تكون بنت اموره حلوه تلبتسنها شرايط حلوه :)
وبالنسبه للتوقيع ماعرف اسويه لك السموحه كل مادخل في مكان مايطلع شي :(

بنات انا للحين صامدة.. ما جتني الدورة..

سويت 3 تحاليل ، آخر واحد كان قبل 5 ايام.. وكلها مافي حمل..

اليوم الفجر بسوي آخر تحليل، ويا فيها يافي ...........

بكرة ان شاء الله اخبركم النتيجة..

السلام عليكمم
انا حالتي غييييييييييييييييييييييير عنكم
عندي ولد عمره سنه ونص وماابي احمل عليه من فترة احس انه شي يتحرك في بطني وعندي لوعه بس مو على طول بين فترات مع انه الدورة منتظمه عندي امي تقول يمكن غازات في بطنج وانتين يتهيا ليش انه حركه بيبي بس انا خااااااااايفه وااايد ونفسيتي تعبانه وخايفه اروح احلل وانصدم :cry:
على فكرة انا سامعه عن حمل يصير والدورة تنزل اسمه الغزالي ماادري الغزلاني وهذا الشي الي خلاني اخاف
فبليييز الي صاااده مثلي تقول لي لاني بنننننننفججررررررررررر من التفكييييييير:think:

والله حتى امي شكلها حاااامل بتروح بكره تحلل

على اساس ان اخوي حمودي اخر العنقود وهو السنه الجايه ان شاء الله مدرسه

بس شكله جا بالغلط هههههههههههههه

الله يسهل عليكم وعقبالي ان شاء الله

ومبروك الحمل يا ماما حسون الله يتمم لك على خير ولاتتذمرين غيرك محروم احمدي ربك وقلقك بزياده عن اللازم تعوذي من الشيطان والله يوفقك يارب

شكلى بنضم لكم انا متأخره عليه الدوره كلن المفروض تينى تاريخ 6 وما يتنى وانا خايفه لانى ما اريد احمل الحين عشان بنتى صغيره وعليه دراسه وقلت باجل الحمل هالسنه لين ما اخلص الجامعه بس شكلى حملت
والله من كم يوم ضاربنى توتر و حالتى لله وافكر اسوى فحص دم واريح عمرى لانى ما اثق بالفحص المنزلى