من فتره وانا حابه اعرض لكم صور مكياجي
بس كنت متعايزه واليوم الفجر وانا ملانه قررت اصور المكياج واعرضه لكم
شوفوا الصور واتمنى تعجبكم
نبتدي
بسم الله الرحمن الرحيم
هذا اساس استي لودر (الدبل وير )
طبعا غني عن التعريف يعطيج تغطيه كامله وينفع للمناسبات وثابت عالويه وما يخترب

اساس ماكس فاكتور
مميزاته انه خفيف وينفع للطلعات العاديه وللنهار

اساسات مختلفه
هنيه صورت لكم اساسات مختلفه من بينهم اساسvov هذا الاساس ممتاز جدا للي فيها عيوب في بشرتها وغير متوفر عندنا فالامارات خالتي يابته لي من تايلاند والاساس الاول من جهة اليسار اللي هو يسوون دعايته فالتلفزيون اونه يغطي العيوب مهما كانت ..لو فيج حبه صغيره مابيغطيها كله خرط في خرط

كيك فاونديشن
طبعا ما استخدم هالنوع بس لأن عندي قلت اراويكم

بودرة سايبه
هاي من ماركة be ney حلوة وانا استخدمها فالخطوة الاخيره للثبيت

بودرات مضغوطه
من كريولان و ماك كانيبو كلهم حلوين وماعليهم كلام

الشادو بيس
من ماركة ماك وارتيكو (ملاحظه ماك احلى من ارتيكو بمليون مره انصحكم بماك)
احطه قبل الشادو ويطلع اللون نفس اللي فالعلبه بالضبط وبعد يثبت الشدو

شدو عادي
هذا الشدو ماخذتنه من السوق الجديم عدنا فالشارجه رخيص بس انا عن نفسي ماعيبني والعلبه السودة سالفتها سالفه (ماخذتنها من وحده صينيه كانت ادور عالبيوت وتبيع مكياج وخذته منها بس بصراحه حلو وينفع )ولالحلى لما حد يشوفها يتحراها شانيل ههههههههههه

شدو عادي 2
(هذا نفس الشي رخيص بس وايد حلو خاصه لما احط قبله الشدو بيس رووووووعه)

كريولان
غني عن التعريف طبعا (الالوان انا روحي مختارتها )

فور ايفر
غني عن التعريف

ماك
3 شادوهات من ماك وبينهم واحد لونه رووووووووووووعه دخاني مع لمعه من ماكس فاكتور

نوبا
هذي شدوهات بودرة من نوبا حلوة وتنفع بس ما استخدمها للمناسبات طبعا وبينهم كيك آيلاينر من بن ناي

نوبا 2
كل علبه فيها لونين وايد حلوين بصراحه والاخضر شدو كريمي

نوبا 4
خذتهم وندمت احس اللون مايطلع عدل الا لما اكسر الشدو شوي بعدين يطلع اللون اوكي _ومعاهم شدو بودره بلمعه من برجوا وايد حلو واستخدمه لتحت الحاجب

اقلام العيون
من مختلف الماركات (مكياجي_ارتيكو_بن ناي )

الماسكرا
لوريال _ ايف سان لوران مالي غنى عنهم بصراحه ولا اروع

الماسكرا ست
هذي لرسم الحواجب فيها لونين خذتها من كريولان _وراها علبه شدو كحليه من ماركة نوبا انظلمت وما اتصورت مع الشدوهات فضفتها فهاي الصورة _والقلم نفس الشدو الكريمي ويجف من ماركه ريفلون حلو لعظمة الحاجب

القليتر
من ماك _ميك اب فور ايفر رووووووووووووووووووووووووووووووعه

التحديدات
من ماركات عاديه وبينهم 3 من ماركة ارتيكو 1 من بن ناي

الارواج
من ماكس فاكتور _ميك اب فور ايفر _جفينشي _برجوا _نوبا

الارواج2
من ماكس فاكتور _ريفلون _ جست قولد ((just goldهاي ماركة عاديه بس روووووووعه

روج بن ناي
الوان قويه تعيبني وحلوة للتغيير

روج احمر( هذا الروج امووووت فيه واليوم وانا اصوره عرفت ماركته ((just gold دايما افكر لو خلص وين بحصل منه جد لونه احمر روعه ينفع للبشرات المايله للبيج

القلوسات
من مختلف الماركات اكثرها من محل لايف ستايل _نوبا _برجوا _رد ايرث

قلوسات نوبا
وايد حلوين ويعطون طبقه للشفايف

قلوس مكياجي

الفرش
مجموعه كامله من مكياجي

البلاشر
من ماركة ارتيكو (حلوين بس يتكسرووون بسرعه ) _نوبا

المثبت من كريولان

اتمنى يعجبكم مكياجي :shy:
واللي تبي تسأل عن اي شي انا حاضره وفي الخدمه:smile: