احب زوجي ... واكره بقائي معه!!!

اختي همس القلوب ... كلامك بلسم يشفي الجراح ....
عزيزتي كلامي احاول به ان افضض مع اخواتي ....انا اعشق زوجي ولدي استعداد ان احتمل العيش معه في وضع اسوأ من هذا بعشرات المرات دون ان يخطر ببالي انهاء حياتي او تدميرها .... يقولوا (الحلو ما يكملش) ...والحمد لله انا في نعمة رضا اهل زوجي عني... اما عن الضائقة المالية فهى مؤقتة بسبب تكاليف الزواج الباهظة وان شاءالله ستفرج عن ما قريب وهى لا تشكل لي هاجساً على الاطلاق
شكراً مرة تانية حبيتي والله كلامك اراحني بشدة

moon light
بسوي اقتراحك انشاء الله ... اعجبتني الفكرة

ايوت
صحيح الصبر مفتاح الفرج ... الله يجزيكي الخير

شمبوعه ان شاء الله بتعود
روعه احلام بجرب اقتراحك ... شكراً جزيلاً
سندس 84 ... يندر ان تجدي حد راضي بحاله

رأيي من رأي أخواتي،،

شوفي الأمور من منظار ثاني،، وعيشي حياتك معاهم ببساطة وبدون تكلف،، خاصتا وأنهم ناس طيبين ويحبونك،،
وتعوذي من إبليس،، وكل شيء متاحلك ،، يعني تقدرين تاخذين راحتك في غرفتك ،، وفي البيت،، والانسان مش مجبور على شي ما يحبه..

وحاولي تتكيفين معاهم،، لأن ما عندك خيار ثاني..
والله ييسر أمورك... وبالتوفيق إنشاء الله

والسموحة..

حبيتي malaak زوجي هو اللي شايل مصاريف البيت لانو والده توفي من زمن بعيد ... واذا انا اصررت على الانفصال بحياتي زوجي هو البيكون متضرر لانو راح يضطر يصرف على بيتين ...لذا ما عندي حل غير اصبر حتى اخوانه يتخرجون ويشتغلون وبعدها ربنا يحلها ....

والله اني بشوشة معهم واعاملهم بما يرضي الله ... الحمدلله ... لكن انا متأثرة لانو زوجي هو المتضرر من هذا الوضع ... اعطيك مثال بسيط ....مرة عملت لزوجي ليلة رومانسية -بخور وعود وعطور باريسية وخلافه -:pain::pain::pain::pain:تشبع المنزل كله بالرائحة :o:o:o:o:o... احسست بالاحراج من الشبان اخوانه فهم غير متزوجين ... وانا حساسة بعض الشئ .... ... وانتم تدرون تأثير الرائحة على الرجال

نوسة ... شكراً على المرور

غادة اليم ، مجنونة زماني ...
بخبرو باقتراحكم ... بس ظروفنا تتحسن شوي ان شاء الله ...

[grade="00008B FF6347 008000 4B0082"]لا حول ولا قوة الا بالله

انا توقعت انتو عايشين معاهم عشان وضعكم ما يسمح للأنفصال

يا عمري الدنيا يومين لا تضايقي نفسك فيهم اذا ما بيدك شي

وبتلقي على صبرك كل خير ان شاء الله والله بيعوضك بدل الشقة قصر ترتاحي فيه ان شاء الله

تحملي وتصبري هذول يتامى

واذا عن الواجبات الاجتماعية ما فيها ضرر لو اعتذرتي لام زوجك

قوليلها انا أرجع من الدوام تعبانه والوقت الي أكون فيه بالبيت أبغى اتجهز واتعدل لزوجي

بس طبعا كلميها باسلوب حلو

وصدقيني راح تتفهم كل شي

وحتى لو ما عجبهم انتي حاولي تقللي من جلساتك معاهم وممكن بس تروحي تسلمي عليهم وبعدها بشوي تستأذني بأدب وخلاص عوديهم على كذا ان عندك مسؤوليات ثانية وانك متزوجة تبغي تهتمي بزوجك وبنفسك

وان شاء الله الله ييسرلك امورك ببيت بروحك وترتاحي وادعي ربك ما فيه مثل الدعاء[/grade]

حبيبتي حاسة بمشكلتج

بس انت توج متزوجة من 4 شهور وما تعودتي على الوضع

شرايج انا في الاربع شهور الاولى عشت في فندق

يعني انت اهون مني بوايد انج عايشة مع ناس طيبين

والحين انا عندي شقة بروحي وبعد ساعات اتملل اتمنى لو كنت عايشة في بيت فيه ناس

طبعا انت وشخصيتج اذا تحبين تكونين بروحج طلبي من زوجج بهدوء يطلعج

والا الافضل تقعدين مع اهله

السلام عليكم ورحمة الله وبركاته

هلا بيكي أختي...

ما شاء الله البنات ما قصروا معاكي...

لكن خذيها مني كلمة أختي...بما إنك لسه في أول زواجك..

( عوديهم على طبعك...و ما تخليهم يمشوكي على طبعهم )

يعني بالذوق...تعبانة قومي على غرفتك...سألوكي قوليلهم تعبانة...في أشياء محتاجة أعملها...و هكذا...

بكره إخوانه يتزوجوا...و كل واحدة تلاقي لها عالم لواحدها...و تصيري إنتي بس اللي ياخذوكي و يروحوا بيكي كل مكان...

لأ...مفروض ما تصير الحياة ملخبطة...كل بيت و له حقه...و كله بالأدب و الذوق...

الله يوفقك أختي...

إصبري

لأن هذي هو الزواج (تغيير ، بيئة مختلفة، ناس مختلفين، أكل مختلف، واجبات مختلفة، أحاسيس مختلفة)

وحمدي ربج إن أهل زوجك طيبين

غيرج ساكن في بيت عايله ومو قادر يطلع ومتضايق من الكل ومحد يعامله زين ومسلم الأمر لرب العباد

ما أقول إلا لا تضايقين زوجج بأحاسيسج وكلميه في الموضوع وفكروا في حل مع بعض مو الزواج مشاركه

أما على الضيوف فإنتي مب ملزومه تقابلين الكل، ولا هم بعد ملزومين يقعدون مع أهلج لين زاروج

وإن جان على الطبخ عادي دخلي المطبخ وسوي لزوجك اللي تبينه وحق العائلة بعد

ترى مشكلتج فيج إنتي لأنج حاسبه نفسج غريبه

اختي مرموم ... كلامك صح مية بالمية ... لكن المشكلة انو فات الاوان لوضع الحدود ... اصلاً اخوات زوجي متزوجات وساكنين برا البيت ووالدة زوجي من انا جيت قالتلي انو ربنا عوضها فيني وانا معتبراني مثل بنتها .... وانها راح تتشجع تروح المناسبات بعد كدا لانو انا حارافقها ... تفتكري بعد كل هذا الكلام اقدر اقول لأ ؟؟؟؟


اختي قطاف ... يمكن فعلاً المشكلة فيني ... ترا زوجي دايم يقولي لسه حاسة نفسك غريبة في بيتك ... امكن لاننا اتربيت في بيت كلو بنات ... (اخواتي الله يخليهم ) عشان كده احس بالخجل من اخوانه ومن اهل البيت ... ترا حتى لو كنت احس بالجوع ... ما قدر امشي على المطبخ اخد حاجة اكلها .... امكن معقداها شوى ... والله احترت وما دري الحل؟؟؟ وبالنسبة للطبخ ...اخاف اطبخ لجماهير ... مايعجبهم .. خاصة اني في الطبخ مش اوي .... امي الله يخليها كانت قايمة بكل هذه المهام ... اذا على زوجي بس .. بخاطر ... وبتعلم ... بس اهلو كلهم صعبة شوى ؟؟؟

أختي مشكلتج بالضبط نفس مشكلتي وتحمست اني ارد عليج انا اعاني نفس معاناتج تدخل الأم في بعض الأمور وكل تحركاتج محسوبة وكل كلامج لازم يكون واطي وما يسمعون ودج احيانا تسوين حركة لزوجج لازم الكل بيعرف كل احتفال بتقومين به انتي وزوجك لازم الكل بيسمع ويحس انا الحين صار لي خمس سنوات عايشه معاهم وللحين اعاني واكاني متصبره والمشكلة ان مو ما نقدرنطلع شقة ان ما عندنا فلو س المشكلة انه مو قادر يفارق امه وقالها لي مع انه عنده اخوان بس زوجي اهو البكر وطبعا الأم جدا متعلقه فيه وهذاني صابره كل الصبر والله يفرجها

الله يصبرج إختي بخبرج عن حالتي أنا معرسة من ست سنوات عشت مع أهله ثلاث سنوات واتحملت كل صغيرة وكبيرة عشان ريلي مع إني كنت مو وايد وياهم بس حاولت إني أتكيف معاهم غيرت أكلي ولبسي وساعات رقادي وطريقة تعاملي وكل حياتي تقريبا عقبها الحمدلله طلعنا بروحنا في بيت أجار يعني عقب ثلاث سنوات بس صدقيني لما طلعت حسيت إني عروس من أول ويديد صرت ألبس وأكشخ وأطبخ له بروحي نطلع على كيفنا صج وناسة الوحدة بروحها...........

الغالية 22 ... مشكورة حبيبتي على الرد ... هذا نفس اللى انا عايشاه والله ... واخر الصبر فرج ...

ام رواض ... انا من الاول كنت اعرف اني رايحة اسكن مع اهله ... وكنت متخيلة اني ممكن عادي اعمل اللى بدي اياه بدون ما اتقيد بأحد ...لكن اكتشفت اني لازم اجاري التيار لانو صعب اسبح ضدو ... المشكلة اني اخاف سنين العمر تمر ولما نطلع في بيت بروحنا تكون خلاص راحت علي !!!! وايام الشباب الحلوة اللي فيها ممكن البس واكشخ واكون فيها عروس من اول ويديد خلاص تكون انتهت ... متفقين معي انو كل مالعمر يمشي بتروح معه اشياء كتيرة وما بترجع تاني ... ادعولي ربنا يريحني ويهني بالي ... ويقسم لي الخير .....

احمدي ربج واشكرية ولا تخلين الدلال يفسد حياتج

اهم شي انج مرتاحه .. ليش تعتبرين نفسج انسانه ثانيه

امه مثل امج واعتبري نفسج مثل بنتها


وبالليل البسي اللي تلبسينه وسوي اللي تبينه معاه وفي النهار سايريهم


ليش تكبرين الموضوع!!

اختي حاسه فيج عايشه مشكلتج

بس تصبري بعد الصبر الفرج

يعني انا كل شي عشاااااان عيونه يهوووووون

وامه انا معتبرتها مثل امي مع انها يعني تتكلم وتقول ماتطبخين ماتسوين شي

بس انا مو متعوده اسوي شي يعني الحمدالله مستورة الين ماربي يفرجهاا

حبيتي كوني عون له على البر بامه ولا تنسي ان هذي امه الي حملت فيه وربته وتعبت فيه واجعلي مكانك مكان امه ايش تبغي ولدك يسويلك ، والله انا حسيت في الام من جد لما ولدت ووعدت نفسي اني اكون عون لزوجي على بر امه ، وكوني واثقه انه راح يقدر لك موقفك معه وراح يزداد حبه لك ، وممكن تغيروا جو تاخذوا شقه مفروشه ليومين تعيشي فيها حياتك الي تبغيها، هذا الي كدرت اكتبه والبنات ماقصروا وولدي رجني يبكي