مشكلة بسيطة لو لا وجود الخجل :)

السلام عليكم

حياج الله اختي ..

و إن شاء الله تلاقين حل للمشكلة

____________

أختي حاولي تكلمين أمج أو أبوج بخصوص هالموضوع

حاولي تخلينهم يقنعونه بضرورة التعرف على بعض قبل الارتباط ..

أو انتي حاولي تاخذين من عنده إيميله اذا كان عنده .. و اتفقوا مع بعض

على أساس انكم تقعدون بوقت محدد و تسولفون مع بعض

و الله ولي التوفيق

اختج

a witch

مدام انه خجول وانتي خجوله شلون بتتكلمون ؟؟؟
لكن ما عليه مايصير أنتي تبتدين خليكي ثقيله حتى اذا قالك
بكلمك !!
أرفضي الاول " أدري مابتقدرين لكن حاولي لانه اكيد بيقول مره ثانيه"
وحاولي تكثرين مكالماتك لاخته " اذا كانت قريبه منك بالسن"
بشرط هو يكون قريب منها....
بحجة تسألين عن أحوالها وأحواله هو بعد " وأهم شي تكوني بريئه "



وانشاء الله يهديه ربي ويصلحه حتى يكلم> حبيبته <


تحياتي
".... رغــــوده ....

اختي اويج المشكلة اني استحي من امي وابوي استحي افتح هالسالفة لهم ..
اختي رغد اخته قريبة مني في العمر بس استحي اسالها عنه اكلمها بعض الاحيان مو على طول والمشكلة اني افكر ادرس بره وانة ابي اساله اذا يوافق ولا لا عشان ما ابني امل على شي مقطوع بس لو بقول لهم جذي اول شي بستحي وثاني شي يمكن يقولون لي كل شي بوقته حلو لان باقي علي سنتين وهو بعد باقي عليه سنتين عن التخرج من الجامعة
مشكووووووورين على الرد ,, بارك الله فيكم :)

مايجوز تكلمينه وانتي ماملكتي

وماله داعي خليه اذا ملك عليك ذيك الساعه هو يكلمك مهما كان لاتبدين انتي

خلك ثقل

الثقل صنعه

وموفقه

موفقة

اكيد انة ما راح ابدي لو شنو يصير بس انة الحين ما عرف عنه الا اشياء بسيطة ومثل ما تدرون الزواج شي مو سهل فما ابي اخذه وبعدين انصدم بشخصيته يعني نتفاهم على اشياء من الحين احسن من بعدين
تسلمووون على الرد

اختي لو تستحين من امج وابوج

كلمي اختج او اخوك يوصل المعلومة له

او كلمي اخت ريلج

ان شاء الله تتعرفون على بعض اكثر واكثر

تصـدقين نفس حالتي .. محجوزة حـق واحد ما أعرف عنه شي!!
وأنا صج خجوولة ..لكنـي بديت وسالته سؤال مهم .. عن طريق ايميله .. وبصراحة ما تندمت إني بديت وسالته لأني إنصدمت من الاجابة .. >> بس لا تسأليني شنو السؤال خخخ ..
وخلاص سألته اللي ابيه وما قمت أكلمه ..
وأنا أشوف من حقج تسألينه هالسؤال إنج تبين تدرسين بره .. وما فيها شي .. من حقــج ..
بس لا تسولفين معاه كثير ..

بس ممكن توجهين السؤال عن طريق أخته .. يعني مو بشكل مباشر ..وهي تقولج الإجابة ..
وصـج والله الزواج مو شي سهـل .. يعني هذا شخص بترتبط حياتج كلها معاه ..!


>> مسامحة خذيت عضويةأختي .. وأعتذر من أختي بعد خخخ..

دام انكم مب مالجين حرام تتكلمون :)

بعده يعتبر اجنبي بالنسبه لج وحرام ..

ادري بتقولين العادات والتقاليد ومع احترام لها العادات شكلها هيه الي بتودينا النار بسبب استغلالنا الخاطئ لها :)

الله يوفقج

أنا مع الخوات الغاليات
اسيرة قلبه
و
3yoOon_AD

ما اتوقع في داعي للكلام بينكم دام الموضوع ما اثير من فتره

يعني انتظري على بال ما يفتجون الموضوع مثلا و يقولون متى يبون يحددون كتب الكتاب بعدين تقدرين تتكلمين و تقولين لهم اصلا انا مااعرف عنه شي و هو ما يعرف عني شي و لازم يصير بينا كلام علشان نتاكد انه ما زال رايدني

بس الحين اتوقعها مو حلوه منج لو قلتي ابي اكلمه

الله يوفقج

دزي له مسجات عادية على تلفونه مثل دعاء له بالتوفيق أو سلام عادي و خلي نهايتها بحيث انه يرد عليج مثل صباح الخير او شلونك اليوم

لا تشغلي بالك فيه وعيشي حياتك مدام لسى باقي سنتين لانه التفكير يتعبك حتى بعد الزواج راح تلومينه كثير عشان ماكان يكلمك ومن هذا الكلام

اختي العزيزه البنات ماشاء الله ماقصرو بالرد واعطاء النصيحه جزاهم الله الف خير.
اختي العزيزه بما انكم غير مالكين او متزوجين فهذا يشجعج اكثر انتي خايفه من رفضه لتكملة دراستك مو مشكله تكلمي مع اخته بشكل مباشر ومن غير خجل لانج تتكلمين عن شي يخصج ومافي اي احرج يوم ترفعين السماعه وتكلمين اختها وتقوليلها احنا محجوزين لبعض وراح نصير يوم من الايام زوجين بس قبل هذا لزم اعرف شغلات عنا وهو بعد يعرف شغلات عني انا ابي اكمل دراستي بره هو موافق؟ واخذي رد اي او لا مو يصير خير لانه هذي الكلمه تعني انه لا مافي دراسه .

انا مع خواتي اسيرة قلبه و 3yoOon_AD

محجوزة حق واحد

عفوا اسمحيلي انتي انسانة لك كيانك وشخصيتك كيف يحجزوك لشخص ما بينكم او رابط ...كيف يعني... انا سمعت يحجزون سيارة في معرض لكن الشخص إلي راح يشتريها يروح يعاينها عدل....

وسالفة انك تبين طريقة تكلمية ....ابدا ما انصحك فيها دامك رضيتي انك تنحجزي لشخص اذن لازم تمشين على نفس المنوال زواج ودخلة بصمت

او انك تجلسي مع اهلك وبكل ثقة وصراحة تقولين لهم ...انا احترم وجهة نظركم وانا موافقة على هذا الشخص لكن ودي اعرف عنه بعض الأمور عشان تتضح الروئياعندي ....شوفي هلك ايش يردون عليك

لكن انك تكلمينة من وراهم غلط واكبر غلط لأنه الرجال راح ياخذ عنك فكرة مو في صالحك

«®°·.¸.•°°·.¸¸.•°°·.¸.•°®»هلا أختي ..
أنا أنصحج أنج تخلين كل شيء في وقته حلووو
يعني إلى الأن ما صار شيء مجرد كلام أنهم حاجزين فلان لفلانة والموضوع يباله سنتين لحد ما يصير
رسمي ... ولا تشغلين بالج من اللحين بالكلام معه ...
أذا صااار شيء رسمس ذيج الساعة تكلمي وفاتحي أخته بموضوع الدراسة ..
لأنه أحس مش حلوو في حقج أنج ترمسين وتقولين لأهلج أو لأي حد أنج تبين تكلمينه .. لأني اعتقد الرد بيكون
ما صااار شيء إلى الأن أنتي ليش مستعيلة ) بتسببن الأحرااج لنفسج ..
الله يوووفقج في دراستج «®°·.¸.•°°·.¸¸.•°°·.¸.•°®»

لالالالالالالالالالالالالالالالالالا
اللي تفكري فيه غلط ترى مو حلوه بحقك خليهم اذا يبونك هم يتعنون لك

لا السالفة انتوا مو فاهمينها حاجزيني يعني تقدموا رسمي بس ينطرون لين يكون نفسه ,, وتقدم لي كذا شخص غيره واهلي يروحون حق ام الصبي يقولون لها ان البنية تقدم لها واحد تبونها ولا نيسرها ويقولون انهم يبوني يعني الشي اكيد ان احنا بناخذ بعض ,, وانة ما بكلمه من ورى بيتنا اذا كلمته لازم بقول حقهم اني كلمته ,, وانة ما قلت حقهم اني موافقة يعني ما قلت رافضة ولا موافقة اخاف ارفض وبعدين اندم من جذي ما رديت بس البيت قالوا انهم موافقين وما راح احصل احسن منه ,, وانة ابي اكلمه عشان اعرف شخصيته واساله عن اشياء تخصني مو اكثر ,, وتراه يصير لنا من قريب امه بنت عم امي يعني في صلة قرابة ..
ومشكوووورين على الردود وبارك الله فيكم :)