انسان غريب يبغي يساعدني بس ليييييييييييش ؟؟ ما أدري ؟

نوووسه .....

شمس أبو ظبي ...

سفيرة فوق العاده ....

مرموم ......

مشكورات خواتي على أرائكم .....

والله اني غشيمه وعلى نياتي شفت الرجال كبير اشويه قلت لا معقوله يكون تفكيره جذي .....

يمكن عن جد يبغي يساعد ويقدم مساعده لوجه الله ........

بس من كلامكم فمهت السالفه كلها ....وأنا اللحين أقدر اتصرف ..... واعرف اشلون اتعامل مع هالموقف ..

شكرا جزيلا .. لكم جميعا ..

عذب القوافي ....

انا مثل ما قلت في البداية ان تلفوني اصلا خربان وما يتصل بس يستقبل مكالمات ..

فاتصل هو من تلفونه وهو واقف ويايي ؟؟ عشان المرور .. وأخذ رقم تلفون زوجي عشان يطمن علي اذا رحت المرور عشان على قولته الشهادة ؟؟

وانا ما احب اطلب من عند حد مساعده ؟؟ بس شسوي مضطره

حبيبتي هذا يقص عليج بس يبي يتعرف عليج وياما صارت لنا من هالمواقف ..

عذب القوافي .....

وانتي ليش خايقة اذا انتي مو مسويا شوي يغضب ربك وزوجك.........

منو قال لج خايفه .......؟؟ انا بس مترددة او كنت خايفه من اتخاذ اي خطوة يمكن تضرني بعدين ..

بس اللحين ...... عرفت شنو بسوي ..؟

أم أنوار .....

انا سيارتي صادها جذي البمفر كله رااااااااااااااح ..؟؟ خخخخخخ شنسوي بعد خلااااااااص خلها على رب العالمين ؟.. الحمد لله في الحديد ولا في العبيد .. والله يحفظنا واياج شر العين والحسد .....

مشكورين لبقية البنات على ارائهم ونصيحتهم .....

فديتج هذا لا يبي يساعدج و لا شي ... الرياييل كلهم جذييييه ... يبون يقردنون لمن يوصلون هدفهم ... انا صارت معاي وايد بس و الله اسوي طااف لان ادري انهم يبون يسون علاقة و خاصة مع المتزوجات !!! خليه يولي و لا تثقييين ف الريايييل

انتي غلطتى لمه عطيتيه رقم التلفون
والسالفه معروفه شافج بنت صغيره وبسياره 2006 وماكان يدري انج متزوجه
انا اشوف انج ماتعطينه مجال وتخلين زوجج ينهي السالفه معاه ومانصحج يعرف بياناتج اذا نقلج لمدرسه

الله يهديك من البدايه الخطأ واضح ماكان لازم تاخذين رقمه وتتكلمين معاه وبصراحه احمدي ربك على زوجك وبنفس الوقت غريب امره والله لو غيره كان طير زوجته بكلمتين انواع الميانه قاطتها

والمفروض ماتكلمينه خلاص ولاعاد تطلبين منه شي انتبهي ترا مو كل مره تسلم الجره ويمكن زوجك صدق يطلع حرته فيك ويصير شي ماتتمنينه

وبعدين على سالفة المدرسه وتنقلين خذيها مني ونصيحه خليهااا على ربك وصدقيني ماتدرين الخيره وين واذا وكلتي امرك لربك وان شاء الله بيوفقك وبيرزقك بالأحسن منها ياختي ماتدرين هالدنيا يمكن سبحان الله خيره لك

تصدقين اختي يوم راحت مره للبنك وخلصت شغلها قالت لمدير البنك ماعندكم وظيفه لأختي ؟؟ اللي هي انا

قال ولايهمك خذي الكرت وان شاء الله خير

تدرين يوم قالت لي اختي لاتعليق ماقلت شي

لكن بيني وبين نفسي وكلت امري لربي وان شاء الله بيعوضني بأذن الله وقلت مستحيل اكلم رجال غريب والله اعلم وش ورا هالطلب

وحتى لو هو صادق بعد ما ابي منه شي اذا ربي كاتب لي الوظيفه بتوظف والعكس صحيح

اصلا صعبه اكلم واحد غريب واحاول اخلص المسأله معه وينا فيه شينه بحقي وبأخلاقي وبكل شي

وبعدين شلون ترضين تخلين زوجك يكلم واحد غريب صادف زوجته بالشارع ؟؟ !! من جد انواع (اسمحيلي) الإهانه لزوجك

الرجال اكيد بيفكر يقول ان زوجها بايعها ومايغار عليها وشكله على نياته ..... الخ ويبدا بحركات النص كم حقت الشباب

على العموم انا نصحتك والباقي عليك

عذب القوافي:
هلابك

تبين الصج ولا ولد عمة

((الصج))

انتي غلطانة من البداية ....دامك متزوجة المفروض اول مايصير فيك شيء تدقين على زوجك وهو يتصرف ...او اخوك ...ابوك ...سالفة الجوال عندك معطل ...مومشكلة العسكري وقف لك كان كلمتية بكل احترام وقلتي له .......اخوي لوسمحت ممكن استخدم جوالك ابي ادق على زوجي

ومااعتقد في داعي يتصل فيك بعد الحادث ...وحتى لو هو سواها انتي تقولين عطيتية رقم زوجك عجل اشلون دق عليك وانتي تقولين جوالك كان فيه مشكلة؟؟؟؟؟؟؟؟

ومسألة الواسطة اذا هو يبي اجر فيك يساعدك مع اني اشك انه يقدر يساعدك ....عن طريق زوجك

وانتي ليش خايقة اذا انتي مو مسويا شوي يغضب ربك وزوجك.........

انا مع عذب القوافي بكل كلمه قالتهاا

أسيرة قلبه ...


زوجي انسان متفهم وواعي وما يأخذ الامور بهمجيه .. او انه يثور ويصارخ ويزعل بالعكس .. ناقشني بكل هدوء ووضح لي رأيه وقال لي ان هذا الرجال شكله مو هين ونيته مو طيبه .. ورأيه مثل رأي أغلبية البنات ..

وكنت في البداية غير موافقه على رأيه وقلت له بالعكس شكله طيب وهو كبير في السن ويمكن عرض علي مساعدته لوجه الله .......

بس لما شاورتكم وشفت ان الكل اتفق على هالشئ بصراحه اقتنعت ؟؟ وحسيت بخطورة الموقف ..




مشكورين يا بنات على رأيكم .,. وعلى نصيحتكم واللي اتقبلها بصدر رحب ..

وانا امس يوم اتصل ما شلته .. واليوم اشوفه ما اتصل .. واذا اتصل ..

بقوله :

مشكور على خدماتك بس مو محتاجه لها لأني ما ابغي انقل من مدرستي لاني مرتاحه وااايد منها ..
ولا تتصل على هالرقم لانه مو رقمي واذا اتصلت بيشيله زوجي ..

وخلاص انتهت السالفه وصكينا الموضوع ...... يعني هي بسيطة وتافهه لكن لولا ارائكم ونصيحتكم كنت بقيت على غشامتي وصارت السالفه اكبر وأعظم .......

الله يجازيكم كل خير ويعطيكم الصحه والعافية .......موفقين ان شاء الله .....وشكرا

والله هذي موضه الظاهر صج معقوله واحد بيساعد مني والطريج بدون اي مقابل اختي نصيحة تركيه عنج وخلج دائما مع زوجك يمكن ناوي على شئ ولا يورطج بشئ خلي زوجك دائما عارف بكل خطوة وخلية يكلمه اذا اتصل لج مرةثانية لان فعلا شئ مخيف ولا ويقول عنده واسطة حق مدرسة هذي شكله قوي وحاسبي من هالأشكال وايد والله يعينج

أهم شي زوجك عرف بالموضوع

ديري بالج الموضوع اكبر من ما تتصورين ،،،


رجاجيل ما ينعطون ويه

الموضوع مايحتاج الى مناقشه النوايا سيئه :angry::angry:

حبوبه زين سويتي عطيتيه رقم زوجج..........لانه البعض قصدهم شي ثاني......... وجزاء الف خير بعد اذا حب يساعدج بس خليه تفهم معا زوجج

شوفوا اشسويت ................؟؟؟؟؟؟؟؟؟

ما رديت عليه يوم اتصل مرة ثانية .. وسلمت تلفون زوجي اليه .. وهو اصلا مو مهتم بالسالفه نهاااااائيا .. بس قال اذا اتصل بشوفه شنو يبغي ..

وانا اقول اني غلطانه لكن الغلطان هو اللي يستمر بالغلط ولا يعترف انه غلطان ..

والحمد لله انها عدت على جذي وما كبرت اكثر ..

حطوا في بالكم ها الشي مافي ريال بيساعد حرمه مب من خواته ولا من اهله الا وله غرض منها

وباب ييك منه ريح سده واستريح

ومبين من اسلوبه انه يبا يسوي معاج علاقه وانتي حرمه متزوجه حافظي على نفسج وريلج

فلا تجازفى لانك لاتعلمين نواياه ولا ماذا يبغى من وراء ذلك

أنا مع البنات

شكرا على النصيحه