كريم بديل لكريم الاساس ومايضر البشرة خلونا نتساعد

أحب أقول شي خواتي إذا تسمحون لي :) ,

الكل يعتقد إن استخدام الكريم الأساس يومياً يخرب ويدمر البشرة وهذا اعتقاد خااااطئ , وأنا أقولكم ليش خااااطئ ,

لأن معظم الكريمات الأساس وخصوصاً الماركات العالمية , كريم أساس وبنفس الوقت علاج ,

بالإضافة إلى تغطيته , يعمل على ترطيب وحماية البشرة بالإضافة إلى بعض الكريمات فيها خاصية الشد ومقاومة التجاعيد ,

يعني بالعكس ألحين الكريمات ما تعدم البشرة مثل ما إنتم تتصورون , لا ,

تعالج البشرة وتحميها وترطبها ,

والدليل شوفوا كريمات أساس لابريري وجيرلان وكلينك وفور إيفر وشيسيدو وكانيبو ,,, إلخ ,

أتمنى إني أفدتكم :) ,

انا اشتريت من المعرض كريممممممم روووووووعه طبيعي اهوو بس اهي ياايه من دبي كانت اشتريت منها اثنين وخلصت واحد وباقي واحد بس روووووووووووعه وعلى فكره انا عمري ما ستخدمت كريم اساس كنت احط تحت البودره كريم مينااااااااااااااا او كريم فلبينيات وبعدين احط بوودره اكره كريم الاساس يصفر البشره ومش حلوو

كويس انك احييتي الموضوع بعد ما اندثر ونسيناه مع انه مهم وضروري للمتزوجات خاصة وللموظفات بعد والطالبات بالجامعة اللي يحتاجون يحطون اشياء تعطي نضارة وبنفس الوقت مفيدة او على الاقل مايكون منها ضرر

ايه نبي بدديل :(
بس لوسمحتوو بنات اللى تعرف عن خلطة الجوونسن تكتبهاا

كلنا في الهوا سوا .. انا توني امداومه واول ايام كنت احط كريم اساس وبوده حره ,, بس الحين بعد ما حسيت ان بشرتي راح تنعدم بس قمت احط واقي الشمس وفوقها اشويه بودره حره وكحل اسود وقلوس .

اللحين انتو ماتستخدمون الاساس عشان يضر..؟؟ وتستخدمون اشياء تضر اكثر.. اول شي كريم اولا في موايد لتبيض وهالماركات لرخيصه اكيد لها مضار على البشره .. و بودرة جونسون احس قويه على الويه..

يعني لازم كل يوم نحط مكياج

عن نفسي بس في المناسبااااااااااااااااااااااااااااااااات

اذا الوحده متزوجه مب لازم كل يوم تحط بودره ولا كريم اساس خلها على طبيعتها احس بوايد ولا تحط بودره حره خفيفه واذا امسحت المكياج عن وجهها تغذي البشره على طول تعتني فيها
عن نفسي احط كريم مرطب قبل لاحط البودره وماحط المكياج الا للمناسبات
لان بشرتي جداً حساسه
واذا بتعدل لزوجي يوم احط مكياج ويوم ماحط واذا بحط احط بودرة حره خفيفه تخلي البشره ناعمه ونضره وحلوه

السلام عليكم ورحمة الله وبركاته

بصراحة مستحيل أحط كريم أساس و بودرة كل يوم...أو و أنا رايحة العمل...

بس أستعمل واقي للشمس...و خلاص...

في المناسبات السعيدة جدا...أحط كريم أساس و بودرة...

و في البيت كريم مرطب...و لو حبيت أتزين أحط عليه بودرة...

كلام العنود و مجد و حبرو ورق صح...

مب لازم الفوندايشن يوميا.. أهم شي التنظيف مرتين بغسول عميق.. التقشير و التغذية بماسك طبيعي أو ماركة اسبوعيا..

الاكل المفيد و النوم ..

حطوا مرطب و كريم حماية و بودرة تكون ماركة مثل جيفنشي أو غرلاين أو لايبريري و كانيبو ..

لأن الماركة الرخيصة ما يهتموا بالمقاييس الصحية...

و في ماركات غرضها مثل ما قالت مجد مو بس التجميل حتى العلاج..

لأن الضرر اللي يجي من الطلعة بدون شي كبير لأن البشرة تتعرض للحروق و أشعة مضرة و تلوث و غبار

وبالتالي للبقع و الحبوب و الرؤوس السودة و حتى تشيخ أسرع...

انتبهوا يا بنات ... مو كل شي تسمعون فيه من خلطات تروحون تجربونه خاصة خلط الكريمات

افهم من كلامكم ان الفاونديشن مضر بالبشرة اكثر من البودرة انا كنت فاهمة العكس ياليت توضحون
طيب البودرة المضغوطة والا الحرة احسن للاستخدام المتكرر

السلام عليكم


انا تقريبا صارلي شهر يمكن استخدم اولاي العادي ( كريم النهار )

ممتاز ...


بس في مواضيع قريتها سابقا في وحدة تقول ان يسمر ؟؟؟؟ هل احد عنده فكرة
هل فعلا يسمر البشرة اولاي ؟؟؟؟؟؟ ولو سلبيات على المدى البعيد...؟



وبعدين خواتي في احد عرف كريم مرطب ممتاز ليس لو جوانب سلبية ؟

أنا استخدم أولاي بخلاصة ورق التوت البري..والحمدلله ناسبني..وخصوصا إنه مرطب..ويعطي نضارة للبشرة..أحسن من البودرة وكريم الأساس اللي تعدم الويه..

مشكووووره حبيبتي عالموضوع

وايد بنات أعرفهم يمدحونه
وفكرت أجربه
بس ألحين ترددت ودي في كريم للاستعمال اليومي

بقولكم عن كريم يمكن يعجبكم اهو كريم نهار مع حمايه بسيطه ويبيض من شيسيدو
ملمسه ناعم و حلوو على البشره
جربوه احسن من الاشياء اللي تحطونها و اسمها ماركه طبيبه بعد

الحمدالله يارب انا ماحط هالسوالف في البيت مع ريلي عادي يعني ...والانسان يكون على طبيعته احلا واحسن وخصووصا ريلي يحب الطبيعيه اكثر من المصطنع ..

انا بس بغيت اقووول حق البنات اللي خايفات من بودرة جونسن للاطفال انها تكون قويه على البشره وتخاف منها .....

ترا في اخصائية بشره نصحتني استخدمها لان مع الوقت تخفف آثار الحبوب .. ولي فتره وانا استخدمها والكل يقولي ابيضيتي .. على فكره قالتلي بعد هالاخصائيه ان في حريم اينها عندهن سواد الارداف وتنصحهن ببودرة جونسن ....


بعدين هالبودره للاطفال ماضني بتكون ضاره او قويه ....



بالنسبة لكريم اولاي .. ترا معظم نجمات هوليوود يستخدمن منتجات اولاي خاصه المنظفات .. في برنامج ايي فشوتايم يتكلم عن اسرار نجمات هوليوود ومنه عرفت هالشي .. حتى في وحدة اضني اسمها ستار اللي فبرنامج the view قالت بانها تنظف ويهها بعد المكياج بمناديل الاطفال تخيلووووااااااا .. والله اشياء ما تتصورونها مب شرط المنتج يكون غالي عشان يكون زين في اشياء رخييصه احسن بوايد .....




وعن نفسي مااحط كريم اساس الا فالحفلات والمناسبات .. اما يوم اداوم الجامعه احط كريم واقي من الشمس يكون معاه مرطب ومرطب شفايف واذا بغيت اكشخ شوي احط بودره واتكحل بسسسس ..

للرفع

في برنامج في قناة one (دبي) اسمه glow
جابت كيف تكوني باجمل حلة من غير ماتعبي بشرتك بالمكياج و خاصة للموظفات و الي يحطون مكياج كل يوم
قالت ان تستبدلي كريم الاساس بكريم له لون (مرطب للبشرة) دورت على مرطب بهذي المواصفات مالقيت
لكني استخدمت مرطب اولاي للنهار بعد ماتوزعينه على الوجه تتركينه اشوي بعدها تحطي مكياج نهاري (تحتها خطين) بدورة خدود خفيفه و اي شدو خفيف و كحله داخل العين و مسكره و جلوس

انا بالنسبة لي حلو و مريح

اذا بتستخدمون اشياء رخيصة وغير مضمونة

انا افضل ان تظلون على طبيعتكم من غير مكياج اريح واضمن

لكن للأمانه

اذا تم استخدام كريمات الأساس بعناية ونظام بالعكس راح تتحسن بشرتكم وتنشد

بس اهم شي المعرفة التامة بطريقة وضع الماكياج

لأنه لما نحط كريم اساس صح نحمي بشرتنا من كل العوارض

ولما نستخدم الكريم الأساس بشكل عشوائي وخاطي اكيييييييد الضرر