أصعب لحظه في الولاده

اصعب مر حلة هي وقت ما ينفتح عنق الرحم لأن يبيلها صبر وقوة تحمل بس لا تخا فين منها ترى المسكنات موجودة بكثرة وعلى أفى من يشيل والصراحة هذا الألم حلو واني اشتقت له مع ان بنتي ما كملت نص سنة(r)

اختى لا تخافين
ترى الكلام مو مثل التجربه

والالم بتفاوت من وحده لاخرى

وبعض الحريم يبالغون بالوصف والبعض فعلا تكون ولادتهم اصعب

بس مهى قاعده وان شاء الله تكون ولادتج سهله

والفحص قبل الولاده فى الم بس مو داك الزود لانج بتكونين على وشك ولاده والالم بعدين ماراح تحسين فيه المهم انج تتوكلين على الله وبتشوفين ان الكلام غير

كل مرحلة من مراحل الولادة تكون صعبة ... بس تكون سهلة لما تشوفين نظر عيونك وحشاشة جوفك ...

بنسبة لي كان الطلق وساعاته السبع أصعب مرحلة ... رغم أن الكل الي حوالي قالوا أنه مذة قصيرة بنسبة إلى الولادة الأولى ... وخروج المشيمة كان أصعب من خروج الطفل ... لأن في وقت خروج المشيمة كانت الممرضة تضغط على بطني وااااايد ....

الله يسهل علينا ويتمم لنا على خيــــــــر ....

يارب تسهل علينا الولاده
مشكورين يالغاليات على ردودكم

انا ما جربت الولادة بعدني

خايفة منها بس مب وايد ... ما اعرف ليش .. من الحين مشتاقة اشةف بنتي او ولدي في ايدي

بس انتي وين بتولدين اختى غادة اليم

سبق و قلتي انك في امريكا

اعرف بنات من ربعي و اهلي وايد سافرو امريكا للولادة و الكل ولد بطريقة اخذ ابرة الظهر و هناك ياخذونا مثل ما يشربون الماي

الموضوع عادي و بسيط و ما يسبب القلق ابدا

انا صراحة افكر فيها واااايد

يييي الله يستر :( :eek2:

و الله اني احسب حساب هاليوم و خايفة أموت قبل لأشوف البيبي حتى :qaq:

غادة اليم

انسي الخوف والالم <<<<< انا من حملت فكرت بلحظه الوالده وخايفه بس بصراحه كثرة التفكير هيه اللي تخليج تخافين الاهم من هذا كله

سألت صديقتي عن لحظه الولادة قالت ماذكر وبصراحه من اشوفين البيبي تنسين كل شي ..:)

المرحلة الي كانت لي صعبه بس مب نفس الي وصفولي ,, الي وصفوللي كان مبالغ ... قبل الولاده يعني وقت الطلق ... هذا مب معناته ان غير محتمل .. الالم يروح ويرد ..

ووقت الدفع وخروج الراس ما اظن كان صعب .. بس يباله صبر ...

توكلي على الاكل وما عليج من وصفي ولا وصف اي احد لانه يفرق بشكل كبير من وحده للثانيه ...

والي يقووولون ان ولادت البنت اسهل عن الولد .. احس ان الكلام هذا ماله اي صحه ..

انا يوم ولدت في ولدي محمد الحمدلله ما عانيت وايد وكانت الولاده والحمدلله والشكر سريعه وبسيطه ...

اما ولادت بنت خالتي في بنتها كانت معاناه وطولت يومين تقريبا ...

الله يعينج وبعد فس شي لا تنسينه انج تاجرين على التعب وتمحى ذنوبج

الفحص ؟؟؟ الفحص يعتمد على الدكتوره أو النيرس الي لراح تفحص لج يعني بهذي انتي وحظج .. انا يمكن فحصوني أكثر من 10 مرات مره وحده بس الي عورتني والباقي ولا حسيت فيها ..

الطلق ؟؟ هو الوحيد الي المؤلم بالولاده كلها.. ويعتمد من وحده الى وحده وقوة تحملها .. الطلق يا اختي اهو الي يخلي عنق الرحم يتوسع ويوصل الى 10 سم .. فكل ما توسع الرحم كل مل حسيت الحرمه بالالم ولكن مثل ما ذكروا الخوات فيه مسكنات..

خروج الرأس ؟؟؟ ما رااح اتحسين فيه أبدا لأنه المنطقه راح تكون متخدره ( صدقيني أبدا ما راح اتحسين بشي )

خروج المشيمه ؟؟ حتى المشيمه ما شي ألم طلعوها عني وانا ما ادري

الشق والخياطه ؟؟ الشق أبد ما حسيت فيه بس الخياطه عورتني ( شويه مب واايد ) هذيك الساعه انتي عاد اتفكرين بولد أو بنتج

الله يقومج بالسلامه...

غريبة تكونين خايفة وانتي ما جربتي شي
انا لما كنت حامل ما خفت من الولادة بالعكس كنت مستعجلة على الولادة بسرعة .. بس احس الحمل الثاني بيكون غير لاني جربت الولادة والم الولادة واتوقع من اول لحظة اعرف فيها اني حامل بخاف من الولادة ههههههههههههههه

بالنسبة لي لما الدكتورة دخلت يدها لفحص ما قبل اولادة صرخت صرررررخة لانه اول الم كنت احس فيه في هالمنطقة .. بس عقب ما تشيل يدها يروح الالم ..
اما الطلق فهو مثل ما قالوا البنات اصعب شي في الولادة وانا كانوا مسويين لي طلق صناعي ويقولون ان الالم فيه اكبر من الم الطلق الطبيعي .. بس انا بعدين عطوني ابرة تخدير قريب الولادة فما حسيت ابدا بخروج الجنين سواء كان الرأس او الجسم ..
والمشيمة فعلا خروجها صعب .. لان انا قامت النيرس تضرب على بطني وتضغط عليه وهالشي ألمني وااايد بس خروجها ما فيه الم ..
اما الخياطة فأنا ما كنت مخدرة كفاية وقتها فحسيت بكل الغرزات وقعدت اصارخ على اللي كانت تخيطني وقامت بعد ترش علي مخدر بس بعد كنت احس بالم الخياطة ..

عموما بعد ما تولدين بالسلامة وتشوفين البيبي بتنسين كل شي .. هو افضل شي يلزمج بعد الولادة النوم والراحة وبعدين بتحسين روحج احسن خصوصا والبيبي صوبج ..

الله يسهل عليج وعلى كل الحوامل ويقومكم بالسلامة ويرزق الجميع بالذرية الصالحة ان شا الله

صراحة الولادة حلوة والمشكلة أنه في وقتها تحسين إنج ما تبين شئ إلا اللي في بطنج وبس أصعب شئ والشئ اللي يعور هو آلام الطلق ولما تدخل الدكتورة ايدها للفحص وقت الولادة ما راح تحسين بشئ بالمرة أنا عن نفسي كنت أشوف الدكتورة وهي تشق لي المنطقة يعني الجراحة بس والله ما حسيت بألمها لأن ألم الطلق كان أقوى ولما يطلع الراس بعد عادي ما بتحسين بالمرة ولا في طلوع المشيمة والحمدلله ولا عند الخياطة تعرفين ليش من كثر الابر اللي يعطونها لج وقت الطلق يمكن ثلاث إبر مهدئة الخياطة بتحسين فيها في أول مرة تقومين فيها من السرير بس صدقيني الولادة حلوة وبتشتاقين لها شوفي أمهاتنا ماشاءالله عليهم قبل يحملون وربون وما يحاتون شئ لا وبعد ما عندهم شغالات مثلنا نحن والله دلوعات ونحاتي وايد .....
الله وياج.........

وااااااااااااااااااااااااااااااااااااااااااااااااااااااااو
الله يعين كل ام
ويسهل عليها ولادتها
انا عن نفسي لسا ماحملت الله يرزقني
بس عن نفسي وعن الكلام اللي اسمعه
ممكن اتحمل اي شي
الا
الشق والخياااااااااااااااااااااااااااااااااطه
احس من اسمع بهم بطني يعورني
واموت خوف
فكيف اعيش الوضع
الله يعين كل حامل ويقومها بالسلامه يارب

أولا يعطيكم ألف عافيه على الردود بصراحه في بعض الردود شالت الخوف عني
ثانيا بصراحه صج احنا لقافه نسمع والمشكله مانسكت كل وحده نشوفها جدامنا
نسألها ها شلون الولاده يعني نبي نخوف نفسنا غصب:mad2:

اختي lolyta
انا صح راح اولد بأمريكا وهذا اللي مخوفني يختج المصيبه بعيده عن الماما

اختي ماما حسون
تقولين غريبه أكون خايفه أكيد بنخاف كثر مانسمع لا وبعد رحت شفت موقع وحده تولد
مت خوف بزياده :sad:

انزين بسأل سؤال ولو أن شوي محرج:o عن الفحص يعني اللي سمعته ان بالايد شنو مافي شي غير الايد يعني جهاز أو أي شي ثاني يعني فشله الايد:o

الله يرج بليسكم :sad:

والله روعتووووووني .. امس عن شق العجان واليوم عن اصعب شئ بالولادة....:cry:

بالنسبة لولادتي الاولى اصعب شئ فيه الطلق لأني قعدت الاربعاء من الفجر الى الخميس بالمغرب

وانا اطلق وتالي ولدت والنيرسات يالله ماما نفس نفس يالله ماما في راس بيبي يالله شاطر شاطر

هذا اللي اذكره والحين صار لي اربع سنوات من ولدت وكل ماافكر اني بولد مرة ثانية احس ان اطرافي تنشل

واحس ان مافيني شدة ولادة ووجع طلق والمشكلة ان طلقي كان يجيني من ظهري ويقولون

ان طلق الظهر اوجع من طلق البطن والله المعين :mad2:

[frame="2 80"]اي ي ي ي ي ي ي ي خوفتوني وذكرتوني .. انا ولدت بطلق صناعي وكنت بمعنا الكلمه احس اني بمووووووووت الطلق بدا عندي من ست المغرب وولدت ثاني يوم الظهر تخيلواااااااااااااااااا كل هذا عذاب ...وكل شوي اقول انا بومووووت لحقوا علي واصرخ بس الحمد لله الله يسر الامر وولدت مع اني كنت اصرخ على النيرسات ابا ابره الظهر بس امي الله يسامحها خوفت زوجي من الابره فما رضا يوقع عليها وانا حااااااااااااااااقده عليهم :mad2::mad2::mad2: محد حاس فيني ... المهم اول ما كشفت علي الدكتوره كان يعور لدرجه تكرمون كنت احس بحرقه طول الوقت ... واكثر شي المني لحظه قالوا خمس دقايق وبنولدها كنت خلاص اتشاهد واولول .. :cry::cry::cry: بس الحمد لله الخياطه ما حسيت بالم مع اني كنت احس بالابرهوالخيط بس الالم الشديد لا ... والمشيمه ماعورتني لما طلعت اللي عورني النيرس اللي ترفست في بطني عشان تطلعها :down: ... ياالله الحين باقي لي كم شهر وبرجع لنفس التجربه ... الله يهونها علي وعلى كل حامل يا رب [/frame]

إختي... غادة اليم....

لا يكلف الله نفس إلا وسعها

أنا ما أنكر آلام الولاده.. لكن صبري.. لأن الله مع الصابرين..
وعني أنا كنت من أدخل الشهر التاسع أقرأ كتاب ((( الإفادة فيما جاء في ذكر الولادة)))...

خووووووووووووووووووووووفتوني:cry:
انا حامل بالشهر الثالث
مرررررررررررررررررررره خفت
بنات؟؟
ليش الدكتوره تدخل يدها؟؟ إحنا ناقصين ألم؟؟

ييييييييييييييييييييمه خوفتوني


انا حسبالي اتدخل اصابعها ، نفس مايقيسون عنق الرحم ؟؟؟

يابنات قولوا ادخل يدها ولا اصابعها ؟؟؟

لا حبيبتي ادخل اصابعها ... صبعين بس ...

وانا يوم سوولي ما حسيت بذاك الالم ... يعني الم محتمل ...