بنات قطر وممكن بنات الخليج ابغي مسااعدتكم (هديه العروس +توزيعات العرس)

شوفي يالغاليه ...

الام لازم ماتحضر..وانا لان خواتي صغار(سادس و اول ابتدائي>>>طبعا مب متزوجات هههههه ) ما جاو ..!!

اما عماتي وخالاتي وبناتهم المتزوجات جاو.وحريم خوالي وحريم عمامي .. وعمات امي لانه قريبين منا ومن اهل ريلي
..!! اما العزابيه خلوهم في البيت لانه عيب البنات الصغار يحضروون ..!

ووو عندكم من صوب اهل ريلي حضروا عماته وخالاته وحريم عمامه .. وجيرانهم وناس ما اعرفهم ..


انا تعدلت في بيت ابوي ... شعري ومكياجي... و نزلت سلمت عالموجودين ...ريلي كان ينطرني برا... خذاني وطبعا في مسيره وراي..ههههه ... عشانهم مايدلون البيت بعد ..!


المهم اول ما وصلنا كانوا فارشين الارضمن كلها مشموم لين باب الميلس..!.دخلت واول ما وصلت عند باب البيت لقيت جدة ريلي الله يطول في عمرها واقفه تنطرني( طبعا ام ريلي متوفيه-الله يرحمها - ) عاد انا مادري شسالفه اول مره احضر هديه ... قامت وقالت لي افصخي جوتيج(كرمكم الله) وخذت ماي ورد في مرش وكتته على ريولي ومسحت ريولي جزاها الله خير... وعقب دخلتني الميلس سلمت عالحريم الموجودين في بيتهم ودشوا الجماعه اللي وراي...وسلموا...وعقب قعدت من وسطهم بس حسيت بملل ..لوووول ..لاني مسويه نفسي عروس وانا اصلا خلصت من هالدور هههه

كانوا حاطين دي جي ووو بوفيه برا...وطاولات وجي..!!


ووو بس تعرفوا اهلي على اهله ولو انه نصهم طلعوا معرفه ..!! خخخخخ .... وعقب كلوا البوفيه وووو ركل راح بيته ..!!

وفي آخر السهره مرت ابوه الله يعطيها العافيه عطتني الهدايا اللي جابوها لي خخخخ ..!!
وجا ريلي وخذاني ورحنا بيتنا ...!!


وتوته توته خلصت الهديه ..!!


طبعا الهديه هي آخر مناسبه هههههههههههه يعني مافي عقب الا ذكرى الزواج ...!!!


اما توزيعات العرس اتفقوا مع اهل ريلج عشان ما تيبون شي مكرر ... وشوفي ام حمد ماشالله اغراضها حلوه مالت التوزيعات ..انا انطر اي مناسبه عشان اتصل فيها..!!

الله يوفقج وانشالله ما اكون قصرت في الاجابه

مشكووورة مجنونه قطر