خطيبي يبي كلام حلو دلع وانا مو عارفه شلون

اختي الله يوفقك صراحه ماعندي اي خلفيه عن هالسوالف


اختك المحبه:)

شوفي أختي أنا يمكن أكون مثلك ما أعرف أقول كلام حلو واتدلع على خطيبي بس أعرف انه محتاج مثل هالكلام خاصة انه وااااااجد مشغول، أحياناً مكالماتنا تكون مختصرة وقصيرة بس لما اقعد اقوله كلام حلو مثل تصدق اني اشتاق لك حتى وانت معاي! احسه يستاانس ويطول وياي في التلفون ويقول الله من زمان ما سمعت مثل هالكلام الحلو واحس نفسيته ترتاح، وأنا اتمنى لو اقدر اقوله كلام اكثر واكثر بس احياناً ما اعرف اعبر عن مشاعري.

شوفي اختي انا بقولش شي يمكن يساعدش لما خطيبش يسألش مثلاً يا فلانة تحبيني؟ مو تقولين له احبك وبس لا قولي له الا اموووت فيك واذوووب فيك وما اتصور حياتي من غيرك، ودائماً حاولي تنعمين صوتش وتردين باسلوب فيه دلع و إغراء مو تكلمينه وكأنش قاعدة تكلمين وحدة من صديقاتش.

ترى الرجال تاخذهم مشاغل الدنيا ويحتاجون الكلام الحلو اللي يخفف عنهم،، اتمنى اكون افدتش ولو بشي بسيط و الله يوفقش في حياتش.

ما قصرتو وجزاكم ربي خير
يا ريت حد يقول بعد كيف اودعه اقصد يعطيني حركة غير حركة الهديه
اذا في كلام حلو غيربعد لا تبخلون فيه علي

هلا أختي الغالية

بصراحة هاي بسيطة يا الحلوة

يوم بيتصل بيقول السلام عليكم ردي عليه وعليكم السلام يا حبيبي الغالي اشحالج عساك بخير هلا والله هلا بالطش والرش وماي الورد ودهن العود والعنبر والياسمين هلا بشيخ الشباب هلا هلا بالي اذا سمعت صوته قلبي زادت نبضاته والشوق لشوفته زاد

ويوم بيسافر ردي عليه خل بالك على عمرك والله يحفظك وتسير وترد لي ولاهلك بالسلامة فديتك والله بتوله عليك وعلى شوفتك وايد

ويوم بيرد اتصلي وسلمي عليه هلا فديت روحك حمدالله السلامة توه البلد نورت نورت بوجودك حبيب قلبي

ويوم تبغين شيء منه قوليله عيوني ممكن طلب يقولج آمري ردي عليه مايآمر عليك عدو

واذا هو طلب منج شيء قوليله فالك طيب يا الغالي اطلب هو بيقولج فالج مايخيب

اذا زارج جهزيله وردة

واذا في مناسبة عطيه هدية لوتكون بسيطة ترى الريال يستانس

واذا طلعتي وياه وانتي في السيارة حطي ايدج بيده وقوليله فديت ايودك دافيات يوم وياك احس بامان

والله هذا الي عندي بحكم اني متزوجة

اذا في شيء زيادة برد بحطه

وبالتوفيق انشاء الله حبيبتي

[move=up]هلا حبيبتي [/move]ترى الكلام الحلو مهم في فترة الخطوبة ولازم تعودين لسانك على هالكلام لان الرجال يحب زوجتة تدلعة وتقول لة كلام حلو مثلا لما يكلمك بالتلفون:تقولين لةهلا بحبيبي ...........وحياتي,,,,,,,, تدري انك واحشني كثييييييييييير (حتى ولو كنتي معاه طول اليوم)"""""""""""""""""""""""وهو قاعد يسولف قاطعية وقولي لة حبيبي تدري اني احبك واموت فيك ويعني من هالكلمات هلحلوة واللي لها تاثير على القلب وارجو اني ساعدتك وترى انا خبرتي صغيرة في هالامور .................................... واللة يوفقك

[grade="FF0000 4B0082 F4A460 008000 FF1493"]مرحبا

لازم تتعودي على الكلام الطيب ترى هذه سلاح المراه ومنه تقدريي تخلي الريال مايتركج للأبد

واذا اول مايتصل سوي حالج متملله وحزينه كل هذه لانه ماسمعتي صوته وقوللي له اول مايتصل واخيرا حبيبي عمري حياتي بعد قلبي اتصلت اشتقت لك وايد ومن هالكلام <<وترى البنت على الفطره مخلوقه جذي الكلام يجي بروحه اذا تتكلمين مع خطيبج او زوجج..

واذا فيه مناسبه حاولي تكوني اول وحده تباركي ليه وقدمي ليه هديه مكتوبه عليها اسمه واسمج ويمها مكتوب شعر او حتى من هالمسجات الحلوه ترى الريايل يحبو هالحركات

يوم بيسافر حسسيه انه انتي شلون بتقظين هالدقايق بدونه ترى انفاسج ويا انفاسه راح تكون

والله يوفقج ياربييييييييييي ونسمع اخبار حلوه منج
واذا تبي اي شي ترى احنا حاضرين لج[/grade]

انا اتوقع ان خطيبك يبي يتكلم بالامور الحميمه وما يعرف كيف يدخل بالسالفه
على العموم اذا قال تدلعي قولي له لما اخذ عليك راح يجي الدلع الحاله

اختي في الوداع كتبيله كارت او رسالة وقوليله كلام حلو كلام عاشقة
يعني بتوله عليك ,البلد مب حلوة من دونك
كيف بتمر الايام وانت بعيد عني ؟بشتاق لكل في كل ثانية وكل لحظة؟

السلام عليكم ورحمة الله وبركاته .....

أنا أوافق كلام خواتي إن الرجل محتاج إلى كلام حلو لأن يتعب برى البيت ويتعرض لضغوط محتاج إن ينسى هالضغوط في ساعة صفى مع زوجته ،،، :shy:أنا يا أختي مب متزوجة ولكن مثلا اجوف والدتي الله يخليها لما يرجع الوالد من الشغل على طول تكون مجهزة له الاكل ومرتبة البيت وتستقبلة بكلام حلو ،،، وطبعا الكلام الحلو يطلع من القلب يعني انتي اسألي روحج ( أنا احبه؟ أحبة شكثر؟ اقدر استغني عنه؟) طبعا جواب هالأسئله بيطلع من القلب يعني بتجاوبين روحج ( أنا مو بس أحبه أنا أموت فيه، أحبه اكثر من أي شي في الدنيا وما أقدر اتخيل حياتي من دونه ومثلا قولي له انك مليت علي حياتي وإني ما أصبر بدونك ودايما بيني له انج حريصة على سلامته يعني قولي له اتحمل بروحك لأن اهم شي عندي في الدنيا سلامتك وصحتك وجذي) وبعدين علشان تدلعين في التلفون يتهيأ لي بس لازم تتكلمين بنبرة مختلفة عن النبرة العادية يعني أهدأ شوي(a)

وبعدين طالعي مسلسلات وبتعرفين الحين التلفزوين ما يقصر :bigsmile:

وفي النهاية أتمنى لج كل التوفيق والسعادة اختي وكل الحب في حياتج

حبيباتي ما قصرتو ومشكورين
وسامحةني اذا ما رديت بسرعه ، لكن لظروف امر بها
ربي يعطيكم اللي بالكم
والله يساعدني
واي افكار ثانيه وكلام مزيون انا بانتظاركم

السلام عليكم ورحمة الله وبركاته

انصحك أختي لاتقولين كلام حب ولا غيره قولي له اشياء بسيطه من تجربتي انا

دلعته ومابقى شي وقلت لها وشوفي الحين رماني وراح تزوج قريبته الله يكون بالعون بس

بس براحتك انتي وحريتك

|--*¨®¨*--|افكار رائعه بارك الله فيكم|--*¨®¨*--|

عزيزتي

انا أتوقع انك تعانين من مشكلة الخجل الزايد

عطي نفسك جرأة زيادة بتشوفين الكلام بيطلع من نفسه

وما أعتقد في وحدة ما تعرف شنو الكلام الي مفروض تقوله

اهو نفسه كلام الأفلام الرومنسية

بس يبغي لك انك تطلقين لسانك

وتدلعين عليه ...اهو مهما يكون خطيبك:cool:

(r)

مع محبتي

hawralain

افكار حلووووووووووووووووووووووووووووه

بصراحه راح اقول لك بعض الكلمات اللي كان يقولها لي زوجي فتره الخطوبهلاني كنت جدا استحي وبس اهز راسي لكن شوفيني الان بعد الزواج بلبل ...............................................مثلا اذا رحتي المطعم وبدا زوجك يشرب الماء على طول قوليله بحنان ونعومه يابخت الكاسه واذا بيشرب العصير قولي يابخت المزاز مع اشوي دلع بيطلع الكلام ولا احلى من كذا وطبعا مع اشوي كلام معسول مثل ياحبيبي ياعمري يا...........يا....ياروح روحي انت الهواء الذي اتنفسه والنور اللي اشوف ابه الدنيا ووو عذرا زوجي ناداني بعدين راجعت تلك باي

ماشالله على الافكار الحلوووووووووه الله يعينك حبيبتي والله الرجال ينضحك عليهم بكم كلمة دلع انا كنت يوم اكلم خطيبي انعم صوتي واحاول اقله كلام حلو يعننه طلع عفوي او من غير قصد بس لمن قرب الزواج صرت ادلعه كثير واذا كان مسافر بر اقعد اكلمه الين يوصل عشان اسليه واطمن عليه ونصيحه لك ياقلبي دلعيه بس بالتدريج يعني اذا قرب زواجكم لان زوجي الحين يحكيني عن ايام الملكه يقول كنت احس اني فوق السحاب لما تكلميني وانسى الوقت معاك وترى يصير يتعلق فيك زياده والله يوفقك ويسعدك

ماشالله البنات افادوج

والله ويوفقج يااغلاااااااااااي

مشكلتج اختي وايد بنات يعانون منها وهي سببها اكيد الخجل

حصلت رسالة رسلتها لي صديقتي مكتوب عليها كيف تصيرين دلوعة في 7 ايام

بنسخها لج وان شاء الله تفيدج


عرررررض خاااص لكم لحقواااااا

عليك بإتباع الخطوات التالية بحذافيرها...

يالله قولوا بسم الله....

1.لا تلمين شعرك ابدااااا بل دعيه يسترسل(( ابوك ياللغة ..والفحي به يمنة ويسره بدلال ))||

2.اذا كنتي وسط مجموعة بنات او في عزيمة تكلمي بصوت منخفض جداً يعني أخفضيه لاقصي حد وتكلمي ببطأ شديد ورقة وبنعومة ومططي الكلام قد ماتقدرين .. (( مو تجلسين تصارخين وانتي تسولفين ))

3.اجلسي على طرف الكرسي وحطي رجل على رجل... ((يااااهوووة على الدلع ))

4.اذا احد قال كلمة شعبية عندك حتى لو تعرفينها ابتسمي وقولي ايش؟ مافهمت

((علشاان تسوين نفسك كشخة ومااايحتاااج))

5.اذا احد قال شي يضحك اضحكي بنعومه هكذا ههههههه مو وانتي تضحكين كذا خخخخخخخ ((لأن مو جالسين بقهوة ... ))


6.سبلي عيونك وحركي رموشك كثير وحاولي كثير تطالعين السقف..(( ياعيني على الحركاااات ))

7.لا تفتحين فمك كأنك عند طبيب اسنان وانتي تاكلين وخاصة العلك والاحسن انك ماتاكلين علك.. ((ههههه اما هذي مستحيل بنت ماتعلق علك ))


8.اذا شفتي حشره او اي شي يطير صارخي ..(( اصررررخي واركضي ولا يردك غير سطح اصحاب البيت))

9.في المدرسة لا تجلسين تراكضين بين الاسياب وتلاحقين البنات تسحبين شعر هذي وتدغدغين هذي امشي بهدوء وعند المقصف لا تزاحمين اذا زحمة اوقفي بعيد لحد ماتخف الزحمة بعدها اشتري واكيد مارح تلاقين سندويتشات بتخلص

10. من ناحية اللبس البسي كلشي عليه صور دببه وقطط وارانب واشكال والوان... واهم شي روحي محل اكسسوارت واشتري كل الكلبسات والشباصات الصغيرة وصفيها على شعرك يومياً.....(( حشاا مو شعر كراسة رسم صاار))

11. لازم على طول تشترين دباديب وقلوب وصور اطفال وحركتااات وكثري من الاشياء الغربية...

12.طبعاً لازم تقولين انك ماتطبخين ولا ترتبين حتى غرفة نومك (( ايه مسوية بنووتة ودلووعة وماتسووي حاجة ابد كل اللي تسويينه ميري تعالي وميري شووفي ))

13. طبعا اذا طلعتي تتمشين او تتسوقين في احد المجمعات امشي اقل من مهلك (( هذي الموضة هالايام)) >> يعني الاخت هادية ورزينة ..


===================

هههههههههه اتمنى يكون في شئ من هالكلام فادج