يا بنات .. شكلي فنقشت.. :(

ألف مبروك يا الغالية جمانة
و الحمدلله على كل حال
حبيبتي عادي ممكن تجربين اختبار الحمل حتى احيانا قبل الدورة يبان موجب او خطين
تقومين بالسلامة يا رب

السلام عليكم ورحمة الله وبركاته ...

ليش فنقشتي يالغاليه...بالعكس افرحي....وااايدات اشتغلن وهن حمل عااااي...

اتوكلي على الله و سوي تحليل البول...انا اتاخرت الدورة علي يومين وعلى طول بين الحمل...

وبعدين ماشالله عمر ولدج مناسب انج تحملين مرة ثانيه...

وأخيييرا.... ألف ألف ألف مبروك اذا كنت حامل:shy:...

اممممممم


انتظري كم يوم و روحي حللي دم ...


الله ينولج اللي في بالج .... (عسى ان تكرهوا شيئاً وهو خيرٌ لكم )

هههههه

ليش ياجمانه هاالاحباط....حلوين اليهال..بس صدق انهم تعب بس نعمه من رب العالمين احمدي ربك ع ها النعمه..

اذا حامل ترى نعمه من رب العالمين..وها اللي الله يباه..

الف الف مبروووووووك مقدما..

ولا تحاتين كل شي مدبر عند ربج وبيسر الامور..

هلا وغلا حبيبتي جمانة
(عسى ان تكرهوا شيئاً وهو خيرٌ لكم )

ألف ألف مبرووووووووووووووك
الله يتمم لك على خيررررر
تروحي المستشفى وأعملي تحاليل وأن شاء الله رايح يبين لك حامل أو لا ...
بس لا تزعلين ... لأن كل من الله ...
ولا تعترضين على نعمة رب العالمين ...

أم حسون

لا تضيقين خلقك قبل ما تتأكدين

بعد التحليل يصير ( لكل حادث حديث )

والله يكتب اللي فيه الخير ان شاء الله

نفس سالفتي من كم يوم انا متوعده انه الدورة تتقدم كل شهر

وهالشهر ما تقدمت ولا تأخرت استغربت وشكيت اني حامل وسويت تحليل مرتين مت من الخوف

وكل احاسيس الحمل ياتني وعقب الحمدلله ياتني الدورة

لا تحاتيين ان شالله خيير

ويمكن لج خييره فيه

الف مبروك مقدما ياعمري

بالعكس ولدج بيلقى له ونيسسسسس

ان شاء الله اللى فيه الخير الله يكتبه لج يااااحبيبتي

الله يوفقج ويسعدج يالغاليه

هههههه وزعلانه بعد


ألف مبروووووووووووك.. هالمولود اللي انتي ماتبينه.. وتقولين مو وقته.. .

ان شاء الله إذا كنتي حامل........ بيكون اغلى من اخواته و اخوانه..............

وذكي وفطين.............. نفسي يعني <<<<<<<<< الاخت ماخذه مقلب في نفسها

تقدرين تسوين التحليل المنزلي الحين لان فتره يومين كافيه يبين الحمل

انا حللت بعد تأخر الدوره يومين بس و طلع حامل

وبعدين خذيها بنظره ايجابيه .. تجيبينهم مع بعض تربينهم و انتي للحين صغيره احسن من تخلين سنتين ولا اكثر و ضيفي لها فتره الحمل يعني الوحده تصير بالثلاثين و اهي توها ماعندها الا اثنين ولا يمكن واحد بس

حلاته الوحده تربيهم و اهي شباب و بعدين تلتفت حق نفسها مو تظل طول عمرها تحمل و تولد :)

جمانة انا داخلة القسم بحط نفس المشكلة بس سبقتيني

انا اخر مرة جتني الدورة تاريخ 2 \3 وانا الدورة تجيني كل 24 او كل 25 يوم ... وللحين ما نزلت الدورة مع العلم ان الالتهاب اللي احس فيه عادة قبل الدورة يجي ويروح ..
امس سويت تحليل حمل في المستشفى " بول " وطلع negative وحمدت ربي .. بس اليوم وحدة من البنات خوفتني وقالت ان ممكن النتيجة ما بينت الحمل للحين بما انها توها متأخرة .. او ممكن يبين بفحص الدم .. وخلتني ارد اخاف بعد ما تطمنت امس ..
المشكلة ان في ناس ما يبين الحمل عندهم بالتحليل الا بعد فترة .. وانا بحملي بحسون ما سويت تحليل الا بعد حوالي اسبوعين من موعد الدورة لاني كنت وقتها توني متزوجة وظنيت ان الدورة متأخرة بسبب تغير هرموناتي .. يعني ما ادري من اي نوع انا !!!
مع العلم ان في مادة بنية تنزل علي من يومين بس الدم للحين ما نزل ، وهالمادة نزلت علي اول مرة الدورة اللي طافت ونزلت بس نص يوم ويوم ثاني ما قمت الصبح الا الدورة نزلت .. وبعد انا قلت للدكتورة امس عن الالتهاب وقالت لي اخد موعد على الفحص النسائي عشان اسوي الفحوصات والمشكلة ان اقرب موعد يناسبني بعد اسبوعين ..

واذا كنتي يا جمانة متخرجة والحمد لله فأنا للحين ادرس وما كملت .. وصعبببببببببببة اني ارد احمل قبل ما اكمل دراستي ..

الله يستر علي .. ادعوا لي :sad:


مسامحة جمانة دايما استغل مواضيعش بأسئلتي الخاصة :o:confused:

ربنا كريم يا بنات ويعطي النعم بغير حساب ما يصير احد يرفض النعمه والحمدلله

انا في حملي الثاني.. والحين...

كل تحاليلي.. على الاحساس...

ويطلع صج حامل.... طبعاً بتحليل الدم يبين على طول...

يبين في تحليل المنزل.. بس موجب خفيف...

عزيزتي
اول شي استغفري ربج
ثاني شي انا حسيت اني حامل كذا مره...وحسيت باعراض الحمل كلها حتى الوحام حسيتبه
لكن في التحليل المنزلي مافي حمل
احب اقولج اني مره تاخرت الدوره عندي 50 يوم بالضبظ ويوم احلل مافي حمل

ابعدي عنج الاحباط كل الحريم يحملن ويشتغلن عادي... الوحده تحمد ربها على النعمه اللي فيها
والسموحه

الخيره فيما اختارها الله...
انتي توكلي على الله وخلي عنك هالخوف والاحباط...
انشالله ماتطلعين حامل مثل ماتبين...
وان حملتي فخير وبركه انت تريد وانا اريد والله يفعل مايريد...
بقلك قصة حرمه كان عندها 5 صبيان وبنات وفجأه مرضت امراض كثيره وقررت انها ماراح تحمل خير شر وقالت الي عندي يكفون ولازم انتبه حق روحي واعالج امراضي...
بعد فتره تاخرت عليها الدوره ويوم حللت طلعت حامل قعدت تصيح وتحطمت نفسيا وقالت مابي هالحمل المهم كملت الفتره وجابت بنت زي القمر ومرت السنين والايام وصار عمر البنت 6 سنين...
وفجاه صار حادث لعيالها الخمسه الي قبل وماتو كلهم وماظل عندها غير هالبنت الي ماكانت تبيها...
وعلى طول تذكرت الايام الي اعترضت فيها على حملها وقعدت تستغفر الله وتطلب سماحه لانها اعترضت على حكمه...
انا ماقلت لك هالقصه عشان اخوفك لا والله بس قلتها عشان تتحمدين الله في كل الاحوال..
وعلى قولة امي الله يحفظها مايجي من عمر الوحده عدو...

خلاص اليوم بشتري التست، وبكرة الصبح بحلل ان شاء الله..

الله كريم ، والحمدلله على كل حال..

بالتوفيق اختي
والله يكتب لش باللي بيه صلاح



ولا تحاتين عزيزتي جمانه ترا الاسبوع اللي طاف كنت حاسه بتعب وشويه دوخه وبتغيير بالنفسيه


وحتى الاكل ليه طعم خاص فقلت يمكن حامل واتوقعت اني حامل





وقبل يومين من موعد نزول الدوره كنت تعانه حدي وضهري واجعني وأسفل البطن يألمني فقلت اني أكيد حامل



وأتأخرت علي الدوره ثلاث ايام ووأصريت اني حامل مع اني ماكنت ابي هالوقت أحمل بالرغم اني لا شغله ولا مشغله وولدي



ماشاءالله عليه قريب بيكمل الثلاث سنوات وبيدش بالرابعه بعد شهرين



لكن الله ماكتب لي الحمل هالشهر والحمد لله على نعمته ونزلت علي الدوره من يومين




شفتي شلون كنت متأكده ميه بالميه وكل عوارض الحمل جاني بس أخر شي نزلت الدوره

جمانه بشري وش صار عليك؟

حللت اليوم الصبح....
.
.
.
.
.
.
.
.
.
.
.
.
.
.وطلعت ..
.
.
.
.
.
.
.
.
.
.

.
.
.
.
.
.
مب حامل !!

والحمدلله على كل حال،
هدأت نفسيتي شوي..
ما يحتاج اخبركم اني البارحة ما نمت غير ساعتين بانتظار اذان الفجر عشان احلل..


الدورة للحين ما شرفت، بس ما دام مافي حمل وهذا اهم شيء بس خلها على كيفها متى تبي تيي خلها تيي