اللي جربت حبوب إنزال الدورة أتمنى تفيدني

بسم الله الرحمن الرحيم
السلام عليكم ورحمة الله وبركاته

خواتي أنا تعباااانة تخيلوا الدورة متأخرة علي اسـبوعين !!!

و المشكلة مو بس بتأخر الدورة .. لا بعد أعراضها صارلها فترة معاي لدرجة إني ماقدر أنام من العوار

بطني منتفخ و المغص ذابحني و ريولي مو شايلتني و ظهري يعورني و جسمي ثقييييل و أحس تكرمون بلوعة جبد

يعني ما خليت شي من الأعراض .. فوق هذا كله الدورة مو راضية تنزل !

قمت أسويلي مرمية و دارسين و حتى الشور الحااار مستمره عليه بس ماكو فايدة و بيني و بينكم مو مستحملة روحي .. ابيها تنزل و أرتاح

أمي قالتلي عن الحبوب اللي تنزل الدورة و الصراحة خفت منها مع انهم يشترونها بدون وصفة و كل مكان موجودة بس مترددة

قلت أسألكم يا بنات منو جربتها و شنو سوت بالضبط و كم يوم تاخذينها و استخدامها فقط شهر واحد ولا لازم استمر عليها كذا شهر و اذا لها أعراض جانبية .. ما عليكم أمر علموني بكل شي يطري على بالكم

الله يوفقكم و يجزيكم كل خير




اي صج بنات تذكرت

ترى انا مو متزوجة .. أخاف تقولون حامل هههههههههه