ماهو الحل مع استاذات الجامعات الظالمات حسبي الله

شوفي أختي


انا ما بعطيج نصيحة إلا انج تحتسبي الأجر و التعب عند الله


و هذا الشي معروف في الجامعات ..... و لو تسألي كل البنات بتلاقي كل وحدة مر عليها هالنوع من الدكاترة .....


بس إذا كانت الدكتورة او الدكتور طيب ... حاولي تسأليهم بالحسنى شو سبب انهم نزلوج هالكثر


بس لا تشعلي تفكيرك كثير وواظبي على الاجتهاد و انا وحدة من البنات إللي انظلموا في أكثر من مادة في الجامعة

من جد كثير بنات يعانون من نفس هالمشكله والظلم اللي يشوفونه


انتي بس احتسبي الاجر عند الله وصدقيني ربي بياخذ لك حقك منها

اكتفي بقول حسبي الله واعملي كل اللي تقدرين عليه ووكلي امرك لله


كل الود وخالص الدعوات

ما أدري ليش أحس انه المرأة اذا مسكت منصب تكون ظالمة او شديدة على اللي تحتها ...... ما لاحظتوا؟؟
أذكر قبل فصلين سوت فيلم و لا اروع ببرنامج الثري دي ماكس ( برنامج خاص بالرسوم و الأفلام ثلاثية الأبعاد) طلعت الجرافيك فيه قريب إلى الحقيقة سميته قطرة ماء و الله تعبت عليه تعب و النتيجة
بكل قوة عين حطت لي C !!!!!!!!!!!!!!!

مع إني كنت ناوية أروح معهد و آخذ لي دورة أتعلم فيها التصميم الثلاثي الأبعاد على أصوله لكن هالدكتورة كرهتني فيه صرت ما أحب أشتغل عليه و من بعد ذاك الفصل ما فتحت البرنامج مولية
و الله إني صحت صياح سنة بساعة يوم طلعت النتايج لأني ما تعودت آخذ هالدرجة كل الدكاترة يعطوني علامات كاملة و بونس على مشاريعي و واحد منهم خلى واحد من مشاريع مرجع للطلبة في مكتبة الكلية و الفصل اللي وراه دخله من ضمن المقرر
زوجي يحاول يهدأني يقول إنها غيرانه مني
آااااااااااااااه قلبتي علي المواجع

مرحباا

عززيزتي بصراحة هو قهر بس ليه ترسبك الدكتورة معقول لهدرجة مضطهدك ؟ اتوقع أنه حصل خطأ في نقل الدرجات

لأن من حقك الطعن في صحة الدرجة روحي للعمييييييد وطالبي بفتح الأوراق وقولي لو طلعت أنا غلطانة أتحمل المسؤولية .. وخليك واثقة وألحي في الطلب حتى تشوفين ورقة الامتحان حقتك

وخبرينا بالتطورات

سلاام

اختي احنا مالنا غير ربنا

فعلا في دكاتره يستخدمون نظام النحنى واللي يستخدم نظام الابجديه


لكن نصيحه غيري الدكتور او حذفي الماده اذا حسيتي انه ظالم

عيل انا شو اقول عيني عينك تقولي انتي حراميه سارقه واير هههههههههه

في الذمه حد يسرق واير ؟؟؟ قلت لها توني نازله من الباص ما مداني السرق .. بفكر فيها المرة اليايه

و كانه الله ما خلق غيري في الكلاس عشان تهينه و تغلط عليه

من كثر ما كرهت الماده ما تفرق عندي شو عطتني سي ولا دي مع اني تعبت في البروجكت بس كرهتها وتمنيت موتها و الفكه منها و سارت السعوديه مبروك عليكم بنات السعوديه ههههههه تتهنوا بها هههههههههههههههههههههههه

هلا عزيزتي

الله بياخذ حقج ان شاء الله

بس نصيحه


في الكلاسات او المحاضرات خلييييييييييييييييييييييييييج مستمعه ومندمجه بالدرجه الاولي

ابتعدي عن الاحاااديث الجانبيه

بعد كل محاضره قولي شكرا او يعطيج العافيه دكتوره

مثلا وزعي حلويات بسيطه مش يوميا بس مره فالاسبوع واتركي حلاوه على مكتب المحاضره او الدكتوووره ووزعي على باقي البنات اللي تعرفينهم واللي ماتعرفينهم

خليج اجتماعيه وخذي واعطي فالكلام ودايما خلي كلامج ايجابي

اسالي المحاضره دايما عن ايضاحات او راي المحاضره بموضوع متعلق بالدرس

وصدقيني بتكونين كسبتي المحاضره وبيكون هالشي في صالحج

لا تتاثرين بكلام وتعليقات البنات على المحاضره او الدكتوره ترا في الاخير كلن يدور مصلحته .. ولا تضهرين كره او زعل من صوبج لاي من المحاضرات .... ولوو حتى سمعتي كلام مايعجبج او المحاضره قالت لج كلام خلاص المحاضره خليج ساكته وبعد الحصه روحي لها وطلبي ايضاح او اسباب ومهما كانت هيه غلطانه قولي لها سامحيني ترا الانسان اخرتها ينلف في قطعه بيضا وان شاء الله مايكون في خاطرج الا كل شي طيب


اتبعي هالاشيا اذا مش الحين لبعدين

بس هذا نتيجه تجربه وخبره اربعه سنوات


مع التحية

الله يكون في عونج واتبعي كلام الاخت مياسة
انا بعد صار لي جية مع دكتور باكستاني والله بغيت اذبحة بس صار الي صار وفي النهاية رضيت بالواقع وغيرت تخصصي بسبة هالدكتور الي كان يعطيني رياضيات انا ناخذة 55من 100 تخيلوا والله اني في الثانوية ماخذة 190 من 200 وانا فلتة في الرياضيات بس انصدمت وكرهت حالي ورحت تخصص ادبي

ااااااااااااااااااااااااااااااااااااااااااااااااااااااااااااااااااااااه نفس المشكله
احنا عندنا بالحساء معلمات ظالمات خصوصا في قسمنا قسم اللغه الانجليزيه
عندنا مدرسة هنديه راحت وراحت ايماها القشرة معها ما طلعت الا محمله اغلب البنات موادها
وعندنا مدرسه ثانيه ياربي تضغطنا في المنهج ونفس الشي محمله كل البنات تقريبا مادتها
والحين تدرسنا بعد الله يعين
المشكله مو فينا نحنا المشكله فيهم هم ليه كل هذا الظلم:think::think:

يارب انصرنا عليهم:cry::cry:

فديت روحج حبوبه انشالله الله بايخذ الحق منها .......... بس اتحملي غناتي ترمسين وياريبعاتج او حد يسمعج وويصلون الرمسه وتستوي سالفه .. انا جذه قمت اظهر من المحاظره وانا ساكته حتى لو كنت منقهره من الدكتوره او الدكتور .... اسوي طاااف
وماادري شو سالفتهن هالحريم احس الدكتور ه تطلع العن من الدكتور والدكتور طيوب ^_^
بس مب كلهم والله ياخذ حقج غناتي وشدي حيلج وماعليج سوي طااف

من كل قلبي أقوووووووول

حسبي الله علي كل ظالم

أغلب الدكاتره والدكتورات كذا الا من رحم ربي


اتخيلي انا ماحسبتلي درجاتي بالامتحان النهائي

بس حسبت الدوريه وبس

وكأني بالنهائي ماخذه صفر

وحملتني الماده حسبي الله عليها

وكثير من البنات كذا

وربي ماأسامحها

والله يعيننا بس

ولا تشيلين هم حبيبتي انصاف

الي يضيع بالدنيا مايضيع بالاخره

الله يكون في عونج بس شنو اتسوين هالحرمين دايم كذا
وما في يدك اي شي عشان اتسوينه بس اتحملين وربك انشاء الله فوق ما ينسى عباده سبحانه وانشاء الله بينوخذ حقك اذا كنت مظلومه
وانا بصفتي طالبه جامعيه في البحرين انا اقولك بعد اذا الدكتور كان رجال يكون محترم وخلوق لأبعد الحدود وكل واحد في السكشن ياخذ حقه في الدرجات ولكن اذا كانت حرمه وااااااااااااااااااااااااااااااااااااااي :mad2: خاطري اقوم واذبحها ما اتعامل معانه بشكل طيب بس ما نقدر انقول شي بس نصبر وندعي الله انه يوفقنه والحين انا مستحيل ادخل في ماده تكون حرمه الي تدرس
الله يوفقك

الحال من بعضه .... أنا بكلية الآداب من الدمام اتخرجت السنة اللي راحت بس بطلوع الروح .... ظلم ما بعده ظلم .... أنا اللي أخذت 99 بالمية ... ينحط لي مقبول في شهادة الجامعة .... والله إنه اللي تجاوب واللي ما تجاوب واحد ... تصدقي إنه بعض البنات ما يعرفون الجواب يقومون يكررون الكلام على 10 صفحات وينجحون ... وبنات يذبحون حالهم ويطلعون فرحانيين بعد الامتحان .... بس .... يجي الرسوب ....

أنا متيقنة إنه مافي تصحيح أبد بالكلية ... وعندنا دكتورة قالت لنا إنه الكنترول فيه العجايب .... حتى تصحيح زي الناس مافي ... بس ما أقول إلأ حسبي الله ونعم الوكيل ... احتسبي عند رب العالمين وأكيد رح يكون عقاب الظالمين عسير يوم القيامة

تحياتي

الله لايربحهم ولايكسبهم ولايوفقهم ولايبارك فيهم وفي الرواتب اللي يستلموها كل شهر الله ينتقم منهم وحسبي الله ونعم الوكيل عليهم وعلى كل ظالم مايخاف الله في حق غيره . هذا اللي نقدر نقوله اصلا كل الاستاذات فيهم غيره من الطالبات الممتازات لانهم مايبغوا احد ياخذ مكانتهم اوحتى يوصل لمستواهم. وحتى لونجحوهم ينجحوهم ياقل النسب . ياخسارة المذاكرة والتعب والسهر . يارب تسلط عليهم اعدائهم وتقلل من مكانتهم في الدنيا . والله اني عمري مادعيت على احد زي هذا الدعاء لاني ماحب ادعي على احد لكن غصب عني من قهري منهم وظلمهم .ياريت يخلوا عليهم رقيب يحاسبهم بس للاسف هذا اللي يخليهم يتمادوا في ظلمهم وجبروتهم.

والله نفس الحاله انا رسبني دكتور سوري حاقد علي من دخلت الجامعة والقهر انا ما نروم نسويلهم شي وانا افكر اظهر من الجامعه بسبته حسبي الله عليهم وين بيروحون من الله

:confused: والله نفس الحاله انا رسبني دكتور سوري حاقد علي من دخلت الجامعة والقهر انا ما نروم نسويلهم شي وانا افكر اظهر من الجامعه بسبته حسبي الله عليهم وين بيروحون من الله:confused:

يا قلبي

عانيت مثلج لين قلت بس

لكن بحاول لييييييييين اتخرج والحمد لله هااااااااانت ما بغى غير جم مادة اخلصهم