زيوت كلمة روعة شوية عليها

وردة التوليب اللي خذيتيه من شركة j&j ولا من شركة k.p.n mark

اللي اخذته من شركة J&J وفيه نوعين مثل ماقلت لج نوع لتطويل الشعر ونوع لتكثيف الشعر
وحتى عليها نفس الصوره اللي انتي حاطتها بس مغيرين الزجاجه اللي عندج شفافه بس اللي انا اخذتها بلاستيك ابيض مب شفاف وحجمها اصغر الظاهر توهم مغيرين العلبه ..وانا الحين حاطته بشعري ..بس عييييييييييبه ان ريحته كرررررررررريهه :ss:
بس مثل مايقولون اللي يبي الدح لا يقول اح :dd:

يزاج الله خير


وردة التوليب

خبرينا عن النتايج

وبالنسبه للريحه
يعني قويه حيل مثل دابر املا ولا ؟؟

أهلين دلوعتها .. والله عاد هذي اول مره احطه في شعري
يعني على الاقل شهر عشان اشوف النتايج الزينه ..

أما بالنسبه للريحه ..والله شكله أزيد من دابر املا :pain:

حتى عيالي يوم شموا الريحه لاعت جبدهم واشردوووا :dd:هههههههههههههههههههه

مشكوره اختي والله يعطيج العافيه

هو ريحته شوي قوية , بس أن شاء الله تبان وياج النتيجة في اقل من شهر ، انا من ثاني استخدام وحسيت فرق في شعري ، استوى ناعم وفيه لمعة ، يعني مب حرير بس مب منفوش مثل قبل . والتساقط خف والحمدلله عن قبل بوايد.

akak انتي كم ساعه اتحطينه على شعرج وشفتي فايدته ؟؟

انا بصراحه من اول مره شفت اللمعه والنعومه ..
بس انا اهم شي عندي يكثف شعري ويطوله واتوقع على الاقل شهر يبين
.. وبنتظر النتيجه وبقولكم إن شالله ..:smile:

التساقط خف وياي من البداية ، الحمدلله

شوفي يوم الخميس احطيه بالليل واغسله بالجمعة ،بس أزود من الزيت ، بس انت إذا متزوجة الله يعينج صعبة تحطيه من الليل الين الصبح. أذكر أول ما اشتريته قريت النشرة الموجودة وياه مكتوب في النشرة يستخدم من الليل إلى الصبح ، بس أنت حاولي على اكبر مدة تقدرين تحطيه في شعرج.
شوفي ترى الحمدلله اشوف شعر صغير طالعلي بس صارلي ثلاث شهور وانا اخلط زيوت على شعري ، بس هذا الزيت حسيته غير ، يعني قبل كنت احس شعري وايد منفوش ووايد يتساقط ،

مشكورة يااختي طيب ريحته تروح بعد السبوح والا لا والله يعطيك على قد نيتك ويفرج لك همومك ويحقق لك ماتتمنينه

اُنس الوجود

أنس الوجود العفو حبيبتي.
شوفي بعد ما اغسل شعري ، ابخره مباشرة وهو مبلول شوي دايما هذي طريقتي عشان تكون ريحة البخور في شعري وتم الين ما أغسله مرة ثانية ( سر من اسراري اقوله لكم ) .
اول مرة حطيته طفت بعد ما بخرت شعري تشمون ريحة " الكل قالي لا وباليوم الثاني مريت على الأهل بعد وسألتهم إذا تشمون ريحة قالولي بس ريحة بخور فتطمنت بعدها .
وبعد إذا تحطين مسك من عبد الصمد القرشي المكعبات وتذوبينه في ماء وترشين شويه منه على شعرج من تحت بعد الغسيل تكون الريحة روعة ، وتخفي أي ريحة موجودة ، فإن شاء الله تستفيدون من طريقة التعطير بعد.

ر\تسلمبييييييييييييييييييييييين

مشكووورة حبوبة.........

اي والله صعب احطه في الليل وانام فيه ..
بس انا احطه الظهر واغسله العصر يعني بس 3 ساعات ..

شوفي ترى الحمدلله اشوف شعر صغير طالعلي

هذي هي النتيجه اللي ابي اوصل لهاااااااااا ..تشوفيني كل ماحطيت الزيت
وغسلته اقعد ادور الشعر الصغير هههههههههههههه وللحين ماشفته ..
بس ان شالله عندي احساس انه بيطلع قريب ::up:

تسلم الايادي غاليتي انا خاليا استعمل خلطه من وحده من المنتدى و وااااايد عاجبني بس يوم بتخلص الكميه اللي عندي بجرب الزيوت اللي قلتي عنها

وردة التوليب:
اي والله صعب احطه في الليل وانام فيه ..
بس انا احطه الظهر واغسله العصر يعني بس 3 ساعات ..



هذي هي النتيجه اللي ابي اوصل لهاااااااااا ..تشوفيني كل ماحطيت الزيت
وغسلته اقعد ادور الشعر الصغير هههههههههههههه وللحين ماشفته ..
بس ان شالله عندي احساس انه بيطلع قريب ::up:

بس شوفي الشعر الصغير ما ادري من الزيت هذا ولا من الزيوت اللي كنت استخدمها من قبل، لأني صارلي كم شهر وإنا ازيت شعري ، ما خليت زيت ما جربته بس كنت كلها اخلطها في البيت ومعظم الخلطات اجيبها من المنتديات .

بس هو اهم شيء عندي إن التساقط خف من شعري بعد ما استخدمت هذا الزيت ، فحتى مع الزيوت اللي كنت استخدمها من قبل كان يتساقط شعري وايد خصوصا كنت صابغة شعري والصبغ مشكلة التساقط عندي , بس إن التساقط خف ترى يبشر بالخير إن شاء الله .

اdeeeeeeeeeeb صندوق الرسائل مليان عندج .
شوفي الزيت شاريتنه من السوق القديم عند سوق البحر جهة العطارين ، مجموعة عطارين عدال بعض . شوفي إذا حد من أهلج من الشارقة خليه يجيبه لج .

بس اتوقع في المحلات الهندية بتحصلينه ، لأن العطار قالي في إقبال وايد عليه من الهنود .
ووردة التوليب من قطر حصلته في اللولو يمكن تحصلينه فيه .
مع تحياتي.
وسمحيلي كان ودي اخدمج اكثر بس انا من الشارقة.