زميلتي والانحراف نحو الهاويه

هلا اختي

حلو يوم الواحد يخاف على شخص يعزه بس طبعا كل انسان له خصوصيات و هي حره صراحه دام هي ما خبرتج انها تعرف واحد يعني هي محتفظه بهالشخص كسر من اسرارها الشخصيه و تبغين الصدق كل انسان حر في حياته يمكن مثل ما قالوا الخوات تحبه بينهم مشروع بس اهم شي ما يتعدى الحدود اللي انا اشوفه خبيرها قول لي لها من اللي تكلمينه بطريقه حلوه وقولي لها لو ما الخوف عليج ما سويت اللي سويته
والله يوفق الجميع يا رب لما يحب و يرضى

اسمحي لي

انتي مش وصية على الناس

ولا لك حق بتاتا ان تحشري نفسك في امور تخص غيرك

الآن في التربية الحديثة اذا الأم شكت بسوء تصرفات بنتها حشاشة قلبها من الخطأ ان تفتش في اغراضها الشخصية لأنه راح تعالج خطأ بخطأ اكبر منه

انتي مجرد زميلة لا اكثر وتصرفك خطأ كبير

واعتقد الأسلام نهانه عن التصنت على الغير والتفتيش في اشيائهم وبعدين كيف قررتي انها سقطت او سوف تسقط إلى الهاوية

دعوا الخلق للخالق ويكفي خلط الأمور

وكل من ذنبة على جنبة

استغفري ربك كثيرا وان بعض الضن إثم

:eek2::eek2::think::think::think::dd::dd::dd::dd::dd::dd:

اسمحي لي اختي على الكلام بس قهرتيني
لو انا مكانها عادي اكفخج

أحس انكم سويتوا هجوووم على البنت عالفاضي ...حشا الواحد ما يعرض مشكلته...انزين كلنا انعرف الي سوته غلط 100% محد قال الشي وكلنا ضدها في ها شي بس الله يهديكم حطمتوااا الانسانه طالبه النصيحه منكم ...
انتوا شووو عرفكم الي كاتبه الموضوع شووو قصدها بظبط او كيف اتصرفت عسب تاخذ الرقم بس فعلا في ناس غافله ومحتاجة لحد ينبها بغض النظر اذا كانت البنت اتكلم واحد غريب ولا قريب بس الي كاتبه الموضع نيتها صافيه وتريد تصلح ربيعتها ...
يعني معقوله ولا وحده فيكن ترمس من ورا ربيعتها بالمرررررررررررررررررررررررره لازم اي يوم نرمس واحنا مب عارفين شو قلنا مجرد خلاف بسيط نتصل بحد غير ونشكي يعني هذا ما يعتبر اني انا رمست من ورا حد؟

والسموحه لو تغلقون الموضوع وتخلون البنت اتحل مشكلتها روحها وايد احسن بما انها هي فالمره الاولى اصلحت وحده من ربعها

قفلو الموضوع
واشكرك اختي عروس الموج على تفهمك للموضوع لان البنات عن جد مو حاسين بصعوبة الموضوع وخطورته يمكن اختلاف المجتمعات ادى لأختلاف وجهات النظر

مؤمنة وتعرف ربها بس هذا مايمنع أنها تحب والحب مو حرام عزيزتي ولاتسيئي الظن فيها ... واللي سويته أكبر غلط...

اعتقد الليي سويتيه غلط

عن نفسي انا جوالي مليان اسماء رجال مش معانه اني مثلا لي علاقه معهم

وعلاقه مشبوهه الحياه الان ومتطلبات العمل تحتم على الشخص الاتصال بكذا شخص من خلال الحياة العمملية وحتى الاجتماعية

مثلا جوالي يحتوي على ارقام مشايخ
اصححاب محلات اتعامل معهم اتصل بهم للاستفسار عن بضاعه معينه
مندوبين شركات .... ارقام خوالي عماني

واوزاج خالاتي لانه قرايبنا وساعات زوجاتهم يتصولن من تيلفوناتهم وعلى هالاساس اخزنهم علشان اعرف انا على مين بارد اذا رن التيلفون بس اسمحي لي انتي مجرد صديقه لا غير وماللج حق

لو كانت اختج وعافه اللي وراج وجدامج ممكن تسأل والله من كنتي تكلمين وبعد فيها ملاقه
لكن صديقتها ما تدرين هي مع من عايشه والا مع من تتعامل


انتي غلطانه

انا مع الاخت موج

و اقول الي سوته اختي ماجي غلط 100% هذا يدل انها تحب الخير لناس ولاكن ما عرفت انه دخول في خصوصيات الناس مش حلوه

كنت اتمني اختي ماجي من شكيتي بزميلتج وعسب يروح عنج الشك كنتي تسألينها فنفس الوقت

لكي مني نصيحه يا اختي العزيزه
لكي تعيشي في هذا الحياه ابعدي الشك من قلبك

أنا مابا الومج لانج فتشتي تلفون ربيعتج يمكن لأنك تهتمين لأمرها ةتخافين عليها .. تدرين شو تسوين احكيلها قصص عن التلفون وكيف يسوي .. وشو ذنب البنات اللي يكلمون رياييل وشو تكون نهايتهم .. خليج معاها ولا تخلينها .. والله يوفقك

magic:
قفلو الموضوع
واشكرك اختي عروس الموج على تفهمك للموضوع لان البنات عن جد مو حاسين بصعوبة الموضوع وخطورته يمكن اختلاف المجتمعات ادى لأختلاف وجهات النظر

السلام عليكم ورحمة الله وبركاته

هلا بيكي أختي...

أختي إحنا ما أنكرنا عليكي حبك لصديقتك و رغبتك في إنقاذها ( إن كانت تحتاج الإنقاذ )...

لكن أنكرنا عليكي الطريقة نفسها...!

يعني الواحد ما يعالج الغلط بغلط !

و لو الحين نصحتيها...و عرفت إنك فتشتي من وراها...ما راح تسامحك...و يمكن ما ترضى تصير صديقتك...

و لو حطيتي نفسك مكانها...راح تعرفي كيف صعبة الواحدة تتقبل واحدة معاها بالشغل تفتش من وراها في أغراضها الشخصية...

عموما...سأغلق الموضوع بناء على طلبك...

بالتوفيق إن شاء الله...