شوفوا شصار في السوق اليوم

بسم الله الرحمن الرحيم

السلام عليكم ورحمة الله وبركاته

شخباركم بنااات

واحشيني موووت

اليوم كان لي مزاج اسوي shopping من قلب :)

عاد طنشت محاضرتي ،، وجهزت عدتي واهم شي الدفتر اللي مسجله فيه الاشياء اللي ودي اجربها ...


وانطلقت الى الهدف ..

نبدي مع شنو اول شي ؟

العطور ؟؟ خلاص اوكي

اول شي رحت اجرب عطر ألور الجديد من شانيل ..

ALLURE SENSUELLE



رحيته حلوه و خفيفه .. بس انا كان ودي بعطر دافي و رومانسي اكثر

هو عجبني ،، بس اذا احتجت لعطر من هالنوع اكيد برجع له ..

بعدين جربت عطر

Promesse من Cacharel



بارد و خفيف ،، ما حسيته ستايلي بالمره ..

و آخر عطر جربته كان

Narciso Rodriguez



كانوا مسوين بعد عروض حلوه على الوردي ،، قالوا لي ان الاثنين نفس الريحه

اول ما رشيت منه حسيته عادي ،، بس بعدين

ياويلي ،، طول ما انا ماشيه قاعده اشمه بيدي

بصراحه ما يتفووت ..

حسيت اني اخيراً وصلت للشي اللي بغيته ..

الحين جا دور الميك آب ..

قلت بركز بس بالشغلات اللي ناقصتني وما كنت اهتم فيها قبل ..

القلوسات و الأرواج ..

طبعاً دفتري معاي و طلعت ارقام القلوسات اللي قالت عنهم اختي : نسمه عبير

شفت قلوسات ايف سان لوران

رقم 1 و رقم 3

حلوين على ايدي ،، بس لما جربتهم علي حسيت انهم ما ناسبوني ..

سألت عن قلوس ديور 454


قالوا لي مخلص

بس لقيت قلوس من ديور خياااااال ،، لونه وردي فاتح

بس يهبل و رقمه 002


ما يتفوت بصراحه ..

خذت ايلاينر من nyx

عجبني وايد هو شفاف وفيه جليتر ذهبي ..

وايد حلو ينفع فوق الآي شادو او الآيلاينر الاسود او البني ..

في منه ألوان ،، لكن الذهبي عجبني اكثر لأن اكثر مكياجي يكون ترابي ..

اممم وانا طالعه من المحل لقيت عرض حلو من HR

تشترين منتج من الميك آب ومنتج من العناية بالبشره و يعطونج شنطه بيضا ..

بس مو اي شنطه ،، قلبتها زين ..

شكلها كشخه و تنفع للطلعات ،، حتى جلدها راقي و كوالتي ..

وشنطه ثانيه اكبر نفس اللون و الجلد بس تنفع للجامعه ..

تاخذينها لما تشترين شغلتين من الميك آب و شغله من العنايه بالبشره .. او العكس اعتقد

بس صج الكبيره دشت بخاطري ..حسيتها تنفع للجامعه ..

بس مب عارفه شاخذ منهم ،، شتنصحوني اخذ من HR

وقلت باخذ رايكم وبرجع لهم ..

وخذت الواكس من ويلا عشان الحواجب ،، بدال مال سماش بوكس

ها شرايكم في جولة اليوم؟