ساعدوني ابغي أحفظ ولدي جدول الضرب

وين أفكاركم يا أخواتي هذي أول مشاركه لي ولين احتجت لكم محد عطاني ويه :sad:

حبيبتي ولاتزعلين :)

شوفي معاي هالطريقة ان شاءالله تنفع مع ولدج .. انا كنت اعلم نفسي هالطريقة والحمدلله حفظته ولحد الحين حافظته بسهوله

يعتمد على عمر طفلك بعد ..

مثلا قوليله جدول الضرب في 1

اي شي نضربه في 1 يطلع الجواب نفسه ..

جدول ضرب في 2

الناتج النهائي يكون عدد زوجي دايما ، او ان احنا نطوف عدد من ناتج كل عملية ضرب

يعني 2*2 = 4

2*3 = ( نزيد رقمين على الجواب اللي قبل ) = 6

2*4 = ( نزيد 2 ) = 8

وبهالطريقة



جدول رقم 5 مثلا

الناتج دايما بيكون بدايته 5 او صفر



وسويله مثل جدول وكتبي فيه اسمه وصفه والوقت

حطي له كل يوم جدول ضرب في عدد معين ..

وحسبيله الوقت يعني شكثر خلص لين جاوب على الجدول .. لان عادة الاطفال يفرحون اذا انجزوا المهمه في وقت قياسي

يعني مثلا قوليله لازم تحل الجدول خلال 10 دقائق وتحله صح .. الولد راح يحاول يحله باقصى سرعه

واليوم اللي بعده بيحاول تقليص المده

وكل يوم نفس الطريقة وان شاءالله راح يحفظه على طول في البداية لازم يحاول يعد ويحسب على ايده بس اذا حس ان الوقت

اللي حطيتيه خلص وهو قاعد يحسب راح يعتمد طريقة الحفظ


اتمنى لو اكون ساعدتج بشي بسيط وبالتوفيق ان شاءالله

فيه عندي طريقه خليت اختي تحفظ فيها
انها تكتب الجدول على ورقه، كله ورا بعض يعني:
1×1=1
1×2=2
و تمشي على كذا، واذا وقفت و جلست تفكر ، لا تفكر، تنزل على الي بعدها على طول لانه دليل انها ما حفظت هذه يعني:

2×1=2
2×2=2
2×3=؟؟
تنزل على طول على الي بعدها ، يعني ما تعطيه فرصه يفكر، لازم على طول يكتب
2×4= 8

ان شاء الله تفيد معك ، لانها فادت مع اختي :up:

ممكن اختي تستخدمين شريط الاناشيد حق جدول الضرب

أنا معاكم بالطريقه ... لكن المشكله بالمدرسه ما يسمعولهم بالترتيب .............

وخاصه بالامتحان تجيهم مسائل مختلفه ,وخاصه لما تكون مسائل حياتيه ..... يا عيني عليهم جهالنا بالكويت

كأنهم يبي يخترعون الذره .... صعوبه وتعقيد .. الله يعينهم ...



شوفي طريقتي يمكن تفيدج ...................... نسختها يومين كل جدول 3 مرات .. وبعدها قعدت أسمعلها بالترتيب

وبعدين قمت أخربطلها الجدول يعني 2 * 3 = كم ........ 8 * 6 = كم ......... 5 * 4 = كم ......

لحد ما أحصيت أكثر المسائل الغلط عندها .......... وسويتها مربعات بالورق وتلقينها جاهزه بالمكتبات .

ولزقتها بالصاله وبغرفتها ( لاني بشقه والاماكن عندي محدوده ) كتبت المسأله مع الحل ...مثال...6 * 5 =30

وصارت كل ما تلف رقبتها تلقى المسأله ..... وراجعلها على المعلق بالطوفه .. وتدريجي بنتي صارت ممتازه

بالجدول ... بس هاه لا تنسين الجدول يبي مراجعه يوميه لحد ما يرسخ بالمخ .... بعدين راجعي مره بالاسبوع


وبالتوفيــــــــــــــــــــــــــــــــــــــــق

مشكورين وما قصرتوا بحاول معاه بكل هالطرق لأن طريقتي معاه إني كنت أكتبه الجدول يعني انسخه مع ان هالطريقه مشت مع وايد اطفال وولدي في الثاني ومن النوع إلي يتملل بسرعه لكن ألحين انشاء الله بغير الطريقه وبخربط له المسائل وباكتب له لوحات في كل البيت وانشاء الله تفيد معاه وادعوله بكره عنده تطبيق في جدول 2-3-5-10 وهو يكتبهم بس لازم بالترتيب لأن لين مايعرف الإجابه يعد أصابعه ويعصب اذا أخربط له الجداول وبحاول أكافئه كل ماكتب صح ،عاد انا قلت له حق بكره لين ماعرفت رص الجدول كله عالجنب ومدرسته مالة التقويه قالت لي نفس الكلام
الله يوفقه انشاء الله

ماشالله البنات ماقصروا

عزيزتي اتبعي هالرابط ونزلي برنامج جدول الضرب

http://go.3roos.com/8EDVlgVAFsL

بعدها بيقولج كي تعمل البرامج بشكل صحيح يجب تحميل ملفات المشروع
لكي تعمل برامج المشروع بشكل صحيح يجب تحميل ملفات المشروع من هنا و تثبيتها على جهازك اولا

بعد التثبيت

انزلي تحت وبتشوفين الرابمج مع وصلة التحميل جودل الضرب وبعد ما تحملينهم اتبعي الخطوات اللي تحت مكتوب لج اشلون اتبتين البرنامج

مكوت لج خطوات تشغيل برنامج المشروع وانا اللحين الحمدلله استخدم البرنامج لعيالي وان شاء الله تستفيدين منه

تقبلي خالص تحياتي

مشرفتنا النوري ما قصرت وعطتج طريقة ان شاء الله تكون فعالة ومفيدة لج